ئه‌ڤرۆ نیوز:
شتى ستێرا نه‌رویجى و یانا سالزبورگ یا نه‌مساوى ئیرلینگ هالاند شیاى ئاسته‌كێ بلند ل وه‌رزێ ئه‌ڤ ساله‌ ل گه‌ل یانا خوه‌ پێشكێش بكه‌ت تایبه‌ت د قاره‌مانیا چامپیونیز لیگ دا كو ل 4 یاریێن ده‌ستپێكێ ل قوناغا كومان شیا 7 گولان توماربكه‌ت هه‌ردیسان 12 یاریێن خولا نه‌مسا دا ژى شیاى 15 گولان توماربكه‌ت و ژبه‌ر وى ئاستێ بلند نوكه‌ هژماره‌كا یانێن به‌رنیاس دخوازن هه‌ڤبه‌ستێ ل گه‌ل وى یاریزانى ئیمزا بكه‌ن ژ ئه‌وانان ئه‌رسینال و لیڤه‌رپول و مانچێسته‌ر یونایتد یێن ئنگلیزى و به‌رشه‌لۆنا و ریال مه‌درید یێن ئیسپانى و بایرن میونیخ یا ئه‌لمانى .
راپورتێن رۆژنامه‌ڤانى ل ئورۆپا دیاركرینه‌ به‌رپرسێن وێ یانا سالزبورگ یا نه‌مسا بهایێ فروتنا ستێرا خوه‌ یا گه‌نچ یا نه‌رویجى ئاشكراكر و دیاركریه‌ هه‌ر یانه‌كا حه‌زا ئیمزاكرنێ گه‌ل وى یاریزانى هه‌بیت پێدڤى یه‌ كوژمێ 100 ملیون یورۆیا پێشكێشى به‌رپرسێن وێ یانێ بكه‌ن وه‌كو بهایێ هه‌لوه‌شاندنا وى.

ئه‌ڤرۆ نیوز:
خوساره‌تیا مانچێسته‌ر سیتى به‌رامبه‌ر لیڤه‌رپول بوویه‌ ئه‌گه‌رێ نه‌ ئارامیا به‌رپرسێن وێ یانێ و راهێنه‌رێ وێ تیمێ تایبه‌ت پشتى 9 خالان لیڤه‌رپول ژ ئه‌وان دوركه‌فتى و وه‌سا دبینن رێیا ئه‌وان ب زه‌حمه‌ت كه‌ڤت بوو پاراستنا ناسناڤێ خولێ بوو وه‌رزێ سێ.
راپورتێن رۆژنامه‌ڤانى ل برێتانیا ئاشكراكرینه‌ به‌رپرسێن یانا مانچێسته‌ر سیتى كوژمێ 100 ملیون جینێ ئیسترلینى به‌رهه‌ڤكرینه‌ بوو ئیمزاكرنا چه‌ند یاریزانێن نوو ل ڤه‌گوهاستنێن زڤستانا بهێت بوو ب هێز ئێخستنا پێكهاتیێ یانێ .
هه‌ردیسان هاتیه‌ دیاركرن ژى پشتى خوساره‌تیا به‌رامبه‌ر لیڤه‌رپول راهێنه‌رێ یانێ پیپ گواردیولاى داخوازى ژ به‌رپرسێن یانێ كر هه‌ڤبه‌ستێ ل گه‌ل به‌ره‌ڤانه‌كێ نوو ئیمزا بكه‌ن ژبه‌ركو پشتى چوونا به‌ره‌ڤانێ ئه‌وان و كابتنێ ئه‌وان یێ به‌رى نوكه‌ كومپانى ڤالاتیه‌كا مه‌زن ئێخستى یه‌ هێلا به‌ره‌ڤانیا وێ یانێ و دخوازن هه‌ڤبه‌ستێ ل گه‌ل به‌ره‌ڤانه‌كێ خودان شیان ئیمزا بكه‌ن .
هه‌ردیسان هاتیه‌ دیاركرن ژى راهێنه‌رێ وێ یانێ دخوازیت هه‌ڤبه‌ستێ ل گه‌ل یاریزانه‌كێ هێلا ناڤین ئیمزا بكه‌ن وه‌كو پێگوهور ل جهێ كابتنێ وێ یێ نوكه‌ دیڤد سیلڤا ئه‌وێ دێ هه‌ڤبه‌ستا وى ل دووماهیا ڤى وه‌رزى ب دووماهیى هێت.
هه‌ردیسان هاتیه‌ دیاركرن ژى راهێنه‌رێ یانێ و كارگێریا یانێ گه‌هشتى نه‌ رێككه‌فتنێ ل ڤه‌گوهاستنێن بهێت هه‌ڤبه‌ستێ ل گه‌ل سێ یاریزانێن نوو ئیمزا بكه‌ن .

ئه‌ڤرۆ نیوز:
یانا میلان هزر ل ڤه‌گوهاستنا یاریزانه‌كێ یانا ریال مه‌درید دا كریه‌ ل ڤه‌گوهاستنێن زڤستانا بهێت.
مالپه‌رێ سپورت میدیاسیت دیاركریه‌ یانا میلان دخوازیت ل ڤه‌گوهاستنێن بهێت هه‌ڤبه‌ستێ ل گه‌ل ماریانو دیاز ئیمزا بكه‌ت بوو ب هێز ئێخستنا هێلا هێرشبه‌ریا خوه‌ .
هه‌ردیسان وى مالپه‌رى دیاركریه‌ بوو ده‌ستڤه‌ ئینانا ئه‌وى یاریزانى بوو میلان یا ب زه‌حمه‌ت نابیت ژبه‌ركو یانا ریال مه‌درید به‌رى نوكه‌ دیاركریه‌ ل ڤه‌گوهاستنێن بهێت ئه‌و دێ ده‌ستا ژ ئه‌وى یاریزانى به‌رده‌ن .
ژلایه‌كێ دیڤه‌ چه‌ند راپورتێن رۆژنامه‌ڤانى دیاركریه‌ میلان دێ كه‌ڤیته‌ د هه‌ڤركیێ دا ل گه‌ل یانا ره‌یان یا قه‌ته‌رى ئه‌وا ژلایێ خوه‌ ڤه‌ به‌رهه‌ڤیا خوه‌ دیاركرى بوو ئیمزاكرنا وى یاریزانێ ریال مه‌درید و كوژمه‌كێ مه‌زن یێ پاره‌ى بوو ڤه‌گوهاستنا وى ته‌رخان كرى.
هه‌ژى گوتنێ یه‌ ماریانو دیاز ل وه‌رزێ ئه‌ڤ ساله‌ نه‌شیا ب هیچ ره‌نگه‌كى ده‌لیڤه‌یا خوه‌ ل گه‌ل یانا ریال مه‌درید د هه‌موو ئه‌و قاره‌مانیێن یانه‌ تێدا پشكدار نه‌شیا چ یاریان بكه‌ت.