ئهڤرۆ نيوز، نيوار محهمهد سهليم:
نێچيرڤان بارزانى سهرۆكێ ههرێما كوردستانێ گههشته بهغدا و بڕياره ل گهل ههر ئێك ژ سهرۆك كۆمار، سهرۆك وهزيران و سهرۆكێ جڤاتا نوونهرێن عيراقێ كۆم ببيت.
نێچيرڤان بارزانى گههشته بهغدا
نووترين نووچه
- پارتی و ئێكهتی ل دۆر پۆستێ سهرۆك كۆمارێ ئیراقێ و كابینەیا دههێ یا حوكمهتا ههرێما كوردستانێ كۆمبوون
- سەرۆك بارزانی: دخوازین ئاشتی و ئارامی ل سووریێ و رۆژئاڤایێ كوردستانێ بەرقەرار ببیت
- مالپەڕەكێ ئەمریكی باسێ كاریگەرییا سەرۆك بارزانی و نێچیرڤان بارزانی د پرسا رۆژئاڤایێ كوردستانێ دا دكەت
- جڤاتا وەزیرێن هەرێمێ: دەستكاریكرنا رێژەیا ئاكنجیێن هەرێمێ ژ ئالیێ بەغدایێ ڤە رەت دكەین
- مەسرور بارزانی دوپاتی ل زێدەتر پێشڤەبرنا هەڤبەندییان ل گەل كوێتێ كر
- بابەكر زێباری: مەترسییا دوبارە پەیدابوونا داعشێ ل سەر هەرێما كوردستانێ نینە
- سەرۆك بارزانی و تۆم باراك دووماهی پێشهات و گوهۆڕینێن سووریێ گەنگەشەكرن
- نێچیرڤان بارزانی و قونسلا گشتییا ئەمریكا رەوشا هەرێما كوردستانێ و ئیراقێ گەنگەشەكر
- مەسرور بارزانی پیرۆباهیێ ل دیلان یەشیلگۆز دكەت
- فەرمانگەها میدیا و پێزانینان: داتایێن دارایی یێن بودجەیا گشتییا ئیراقێ شاشیێن مەزن دسەلمینن
سهرهكى Facebook
پهرلهمان ئهڤرۆ دێ خواندنا ئێكێ بۆ پێشنيازا دامهزراندنا فهرمانبهرێن گرێبهست كهت
ئهڤرۆ نيوز:
بڕياره ئهڤرۆ پهرلهمانێ كوردستانێ روونشتنهكا خوه يا ئاسايى ئهنجام بدهت و خواندنا ئێكێ بۆ چار پێشنيازان بكهت و ژ وان ژى ئێك دێ ل دۆر دامهزراندنا فهرمانبهرێن گرێبهست بيت.
سهرۆكێ لژنا قانوونی ل پهرلهمانێ كوردستانێ بۆ ئهڤرۆ نیوز دیار كر كو پهرلهمانێ كوردستانێ دێ ل رۆژا چارشهمبی 13/11/2019 خواندنا ئێكێ بۆ چار پێشنیار و بڕیارێن قانوونی كهت.
بژار كۆچهر، سهرۆكێ لژنا قانوونی ل پهرلهمانێ كوردستانێ دیار كر كو نێزیكی 29 هزار و 886 فهرمانبهرێن گرێبهست ل ههرێما كوردستانێ ههنه و ل رۆژا چارشهمبی پهرلهمانێ كوردستانێ دێ خواندنا ئێكێ بۆ چار پێشنیار و بڕیارێن قانوونی كهت و گۆت: “ئێك ژ وان پێشنیاران دامهزراندنا فهرمانبهرێن گرێبهسته ل ههرێما كوردستانێ”.
نڤيسهرهكا كچ: مالباتێ ب تنێ بۆ كارێ مال و بێريڤانيێ دڤيام
ئهڤرۆ نيوز، گولێ سندی:
نڤيسهرا گهنج گۆلستان چۆبان دياركر كو ئهوێ ل دهسپێكێ گهلهك ئاستهنگ ديتن ههتا شيايى باوهريێ بۆ دهوروبهرێن خوه چێكهت كو چارچۆڤێ ژنێ نه ب تنێ كارێ مالێ و بێريڤانى يه. دا زانين ژى كو ئهو شيايه ژ بلى نڤيسيێن ب زمانێ توركى ب كوردى ژى رۆمانێ بنڤيسيت.
گۆلستان چۆپان يا 31 سالى ئێك ژ نڤيسهرێن گهنجێن باكوورێ كوردستانێ يه، دو پرتووكێن ههلبهستان و سێ يێن رۆمانان ب زمانێ توركى ههنه و رۆمانهك ژى ب زمانێ كوردى.
گۆلستان خانێ د ديدارهكێ دا بۆ ئهڤرۆ نيوز ئاشكهرا كو ئهوێ ههر ژ زارۆينيا خوه حهزا ههلبهست و رۆمانێ ههبوويه، بهلێ پرتووكخانا زانكۆيێ دهرگههێ خواندن بۆ ناڤ جيهانا ئهدهبياتێ ل بهر سينگى ڤهكريه، سهرهراى وێ چهندێ كو ل ژيێ 14 ساليێ دهست ب نڤيسينێ كريه.
ناڤبرى دهرچوويا پشكا ئهدهبيات و زمانه ل زانكۆيا ئهنادۆل پشتى خواندنا خوه يا سهرهتايى و ناڤنجى ل گۆندى تهمام كرى.
گۆلستان دبێژيت: “ژ بهر كو ئهز كچ بووم، د ناڤ گۆندى و جڤاكى دا تووشى گهلهك ئاستهنگان بووم، چونكو د جڤاكێ كوردى دا قهلهم يێ ل ژنێ ڤهشارتيه و ب تنێ رۆلێ بهرماليێ و بێريڤانيێ دايێ”.
زێدهتر گۆت: “دهستپێكێ كارێ من ژ من نههاته قهبوولكرن و گازنده ژ من هاتنه كرن و ڤيا من ژ ڤێ رێ دوور بێخن و دووباره من ب ڤهگهريننه دابونهريتێن بابو باپيران، بهلێ مه دهست ژ كارێ خوه بهر نهدا”.
ئاماژه ب وێ چهندێ ژى كر كو ل دهستپێكێ بهرههمێن وێ ب زمانێ توركى بوون و وهكو وێ بهحس كرى، ههست ب وێ چهندێ دكر كو وهكو ڤالاتيهكێ ل دهف ههيه و ههر ئهڤه بوويه ئهگهر كو رۆمانهك ب كوردى نڤيسى ب ناڤێ عهشقا فهقيێ تهيران و سينهمێ و گۆت: “خواندهڤانێن كورد گهلهك ب ڤى بهرههمێ من دلخۆش بوون، ههستهكێ گهلهك جودا بوو بۆ من، پاشان ژى من چهندين ههلبهست ب زمانێ كوردى نڤيسين و د رۆژنامه و كۆڤاران دا بهلاڤكرن”.
گۆلستان چۆپان ژ دايكبوويا 1988ێ يه و دهرچوويا كوليژا ئهدهبيات و زمانه ل زانكۆيا ئهنادۆل ل توركيا و ههتا نها دو بهرههمێن هۆزانان ب ناڤێن ئێلما كوكوسو، ئاسيلهرين دۆنۆشۆ و سهلاحهدين ب زمانێ توركى ههنه و سێ رۆمانێن وێ يێن توركى ژى ب ناڤێ ئيتراجى و زهمبيل فرۆش ل بهر دهستن ل گهل ئێكا زمانێ كوردى ب ناڤێ ئهڤينا فهقيێ تهيران و سينهمێ.
پالهكى گیانێ خوه ژ دهست دا و ئێك ژى بریندار بوو
ئهڤرۆ نیوز، نهوزاد هلۆرى:
ئێڤاره درهنگى یا ئهڤرۆ چهند پالهیان ل سهر ئێك ژ ئاڤاهیێن گوندێ فرهنسى ل سهنتهرێ باژێرێ دهۆكێ كار دكر، ئێك ژ وان د ئاڤاهى دا دكهڤیت و ئێكسهر گیانێ خوه ژ دهست دا، پالهكێ دى بۆ رزگاركرنا وى دچیت ئهو ژى بریندار دبیت.
ب گۆرهى پێزانینێن ئهڤرۆنیوز، ئهڤرۆ ئێڤارى چهند پالهیان ل سهر ئاڤاهیهكێ ناڤا گوندێ فرهنسى ل دهۆكێ كار دكر، پالهك كو خهلكێ باكوورێ كوردستانێ یه د قاتێ حهفتێ یا ئێك ژ ئاڤاهیێن گوندێ ناڤبرى ژ ئهگهرێ نه گرێدانێ دكهڤیت و ئێكسهر گیانێ خوه ژ دهست ددهت. ههر ب گۆرهى پێزانیان، پالهكێ دى ل قاتێ دویێ لل دووڤ ههواریێن وى پالهى دچیت و بزاڤان دكهت بهرى بگههیته ئهردى رزگار بكهت، بهلێ ئهو ژى دكهڤیت و پیهكێ وى دشكێت، نوكه ساخلهمیا وى باشه.
فهرمانا دهستهسهركرنا پارێزگهرێ كهركووكێ ودو برایێن وى دهێته دهركرن
ئهڤرۆ نیوز:
لژنا دهستپاكیێ ل پارێزگهها كهركووكێ فهرمانا دهستهسهركرنا راكان جبوورى پارێزگهرێ كهركووكێ ب وهكالهت و دو برایێن وى و هندهك كورێن وى دهركر.
هندرین لهزگین، ئهندانێ لژنا دهستپاكیێ ل پهرلهمانێ عیراقێ د داخۆیانیهكا رۆژنامهڤانى دا گۆت” دادوهرێ دهستهیا دهستپاكیێ ل كهركووكێ فهرمانا دهستهسهركرنا راكان جبوورى و شهش ژ ئهندامێن خێزانا وى ب تۆمهتا ههدهردانا پارێ گشتى و بكارئینانا پۆستى بۆ بدهستڤهئینانا بهرژهوهندیێن كهسایهتى”.
گۆت ژى” دو برایێن راكان جبوورى و دو كۆرێن وى نوكه د دهستهسهر كرینه”.
ئاماژه كر” ههتا نوكه جبوورى نههاتیه دهستهسهركرن، بهلێ پشتى دهركرنا فهرمانا دهستهسهركرنا وى، دبیت د دهمهكێ نێزیك دا بهێته دهستهسهركرن ودادگههكرن ل دووڤ مادێ 340 ژ قانوونا سزایێن عیراقى”.
كورسیێن ماستهر و دكتۆرایێ بۆ كهسوكارێن شههید و ئهنفالكریان دێ هێنه تهرخانكرن
ئهڤرۆ نیوز:
جڤاتا وهزارهتا خواندنا بلند و ڤهكۆلینێن زانستى ب سهرۆكاتیا ئارام محهمهد قادر وهزیرێ خواندنا بلند ئهڤرۆ سێشهمبى 12/11/2019 بریارا تهرخانكرنا كورسیێن تایبهت یێن خواندنا بلند (ماستهر و دكتۆرا) بۆ كهسوكارێن پله ئێك (ههڤژین، كور و كچ) یێن شههید و ئهنفالكریان، ب مهرجهكى ههر كهسێ كو ههموو مهرجێن پێشكێشكرنێ تێدا بن، د ئهزموونا توانا زانستى دهربچیت، ئهو بریار دێ ژێ گریت، بێ كو بچیته پێشبهركیا پێشكێشكارێن دى.
مهسرور بارزانى: چارهسهركرنا پرسا كوردى فاكتهرێ سهرهكى یێ ئاشتیێ یه
ئهڤرۆ نیوز:
سهرۆكێ حوكمهتا ههرێما كوردستانێ، مهسرور بارزانى ئهڤرۆ سێشهمبى 12/11/2019 پێشوازى ل شاندهكێ بلند یێ پارتا دۆزا ئازاد یا ناڤدار ب (هوداپار) كر ب سهرۆكاتیا ئیسحاق ساغلام، سهرۆكێ گشتیێ وێ پارتێ.
د دیدارهكی دا دووپاتى ل سهر گرنگیا خهباتا ئاشتیخوازانه یا گهلێ كورد و رێزگرتن ل داخوازیێن وى یێن رهوا و چارهسهركرنا دادپهروهرانهیا پرسا كوردى هاته كرن، كو فاكتهرێ سهرهكى یێ ئاشتى و ئارامیى یه ل دهڤهرێ.
ههروهسا ئاماژه ب گرنگیا پێشڤهبرنا پهیوهندیێن دۆستانه یێن گهلێ كوردستانێ و گهلێن دهڤهرێ هاته كرن.
ههلبژارتنێن جڤاتێن پارێزگههان هاتنه پاشخستن
ئهڤرۆ نیوز:
جڤاتا وهزیرێن عیراقێ ئهڤرۆ سێشهمبى 12/11/2019 بریارا پاشخستنا ههلبژارتنێن جڤاتێن پارێزگههێن عیراقێ پهسهند كر.
ئهڤ بریارا جڤاتا وهزیرێن عیراقێ د دهمهكى دایه كو ل ههیڤا تهموزا بۆرى پهرلهمانێ عیراقێ بریار ل سهر ئهنجامدانا ههلبژارتنێن جڤاتێن پاریزگههان ل نیسانا 2020 دابوو
ههر د كۆمبوونێ ئهڤرۆ یا جڤاتا وهزیرێن عیراقێ، بریار ل سهر ههردو پرۆژه قانوونێن كۆمسیۆنا بلند یا ههلبژارتنان ل عیراقێ و ههلبژارتنێن پهرلهمانى هاته دان و هاتنه هنارتن بۆ پهرلهمانێ عیراقێ.
لاڤرۆڤ: ئەمریکا دڤێت دەولەتەکا جودا ل باکورێ سووریێ ئاڤا بکەت
ئەڤرۆ نیوز:
سیرگێی لاڤرۆڤ وەزیرێ دەرڤە یێ روسیا راگەهاند کو ئارمانجا سەرەکی یا ئەمریکا ژ کۆنترۆلکرنا دەڤەرێن پەترۆلێ ل باکورێ سووریێ بۆ هندێ یە دا ب وی رەنگی کار بۆ ئاڤاکرنا دەولەتەکا جودا ل باکورێ سووریێ بکەت.
وەزیرێ دەرڤە یێ روسیا راگەهاند کو ئەمریکا بزاڤا پارچەکرنا ئاخا سووریێ دکەت و ئەو یەک ناهێتە قەبوولکرن و دڤێت ئەمریکا رێزێ ل ئێکپارچەیا ئاخا سووریێ بگریت.
ئاگر بەر دبیتە پرۆژەکی خودانکرنا ئاژەلی
ئەڤرۆ نیوز، مەحمود نهێلی:
بەرپرسێ بنگەهێ بەرەڤانیا باژێری ل دێرەلۆکێ بۆ ئەڤرۆ نیوز دیار کر، کو ئەڤرۆ ۱۲/۱۱/۲۰۱۹ ئەو هاتینە ئاگەهدارکرن ل سەر روودانەکا ئاگری و شیانه ب زووترین دەم دا کونترول بکەن.
نەقیب ئیحسان سەنعان بەرپرسێ بنگەهێ بەڕەڤانیا باژێری ل دێرلوکێ گۆت: (پشتی ئەو هاتینە ئاگەهدارکرن ل سەر وێ روودانێ ، تیمێن وان گەهشتنە جهێ مەبەست ، دیار بوویە کو ئاگر ب پرۆژەکی خودانکرنا ئاژەلی کەفتیە).
ناڤهاتی خویاکر، کو ئەو شیان ب زووترین دەم وی ئاگری کونترول بکەن و نەهێلن زیانێن زۆر بگەهنێ و گۆت : سوپاس بو خودێ بتنێ زیان گەهشتینە بانێ پرۆژەی و چ زیانێن دی نەگەهشتنە ئاژەلێن دناڤ دا.
نيشاندان
WP Facebook Auto Publish Powered By : XYZScripts.com