ئه‌ڤرۆ نیوز:
هه‌لبژارتیێ ئیتالیا بوو جارا ئێكێ د مێژویا خوه‌ دا شیا 10 یاریان ل دیڤ ئێك سه‌ركه‌فتنێ توماربكه‌ت و شیا نمرا خوه‌ یا به‌رى 81 سالان بشكێنیت ده‌مێ ل سالا 1938 شیاى بوو 9 یاریان ل دیڤ ئێك سه‌ركه‌فتنێ توماربكه‌ت .
ئه‌و 10 یاریێن ئیتالیا شیاى دووماهیى یارى سه‌ركه‌فتنێ توماربكه‌ت ل گه‌ل ئه‌ڤان هه‌لبژارتیێن خوارێ بوون.
ئه‌مریكا ✅
فیله‌ندا ✅
لیشتنشتاین ✅
یونان ✅
بوسنا هه‌رسك ✅
أرمینیا ✅
فیله‌ندا ✅
یونان ✅
لیشتنشتاین ✅
بوسنا هه‌رسك ✅

ئه‌ڤرۆ نیوز:

یانا توتنهام یا ئنگلیزى هزر ل وێ چه‌ندێ كریه‌ ل ڤه‌گوهاستنێن زڤستانا بهێت یان یا هاڤینێ هه‌ڤبه‌ستێ ل گه‌ل ئێك ژ یاریزانێن یانا به‌رشه‌لۆنا ئیمزا بكه‌ت .
رۆژناما موندو دیپورتیڤو دیاركریه‌ به‌رپرسێن یانا توتنهام ل سه‌ر داخوازیا راهێنه‌رێ خوه‌ یێ ئه‌رژه‌نتینى ده‌ست ب لڤینا كریه‌ بوو ده‌ستڤه‌ ئینانا ستێرا هه‌لبژارتیێ به‌رازیل و یانا به‌رشه‌لۆنا ڤلیپ كوتینهو ئه‌وێ نوكه‌ ب شێوه‌یێ خواستن یارى ل یانا بایرن میونیخ دكه‌ت .
یانا توتنهام ل هاڤینا بورى گه‌له‌ك نێزیكى ئیمزاكرنا هه‌ڤبه‌ستا ئه‌وى یاریزانى ببو لێ دووماهیى چركه‌ خوه‌ ژ ڤه‌گوهاستنا ئه‌وى یاریزانى ڤه‌كێشا ژبه‌ر كوژمێ مه‌زن یێ یانا به‌رشه‌لۆنا ژ توتنهام خواستى.
زێده‌تر وێ رۆژمامێ ئاشكراكریه‌ ژى دبیت ب رێژا هه‌ره‌ مه‌زن كوتینهو ل سه‌ر داخوازیا توتنهام رازى بیت ژبه‌ركو ئه‌و دخوازیت جاره‌كا دى ڤه‌گه‌ریته‌ خۆلا ئنگلته‌را تایبه‌ت پشتى ل ڤێ دووماهیێ بوویه‌ یاریزانه‌كێ یه‌ده‌گ ل گه‌ل وێ یانا ئه‌لمانى .

ئه‌ڤرۆ نیوز:

هه‌لبژارتیێ ئیسپانیا ل شه‌ڤا بورى شیا سه‌ركه‌فتنه‌كا مه‌زن ل سه‌ر هه‌لبژارتیێ مالتا توماربكه‌ت ب حه‌فت گولان بێ به‌رامبه‌ر ژ چارچوڤێ یاریێن ڤاڤارتنێن یورۆیا 2020.
مالپه‌رێ سكواكا یێ تایبه‌ت ئامارێن وه‌رزشى ڤه‌ ئاشكراكر هه‌لبژارتیێ ئیسپانیا بوو جارا ئێكێ یه‌ د مێژویا خوه‌ دا بشێت سه‌ركه‌فتنه‌كا مه‌زن توماربكه‌ت و حه‌فت یاریزان هه‌ر ئێك گوله‌كێ توماربكه‌ت .
هه‌ژى گوتنێ یه‌ هه‌ر حه‌فت گولێن ئیسپانیا ژلایێ یاریزانێن وێ ئه‌لڤارو موراتا ل ده‌قیقا 23، سانتی كازورلا (ده‌قیقا41)، پاو توریس (ده‌قیقا 62)، پابلو سارابیا (ده‌قیقا 63)، دانی ئولمو (ده‌قیقا 69)، جیرارد مورینو (ده‌قیقا 71)، خیسوس نافاس (ده‌قیقا 85) هاتبوونه‌ توماركرن.

ئه‌ڤرۆ نیوز:
راهێنه‌رێ هه‌لبژارتیێ به‌رازیل لیناردو باتشى تیتى دیاركر ستێرا گه‌نچ یا هه‌لبژارتیێ به‌رازیل و یانا ریال مه‌درید رودریگو شیانێن مه‌زن هه‌نه‌ سه‌ره‌راى یاریزانه‌كێ گه‌نچ نوكه‌ ل ده‌ستپێكا ژیانا خوه‌ یا پێشكه‌ڤتنێ یه‌ لێ نوكه‌ شیانێن ستێره‌كا مه‌زن ل ده‌ڤ وى یاریزانى هه‌نه‌.
زێده‌تر راهێنه‌رێ هه‌لبژارتیێ به‌رازیل پشتى یاریا به‌رامبه‌ر ئه‌رژه‌نتین ئه‌وا ب سه‌ركه‌فتنا هه‌لبژارتیێ تانگو ب دووماهیى هاتى بوو ده‌زگه‌هێن راگه‌هاندنێ دیاركر رودریگو پاشه‌رۆژه‌كا گه‌ش بوو ته‌پا پێ یا هه‌لبژارتیێ به‌رازیلێ هه‌یه‌ و ئه‌و د وێ باوه‌ریێ دا یه‌ ئه‌و دێ بیته‌ ئێك ژ ستێرێن به‌رنیاس ل سه‌ر ئاستێ جیهانێ ل ماوێ بهێت.

رودریگو دوهى یاریا خوه‌ یا ئێكێ ب درێسێ هه‌لبژارتیێ به‌رازیل كر ده‌مێ ل ده‌قیقا 70 هاتیه‌ دناڤ یاریێ دا ل جهێ هه‌ڤالێ خوه‌ ولیامى.

ئه‌ڤرۆ نیوز:
هه‌ردو یانێن به‌رشه‌لۆنا و ریال مه‌درید كه‌ڤتى نه‌ د هه‌ڤركیا ب ده‌ستڤه‌ ئینانا ستێره‌كا ئه‌فریقى دا بوو ڤه‌گوهاستنێن هاڤینا بهێت.
رۆژناما زه‌سه‌ن یا برێتانى ئاشكراكریه‌ هه‌ردو جه‌مسه‌رێن مه‌زن یێن ئیسپانیا به‌رشه‌لۆنا و ریال مه‌درید هه‌ڤركیێ ل سه‌ر ده‌ستڤه‌ ئینانا ستێرا هه‌لبژارتیێ گابون و یانا ئه‌رسینال ئوبامیانگ دكه‌ن بوو ڤه‌گوهاستنا ئه‌وى ل هاڤینا بهێت.
هه‌ردیسان وێ رۆژنامێ ئاشكرا كریه‌ ژى هه‌ڤبه‌ستا ئوبامیانگ دێ ل هاڤینا 2021 ب دووماهیى هێت و هه‌تا نوكه‌ ئه‌وى یاریزانى هه‌ڤبه‌ستا خوه‌ ل گه‌ل وێ یانێ درێژ نه‌كریه‌ و بوو به‌رپرسێن یانێ دیاركریه‌ هه‌كه‌ یانه‌ نه‌ ده‌ربازى قاره‌مانیا چامپیونیز لیگ بوو ئه‌و هه‌ڤبه‌ستا خوه‌ درێژ ناكه‌ت و ب ڤێ چه‌ندێ ترس كه‌تیه‌ دلێ به‌رپرسێن وێ یانێ و دبیت ب رێژه‌كا هه‌ره‌ مه‌زن ل دووماهیا ڤى وه‌رزى ئه‌وى یاریزانێ خوه‌ بفروشن به‌رى ئه‌و یاریزان سالا دویڤدا ب هه‌ڤبه‌سته‌كا سه‌ربه‌ست به‌ر ب یانه‌كا دى بچیت.
وێ رۆژنامێ ئه‌و چه‌نده‌ ژى دیاركریه‌ به‌رى نوكه‌ بابێ وى یاریزانى ئاشكراكربوو خێزانا ئه‌وان پشته‌ڤانێن ریال مه‌درید و كورێ وى گه‌له‌ك جاران بوو ئه‌وان دیاركریه‌ خه‌ونا وى یه‌ رۆژه‌كێ یارى ل یانا ریال مه‌درید بكه‌ت و سوز دابوو باپیرێ خوه‌ ئه‌و یاریێ ل یانا ریال مه‌درید بكه‌ت .
ژلایه‌كێ دیڤه‌ رۆژناما سكاى سپورتس دیاركریه‌ یانا به‌رشه‌لۆنا گرنگیه‌كا مه‌زن ب شیانێن ئه‌وى یاریزانى دایه‌ بوو ئیمزاكرنا هه‌ڤبه‌ستا ئه‌وى كو به‌رپرسێن وێ یانێ وه‌سا دبینن باشترین پێگوهورێ سوارێز ل ماوێ بهێت دێ ئوبامیانگ بیت .

ئه‌ڤرۆ نیوز:
یانا مونتریال ئامباكت یا كه‌نه‌دى ئه‌وا پشكدار دخۆلا ئه‌مریكا یا ته‌پا پێ دا ب فه‌رمى راگه‌هاند هه‌ڤبه‌ستا ستێرا به‌رنیاس یا جیهانى یا به‌رى نوكه‌ و راهێنه‌رێ به‌رى نوكه‌ یێ یانا موناكو تێرى هێنرى ئیمزاكر وه‌كو راهێنه‌رێ نوو یێ وێ یانێ .
سه‌رۆكێ یانا مونتریال ئامباكت بوو ده‌زگه‌هێن راگه‌هاندنێ دیاركریه‌ ئه‌وان ب فه‌رمى هه‌ڤبه‌ستا تێرى هێنرى ئیمزاكر بوو سه‌رپه‌رشتیا یانا ئه‌وان بكه‌ت بوو دو وه‌رزێن بهێت.

ئه‌ڤرۆ نیوز:
پشتى ل شه‌ڤا بورى هه‌لبژارتیێ ئنگلته‌را شیاى سه‌ركه‌فتنه‌كا مه‌زن ل سه‌ر هه‌لبژارتیێ مونتیگرو توماربكه‌ت ب پێنچ گولان بێ به‌رامبه‌ر ژ چارچوڤێ ڤاڤارتنێن یورۆیا 2020 و كابتنێ ئنگلته‌را و ستێرا وێ هارى كین شیاى هاتریك توماربكه‌ت شیا نمره‌كا باش ل گه‌ل هه‌لبژارتیێ خوه‌ توماربكه‌ت .
مالپه‌رێ ئوپتا یێ تایبه‌ت ب ئامارێن وه‌رزشى ڤه‌ دیاركریه‌ هارى كین بوو یاریزانێ ئێكێ وه‌كو كابتن و یاریزانه‌كێ سه‌ره‌كى یارى بكه‌ت بشێت 24 گولان توماربكه‌ت.
ژلایه‌كێ دیڤه‌ مالپه‌رێ سكواكا ژى یێ تایبه‌ت ب ئامارێن وه‌رزشى ڤه‌ ئاشكراكر هارى كین پێشڤه‌ هاته‌ رێزا شه‌شێ د مێژویا گولكه‌رێن هه‌لبژارتیێ ئنگلته‌را دا پشتى شیاى هژمارا گولێن خوه‌ ب گه‌هینته‌ 31 گولان.
هه‌ژى گوتنێ یه‌ واین رونى نوكه‌ ل سه‌رێ لیستا باشترین گولكه‌رێن مێژوى یێن هه‌لبژارتیێ ئنگلته‌را دهێت ب توماركرنا (54 گولان) و بوبى چهارلتون رێزا دوێ دهێت ب (49 گولان) و گارى لینیكر رێزا سێ دهێت (48 گولان) و جیمى گریڤز رێزا چارێ دهێت ب (44 گولان) و مایكل ئوین رێزا پێنچێ دهێت (49 گولان)