ئه‌ڤرۆ نیوز:
به‌رنامه‌یه‌كێ وه‌رزشى ل ئیسپانیا ئاشكراكریه‌ یانا ئه‌تله‌تیكو مه‌درید هزر ل ئینانا راهێنه‌رێ ئه‌رژه‌نتینى و یانا توتنهام یێ به‌رى نوكه‌ ماوریسیو پوكیتینو كریه‌ هه‌كه‌ راهێنه‌رێ ئه‌وان یێ نوكه‌ دیگو سیمیونى ل دووماهیا ڤى وه‌رزى ده‌ست ژ پوستێ خوه‌ به‌رده‌.

به‌رنامه‌یێ شیرنجیتو یێ وه‌رزشى یێ ته‌له‌فزونى ل ئیسپانیا ئاشكراكر كارگێریا یانا ئه‌تله‌تیكو مه‌درید پوكیتینو كریه‌ ئارمانجا خوه‌ وه‌كو پێگوهورێ راهێنه‌رێ خوه‌ یێ نوكه‌ دیگو سیمیونى هه‌كه‌ ل دووماهیا ڤى وه‌رزى پوستێ راهێنه‌ریا وێ یانێ ب جه هێلا.
هه‌ژى گوتنێ یه‌ ل چه‌ند رۆژێن بورى پوكیتینو پوستێ راهێنه‌ریا یانا توتنهام هاتیه‌ دورخستن چه‌ند یانێن به‌رنیاس ل سه‌ر ئاستێ ئورۆپا ئارمانجا خوه‌ كریه‌ ئه‌و راهێنه‌ر ئه‌وژى یانێن بایرن میونیخ و مانچێسته‌ر یونایتد و به‌رشه‌لۆنا.

ئه‌ڤرۆ نیوز:

گولچیێ كوستریكى و یانا پاریس سانجێرمان كیلور ناڤاس ل شه‌ڤا بورى شیا یانا خوه‌ ژ خوساره‌تیه‌كا مسوگه‌ر قورتال بكه‌ت پشتى شیاى به‌رامبه‌ر چه‌ندین هێرشێن یانا خوه‌ یا به‌رى نوكه‌ ریال مه‌درید راوستاى و ببو دیواره‌كێ ب هێز به‌رامبه‌ر هه‌موو هێرشێن یانا ریال مه‌درید.
هه‌ردو یانێن ریال مه‌درید و پاریس سانجێرمان ل شه‌ڤا بورى ب دو گولان وه‌كهه‌ڤبوون ژ چارچوڤێ یاریێن گه‌را 5 ژ قاره‌مانیا چامپیونیز لیگ ژ قوناغا كومان.
ناڤاس بوو مالپه‌رێ یویڤا دیاركر ئه‌و كه‌ڤتبوونه‌ د هه‌ڤركیا ب هێز دا به‌رامبه‌ر ئێك ژ باشترین یانێن جیهانى و تیما ئه‌وان د نیڤا ئێكێ دا نه‌ ل ئاستێ پێدڤى بوون لێ ل نیڤا دوێ یاریزانێن ئه‌وان ئاسته‌كێ باشتر پێشكێشكر و ئه‌نجامێ یاریێ د به‌رژوه‌ندیا ئه‌وان دا بوو.
سه‌باره‌ت ڤه‌گه‌راندنا وى بوو یاریگه‌ها سانتیاگو برنابیو ناڤبرى دیاركر ئه‌وى گه‌له‌ك بیرهاتنێن خوش ل وێ یاریگه‌هێ هه‌نه‌ و شیاینه‌ چه‌ندین ده‌ستكه‌فتیا ل گه‌ل یانا مه‌له‌كى ل وێ یاریگه‌هێ ب ده‌ستخوڤه‌ بینن و ئه‌و سوپاسیا جه‌ماوه‌رێ یانێ دكه‌ت بوو وێ پێشوازیا ل وى هاتیه‌كرن و دبینت شه‌ڤه‌كا گه‌له‌ك خوش بوو.

ئه‌ڤرۆ نیوز:
گولچیێ به‌رنیاس یێ هه‌لبژارتیێ ئه‌لمانیا و یانا به‌رشه‌لۆنا تێر شتیگن نوكه‌ دهێته‌ هژمارتن ئێك ژ باشترین گولچیا ل سه‌ر ئاستێ جیهانێ د دیداره‌كێ دا ل گه‌ل گوڤارا فرانس فتبول یا فره‌نسى ناڤێ چار گولچیا ئاشكراكر كو نوكه‌ دهێته‌ هژمارتن ژ باشترین گولچیێن جیهانێ و روله‌كێ مه‌زن ل گه‌ل یانێن خوه‌ و هه‌لبژارتیێن وه‌لاتێن خوه‌ هه‌نه‌.

هه‌ردیسان وى گولچیێ ئه‌لمانى دیاركر گولچیێ یانا ئه‌تله‌تیكو مه‌درید ئوبلاك روله‌كێ گه‌له‌ك مه‌زن ل گه‌ل یانا خوه‌ نوكه‌ هه‌یه‌ و شێوازێ وى ل گه‌ل یانا وى گه‌له‌ك د گونچیت هه‌ردیسان یێ یانا مانچێسته‌ر یونایتد داڤید دى خیا كو روله‌كى باش ل گه‌ل هه‌لبژارتیێ وه‌لاتێ خوه‌ ژى هه‌یه‌ و یێ یانا لیڤه‌رپول ئه‌لیسون بیكیر و مانویل نویر یێ یانا بایرن میونیخ روله‌كێ مه‌زن ل چه‌ند سالێن بورى ل گه‌ل هه‌ردو یانێن خوه‌ هه‌نه‌ بوو برنا چه‌ندین ده‌ستكه‌فتیان .
هه‌ردیسان سه‌باره‌ت هه‌ڤالێ خوه‌ ل هه‌لبژارتیێ ئه‌لمانیا نویر ناڤبرى دیاركر ئه‌و هه‌ردو هه‌ڤركیه‌كا باقژ دكه‌ن بوو پاراستنا درێسێ وه‌لاتێ خوه‌ و ئه‌و دبینت نویر ئێك ژ باشترین گولچیا نه‌ نوكه‌ ل سه‌ر ئاستێ جیهانێ و روله‌كێ وى ل ماوێ بورى ل گه‌ل هه‌لبژارتیێ ئه‌لمانیا و یانا بایرن میونیخ چ جاران ناهێته‌ ژبیركرن.

ل دووماهیى وى گولچیێ به‌رشه‌لۆنا دیاركر ژى راسته‌ ئه‌و نوكه‌ گولچیێ هژمارا ئێك ل یانا خوه‌ لێ پێدڤى یه‌ ئه‌و هه‌موو گاڤان رێزى ل هه‌ڤالێن خوه‌ یێن دى ژى ل یانێ بگریت یێن گولچیى و پێدڤى یه‌ ئاستێ خوه‌ پارێزیت و هه‌ڤركیێ هه‌رده‌م بكه‌ت بوو پاراستنا ئاستێ خوه‌.