ئه‌ڤرۆ نيوز:
ئێڤاريا ئه‌ڤرۆ سێشه‌مبى 15/10/2019 په‌قينه‌ك ده‌ڤه‌را گويژه ل چيايێ ئه‌زمه‌ر ل باژێرێ سلێمانيێ روودا و د ئه‌نجامدا كه‌سه‌كى گيانێ خوه ژ ده‌ست دا و كه‌سه‌ك دى ژى بريندار بوو.
سه‌ركه‌وت ئه‌حمه‌د، په‌يڤدارێ پۆليسێن سلێمانيێ د داخۆيانيه‌كا رۆژنامه‌ڤانى دا گۆت” ژ ئه‌گه‌رێ په‌قينه‌كێ كه‌سه‌كى گيانێ خوه ژ ده‌ست دا و كه‌سه‌كى دى ژى بريندار بوو”.
گۆت ژى” هه‌تا نوكه ئه‌م نزانين ئه‌و په‌قين ژ ئه‌گه‌رێ چ بوو، به‌لێ هێزێن پۆليسان ده‌ست ب ئه‌نجامدانا ڤه‌كۆلينێ كريه”.
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ مه‌سرور بارزانى پێشوازى ل شانده‌كێ بلند يێ له‌شكرێ بريتانى ب سه‌رۆكاتيا سێر (جۆن لۆريمه‌ر) شيره‌تكارێ بلند يێ له‌شكرێ بريتانى ل رۆژهه‌لاتا ناڤه‌راست و باكوورێ ئه‌فريقيا كر.
د ديداره‌كێ دا ره‌وش و پێشهاتێن مه‌يدانا عيراقێ و سووريێ هاته به‌حسكرن، دووپاتى ل سه‌ر وێ چه‌ندێ هاته كرن كو شه‌ر و توندوتيژى د به‌رژه‌وه‌نديا چو لايه‌كى دا نينه و پێدڤيه ب دانوستاندنێ كێشه بهێنه چاره‌سه‌ركرن، هه‌روه‌سا ئاماژه هاته دان كو زێده‌تر ئالۆزكرنا ره‌وشا ده‌ڤه‌رێ دێ دێ ئه‌نجامێن نه‌رێنى و نه‌خوازراو يێن ئه‌منى و مرۆڤايه‌تى بۆ هه‌بن.
د كۆمبوونێ دا دانوستاندن ده‌رباره‌ى گوهۆرينێن عيراقێ ژى هاتنه كرن و دووپاتى ل چاره‌سه‌ركرنا بنه‌ره‌تى يا كێشێن هه‌رێما كوردستانێ و حوكمه‌تا فيدرالى هاته كرن، چونكى د به‌رژه‌وه‌نديا هه‌موو خه‌لكێ عيراقێ دايه.
شاندێ بريتانى ستايشيا گاڤێن حوكمه‌تا هه‌رێما كوردستانێ كر بۆ ئه‌نجامدانا چاكسازيێ د داموده‌زگه‌هێن حوكمه‌تێ دا، ب تايبه‌تى د وه‌زاره‌تا پێشمه‌رگه دا.
ئەڤرۆ نیوز:
ئەلیکساندیر لاڤرینتێڤ نوونەرێ تایبەتێ سەرۆکێ روسیا بۆ کاروبارێن سووریێ راگەهاند کو دەمەکە تورکیا و سووریێ دەست ب هەڤدیتنان کرینە و گۆت: (هەڤدیتن د ئاستێ وەزارەتێن دەرڤە، بەرەڤانیێ و هەوالگیریێ دا برێڤە دچن و ئەم هێڤیدارین ئەو یەک بۆ چارەسەرکرنا قەیرانا سووریێ یا مفادار بیت).
چاڤدێرێن سیاسی ژی دیار دکەن کو پشتی رێککەفتنا هەسەدێ و رژێما سووریێ ب ناڤبژیڤانیا روسیا، ئێدی تورکیا ژی نەچارە ل گەل سووریێ دەست ب چارەسەریەکا سیاسی بکەت.
ئەڤرۆ نیوز:
سەرۆک مەسعود بارزانی پێشوازی ل مارتین هوس بالیۆزێ ئێکەتیا ئورۆپا ل عیراقێ کر و د هەڤدیتنێ دا بەحسێ پەیوەندیێن هەولێرێ و بەغدایێ هاتنە کرن و بالیۆزێ ئێکەتیا ئورۆپا پشتەڤانیا خوە بۆ باشبوونا پەیوەندیێن هەولێرێ و بەغدایێ دیار کر.
د پشکەکا دی یا هەڤدیتنێ دا بەحسێ رەوشا نها یا سووریێ و هێرشێن تورکیا ل سەر کوردێن رۆژئاڤا هاتە کرن و سەرۆک بارزانی دلگرانیا خوە ل هەمبەر رەوشا خراب یا کوردێن سووریێ ژ بەر هێرشێن تورکیا دیار کر و داخواز کر کو وەلاتێن ئێکەتیا ئورۆپا بۆ راگرتنا شەری یا پێدڤی بکەن دا پتر کوردێن سوریێ تووشی کارەساتێن مرۆڤی نەبن.
ئەڤرۆنیوز، عەلی حاجی :
رێڤەبەرێ گشتیێ وەبەرهێنانێ ل پارێزگەها دهوکێ د داخویانیەکێ دا بۆ ئەڤرۆ نیوز دیار کر پروژەیێ عەلوێن زاخۆ یێ مودێرن پروژەیوکێ نوویە دێ ب رێیا یاسایا وەبەرهێنانێ ل کوردستانێ هێتە دانان و دەستووریا دەستپێکێ ژی پێ هاتیە دان و کەرتێ تایبەت دێ رابیت ب دانانا وی پروژەیی.
زێدەتر کوردو ئیحسان گوت : (زێدەتری سێ سالایە وەکو رازیبونا دەستپێکی ژ لایێ لدژنا مە یا تەرخان کرنا پارچە زەڤیان بوکارێن پێشەسازی و دەستەیا وەبەرهێنانێ ژی وەرگرتیە،جهـ و رووبەرێن وی پروژەیی ژلایێ رێڤەبەریا نەخشەدانانا ئاڤەدانی و رێڤەبەریا گشتی یا باژێرڤانیان و سەروکاتیا باژێرڤانیا زاخۆ هاتیە دەست نیشان کرن و دانان وئەڤ جهە دکەڤیتە دسنورێ ماستەر پلانا باژێرێ زاخۆ دا، ژبەرکو ئەو ئەردێ هاتیە دەست نیشان کرن سەر ب وەزارەتا دارایی یا حکومەتا هەرێما کوردستانێ یە و نوکە دا ئەم ماینە چاڤەرێ وێ چەندێ ئەو پارچە زەڤیە بهێتە ڤەگوهاستن بۆ دەستەیا وەبەرهێنانێ دا کو ئەم بشێن مولەتا وەبەرهێنانێ بۆ وی پروژەیی بدەین).
ل دوماهیێ گوت ژی : ئەڤ پروژەیە پروژەیەکێ کەرتێ تایبەتە و کومپانیەک دێ رابیت ب دروستکرنا وی پروژەیی و ئەڤ پروژەیە دێ تایبەت بۆ فروتنا فێقی و زەرزەواتی ل باژێرێ زاخۆ و ب شێوەیەکێ گشتی ژی دێ هەژمارەکا خزمەت گوزاریان تێدا هەبن و دێ ل سەر رووبەرێ ١٥٠ دونەمێن ئەردی و ل کەرتێ ٩٣ێ یێ حەسەن ئاڤا هێتە ئاڤاکرن و تێچوویێ پروژەی ژی ٣٠ ملیون دولارێن ئەمریکی و کومپانیا سەلاحەددین هولدینگ دێ ب ئاڤاکرنا وی پروژەی رابیت و ژپروژەیێن کومپانیا ناڤبری یە.
ل گورەی زانیاریێن تایبەت ب دەست ئەڤرۆ نیوز کەڤتین پروژەیێ عەلوێن زاخۆ یێ مودێرن دێ ل تەنشت تونێلا زاخۆ هێتە دانان کو دکەڤیتە دەریێ باژێرێ زاخۆ .
ئه‌ڤرۆ نیوز،عه‌لی حاجی :
ده‌زگایێ خێرخوازیێ بارزانیێ نه‌مر ب رێیا ده‌ریێ سنوریێ ده‌روازا سێمالكا ب رێیا 20 ترومبێلێن بارهه‌لگر یێ مه‌زن زێده‌تری 300 ته‌نێن خوارنێ و پێدڤیێن زاروو و فریاگوزاریا بله‌ز و بریاره ئه‌ڤرۆ ئه‌و هاریكاری بهێنه ره‌وانه كرن .
ره‌واج حاجی به‌رپرسێ راگه‌هاندن و توێژینه‌وه ل ده‌زگایێ خێرخوازیێ بارزانی بۆ ئه‌ڤرۆ نیوز دیار كر ئه‌و هاریكاری ب رێیا 20 ترومبێلێن بارهه‌لگرێن مه‌زن كو 317 ته‌نێن خوارن و پێدڤیێن زاروو و فریاگوزاریێن بله‌ز ،بریاره ئه‌ڤرۆ ب رێیا ده‌ریێ ده‌روازا سێمالكا ل پێشابیرێ بهێنه ره‌وانه كرن بۆ روژئاڤایێ كوردستانێ ، ئه‌ڤ چه‌نده هات كو پشتی مه دیفچوونا ره‌وشا خه‌لكێ مه‌یێ روژئاڤایێ كوردستانێ كری ژئه‌گه‌رێ به‌رده‌وامیا شه‌ری ل ده‌ڤه‌رێن وان ل هنده‌ك ده‌ڤه‌رێن دی ئاواره بوینه و پێدڤییه‌كا مه‌زن ب هاریكاریان هه‌یه له‌ورا دپێنگاڤه‌كا ژ هه‌ژی دا بریاره ئه‌ڤ هاریكاری یه بگه‌هنه روژئاڤایێ كوردستانێ و ده‌ست ب به‌لاڤ كرنا وان هاریكاریان ژی بهێته كرن ، ژ وان هاریكاریان ژی 150 ته‌نێن خوارنێ نه كو نیچزیكی 15 جورێن خورانێ ب خوه‌ڤه دگریت و هه‌ر دیسان نێزیكی 40 ته‌نێن به‌تانیانه كو دبنه 20 هزار به‌تانیێن دو كێلوگرامی و زێده‌باری وێ چه‌ندێ ژی 252 كارتونێن شیرێ زاروویان ژی دگه‌ل وان هاریكاریان دێ گه‌هنه روژئاڤایێ كوردستانێ و هه‌ر دیسان چه‌ندین پێدڤیێن دیترێن ساخله‌میێ ژی گه‌ل دانه.
ناڤهاتی ئه‌و چه‌نده ژی گوت : ئه‌ڤه ئێكه‌مین كاروانێ هاریكاریێن مه‌یێ مروڤایه‌تی یه ئه‌م بگه‌هیننه هاولاتیێن روژئاڤایێ كوردستانێ و ئه‌م دێ به‌رده‌وام بین ل سه‌ر هنارتنا هاریكاریان بۆ وان ده‌ڤه‌ران بێ جیاوازی و هه‌ر دیسا ندێ هه‌ول ده‌ین ب رێیا رێكخراوێن جیهانی و وه‌لاتێن كومه‌كبه‌خش و خێرخوازی هه‌لمه‌ته‌كێ رابگه‌هینن بۆ كومكرنا هاریكاریان بۆ كوردێن روژئاڤا .
ئه‌ڤرۆ نيوز:
كچه‌كا 25 سالی دلێ خوه بو ئه‌ڤرۆ ڤه‌دكه‌ت و دبێژیت: من بابه‌كێ گه‌له‌ك خراب و زالم هه‌یه، هه‌رده‌م یێ توره‌یه و من دایكه‌كا هه‌ی كه‌ساتیا وێ گه‌له‌ك یا لاواز و ترسنوكه نه‌وێریت په‌یڤه‌كێ باخڤیت به‌رامبه‌ر بابێ من و به‌رده‌وام دبێژیته من ئه‌ز دشێم بابێ هه‌وه بهێلم به‌س ئه‌ڤه چه‌ندین ساله من ژ به‌ر هه‌وه ته‌حه‌مولا وی یا كری و من خوه كریه قوربانی بو هه‌وه و دكه‌ته گری و یا بێ ده‌ستهه‌لاته و نه‌شێت چ بكه‌ت و بابێ مه یێ بویه دكتاتور سه‌ر سه‌رێ مه، ده‌مێ ئه‌ز ڤان دیمه‌نا ژ دایك و بابێن خوه دبینم دئێشم و د قه‌هرم، ژبه‌ر ڤێ چه‌ندێ ره‌وشا من گه‌له‌ك یا نه‌باشه و تووشی قه‌له‌ویێ بویمه ژبه‌ر سترێسێ و من قوتابخانا خوه خلاس نه‌كر و ئه‌ز حه‌ز ژ خوه ناكه‌م و من هه‌ڤال نینن، حه‌تا خووشك و برایێن من ژی ژلایێ ده‌روونیڤه د ئارام نینن و هه‌ر ئێك جودا بزاڤێ دكه‌ت ب رێیه‌كێ خوه رزگار كه‌ت و كارتێكرنه‌كا مه‌زن ل مه بۆیه، تشتێ سه‌یر ئه‌وه كه‌ساتیا مه ژی وه‌كو یا دایكا مه یا لاوازه، ژبه‌ركو دایكا من ئه‌ڤ ترسه و لاوازیه نیشا من و خووشك و برایێن من ژی دایه، بتایبه‌ت مه كچان و دبێژیت ژن یا بێ ده‌ستهه‌لاته، له‌وما دڤێت یا بێ ده‌نگ بیت ل هه‌مبه‌ر زه‌لامی و ب هه‌ر تشتی یا رازی بیت، لێ تشته‌ك د ناخێ من دا د لڤیت و دبێژیت نابیت ژن بڤی ره‌نگی بیت و نابیت ژن ژیانا خوه قوربانی چ كه‌سا بكه‌ت و ئه‌ڤه تشته‌كێ خه‌له‌ته، ئه‌ڤجا ئه‌ز هیڤیدارم رێیه چاره‌سه‌ریه‌كێ بو من بێژه كا دێ چاوا خوه رزگار كه‌م ژ ڤێ ره‌وشێ من نه‌ڤێت ئه‌ز وه‌كو دایكا خوه كویله و بێ ده‌ستهه‌لات بژیم و ل بن زلما زه‌لامه‌كێ ؟
كچا هێژا:
كاره‌ساته ژن یا بێ ده‌ستهه‌لات و لاواز و ترسنوك بیت و نه‌وێریت په‌یڤه‌كێ به‌رامبه‌ر زه‌لامێ خوه ب ئاخڤیت و به‌ره‌ڤانیێ ژ خوه بكه‌ت، به‌لێ كاره‌ساتا هه‌ره مه‌زن ئه‌وه ده‌مێ زارۆیێن خوه ژی ل سه‌ر ڤێ كه‌سایه‌تیا لاواز په‌روه‌رده دكه‌ت، ژبه‌ركو دڤێت دایك قدوه بیت بو زارۆیێن خوه و حه‌تا هه‌كه یا لاواز ژی بیت پێدڤیه لاوازیا خوه ڤه‌شێریت و نیشا زارۆیێن خوه نه‌ده‌ت، ژبه‌ركو ئه‌و ژی دێ وه‌سا مه‌زن بن، زارۆیان نه‌ڤێت دایكا خوه هوسا ببینن، زارۆیان پێدڤی ب دایكه‌كا بهێز هه‌یه داكو هێزێ نیشا وان بده‌ت مه‌ره‌ما من ئه‌و نینه كو دایك وه‌سا زارۆیێن خوه په‌روه‌رده بكه‌ت رێزێ ل بابێ خوه نه گرن نه، به‌س پێدڤیه كه‌ساتیه‌كا بهێز بو چێكه‌ت، ژن دشێت به‌رسڤا زه‌لامی بده‌ت و ب ره‌نگه‌كێ جوان و ب رێزگرتن، داكو زه‌لام خوه ل سه‌ر وێ زال نه‌كه‌ت، ب دیتنا من ئه‌ڤه قوربانی نینه به‌لكو بێ ده‌ستهه‌لاتیه و خرابیا ل هه‌وه كری ژبه‌ركو هوون ژی وه‌سا په‌روه‌رده كرینه و ئه‌ڤ چه‌نده دێ پاشه‌روژ و ژیانا هه‌وه تێك ده‌ت، تشتێ باش ئه‌وه كو ته ئه‌و پێنگاڤ هاڤێتیه وه‌كو دایكا خوه نه‌بی، ئاموژگاریا من بو ته ئه‌وه تو لومه‌یا دایك و بابێن خوه نه‌كه‌ی، چونكی نها ئه‌ڤ تشته فایده ناكه‌ت، به‌لێ بزاڤێ بكه گرێیێن خوه یێن ده‌روونی ڤه‌كه و ده‌روونا خوه پاقژ و ئارام بكه و په‌رتوكا بخوینه و خوه بگوهوره و خوه پارێزه ژ ڤێ هێزا نه‌رێنی یا دناڤ خێزانێ دا، هه‌روه‌سا په‌یوه‌ندیێ ل گه‌ل سروشتی گرێ ده و هه‌ره دناڤ سروشتی داكو بێهنا ته فره‌ه ببیت.
به‌رسڤدان: ده‌روونناس ئاواز
ئه‌ڤرۆ نيوز:
شه‌ر ل سه‌رێ كانيێ يێ به‌رده‌وامه و شڤێدى ژى پێدادانێن گه‌له‌ك دژوار د ناڤبه‌را شه‌رڤانێن هه‌سه‌دێ و ميليشياتێن سه‌ر ب توركيا ڤه ل سه‌رێ كانيێ روودايه.
ب گۆره‌ى ئه‌و پێزانينێن ل به‌ر ده‌ست، شه‌رڤانێن هه‌سه‌دێ سه‌ركه‌فتنێن باش ب ده‌ست خوه ڤه ئيناينه و شياينه گۆندێ ته‌ل خه‌له‌ف يێ رۆژئاڤايێ سه‌رێ كانيێ جاره‌كا دى ژ ده‌ستێ ميليشياتێن سه‌ر ب توركيا ڤه بيننه ده‌ر.
ئه‌ڤرۆ نيوز:
وه‌زاره‌تا ژ ده‌رڤه يا ئه‌مريكا د راگه‌هاندنه‌كێ سزايێن وه‌لاتێ خوه بۆ سه‌ر توركيا ئاشكه‌را كرن و راگه‌هاند كو سێ به‌رپرسێن بلندێن توركيا و دو وه‌زاره‌ت سزادان.
نيشاندان