ئه‌ڤرۆ نیوز،عه‌لی حاجی :
تورێن جڤاكا سڤیل ل زاخۆ ب هه‌كاری دگه‌ل رێڤه‌به‌ریا ساخله‌میا زاخۆ رابون ب ده‌ست پێكرنا هه‌وه‌ك خوین به‌خشینێ بۆ بریندارێن روئاڤایێ كوردستانێ و دوێ هه‌وێ دا رێژه‌یه‌كا باش یا خه‌لكێ زاخۆ پشكدار بون .
ل دور ڤێ چه‌ندێ دكتور قه‌ره‌نی رێڤه‌به‌رێ ساخله‌میا زاخۆ بۆ ئه‌ڤرۆ نیوز گوت : ئه‌ڤ هه‌وه ب هه‌كاریا تورێن جڤاكا سڤیل ل زاخۆ هاتیه ئه‌نجام دان و ئه‌ڤ هه‌وه بتنێ دێ بۆ ماوه‌یێ روژه‌كێ بیت و دشیاندایه ئه‌م زێده‌تری 350 بتلێن خوینێ بكێشین و پشتی ئه‌ڤ بتلێن خوینێ دهێنه كومڤه كرن، دێ ل جهێن خوه‌یێن تایبه‌ت پشكنینان ل سه‌ر كه‌ین داكو ئه‌م پشت راست بین دناڤ ڤان خوینا دا چو ئێشه‌كا ڤه‌كر و ڤایروس دناڤ دا نینه و ئه‌ڤ خوینه دێ هێته هه‌لگرتن و هه‌رده‌ما برایێن مه‌یێن كوردێن روئاڤا هه‌رده‌ما پێدڤی ب خوینێ بون دێ ئێكسه‌ر ب رێیا ترومبێلێن تایبه‌ت بۆ ده‌رگه‌هێ سنوریێ سێمالكا هێته ڤه‌گوهاستن .
زێده‌تر گوت : هه‌تا نوكه ریّه‌یه‌كا زور یا هاولاتیان پشكداری دڤێ هه‌وێ دا كرین و دژیێن جودا دا خه‌لك پشكداره و ئه‌م دهه‌وێ دا هه‌می جورێن خوینێ وه‌ردگرین و بۆ وێ یه‌كێ دهه‌رده‌مه‌كێ پێدڤی دا ئه‌ڤ جورێ خوینێ بهێته ره‌وانه كرن بۆ روژئاڤایێ كوردستانێ .
سێ ساله نێزيكى چار هزار سه‌ركه‌فتيێن ئێكێ يێن زانكۆ و په‌يمانگه‌هان نه‌هاتينه دامه‌زراندن. سالا بۆرى وه‌زاره‌تا خواندنا بلند ب تنێ داخوازا دامه‌زراندنا هزار و 369 ده‌رچوويێن سالا 2015ێ كريه.
ئه‌ڤرۆ نيوز:
ئاژانسا ده‌نگوباسێن فرانس پرێس به‌لاڤكريه كو فلاديمێر پۆتن، سه‌رۆكێ رۆسيا، گازى ره‌جه‌ب ته‌يب ئه‌ردوگان، سه‌رۆك كۆمارێ توركيا كريه هه‌تا د چه‌ند رۆژێن بهێت دا، سه‌ره‌دانا مۆسكۆ بكه‌ت.
فرانس پرێس ئاشكه‌را ژى كريه كو ئه‌گه‌رێ گازيكرنا ئه‌ردوگان بۆ مۆسكۆ، هێرشكرنا توركيايه بۆ سه‌ر باكوورێ سوريا.
نڤيسينگه‌ها سه‌رۆكێ رۆسيا به‌لاڤكريه كو پۆتن په‌يوه‌نديه‌كا تله‌فۆنى ل گه‌ل ئه‌ردوگان ئه‌نجام دايه و به‌حس ل هه‌ڤركيێن سوريا كريه و پاشان سه‌رۆكێ رۆسيا گازى سه‌رۆكێ توركيا كريه و ئه‌ردوگان ژى رازى بوويه.
ئه‌ڤرۆ نیوز، نه‌وزاد هلۆرى:
كانیا (سه‌رێ كانیێ) ل ناحیا بامه‌رنێ كو دكه‌ڤیته شیڤا هرچا ل سه‌نته‌رێ ناحیێ، پشتى دو سالان ژ هشكبوونێ، جاره‌كا دى ژلایێ گه‌نج و خه‌لكێ ناحیا بامه‌رنێ ب خوه به‌خش هاته نووژه‌نكرن، رێڤه‌به‌ریا گشتى یا باژێرڤانیان ل پارێزگه‌ها دهۆكێ ژى بریاردایه كو ل ده‌ور و به‌رێن كانیێ بكه‌ت پارك و باخچه.
ئه‌ڤرۆ ، نیوز ، مه‌حمود نهێلی
ل ژێر ناڤێ زانست ئایندەیێ گەل و وەلاتی یە و ل ژێر چاڤدێریا دکتور عەدنان موحسن سەرۆکێ زانکویا پولیتەکنیک یا دهوکێ ئاهەنگا گەرا حەفتێ یا زانکویا پولیتەکنیک یا دهوک و گەرا 14 یا پەیمانگەها تەکنیکی یا ئامێدیێ ئێڤاریا ئەڤرۆ 15/10/2019 و ب ئاماده‌بوونا ماموستا و قوتابى و كه‌س و كارێن وان و هژماره‌كا به‌رپرسێن حزبى و حكومى ل ئامێدیێ ب رێڤه چوو كو تێدا 304 قوتابیان باوه‌رنامه وه‌رگرتن.
ناڤهاتى دیار ژى كر، كو بو سالا خواندنێ یا 2018 – 2019 قوتابیان باوه‌رنامێن هه‌شت پشكان وه‌رگرتن كو پێك دهاتن ژ ( كارگێرى كار سپێده‌هى و ئێڤاریان، ئایتى سپێده و ئێڤاریان ، بازارگه‌رى، ئامار و زانیارى، سامانى ئاژه‌ل، شلوڤه‌كرنا نه‌خوشیا و كارگێرى بازار گه‌رى).
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ مه‌سرور بارزانى ئه‌ڤرۆ سێشه‌مبى 15/10/2019 پێشوازى ل سه‌رۆك وئه‌ندامێن جڤاتا بزنسا ئه‌مريكا – كوردستان كر كو ژ نوونه‌رێن هژماره‌كا كۆمپانيێن ئه‌مريكى پێكهاتبوون.
د كۆمبوونه‌كێ دا كو به‌يان سامى عه‌بدولره‌حمان نوونه‌ران حوكمه‌تا هه‌رێمێ ل واشنتۆن به‌رهه‌ڤ بووى، دانوستاندن ل دۆر پێشڤه‌برنا په‌يوه‌نديێن بازرگانى د ناڤبه‌را ئه‌مريكا و هه‌رێما كوردستانێ دا هاتنه كرن.
سه‌رۆكێ حوكمه‌تا هه‌رێما كوردستانێ ئاماژه كر كو كابينا نه‌هێ يا حوكمه‌تا هه‌رێمێ بزاڤا هه‌مه‌جۆركرنا ئابوورێ هه‌رێما كوردستانێ دكه‌ت، ب تايبه‌تى ژى دێ گرنگى ب كه‌رتێ چاندنێ هێته دان، ده‌ليڤا وێ چه‌ندێ ژى يا هه‌ى هه‌رێما كوردستانێ ببيته سه‌به‌ته‌كا خۆراكێ نه‌كو تنێ بۆ ناڤخوه و عيراقێ، به‌لكو بۆ هه‌موو ده‌ڤه‌رێ.
گۆت ژى” هه‌رێما كوردستانێ د شاندايه ببيته بنگه‌هه‌كێ بازرگانى ل ده‌ڤه‌رێ، بۆ ڤێ مه‌ره‌مێ ژى ئاسانكاريێن پێدڤى بۆ وه‌به‌رئێنه‌رێن ناڤخوه و بيانى دێ هێنه كرن”.
ئه‌ڤرۆ نيوز:
ژێده‌ره‌كى ئه‌مريكى ئاشكرا كر كو حوكمه‌تا توركى ده‌ست ب سه‌ر 50 بۆمبێن ئه‌تۆمى يێن ئه‌مريكى ل بنگه‌هێ له‌شكريێ ئێنجه‌رليك ل توركيا گرت، وه‌كو فشار خستنه‌ك ل سه‌ر ئه‌مريكا.
چه‌ند ژێده‌ره‌ێن ده‌نگوباسان ل سه‌ر زارێ به‌رپرسه‌كێ ئه‌مريكى كو ناڤێ وى ئاشكرا نه‌كريه ڤه‌گوهاست كو توركيا ل ڤان چه‌ند رۆژێن دووماهيێ رێ نه‌دايه ئه‌مريكا وان بۆمبێن ئه‌تۆمى ڤه‌گوهێزيته ده‌رڤه‌ى توركيا، ئه‌ڤه ژى وه‌كو كارته‌كا فشارێ ژلايێ حوكمه‌تا توركيا ڤه بۆ بده‌ستڤه‌ئينانا پشته‌ڤانيا ئه‌مريكا د هێرشا وێ دا ل سه‌ر ده‌ڤه‌رێ كوردى ل باكوورێ رۆژئاڤايێ سووريێ.
رۆژناما (نيويۆرك تايمز) ژى ئاكرا كر كو هه‌ردو وه‌زاره‌تێن ده‌رڤه و وزێ يێن ئه‌مريكى نيه‌تا ڤه‌گوهاستنا وان بۆمبێن ئه‌تۆمى بۆ ده‌رڤه‌ى توركيا هه‌بوو، كو هه‌تا نوكه نه شياينه وێ چه‌ندێ ئه‌نجام بده‌ن و توركيا ده‌ست ب سه‌ردا گرتينه و وه‌كو كارته‌كا فشارێ ل سه‌ر ئه‌مريكا بكاردئينيت.
به‌رپرسه‌كێ پله بلند يێ ئه‌مريكى ژى راگه‌هاند كو ڤه‌گوهاستنا وان بۆمبێن ئه‌تۆمى ژ بنگه‌هێ له‌شكرى يێ ئه‌نجه‌رليك بۆ ده‌رڤه‌ى توركيا، ئانكو ب دووماهى هاننا ئێكجارى يا په‌يوه‌نديێن ئه‌مريكا و توركيا يه.
شاره‌زايه‌كێ چه‌كێ ئه‌تۆمى ژى دبێژيتڤه‌گوهاستنا بۆمبێن ئه‌تۆمى ژ روويێ ته‌كنيكى ڤه كاره‌كێ ب ساناهى نينه و پێدڤى ب پلانان هه‌يه، چونكى پاراستن و ڤه‌گوهاستنا وان بۆ ناڤ فرۆكان و ئينانا وان ژ توركيا كاره‌كێ ب زه‌حمه‌ته و مه‌ترسيا هێرشا خرابكارانه ل سه‌ر يا هه‌ى كو دبيت ئه‌نجام كاره‌سات بيت.
ئه‌ڤرۆ نیوز ، مه‌حمود نهێلى
د هه‌وه‌كى دا لژنا دووڤچوونا بازارى ل دێره‌لۆك ل هند ماركێتێن ده‌ڤه‌رێ ل رۆژا 15/10/2019 ده‌ست ب سه‌ر هژماره‌كا كه‌ره‌سته‌یێن ئێكسپایر دا هاته گرتن.
سامى ئوشانه رێڤه‌به‌رێ ناحیا دێره‌لۆك بۆ ئه‌ڤرۆ نیوز دیاركر، كو به‌رده‌وام لژنا وانا دووڤچونا بازارى دكه‌ت و گۆت: (ئه‌ڤرۆ ژى لژنا مه كو ژ نوونه‌راتیا چه‌ند فه‌رمانگه‌هان پێك دهێت د هه‌وه‌كى دا ل بازارێ دێره‌لۆك ده‌ست ب سه‌ر چه‌ند كه‌ره‌سته‌یێن ئێكسپایر یێن جودا جودا دا گرتن و ژناڤبرن).
و دیار ژى كر، كو لژنه‌یا وان نوكه پترى گرنگیى ب كه‌ره‌سته‌یێن ئێكسپایر و هه‌ره‌وسا كامیره و راكرنا زێده‌گاڤیان دده‌ت، كو په‌یوه‌ندى ب ژیارا خه‌لكى یا رۆژانه و ساخله‌میا هاولاتیان ڤه هه‌یه.
ناڤهاتى ئاشكرا كر، كو چه‌ندین جهێن دى یێن سه‌رپێچكار هاتینه ئاگاداركرن، كو وان سه‌رپێچیان راكه‌ن و هه‌كه نه هاتنه راكرن، دێ هێنه سزادان و ل سه‌ر ڤێ یه‌كێ بنگه‌هێ پولیسان هاتیه ئاگه‌هدار كرن.
ئه‌ڤرۆ نيوز:
ئه‌ڤرۆ ئێڤارى جان ئێڤ لۆدريان وه‌زيرێ ده‌رڤه يێ فره‌نسا راگه‌هاند كو دێ سه‌ره‌دانا هه‌ولێرێ و به‌غدا كه‌ت ب مه‌ره‌ما دانوستاندنێ گه‌ل به‌رپرسێن هه‌رێما كوردستانێ و عيراقێ ل دۆر پرسا زيندانيێن رێكخراوا داعش يا تيرۆرستى
لۆدريان د كۆنگره‌كێ رۆژنامه‌ڤانى دا ئاماژه كر كو ب ديتنا حوكمه‌تا فره‌نسى بريارا سه‌رۆكێ ئه‌مريكى دونالد ترامپ و هێرشا توركيا ل سه‌ر رۆژئاڤايێ كوردستانێ، دێ بنه ئه‌گه‌رێ زڤرينا رێكخراوا داعش يا تيرۆرستى.
نيشاندان