ئهڤرۆ نیوز:
راگههاندنا هێزا ئێك یا پاسهوانێن سنورى ل باتیفا ئاگههداریا وان پاسهوانێن سنورى دكهت ئهوێن ژ سالا 2003 ههتا سالا 2019 هاتینه دوورخستن ژ ناڤ رێزێن پاسهوانێن سنورى هێزا ئێك دهۆك، باتیفا دكهت كو د دهمێ 24 دهمژمێرێن بهێت دا سهرهدانا هێزا ناڤبرى بكهن تاكو جارهكادى فۆرمێن پێدڤى بۆ بهێنه داگرتن.
ئهڤرۆ نيوز:
وهزارهتا گهنجینهیا ئهمریكا راگههاند: دۆنالد ترامپی گلۆپا كهسك بۆ سهپاندنا سزایێن ئابۆری ل سهر توركیا ههلكر.
د راگههاندنهكێ دا وهزارهتا گهنجینهیا ئهمریكا دیاركر: دۆنالد ترامپ سهرۆكێ ئهمریكا یاداشتنامهیهك ئیمزاكرییه كو لگۆرهی وێ دهستههلاتداییه وهزارهتا گهنجینهیێ سزا ل سهر توركیا بهێن سهپاندن.
دا زانین ژی: ژ بهر بریارا توركیا یا هێرشكرنا باكۆرێ سووریێ، دێ سزایێن ئابۆری ل سهر توركیا هێنه سهپاندن.
ئهڤرۆ نیوز:
وهزارهتا بهرگریا توركى ئهڤرۆ ئهینیێ 11/10/2019 د بهیاننامهكێ دا ب فهرمى راگههاند، د هێرشێ دا ل سهر باكوورێ سووریێ ههتا نوكه ئێك سهرباز یێ هاتیه كوشتن و سێ سهرباز ژى بریندار بووینه.
ژ لایێ خوهڤه رهوانگهها سوورى بۆ مافێن مرۆڤى بهلاڤكر” ژ ئهنجامێ هێرشا توركیا ههتا نوكه 10 وهلاتیێن سڤیل گیانێ خوه ژ دهتسدایه، ههروهسا 29 شهرڤانێن هێزێن سووریا دیموكرات (ههسهده) ل بهرهیێن شهرى دژى لهشكرێ توركى گیانێ خوه ژدهستدایه”.
ل رۆژا چارشهمبى 9/10/2019 بسهرپهرشتیا رهجهب تهیب ئهردۆگان سهرۆك كۆمارا توركیا، هێرشا لهشكرێ توركی و گرۆپێن توندرهوێن ئۆپۆزسیۆنا سوورى بۆ سهر رۆژئاڤایێ كوردستانێ دهستپێكر.
ههسهده هێزهكا لهشكرى یه ب پشتهڤانیا ئهمریكا بۆ رزگاركرنا دهڤهرێن داگیركرى یێن رۆژئاڤایێ كوردستانێ و سووریێ ژ رێكخراوا داعش یا تیرۆرستى هاتبوو پێكئینان، یهكینهیێن پاراستنا گهل (یهپهكه) كو بالێ لهشكرى یێ پارتیا كرێكارێن كوردستانێ (پهكهكه) ل رۆژئاڤایێ كوردستانێ بالێ سهرهكى یێ هێزێن ههسهدێ یه.
ئەڤرۆ نیوز، نەوزاد هلۆری:
سێ کومپانیێن کوردستانێ، کو دوارێ گەشتیاری دا کاردکەن، وەکو پشتەڤانی بۆ روژئاڤایێ کوردستانێ و لاوازکرنا ئابوورا تورکیا، بایکوت راگەهاند و ئەڤرۆ وێڤە چوو گەشتیاران نابەن تورکیا.
عەبدولرەحمان دوسکی، خودانێ کومپانی و گروپە گەشتیاریێن بناڤێ پیرۆ گروپ بۆ ئەڤرۆ نیوز گوت: (من سێ کومپانیێن گەشتیاری هەنە، رۆژانە و حەفتانە و هەیڤانە و وەرزانە گەشتیاران دناڤبەرا هەرێما کوردستانێ و تورکیا دئینین و دبەین، وەکو پشتەڤانی بۆ روژئاڤایێ کوردستانێ و لاوازکرنا ئابوورا تورکیا مە بایکوت راگەهاند).
زێدەتر گوت: (ئەڤ بایکوتە دێ ب ئێکجاری بیت، ئەم دخوازین ب رێیا بایکوتێ بزاڤێ بکەین ئابوورا تورکیا لاوز بکەین، دێ بزاڤێ کەین کو کومپانیێن زێدەتر بینینە دناڤ بابەتێ بایکوتێ دا و مە چەند کومپانی و هەڤال ژی ئاگەهدارکرینە).
ناڤبری دیارکر ژی کو ئەوان ب رێیا گرۆپێن خوەیێن گەشتیاری سالانە دناڤبەرا دو هزار بۆ 10 هزار گەشتیار و وەلاتی دبرنە تورکیا و زێدەتر گۆت: (مە ژبلی برنا گەشتیاران هەڤدەم حجزکرنا ئوتێل و موتێل و پلێتا فروکە و پاس و چەندین کارێن دن یێن گەشتیاری ژی بۆ گەشتیار و وەلاتیان دکرن، ئەڤ یەک ژی مە بایکوت کرن).
ئهڤرۆ نيوز:
سهرۆكێ حوكمهتا ههرێما كوردستانێ مهسرور بارزانى، ل رێ و رهسمێن دهرچوونا قوتابيێن زانكۆيا سهلاحهديين ل ههولێرێ، پيرۆزباهيا دهرچوويان كر و راگههاند، ب پشكداريێ د رێ و رهسمێن دهرچوونا خۆلا 38 يا زانكۆيا سهلاحهددين خوهشحالم كو تێدا زێدهتر ژ 5 هزار قوتابى خواندنا زانكۆيێ ل 15 كۆليێن زانكۆيێ تمامكرى و باوهرناما بهكالوريۆسێ ب دهستڤهئيناى.
مهسرور بارزانى رۆهنكر كو د كارناما كابينا نههێ يا حوكمهتێ دا، گرنگيهكا تايبهت ب پهروهرده و خواندنا بلند هاتيه دان و ئهو كهرته ژه گرهنتيا ئابوورهكێ ب هێزن و جڤاكهكێ سهقامگير.
گۆت ژى” دێ گرنگيهكا زێدهتر ب ڤهكۆلينێن زانستى دهين و پشتهڤانيا ڤهكۆلهرێن سهركهفتيێن زانكۆيێ كهين”.
ل دۆر پێشڤهبرنا وى كهرتى، راگههاند كو دێ زانكۆيان باشتر ئامادهكهن بۆ وێ چهندێ ڤهكۆلينێن زانستى بهێنه گرێدان ب چارهسهركرنا پرسێن ههرێما كوردستانێ و پرۆگرامێن خواندنێ دێ پێشڤهبهن و دێ نێزيكى سيستهمێن پێشكهفتى يێن جيهانى كهن كو ئهڤێ يهكێ دێ كاريگهرى ل سهر ئاستێ كارا و ژێهاتنا دهرچوويان ههبيت.
سهرۆكێ حوكمهتا ههرێما كوردستانێ ئاماژهكر كو بۆ ئێكهمين جار ئهڤ ساله 96% ژ دهرچوويێن ئامادهيى ل زانكۆ و پهيمانگههێن حكومى بهێنه وهرگرتن و كريا خواندنا پارالێل ب رێژهيا 45% مه كێمكر.
مهسرور بارزانى پهيامهك ئاراستهى دهرچوويان كر و راگههاند، ل ڤێرێ پرۆسا خواندنێ ب دووماهى ناهێت و پێدڤيه د بهردهوام بن د پێشڤهبرنا شيانێن خوه و بلا ههوه باوهرى ب شيانين خوه ههبيت.
خوياكر ژى كو مافێ رهوايێ ههوهيه كو خهونا ب دهستڤهئينانا دهليڤا كارى و ئابوورهكێ سهقامگێر ههبيت، بهلێ پێدڤيه وێ راستيێ ژى ل بهرچاڤ وهربگرن، كو حوكمهت نهشێت دهليڤێن كارى بۆ ههموو دهرچوويێن زانكۆيێ تهرخان بكهت، بهلكو دڤێت كهرتێ تايبهت و كهرتێن پيشهسازى پشكدار و هاريكار بن.
ئهڤرۆ نيوز:
ئهڤرۆ پێنجشهمبى 10/10/2019 پشتى ههڤركيهكا زۆر ل گهلنهخوهشيێ، نڤيسهر و رۆژنامهڤانێ عيراقى و ههڤدهم دۆستێ گهلێ كورد (عهدنان حسێن) ل نهخوهشخانهكا لهندهن گيان وهغهركر.
عهدنان جسێن خهلكێ پارێزگهها بابله و ل سالێن حهفتيان پشكا راگههاندنێ ل كوليژا ئادابێ ب دووماهى ئينابوو و ژييهكێ درێژ ل گهل نڤيسين و كارێ رۆژنامهڤانى بريه.
ناڤبرى ل چهندين رۆژنامه و كوڤارێن عهرهبى كاركريه وهكو ( الشرق الاوسط) و ( المدى) كو جێگرێ سهرنڤيسهرێ وێ بوو.
عهدنان حسێن دۆستهكێ نێزيك يێ گهلێ كورد بوو و بهردهوام د نڤيسينێن خوه دا بهرگرى ژ مافێن خهلكێ كوردستانێ دكر، ل دهمێ سهپاندنا سزايان ژ لايێ حهيدهر عهبادى سهرۆك وهزيرێن عيراقێ يێ بهرێ، پشتى ريفراندۆما سهربخوهيا كوردستانێ، گهلهك رهخنه ل حوكمهتا عراقێ و عهبادى گرتن.
ل سالێن نوتان دا بهردهوام هاتنوچوونا ههرێما كوردستانێ دكر وراپۆرت و نڤيسينێن بابهتيانه ل سهر ههرێما كوردستانێ بهلاڤ دكرن.
ئەڤرۆ نیوز،بارزان مزووری:
ئەڤرۆ 10/10/2019 ل كومەلگەها چرە سەر ب ناحیا قەسرۆك ژنەك دكەڤیتە بەر كارەبێ و گیانێ خۆ ژ دەست دا.
عامر معرۆف،جیرانێ وێ ژنێ ل كومەلگەها چرە بۆ ئەڤرۆ نیوز گوت: ئەو ژنا كەفتیە بەركارەبێ بناڤێ”س،م” ژیێ وێ 21 سالە رادبیت ب هەلكرنا موبەریدێ ئێكسەر كارەب دگریت و دئهنجامدا گیانێ خوه ژ دەست ددهت و تهرمێ وێ بۆ نوشداريا داد ل دهۆكێ دهێتە ڤەگوهاستن.
ناڤهاتی خویاكر ئەو ژنا گیانێ خوه ژ دەست دای دەیكا زارویەكی یە و ئاكنجيا تاخێ (خارێ) يه ل سەنتەرێ كومەلگەها چرە.
ئهڤرۆ نیوز:
ئهڤرو پشتى نیڤرو 10/ 10/2019 فهرهاد ئهمین پارێزگهرێ دهوكێ جودا جودا دگهل رێڤهبهریێن خزمهتگوزارى ورێكخراوێن مروڤایهتى كومبوو..
د كومبونێدا ب ئامادهبونا فههیم عبدالله سهروكێ جڤاتا پارێزگهها دهوكێ بهحسێ رهوشا روژئاڤایێ كوردستانێ وئوپهراسیونا لهشكرێ تركى ل سهر دهڤهرێن روژئاڤا ومهترسیا ئاوارهبونا هاولاتیان وچاوانیا خو بهرههڤكرنێ بو پێشوازیكرن وخزمهتكرنا ههر پێلهكا پهنابهران كو قهستا سنورێن پارێزگهها دهوكێ بكهن هاته كرن.
فهرمانگههێن پهیوهندیدار هاتنه راسپاردن كو پلانێن خوه بۆ ههر پێشهاتهكا نهچاڤهرێكرى روو بدهت بهرههڤكهن.
پاش د كونگرهكێ روژنامهڤانیدا پارێزگهرێ دهوكێ دیاركر كو كومبونا ئهڤرۆ دگهل دهزگههێن خزمهتكارى وئێمانیێ ل دوڤ راسپاردێن سهروكێ حكومهتا ههرێما كوردستانێَ بو وگوت: ههموو لایهن هاتنه راسپاردن كوبهرههڤیێن باش بهێنه كرن بو ههر حالهتهكێ نهپێشبینكرى وئاوارهبونا كوردێن روژئاڤا چونكى ئهركێ مهیه خزمهتێن پێدڤى بو ههر پهنابهرهكى بكهین .
ههروهسا گوت: ئهم دگهل رێكخراوێن مروڤایهتى ژى كومبویه بۆ ههمان مهبهست كو وهكو ئێك تیم كاربكهین ژپێخهمهت پێشكێشكرنا باشترین خزمهتان بو پهنابهران وحكومهتا ههرێما كوردستانێ ژى دێ پشتهڤانیا كارگێریا پارێزگههێ كهت بو ڤێ مهرهمێ چونكو بارێ گران دێ ل سهر پارێزگهها دهوكێ بیت وهكو حكومهت وخهلكێ پارێزگههێ لهوما فهره كارهكێ رێكخستى بهێته بكرن .
وگوت : نوكه مه جهێ حهواندنا نێزیكى سێ هزار خێزانا ل سنورێ پارێزگههێ ههیه .
ههروهسا سهروكێ جڤاتا پارێزگههێ دیاركر كو كومبونا ئهڤرو یا گرنگ ودجهێ خودا بو ژپێخهمت بهرههڤكرنا پلانێت رێك وپێك وپێش وهخت بو پێشوازیكرنا ههر پێلهكا پهنابهران.
ههژى گوتنێ یه نوكه پترى (595)هزار كهسا وهكو ئاواره وپهنابهر ل سنورێ پارێزگههى دئاكنجینه ژوان 500 هزار ئاوارهنه و95هزار پهنابهرێن سورى نه.
ئەڤرۆ نیوز، مەحمود نهێلی
د روودانەکی دا ل گوندێ سپیندارێ یێ سەر ب ناحیا چەمانکێ پشتی نیڤرۆ یا ئەڤرۆ ۱۰/۱۰/۲۰۱۹ کەسەکی گیانێ خوە ژ دەست دا و دهێتە شاندن بو نوژداریا داد ل دهوکی .
یوسف گیزی وەک ئێک ژ کەس و کارێ وی بو ئەڤرۆ نیوز دیار کر، کو ئەڤ روودانە ددەمەکی دا چێبوویە کو ئەڤ کەسە چوبو گوندێ سپیندارێ و د کەڤرەکی دا دفریت و گیانێ خوە ژ دەست ددەت.
و گۆت : ئەڤ کەسە خەلکی گوندێ گیزێ یە و ئاکنجیێ سەنتەرێ پارێزگەها دهوکێ یە و ناڤێ وی نیهاد سالحە و تەمەنێ وی دورێن ٤۰ سالیێ نە.
ئهڤرۆ، عهلی حاجی:
جهیلان زاخۆیی، سترانبێژهكا رۆژئاڤایێ كوردستانێ یه، د دیدارهكێ دا بۆ رۆژناما ئهڤرۆ گۆت: ژبهر ڤیانا من بۆ خهلكێ زاخۆ من ناسناڤێ خوه ب زاخو َراكری یه د هونهری و دا ئهز مژوولی كلیپهكا نوومه و د نوكهدا دێ كار ل سهرتۆماركرنا وێ كلیپێ كهم.
جهیلانێ گۆت: ئهزخهلكا رۆژئاڤایێ كوردستانێ مه، ل سالا 2013 ئهز هاتمه ههرێما كوردستانێ و بۆ جارا ئێكێ من ل بنگههێ رهوشهنبیری یێ ئاكرێ ستران دگۆتن، ل سالا 2015 من قهستا ژ دهرڤه كری یه و ههر ل سالێ دا من دهست ب سترانگۆتنێ كری یه، من كارێ تۆماركرنا ئێكهم سترانا خوه ب دووماهی ئینایه و من ل بهره ئهز وێ سترانێ كلیپ بكهم و وهكو ئێكهم كارێ خوه یێ هونهری بهلاڤ بكهم، ژبهر ڤیانا و حهزژێكرنا من یا زێده بۆ باژێرێ زاخۆ من ناسناڤێ زاخۆیی دكارێن خوه یێن هونهری دا دانایه، ژبهركو زاخۆ ئێك ژ وان باژێرایه كو هژمارهكا هونهرمهندێن مهزن ژێ رابووینه و بووینه قوتابخانه بۆ گهلهك هونهرمهندان، دهمێ ئهز ل كوردستانێ مالا من پشتهڤانیهكا مهزن ل من دكرن و ئهو بووئهگهر ههتا نوكه یا بهردهوام بم.
ل دووماهیێ گۆت: پشتی هاتیمه وهلاتێن ئورۆپی ئهز بهردهوام خوه نێزیكی هونهرمهندان دكهم داكو بشێم زێدهتر فێری هونهری ببم، ئهو سترانا نوو ژ پهیڤ و ئاوازێن منن و من مۆزیك ل وهلاتێ توركیا تۆماركر یه و د دهمهكێ نێزیكدا دێ ل وهلاتێ ئهلمانیا كلیپ بكهم، ئهزحهز دكهم سترانێن هونهرمهندێن مهزن ب دهنگێ خوه نوو بكهم و دخازم ژی سترانهكا دوقۆلی ژی تۆمار بكهم.
نيشاندان