ئەڤرۆ نیوز:
جانان کافتانجی ئوگلۆ پەرلەمانتارا ئستەنبولێ یا پارتیا کۆماریا گەل (جەهەپێ) راگەهاند کو پرسا کوردی پرسا هەموو تورکیا یە و پرسا سەرەکی یا تورکیا یە کو هەتا نها نەهاتیە چارەسەرکرن، هەتا پرسا کوردی ل تورکیا نەهێتە چارەسەرکرن پرسا دیموکراسیێ و پێکڤەژیانێ ژی ناهێتە چارەسەرەکرن.
ناڤهاتیێ رەخنە ل هەلویستێ حوکمەتا تورکیا ژی گرت و راگەهاند کو حوکمەتێ بۆ چارەسەرکرنا پرسا کوردی چو نەکریە و پرسا کوردی ل تورکیا ئالوزتر لێ هاتیە.
ئەڤرۆ نیوز:
جۆتیار عادل پەیڤدارێ حوکمەتا هەرێما کوردستانێ راگەهاند کو دانوستاندنێن هەولێر و بەغدایێ ب رەنگەکێ باش برێڤە دچن و هەتا نها تێگەهشتنەکا باش د ناڤبەرا هەولێری و بەغدایێ دا هەیە.
ناڤهاتی راگەهاند کو سپێدێ شاندێ هەرێما کوردستانێ دێ جارەکا دی سەرەدانا بەغدا کەت و گۆت: (دانوستاندنێن نها ل گەل بەغدایێ ب سەرپەرشتیا راستەوخوە یا مەسرور بارزانی سەرۆکێ حوکمەتا هەرێما کوردستانێ برێڤە دچن).
ئەڤرۆ نیوز، مەحمود نهێلی:
دەست ب دابەشکرنا گازا سپی ل سنورێ ناحیا دێرەلۆک هاتە کرن و ل دەسپێکێ ژی دێ ل گوندان بیت.
سامی ئوشانە رێڤەبەرێ ناحیا دێرەلۆک بو ئەڤرۆ نیوز دیارکر، کو نوکە دەست ب دابەشکرنا گازا سپی هاتیە کرن ل سنورێ ناحیا دێرەلۆک و گۆت: ( ژ بەر کو هژمارەکا کێم یا تانکان رۆژانە دگەهنە دەڤەرێ دێ دەسپێکێ ب سەر ئاکنجیێن گوندان دا هێتە دابەشکرن).
و دیار ژی کر کو ل سنورێ ناحیا دێرەلۆک دورێن ٤ هزارا و ۳٦۰ بیتاقێن گازێ هاتینە دابەشکرن و ژ وانا ۲٥٪ ئاکنجیێن گوندانە و ئاشکرا کر، هەکە رێژا وێ گازا دگەهیتە دەڤەرێ بێتە زێدەکرن دێ چەند رۆژێن بهێت دا دابەشکرنا گازێ ب داوی هێت.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا نه‌هێلانا ماددێن هۆشبه‌ر ل سۆران ده‌سته‌سه‌ركرنا كه‌سه‌كى راگه‌هاند كو دو كيلويێن ماددێن هۆشبه‌ر ل گه‌ل بوون.
ژێده‌ره‌كى ژ رێڤه‌به‌ريا نه‌هێلانا ماددێن هۆشبه‌ر ل سۆران راگه‌هاند كو رۆژا شه‌مبى رێكه‌فتى 23ى چريا دويێ 2019 ژ لايێ ئه‌فسه‌ر و كارمه‌ندێن بنگه‌هێ نه‌هێلانا ماددێن هۆشبه‌ر يێ سوران سه‌ر ب رێڤه‌به‌ريا گشتى يا نه‌هێلانا ماددێن هۆشبه‌ر ل سۆران شيان ده‌ست ب سه‌ر دو كيلۆيێن ماددێن هوشبه‌ر ژ جورێ تلياك دا بگرن ل گه‌ل ده‌سته‌سه‌ركرنا تۆمه‌تباره‌كى.
ئەڤرۆ نیوز، عەلی حاجی:
قایممقامێ زاخۆ د داخویانیەکێ دا بۆ ئەڤرۆ نیوز دیار کر ل حەفتیا ئێکێ یا دەست پێکا هەیڤا ١٢ دێ فەرمانگەها پاسەپورتان ل زاخۆ هێتە ڤەکرن و ستافێ وێ ژی هاتیە دەست نیشان کرن .
زێدەتر بوتان محسن گوت : کارکرن دنووژەنکرنا ئاڤاهیێ فەرمانگەها پاسەپورتان پ زاخۆ دقوناغێن دوماهیێ دایە و ژڤان بوو دماوەیێ ٢٠ روژان دا ئەو ئاڤاهی بهێتە نووژەنکرن بەلێ ژبەر چەند گهورینەکێن نوو ئەو نووژەنکرن دماوەیێ خوە دا خلاس نەبوو،لەورا ل دەست پێکا هەیڤا ١٢ یا ئەڤ سالە دێ نووژەنکرنا وێ ب دوماهی هێت و بریارە هەر ل حەفتیا ئێکێ دا ژ دەست پێکا هەیڤا ١٢ فەرمانگەها پاسەپورتان ل زاخۆ ب شێوەیەکێ فەرمه بهێتە ڤەکرن و هەر ئەڤرۆ ل روژا ئێک شەمبێ ٢٤/١١/٢٠١٩ کومبونەک دگەل هەمی رێڤەبەرێن ل زاخۆ سەر ب وەزارەتا ناڤخویا حکومەتا هەرێما کوردستانێ هاتە ئەنجام دان و ستافێ وێ فەرمانگەهێ هاتە دەست نیشان کرن و ل هەمی وان رێڤەبەریان ژ میلاکێ وان هندەک کەس بۆ ستافێ فەرمانگەهێ هاتنە دەست نیشان کرن ژبەر کو دەرگەهێ دامەزراندنێ گرتی یە .
ناڤهاتی گوت ژی : بۆ دەمەکێ دێ ستافەکێ شارەزا ژ باژێرێ دهوکێ وەکو هاریکاری دگەل ستافێ فەرمانگەها مە کارکەت داکو زێدەتر شارەزایی دکاری دا بۆ ستافێ زاخۆ دروست بیت و ل دووف را دێ ستافێ باژێرێ زاخۆ وێ فەرمانگەهێ ب رێڤەبەت .
ئەڤرۆ نیوز،عەلی حاجی :
رێڤەبەرێ ناحیا باتیفا د داخویانیەکێ دا بۆ ئەڤرۆ نیوز دیار کر دماوەیێ ڤێ حەفتیێ دا دێ کار کرن ل سەر نووژەنکرنا چەپێن زرێزەی ب دوماهی هێت و کار گەهشتیە قوناغێن دوماهیێ دا .
زێدەتر دلشێر عەبدولسەتار گوت : پشتی بریار ل سەر نووژەنکرنا چەپێن زرێزەی ژلایێ کابینەیا نەهێ یا حکومەتا هەرێما کوردستانێ هاتیە دەرکرن و پشتی زێدەتری هەیڤەکێ کار کرن ل سەر نووژەنکرنا وێ،د نوکە دا کارکرن ل سەر نووژەنکرنا وێ رێیا سەرەکی گەهشتیە قوناغێن دوماهیێ و ئەو رێژەیا مایی یا کاری دێ ل
دوماهیا ڤێ حەفتیێ دا ب دوماهی هێت،سێ کێلومەتر سەنتەر ژ جاددەیێ هاتینە دانان و ٣٥٠ مەتر ژ جویێن ڤەکری هاتینە دانان و دوو کێلومەترێن جاددەیێ ژی هاتنە قیرکرن و تێچویێ نووژەنکرنا وان چەپان ژی ٦٨٣ ملیون دینار بون،ئەڤ جاددەیە هاتیە دروست کرن و مە داخاز ژ وەزیرێ نیشتەجێ بون و ئاڤەدانکرنێ یێ حکومەتا هەرێما کوردستانێ کری یە کو تونێلەک بو وی جهی بهێتە دروست کرن یان ژی جاددەیەکا پێ گهور.
ناڤهاتی گوت ژی : ژلایێ خوە ژی وەزیر دیار کر بوو ئەو ژی دێ ژلایێ خوەڤە دیفچوونەکا وان پێشنیاران کەین و دێ بریارەکا گونجای بۆ وێ جاددەیێ دەین ژبەرکو ژجاددەیێن گرنگە ل پارێزگەها دهوکێ .
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كێ ئاگه‌هدار ئه‌ڤرۆ رۆژا ئێكشه‌مبى راگه‌هاند كو پارێزگاره‌كێ نوو بۆ نه‌ينه‌وا هاته هه‌لبژارتن.
ئه‌وى ژێده‌رى بۆ ئه‌ڤرۆ نيوز ئاشكه‌را كر كو جڤاتا پارێزگه‌ها نه‌ينه‌وا كۆمبوونا خوه ئه‌ڤرۆ رۆژا ئێكشه‌مبى ئه‌نجام دا و تێدا نه‌جم جبۆرى وه‌كو پارێزگارێ نه‌ينه‌وا ب 23 ده‌نگێن ئه‌ندامێن جڤاتێ هاته هه‌لبژارتن.
پێشتر نه‌جم جبۆرى فه‌رماندێ ئۆپه‌راسيۆنێن نه‌ينه‌وا بوو.
ئەڤرۆ نیوز، عەلی حاجی :
د داخویانیەکێ دا رێڤەبەرێ ناحیا دەرکارێ بۆ ئەڤرۆ نیوز دیار کر ئەڤرۆ ل روژا ئێک شەمبێ ٢٤/١١/٢٠١٩ دەست ب هەوا بەلاڤکرنا گازا سپی ل سنورێ ناحیا مە هاتە کرن و دێ هەمی هاولاتیێن ناحیێ بەهرا خوە یا گازا سپی وەرگرن.
زێدەتر زێرەڤان موسا گوت : ئەڤرۆ ل روژا ئێک شەمبێ رێکەڤتی ٢٤/١١/٢٠١٩ ل دوف پلانا ئەنجومەنێ وەزیران دەست ب هەوا بەلاڤ کرنا گازا سپی ل سنورێ ناحیا دەرکارێ هاتە کرن و ئەڤرۆ ئێکەم روژا دەست پێکرنا وێ هەوێ هەبوو و بۆ ڤێ چەندێ ٣٦٧٤ پلێتێن گازا سپی ل سەر هاولاتیێن ناحیێ هاتینە بەلاڤ کرن و هەر هاولاتیەکێ ل دووف پشکا خوە یا گازێ پلێتەک وەرگرتی یە و ل دووف وێ پشکا دگەهیتە دەستێ مە ئێکسەر دهێتە بەلاڤ کرن و هەکە رەوش ب ڤی رەنگی بیت دبیت دماوەیێ حەفتیەکێ دا هەتا ١٠ روژان ئەڤ هەوە ب دوماهی بهێت و هەمی هاولاتی بەهرا خوە یا گازا سپی یا ئەڤ سالە وەربگرن .
ناڤهاتی گوت ژی : پشکەکا هاولاتیان ل سەنتەرێ زاخۆ خوە جهـ بوینە بەلێ پشکا ئازوقەیێ خوە ل ناحیا دەرکارێ دوەرگرن وان ژی ماف هەیە پەیوەندیێ ب مە بکەن و ل سەر ناحیا مە پشکا خوە یا گازا سپی وەربگرن و ئەو هاولاتیێن ل ناحیێ خوە جهـ و ئازوقەیێ ل زاخۆ وەردگریت ئەو دێ دگەل هەوا دەست پێکرنا گازا سپی ل زاخۆ پشکا خوە وەرگریت .
ئه‌ڤرۆ نيوز:
كچه‌كا 20 سالی دلێ خوه بو ئه‌ڤرۆ ڤه‌دكه‌ت و دبێژیت: د ژیێ 15 سالیێ دا من و كوره‌كی حه‌ز ژ ئێكدو دكر بو ماوێ سێ سالا په‌یوه‌ندیا مه یا ئه‌ڤینداریێ یا به‌رده‌وام بو، خێزانا من و هه‌ڤالێن من هه‌موویان دزانی كو ئه‌م حه‌ز ژ ئێكدو دكه‌ین، پشتی هینگێ وی غه‌دره ل من كر و ئه‌ز هێلام.
ئه‌ز گه‌له‌ك نه‌خوش بووم هه‌تا نها ژی من ژبیر نه‌كریه و گوهداریا سترانێن ئه‌ڤینیێ و خه‌مگین دكه‌م و به‌ر را دكه‌مه گری و عاجز دبم، ژبه‌ركو وه‌سا هزر دكه‌م ئه‌و خه‌له‌تی بو من كری و خوه تاوانبار دكه‌م كو من حه‌ز ژێ كری گه‌له‌ك جارا هزرا خوه كوشتنێ خوه ل سه‌رێ من دده‌ت ئه‌ز هه‌رده‌م یا توره‌مه ل گه‌ل كه‌سێن ده‌وروبه‌رێن خوه.
ئه‌ڤه دو ساله ئه‌ز هێلایم لێ هه‌ر دكه‌مه گری بو وی من دڤێت ژبیر كه‌م لێ نزا چاوا دێ ژبیر كه‌م، گه‌له‌ك گه‌نجا داخوازا ئه‌ڤینیێ و هه‌ڤژینیێ ژ من كریه لێ ئه‌ز ترانا پێ دكه‌م و هزر دكه‌م دره‌وا دكه‌ن ئه‌ز وه‌سا هزر دكه‌م هه‌موو كور غائین و دره‌وینن و من دڤێت ئه‌ز تولێن خوه ژ كوڕا ڤه‌كه‌م، ئه‌رێ ما ئه‌ڤه خه‌له‌تیه ئه‌ز دكه‌م من دڤێت ترانا ب كوركا بكه‌م كا چاوا ئه‌و ترانا ب كچكا دكه‌ن، ژلایه‌كێ دیڤه نوكه ئاریشا من ئه‌وه ئه‌ز نزانم چاوا كه‌سه‌كێ هه‌لبژێرم كو یێ باش بیت و حه‌ز ژ من بكه‌ت و ژیانا من خوش كه‌ت ؟
كچا هێژا:
ده‌مێ ته ئه‌ڤینی كری تو گه‌له‌كا بچوك بووی، بزانه حه‌زژێكرنا د ڤی ژی دا حه‌زژێكرن نینه و د ڤی ژی دا ته گه‌له‌ك تشتێن دی هه‌نه بكه‌ی، ژبه‌ركو هێشتا تو یا د ژیه‌كێ بچووك دا و تو نه‌گه‌هشتیه ژیێ گه‌نجاتیێ، ئه‌ڤه ژیێ زارۆینیێ یه و دڤێت تو خوشیێ ب ژیانا خوه ببه‌ی و كه‌یفێ بكه‌ی، چونكی ژیێ ته یێ زارۆیانه نه‌ك یێ مه‌زنایه كو تو ئه‌ڤینیێ بكه‌ی و خه‌مان ل سه‌ر بخوی و گوهداریا سترانێن خه‌مگین بكه‌ی، ئه‌ڤه دو ساله ئه‌ڤیندارێ ته تو هێلای و ته خوه ئێخستیه د ڤێ خه‌مێ دائه‌ڤه كاره‌ساته.
ئه‌ڤ ئاخفتنێن تو دبێژی كو هه‌موو كورك خاین و دره‌وینن ئه‌ڤه چیروكێن ته نینن و یێن د ژیێ ته دا نینن، تو یا غه‌درێ ل خو و ژیێ خوه و ل ده‌مێ خوه دكه‌ی و ئه‌ڤ ده‌مێ زێرین ب هه‌روه دبورینی كو گرنگه د ڤی ژیی دا بو خوه دنیایێ ببینی و فێری زانستی ببی و ته‌ركیزێ ل سه‌ر خواندنا خوه بكه‌ی و خلاس كه‌ی، په‌رتوكا بخوینه و خوه ب تشتێ مفادار ڤه مژوول كه، ده‌مێ تو تێگه‌هشتی و پێگه‌هشتی هینگێ دێ زانی كه‌سه‌كێ چاوا هه‌لبژێری، حه‌ز ژ خوه بكه و ل هیڤیێ نه‌به كه‌س بهێت ته به‌خته‌وه‌ر بكه‌ت تو خوه به‌خته‌وه‌ر بكه.
نابیت هه‌موو ته‌ركیزا ته ل سه‌ر ڤان تشتا بیت ده‌ستا ژ ڤان خه‌له‌تیا به‌رده و كه‌سێ نه‌كه قوربانی ترانێن خوه نه‌هێله فێری ڤی كارێ نه‌ره‌وا ببی، ژبه‌ركو ئه‌وان چ گونه‌ها خوه نینه و نابیت تو زمانێ گشتاندنێ بكار بینی و بێژی هه‌موو كور د خاین و دروینن.
به‌رسڤدان: ده‌روونناس ئاواز
ئه‌ڤرۆ نيوز:
گه‌له‌ك كه‌سێن فه‌رمانبه‌ر حه‌ز دكه‌ن ده‌مێ دچنه سه‌ر كارێ خوه هه‌ول بده‌ن رۆژه‌كا خوش و تژی سه‌ركه‌فتن بورین نبو ئه‌ڤێ چه‌ندێ ژی تو پێدڤی هنده‌ك رێكانی هه‌تا بشێی ئه‌ڤێ ب ده‌ست خوه‌ڤه بینی.
گرنگه ده‌ستپێكا ته ب رۆژه‌كا نوی یا ب گرنژین و هزر دئه‌رێنی و رۆژه‌كا گه‌ش و خوش دا بكه‌ی، هه‌ر وه‌سا ئارامی دكاری دا گه‌له‌ك یا گرنگه پێدڤی یه ژی مرۆڤ خودان پاشه‌رۆژه‌كا دارێشتی بیت نه‌ك ب كوره‌یی بده‌ته رێ، ئانكو ده‌ست پێكێ پێگیری ب رێنمایێن كاری هه‌بیت، به‌رانبه‌ر هه‌می فه‌رمانبه‌ران ته گه‌شبینیه‌كا مه‌زن هه‌بیت و تو جهێ بێ گێولی و بێ زه‌وقیا كاری و هه‌ڤالا نه‌بی، ره‌فتاركرن د تشتێ نوودا هه‌بیت، ره‌فتاركرن ب شێوازه‌كێ جوان و نه‌رم و رێك و پێك بیت و رێز و بها بو هه‌ڤالا بلا ئێك ژ سالوخێن ته یێن سه‌ره‌كی بن، به‌رده‌وام هه‌ول بده به‌رپرس و رێڤه‌به‌رێ ته چ ل سه‌ر ته دبێژیت ئه‌و كێماسیێن هه‌ین پربكه‌ت به‌لێ بلا ب نه‌رێنی كارتێكرنێ ل ته نه‌كه‌ن، باشتره ته سلاف دگه‌ل هه‌میا هه‌بیت و رویێ خوه ل كه‌سێ نه‌كه ره‌شه،گه‌له‌ك هزرێ، خوه به‌ری باخڤی و هه‌تا ل ده‌مێ به‌شداری كومبونا بی مرۆڤه‌كێ بێ شیا نخوه نه‌ده‌ته نیاسین و بلا ده‌نگێ ته ژ هه‌میا جیاواز تربیت،چوجار كاری بتنێ نه‌كه بلكو بو هه‌ر پرۆژه‌كێ هزران وه‌رگره و رۆلی بده هه‌ڤالا، به‌رده‌وام بزانه چه‌وا سه‌نگا ته هه‌یه، سكالا ل سه‌ر كه‌سێ بلند نه‌كه و به‌حسا چ ره‌فتارێن هه‌ڤالا نه‌كه ئه‌ڤه ئه‌و خالێن سه‌ره‌كی نه یێن كو تو پتر به‌ره‌ڤ سه‌ركه‌فتنێ ڤه بچی.
نيشاندان