ئەڤرۆ نیوز، عەلی حاجی:

کچەکا باژێرێ زاخۆ ل سەر ئاستێ ١٠١٢ قوتابیێن دەرچووی د گەرا ٩ێ یا زانکویا زاخۆ ژبەر بلندیا نمرەیێن وێ بۆ ئێکەما دەرچوویا قوتابین زانکویێ

هیبە رەمزی قوتابیا بویە ئێکەم ل سەر زانکویێ بۆ ئەڤرۆ نیوز گوت: (بو من جهێ شانازیێ یە وەکو کچەک ل پشکا زمان و ئەدەبیاتێن تورکی ل ڤەکولتیا زانستێن مروڤایەتی بووم و نمرەیا من ژ ٩٢ زێدەتر بوو و ل سەر ئاستێ ١٠١٢ قوتابیان بومە ئێکەما زانکویا زاخۆ و ل روژا ئاهەنگا دەرچوونێ ژبەریا دەست پێکرنا ئاهەنگێ ب دو خولەکان ئەز هاتمە ئاگەهدار کرن کو بویمە ئێکەما زانکویێ و ئەڤە ژی وەکو سوپرایزەکا مەزن بوو بۆ من،من روژانە پشکداری دگروپی دا کر و بەردەوام من ئاخڤتنا خوە هەبوو دناڤ هولێن مەیێن خواندنێ دا و هەر دەما مە ئەزمون کربایە بو من ب ساناهی دکەڤت ژبەر کو من روژانە پشکداری هەبوون،من ئەو باوەری ب خوە هەبوو دێ شێم نمرەیەکا باش ب دەست خوەڤە ئینم ژبەر کو روژانو من خوە دواستاند).

ناڤهاتی ئەو یەک ژی دیار کر زانکۆ بۆ من قوناغەکا گرنگ بوو و جهێ زانینا زێدەترە و جیاوازییەکا زور دگەل قوتابخانێ هەیە،بەلێ ل ئاهەنگا دەرچوونا مە دا چو گرنگی ب ئێکەمێن زانکویێ نەهاتە دان پێدڤی بوو زێدەتر گرنگ ب مە هاتبایە دان ژبەرکو مە زەحمەتەکا مەزن بر هەتا مە شیایی بگەهینە ڤی ئاستی و هیڤی خوازین بۆ سالێت بهێت گرنگیەکا باشتر ب ئێکەمان بهێتە دان داکو ببیتە پشتەڤانیە بۆ قوتابیێن دیتر  ئەو ژی خوە ب واستینن ببەنە ئێکەم،هەر دیسان من دخاست بەردەوامیێ بدەمە خواندنا خوە بەلێ ژبەر نەبونا کورسیان ل زانکویێن ژدەرڤە و نەبونا ماموستایین تایبەتمەند د بوارێ پشکا خواندنا من دا ل باوەرنامەیا ماجستێرێ و ئەز نەچارم نوکە هزر ل دامەزراندنا خوە دا بکەم.

ئه‌ڤرۆنیۆز، سالار دۆسكى:

ب هه‌لكه‌فتا رۆژا ژ دایك بوونا پێغه‌مبه‌رێ مه‌ (محه‌مه‌د) سلاف ل سه‌ر بن و به‌رهه‌ڤبوونا هه‌ژماره‌كا مه‌زن ژ خه‌لكێ پارێزگه‌ها دهۆكێ،ئه‌ڤرۆ سپێدێ ل مزگه‌فتا شه‌هید (مه‌لا ئه‌مین) ل تاخێ نزاركێ ، رێڤه‌به‌ریا گشتى یا ئه‌وقاف و كارۆبارێن ئاینى ل پارێزگه‌هێ، ب هه‌فكارى ل گه‌ل ئێكه‌تیا زانایێن ئاینى ل پارێزگه‌ها هۆكێ ب چه‌ندین چالاكیێن ئاینێن جودا و خوارنا فرافینێئه‌ف بیرهاتنه‌ ساخكر.

لده‌سپێكا ئاهه‌نگێ د.سه‌میان عه‌بدوالخالق سه‌عدى، رێڤه‌به‌رێ گشتیێ ئه‌وقاف و كارۆبارێن ئاینى ل پارێزگه‌ها دهۆكێ په‌یڤه‌ك پێشكێشكر و تێدا گۆت: كورد ئێكه‌م ملله‌ت بووینه‌ ئه‌ڤ رۆژه‌ كرینه‌ رۆژا ئاشتى و پێكڤه‌ ژیانێ و ساخكرین و ئه‌و خه‌لك ژى خه‌لكێ هه‌ولێرێ بووینه‌ و ئه‌ڤرۆ ل سه‌رانسه‌رى جیهانێ ئه‌ڤ بیرهاتنه‌ دهێته‌ ساخكرن، ل كوردستانێ ژى خه‌لكێ مه‌ ل گه‌ل ده‌ست هه‌لاتێ و خێرخواز و ڤێ بیرهاتنێ ساخ دكه‌ن و دكه‌ن رۆژا ئاشتى و پێكڤه‌ ژیانێ.

د.سه‌میان به‌حسێ ئێمناهى و ته‌ناهیێ كر، دیاركر كو ده‌مێ ئێمناهیا پیرۆزترین باژێر تێكچوویى كو (مه‌كه‌ه) بوویه‌ پێغمبه‌رێ مه‌ ئه‌و باژێر هێلا  و چوو قه‌ستا جهه‌كێ دى كر، ئه‌ڤرۆ ژى كوردستانا ئازاد خه‌لكێ مه‌ ژ هه‌موو پارچێن كوردستانێ قه‌ستا ڤى جهێ ته‌نا و ئارام دكه‌ن، ئه‌گه‌رێ ڤێ ته‌ناهیێ بیرو باوه‌رێن مه‌ نه‌ و رێبازا پێغه‌مبه‌رێ خودێ و ئیمانا مه‌ ب خودێ مه‌زن و ئێكرێزیى و برایه‌تى و ته‌بایى و قوربانیدانا پێشمه‌رگێ كوردستانێ و هێزێن نافخو و سیاسه‌تا حه‌كیمانه‌یا جه‌نابێ سه‌رۆك بارزانى كو ئه‌ڤرۆ ل ئێمناهى و ته‌ناهیێ دا دژین، ژ خودێ خازین ئه‌ڤ ئێمناهى و برایه‌تى یا ملله‌تێ مه‌ یا به‌رده‌وام بیت و سالێن بهێن ڤێ بیرهاتنێ ل بن ئالایێ كوردستانێ دا بگێرین و خودێ مه‌زن پێشمه‌رگه‌ و سه‌رۆكێ مه‌ ب پارێزیت.

دووڤ دا، جه‌هوه‌ر عه‌زیز، قائیمقامێ قه‌زا دهۆكێ په‌یڤه‌ك پێشكێشكر و تێدا بناڤێ كارگێریا پارێزگه‌ها دهۆكێ پیرۆزباهى ل هه‌موو موسلمانێن جیهانێ و كوردستانێ و تایبه‌ت پارێزگه‌ها دهۆك كرن، گۆت:ساخكرنا ڤێ بیره‌وه‌ریا پیرۆزه‌ ساخركنا ئه‌وان بیره‌وه‌ریێن به‌رز و بلندێن ژیانا خوشتڤى و ساخكرنا بیروه‌ریا سه‌برو هه‌دارا وى یا نه‌گوره‌ ل ده‌مێ قه‌یران و نه‌داریێ دا.

قائیمقامێ دهوك گۆت:كوردستان ژ كه‌ڤند دا جهێ برایه‌تی و پێكڤه‌ ژیانا هه‌موو  خه‌لكى بوویه‌، ئه‌و پێكهاتێن ل عیراقێ پێك ناكه‌ن ل كوردستانێ وه‌ك برا پێكڤه‌ دژین، بلا ئه‌ف هه‌لكه‌فته‌ بیته‌ ئه‌گه‌رێ بۆ زێده‌تر گیانێ برایه‌تیێ و ئه‌م هه‌موو ئێك هه‌لویست و ئێك گوتار بین به‌رامبه‌ر نه‌یار و دوژمنێن ملله‌تێ كورد، رێز و سلاف و بۆ پێشمه‌رگێن عه‌گید و چاڤ نه‌ترس پارێزه‌رێن كه‌رامه‌ت و ئاخا كوردستانێ و ده‌ست خوش بۆ رێ؟ه‌به‌ریا گشتى یا ئه‌وقاف و كارۆبارێن ئاینى ل پارێزگه‌ها دهۆك و لقێ دهۆك یا ئێكه‌تیا زانایێن ئاینى ئیسلامێ كوردستانێ و ده‌ست خوش بۆ سپونسه‌رێن ڤى كارى و كوردستان هه‌ر یا ئاڤه‌دان و ئارام بیت.

هه‌ڤده‌م د. مه‌لا جیهاد بێسفكى، سه‌رۆكێ ئێكه‌تیا زانایێن ئاینێ ئیسلامێ لقێ دهۆك، ئه‌ندامێ په‌رله‌مانێ كوردستانێ په‌یڤه‌ك پێشكێشكر و گۆت:ئێكه‌تیا زانایێن ئاینێ ئیسلامێ ده‌مێ هاتیه‌ دامه‌زراندن ل سه‌ر ده‌ستێ بارزانیێ باب خودێ ژێ رازى بیت، په‌یاما نیشامه‌دایى ئه‌ڤ بوو كو ئه‌ڤرۆ ئه‌م هه‌موو ده‌ستێن خوه‌ بكه‌ینه‌ دئێك دا وه‌ك برایێن ئێك وه‌ك له‌شه‌كى بین و سواز و په‌یمانێ ده‌ین وك ئێكه‌تیا زانایێن ئاینى  و مامۆستایێ، ئاینى په‌یاما مه‌ ئه‌و په‌یام بیت یا پێغه‌مبه‌رێ مه‌ سلاف ل سه‌ر بن پێ هاتى و خه‌لك ژ تاریاتیێ به‌ر ب رۆناهیێ ڤه‌ برى و پێكڤه‌ ژیان دروست كرى و ئه‌ڤرۆ كوردستان بوویه‌ وه‌لاتێ پێكڤه‌ ژیانێ.

مه‌لا جیهاد حه‌سه‌ن گۆتژى: خوشحالین خه‌لكه‌كێ زور ل ئه‌ف ساله‌ پشكدارى ڤێ بیرهاتنا پیرۆز بوویه‌ و ته‌یبه‌ت ژ ئاینێ، جودا ژ ئیسلامێ ل گه‌ل مه‌ دانه‌ و ڤێ بیرهاتنێ ساخ دكه‌ن و ئه‌ڤه‌ جهێ رێزێ نه‌ و سوپاسیێن بێ سنور بۆ پێشمه‌رگه‌ و هێزێن ئێمناهیێ دكه‌ین.