ئه‌ڤرۆ نیوز:
یانا ئه‌رسینال به‌رده‌وامى دا ئه‌نجامێن خوه‌ یێن لاواز ل وه‌رزێ ئه‌ڤ ساله‌ و ل شه‌ڤا بورى بوو یاریا حه‌فتێ ل دیڤ ئێك ل وه‌رزێ ئه‌ڤ ساله‌ نه‌شیا سه‌ركه‌فتنێ توماربكه‌ت ده‌مێ توشى خوساره‌تیێ بووى ل گه‌ل یانا ئه‌نتراخت فرانكفورت ب دو گولان به‌رامبه‌ر گوله‌كێ ل ناڤ ئه‌رد و جه‌ماوه‌رێ خوه‌.
مالپه‌رێ ئوپتا یێ تایبه‌ت ب ئامارێن وه‌رزشى ڤه‌ دیاركر یانا ئه‌رسینال لاوازترین ئه‌نجام توماركر پشتى بورینا 27 سالان كو بوو ماوێ 7 یاریانه‌ ل دیڤ ئێك نه‌شیا چ سه‌ركه‌فتنا توماربكه‌ت د هه‌موو ئه‌و قاره‌مانیێن تێدا پشكدار كو 5 وه‌كهه‌ڤى و ل گه‌ل 2 خوساره‌تیا توماركرینه‌ ل حه‌فت یاریێن بورى ل دیڤ ئێك.
هه‌ردیسان هاتیه‌ دیاركرن ژى ئه‌و یانه‌ ل ماوێ بورى ب سه‌رپه‌رشتیا راهێنه‌رێ خوه‌ ئه‌رسین ڤینگر د 1235 یاریان دا نه‌ كه‌ڤتى یه‌ د ڤێ ره‌وشێ دا.
هه‌ژى گوتنێ یه‌ دووماهیى چار ئه‌و یانه‌ نه‌شیاى بوو حه‌فت یاریان ل دیڤ ئێك سه‌ركه‌فتنێ توماربكه‌ت ل سالا 1992 ب سه‌ركێشیا راهێنه‌رێ یانێ یێ وى ده‌مى جورج گراهام كو هه‌شت یاریان ل دیڤ ئێك نه‌شیابوو سه‌ركه‌فتنێ توماربكه‌ت.

ئه‌ڤرۆ نیوز:
یانا پاریس سانجێرمان هزر ل گوهورینا راهێنه‌رێ خوه‌ یێ نوكه‌ توماس توخێل كریه‌ كو دخوازن هه‌ڤبه‌ستێ ل گه‌ل راهێنه‌ره‌كێ نوو ئیمزا بكه‌ن.
رۆژناما موندو دیپورتیڤو یا ئیسپانى ئاشكراكریه‌ به‌رپرسێن یانا پاریس دێ چاڤه‌رێ بن هه‌تا دووماهیا ڤى وه‌رزى و هه‌كه‌ راهێ،ه‌رێ نوكه‌ نه‌شیا ناسناڤێ چامپیونیز لیگ بوو یانێ ب ده‌ستخوڤه‌ بینت وى ده‌مى دێ هه‌ڤبه‌ستا ئه‌وى هه‌لوه‌شینن و هه‌ڤبه‌ستێ ل گه‌ل راهێنه‌ره‌كێ نوو ئیمزا كه‌ن.

هه‌ردیسان وێ رۆژنامێ ئاشكراكریه‌ ژى رێڤه‌به‌رێ وه‌رزشى ل وێ یانێ بوو كارگێریا یانێ دیاركریه‌ باشترین كه‌س پوستێ راهێنه‌ریا پاریس وه‌ربگریت ل ماوێ بهێت دێ دیگو سیمیونى بیت راهێنه‌رێ نوكه‌ یێ ئه‌تله‌تیكو مه‌درید .