ئه‌ڤرۆ نيوز، نيوار محه‌مه‌د سه‌ليم:
سه‌رۆكێ جڤاتا نوونه‌رێن عيراقێ پرۆژێ قانوونا هه‌لبژارتنێن جڤاتێن پارێزگه‌هان ره‌وانه‌ى لژنا قانوونى يا جڤاتا نوونه‌ران كر.
ب گۆره‌يى به‌لگه‌نامه‌كێ، محه‌مه‌د حه‌لبۆسى، سه‌رۆكێ جڤاتا نوونه‌رێن عيراقێ، پرۆژێ قانوونا هه‌لبژارتنێن جڤاتا پارێزگه‌هان دايه ده‌ست لژنا قانوونى يا جڤاتا نوونه‌ران، بۆ ئه‌داكرنا رێكارێن قانوونى و ئاماده‌كرنا پرۆژه‌يى دا كو د روونشتنا جڤاتێ دا گه‌نگه‌شێ ل سه‌ر بكه‌ن.
بڕيار بوو هه‌يڤا نيسانا سالا داهاتى، هه‌لبژارتنێن جڤاتێن پارێزگه‌هان ل عيراقێ هاتبانه كرن، به‌لێ بۆ ده‌مه‌كێ نه‌ديار هاتنه پاشخستن پشتى كو جڤاتێ پارێزگه‌هان ل عيراقێ نه‌ماين.
ئه‌ڤرۆ نيوز، نيوار محه‌مه‌د سه‌ليم:
رێبه‌رێ كۆمارا ئيسلامى يا ئيرانى هه‌لويستێ خوه ل سه‌ر بلندكرنا بهايێ پانزينێ راگه‌هاند و ئاشكه‌را كر كو ئه‌و پێشوازيێ ل وێ بڕيارێ دكه‌ت.
ئايه‌تولا عه‌لى خامه‌نه‌يى، رێبه‌رێ كۆمارا ئيسلامى يا ئيرانى، هه‌لويستێ خوه ده‌رباره‌ى روودانێن ئيرانێ ده‌ربڕى و گۆت: “سێ سه‌رۆكاتيێن ئيرانێ بڕيارا گرانكرنا پانزينێ ده‌ركريه، ئه‌ز ژى پێشوازيێ ل وێ بڕيارێ دكه‌ت و دڤێت بهێته بجهئينان.
وه‌لاتێ ئيرانێ بهايێ په‌نزينێ گران و ژ هزار تۆمه‌نان ئێكسه‌ر كره سێ هزار تۆمه‌ن و ب ڤێ چه‌ندێ ژى نه‌رازيبوونێن مه‌زن ل ده‌ف خه‌لكێ وى وه‌لاتى په‌يدا بوون و رژيانه سه‌ر جادده‌يان داخوازا كێمكرنا بهايێ په‌نزينێ دكرن.
ئه‌ڤرۆ نيوز:
د رۆژا جيهانى يا لێبۆرينێ دا، مه‌سرور بارزانى سه‌رۆكێ حوكمه‌تا هه‌رێما كوردستانێ پێشوازى ل شانده‌كێ پێكهاتێن ئايينى يێن هه‌رێما كوردستانێ كر.
شاندێ ناڤبرى ژ نوونه‌رێن ئايينێن ئيسلام، مه‌سيحى، ئێزدى، كاكه‌يى، زه‌رده‌شتى، سابيئێن مه‌ندائى و به‌هائى پێكهاتبوون و دانوستاندن ل دۆر پێشڤه‌برنا پێكڤه‌ژيانا ئايينى و لێبۆرينێ ل هه‌رێما كوردستانێ هاته كرن.
سه‌رۆكێ حوكمه‌تا هه‌رێما كوردستانێ ئاماژه كر كو ئايين تمامكه‌رێن هه‌ڤدونه و ئارمانجا وان رێ نيشاندانا مرۆڤى يه بۆ رێيا راست و گۆت” ئێك ژ روويێن گه‌شێن ئه‌زموونا هه‌رێما كوردستانێ كو به‌رده‌وام جهێ شانازيا مه‌يه و جهێ رێزێ يه ل ده‌ڤ جڤاكا نێڤده‌وله‌تى، ئه‌و پێكڤه‌ژيان و ته‌باييه كو د ناڤبه‌را پێكهاتێن ئايينى ل هه‌رێما كوردستانێ هه‌ى”.
مه‌سرور بارزانى دووپاتى ل وێ چه‌ندێ كر كو كوردستان نيشتمان و مالا مه هه‌موويانه و پێدڤيه ئه‌م هه‌موو كار ل سه‌ر گه‌شه‌پێدانا هزرا ميانره‌و و پێكڤه‌ژيانێ ل هه‌رێما كوردستانێ بكه‌ين و هه‌موو رۆژێن مه رۆژێن پێكڤه‌ژيان و لێبۆرينێ بن.
ئەڤرۆ نیوز:
ژ بەر خوەنیشادان و ئالۆزیێن کو دوهی وەرە ل ئیرانێ دەستپێکرینە ل رۆژهەلاتێ کوردستانێ ژی رەوشا نەئاسایی هاتیە راگەهاندن و ل گەلەک باژێرێن رۆژهەلاتێ کوردستانێ هێزێن ئێمناهیێ بجه بووینە و بەری دەمەکێ ل باژێرێن سنە، مەریوان و کرمانشان شەر د ناڤبەرا خوەنیشادەران و هێزێن ئێمناهیێ دا روو دا و د ئەنجام دا سێ وەلاتی هاتینە کوشتن و گەلەک کەس ژی بریندارن.
هاتە زانین کو هەتا نها ژی خوەنیشادان ل پرانیا باژێرێن ئیرانێ و رۆژهەلاتێ کوردستانێ بەردەوام دکەن.
ئەڤرۆ نیوز:
خوەنیشادانێن ئیرانێ و رۆژهەلاتێ کوردستانێ ژ بەر گرانبوونا بهایێ بەنزینێ و خرابیا رەوشا ژیانێ بەرفرەهتر دبن و ل گۆر دووماهیێ زانیاریان ل باژێرێن جودا جودا یێن ئیرانێ و رۆژهەلاتێ کوردستانێ هەتا نها ٥ کەس هاتینە کوشتن و گەلەک کەس ژی بریندار بووینە و چەندین لقێن بەنکێن دەولەتێ ژی هاتینە سوتن.
هەروەسا بەرپرسەکێ ئیرانێ ژی راگەهاند کو بریارە سپێدێ پەرلەمانێ وی وەلاتی ل دۆر هوکارێن گرانبوونا بهایێ بەنزینێ کۆمبیت.
ئەڤرۆ نیوز، مەحمود نهێلی:
ناڤەندا بالا یا ئامێدیێ یا ئێکەتیا لاوێن دیموکراتا کوردستانێ ب هەڤکاری ل گەل پەیمانگەھاتەکنیکی یا ئامێدیێ رێ و رەسمەک ب هەلکەفتا رۆژا جیهانیا لێبورینێ ئەڤرۆ ۱٦/۱۱/۲۰۱۹ سازکر و تێدا گولێن لێبورینێ ب سەر هەژمارەکا دامو دەزگەهان بەلاڤکرن.
موراد محەمەد کارگێرێ ناوەندا بالا یا ئامێدیێ بو ئەڤرۆ نیوز دیار کر، کو وان فەردیت ڤێ هەلکەفتا جیهانی ب چەندین چالاکیان ل دەڤەرا ئامێدیێ ساخ بکەن ژ بەر کو ل دەڤەرا مە هەژمارەکا زۆر برایێ کریستیانێ لێ هەنە و پێکڤە ژیان ل دەڤەرا مە ب رەنگەکێ گەلەک جوان ب رێڤەدچیت و گۆت: (مە ب ڤێ هەلکەفتێ هەژمارەکا گولان ب سەرقوتابیێن قوتابخانا ئامێدیا نوی و پولیسین ھاتنوو چونا ئامێدیێ وکارمەندێن ساخلەمیێ و باژێرڤانیا ئامێدیێ و چەندین تەخێن جودایێن باژێرێ ئامێدیێ پارڤەکرن).
و دیار کر کو ئەڤ رۆژە ل رێکكه فتى (١٦/١١/١٩٩٦) ژلايێ رێكخراوا (UN) ڤه هاتيه ده ستنيشانكرن، لێ ل دەڤەرا مە ب رەنگەکی بەرچاڤ ناهێتە ساخکرن و گۆت: (پێدڤیەگرنگیەکا بەرچاڤ ب ڤان رۆژێن جیهانی بهێتە دان بتایبەت ئەو رۆژێن پەیوەندی ب مللەتێ مە و دەڤەرامە ڤە هەبیت).
ئەڤرۆ نیوز:
دهۆكێ ژ ناڤ 35 باژارێن به‌ربژار خه‌لاتێ جیهانى یێ باژارێ ئاشتیێ وه‌رگرت.
ئدریس نەبی، رێڤەبەرێ بۆردێ کاروبارێن مرۆڤاتی ل پارێزگەھا دھۆکێ بۆ وار گۆت: د کۆنگرەیێ رابیتەیا ئاڤاکرنا شیانێن حکومەتێن ناڤخوەی یێ ھۆلەندی دا کو بۆ ده‌مێ 3 رۆژێن بوورى ل ژێرییا ئەفریقیا دهاته برێڤه‌برن، ئه‌ڤرۆ باژارێ دهۆكێ خه‌لاتێ جیهانى یێ باژارێ ئاشتیێ وه‌رگرت.
گۆت ژى: باژارێ دھۆکێ ژ ئالیێ رێکسختنا باژێرڤانییێن حکومی یا ھۆلەندی ڤه‌ل گەل زێدەتری 35 باژارێن دی ل سەر ئاستێ جیھانێ ھاتبوو ھەلبژارتن، بۆ وێ یەکێ خەلاتێ باژارێ ئاشتیێ پێ بھێتە بەخشین.
دھۆک ب باژارێ پێکڤەژیانێ دھێتە نیاسین و شیایە ل سالێن بووری ب سەدان ھزار ئاوارە و پەنابەران ژ ھەموو ئۆل و نەتەوەییان ل سنۆرێ پارێزگەھێ بنەجھـ بکەت و بپارێزیت و خزمەتا وان بێی جوداھی بکەت.
ئه‌ڤرۆ نيوز:
ئه‌ڤرۆ ئه‌ينيێ 15/11/2019 حه‌سو شڤان، ئه‌كته‌ر و شانوڤانێ قه‌زا شنگالێ ژ ئه‌گه‌رێ نه‌خوه‌شيێ وه‌غه‌ركر.
ئه‌و هونه‌رمه‌نده، ده‌مه‌كه ژبه‌ر نه‌خوه‌شيێ كه‌فتبوو دناڤ جهان دا، له‌وماده‌مێ چه‌ندين ساله پشكدارى د هيچ كاره‌كێ هونه‌رى دا نه‌كربوو، هه‌روه‌سا سالانه وى پشكدارى د چه‌ندين فلم و شانوگه‌ريان دا دكر، ئێك ژ ئه‌كته‌رێن ناڤدارێن كوردێن ئێزدى يه.
نيشاندان