ئه‌ڤرۆ نيوز:
ئه‌ڤرۆ رۆژا دوشه‌مبى 7/10/2019 مه‌سرور بارزانى سه‌رۆكێ حوكمه‌تا هه‌رێما كوردستانێ و جێگرێ وى قوباد تاله‌بانى دگه‌ل ده‌سته‌يا بلندا وه‌به‌رهێنانا كوردستانێ كومبوو.
د ڤێ كومبوونێ دا محه‌مه‌د شوكرى سه‌رۆكێ ده‌سته‌يا وه‌به‌رهێنانێ راپورته‌ك ب داتا و زانيارى پێشكێشى كر و تێدا گرفت و پێدڤيێن ده‌سته‌يا وه‌به‌رهێنانێ به‌رچاڤ كرن.
ژلايێ خوه ڤه سه‌رۆكێ حوكمه‌تا هه‌رێمێ دوپاتى ل وێ چه‌ندێ كر و پێدڤيه وه‌به‌رهێنان ب شێوه‌يه‌كێ پلان و بێهته رێكوپێك كرن و حوكمه‌ت ژى به‌رنامه‌يه‌كێ پێدڤى دێ به‌رهه‌ڤ كه‌ت بۆ رێكخستنا پرۆژه‌يێن وه‌به‌رهێنانێ و ب شێوه‌يه‌كى ئه‌نجامدانا پرۆژه‌يان ل دووڤ پلان و پێدڤيێن هه‌رێما كوردستانێ بيت.
ئەڤرۆ نیوز:
لیندسی گراهام سیناتۆرێ ئەمریکا ل دۆر بریارا ترامپی یا ڤەکێشانا ژ سووریێ و رۆژئاڤایێ کوردستانێ راگەهاند کو بریارا ترامپی خالەکا رەشە د دیرۆکا ئەمریکا دا و نابیت ئەمریکا خیانەتێ ل کوردان بکەت و وان ب تنێ بهێلیت.
ناڤهاتی راگەهاند کو دێ بزاڤێ کەم ل گەل پۆمپیۆ کۆم ببم دا بزانم کا بۆچی ترامپی وە کریە و ئارمانجا وی چیە، لێ هەر چاوا بیت ئەو یەک ناهێتە قەبوولکرن.
ئه‌ڤرۆ نيوز:
پارێزگارێ دهۆكێ فه‌رهاد ئه‌مين ئه‌تروشى پێشوازى ل مه‌نسور مه‌رعيد پارێزگارێ نه‌ينه‌وا و شاندێ دگه‌ل دا كر.
د هه‌ڤدينه‌كێ دا ب ئاماده‌بوونا عه‌لى خه‌ليل به‌رپرسێ لقێ 14 يێ پارتى ل مووسل به‌حسێ په‌يوه‌نديێن دو قولى د ناڤبه‌را هه‌ردو پارێزگه‌هاندا هاته كرن زێده‌بارى خورتكرنا ئاستێ په‌يوه‌نديان كو د به‌رژه‌وه‌نديا خه‌لكێ هه‌ردو پارێزگه‌هان بيت، ديسان هه‌ردو لا دوپاتى ل هه‌ماهه‌نگى و هه‌ڤكارى د بوارێن كارگێرى و ئه‌منى و گشتى دا پێخه‌مه‌ت پارستنا به‌رژه‌وه‌نديا گشتى يا هه‌ردو پارێزگه‌هان دا كر.
ئەڤرۆ نیوز:
بریت ماکگورک نوونەرێ بەرێ یێ سەرۆکێ ئەمریکا بۆ شەرێ ل دژی داعشێ راگەهاند کو بریارا ترامپی د بەرژەوەندیا روسیا، ئیران و داعشێ دایە. چونکو کوردان شەرێ داعشێ کرن و نها بریارا ترامپی دێ بیتە ئەگەرێ لاوازبوونا کوردان و بهێزبوونا داعشێ.
ناڤهاتی داخواز ژ وەزیرێ دەرڤە یێ ئەمریکا مایک پۆمپیۆ ژی کر کو ل هەمبەر بریارا شاش یا ترامپی خوەدان هەلویست بیت.
ئەڤرۆ نیوز:
ئەڤرۆ سەرۆک مەسعود بارزانی پێشوازی ل برۆنۆ ئۆبێر بالیوزێ فرەنسا ل عیراقێ کر و د هەڤدیتنەکێ دا بەحسێ رەوشا دەڤەرێ، عیراقێ و کوردستانێ هاتە کرن.
هەر د ڤێ کۆمبوونێ دا بەحسێ رەوشا سووریێ و کوردێن رۆژئاڤایێ کوردستانێ هاتە کرن و سەرۆک بارزانی دلگرانیا خوە ل هەمبەر پێشهاتێن دووماهیێ ل سووریێ و کارتێکرنا وێ ل سەر کوردێن رۆژئاڤایێ کوردستانێ دیار کر.
شێخان، بارزان مزوورى:
ئه‌ڤرۆ به‌رى نیڤرۆ رێكکه‌فتى 7/10/2019 ل گوندێ سمریتى سه‌ر ب سه‌نته‌رێ شێخان زارۆیه‌ك بناڤێ”مه‌سرۆر حه‌یده‌ر روبه‌تكى” د ژیێ 4 سالى دا ته‌له‌فزیون سه‌ردا دهێت خار و گیانێ خوە ژ ده‌ست دا.
دلشاد محه‌مه‌د،ئێك ژ كه‌سێن نێزیك وى زارۆیێ گیانێ خوە ژ ده‌ست داى بۆ ئه‌ڤرۆ نیوز گوت: (دناڤ مالێ دا مه‌سرۆر ژ نیشكه‌كێ ڤه دچیته سه‌ر مێزا ته‌له‌فزیونێ ئێكسه‌ر ته‌له‌فزیونا ژ جورێ پلازما سه‌ردا دهێت خار گیانێ خوە ژ ده‌ست دا بۆ نه‌خوشخانا شێخان یا گشتى هاتە ڤه‌گوهاستن ل دووڤ دا بۆ نوژداریا داد ل پارێزگه‌ها دهوك).
ناڤهاتى خویا كر دا‌یك و بابێن وى مال بوون به‌لێ مژوولى كارێ مالێ بوون ژ نشكه‌كێ ڤه كورێ وان ژ وان دوور كه‌فتیه و دچیته سه‌ر مێزا ته‌له‌فزیونێ.
ئه‌ڤرۆ نيوز:
دۆنالد تره‌مپ سه‌رۆكێ ئه‌مريكا د تويته‌كى دا ده‌رباره‌ى ڤه‌كێشانا هێزێن خوه ژ رۆژئاڤايێ كوردستانێ و رۆژهه‌لاتا فرات دياركريه ئه‌و دێ ل جهه‌كى شه‌رى كه‌ن كو مفا بۆ وان هه‌بيت.
د ڤى تويتى دا هاتيه برياربوو هێزێن ئه‌مريكا بۆ ماوێ 30 رۆژان ل سووريێ بمينن لێ مانا هێزێن مه ل ڤى جهى دێ مه به‌ر ب شه‌ره‌كێ كوور و نه‌ديار به‌ت، و ده‌مێ هاتيمه واشنتون داعش ل ده‌ڤه‌رێ خوه‌دخار لێ شياين زوو 100% خيلافه‌تا تيرورستێن داعش بشكێنينن له‌ورا نێزيكى سێ سالان ده‌ربازبووينه و ده‌م هاتيه ژ ڤى شه‌رێ بێ دووماهى ده‌ركه‌ڤين و سه‌ربازێن خوه ڤه‌گه‌رينه وه‌لاتێ خوه ژ به‌ركو ئه‌م دێ ل جهه‌كى شه‌رى كه‌ين مفا بوو مه هه‌بيت و بۆ سه‌ركه‌فتنێ دێ شه‌رى كه‌ين توركيا و ئوروپا، سووريا، ئيران، عيراق، روسيا و كورد ژى دڤێت ل ڤى بارودوخى تێبگه‌هن.
د پشكه‌كا دى يا ئاخفتنا خوه دا تره‌مپى دياركر ئه‌و 7000 ميل ژ داعش دوورن و دوباره دێ داعش شكێنينن ئه‌گه‌ر نێزيكى وان بن.
دهۆك، له‌زگین جۆقى:
رێڤه‌به‌رێ گشتی ساخله‌میا پارێزگه‌ها دهۆكی دیاركركو تیمه‌كا نۆشدارێن ئه‌مریكێ پتر ژ 50 نشته‌گه‌ریان بۆ وه‌لاتیان ل دهۆكێ ئه‌نجامدان ب سه‌دان نه‌خۆش هاتینه دیتن دی به‌رده‌وام بن لسه‌ر پێشكیشكرنا خزمه‌تێن ساخله‌میێ بۆ وه‌لاتیان و مه‌شقدانا ستافی ساخله‌میا دهۆكێ واری زانستی نوو یێ نۆشداری دا.
د. نزار عصمه‌ت، رێڤه‌به‌رێ گشتی ساخله‌میا پارێزگه‌ها دهۆكێ دیاركركو هه‌ڤكاریا ناڤبه‌را زانكۆیا ئه‌مریكی ل كوردستانێ و ساخله‌میا دهۆكێ ب پشته‌ڤانیا رێكخراوان GSMSG كو به‌رده‌وام پشته‌ڤانیا ساخله‌میی دكه‌ن ب هه‌ڤكاری دگه‌ل ده‌زگه‌هی بارزانی یێ خێرخوازی ئه‌ڤ چه‌ندین جارا تیمێ نۆشدارێن ئه‌مریكی سه‌ره‌دانا مه دكه‌ت بۆ وی چه‌ندی خزمه‌تا خه‌لكێ بكه‌ن و پشته‌ڤانیی ل كه‌رتی ته‌ندروستی بكه‌ن د وارێ فێركرنا زانستی نوشداری دا ژی هه‌ڤكاریا مه دكه‌ن ل ڤێ جار ژی 40 نۆشدار و په‌رستاران ژ ئه‌مریكا قه‌ستا كوردستانێ كرن ژوانا ژی 30 نۆشدار و په‌ستار ل دهۆكێ خزمه‌تی دكه‌ت ئه‌ڤه چه‌ند رۆژن خزمه‌تی ئه‌نجام ده‌ن.
ته‌كه‌ز كركو شاندی نۆشدارێن ئه‌مریكێ هه‌تا رۆژا 12/10/2019 دێ به‌رده‌وام بن ل سه‌ر پێشكیشكرنا خزمه‌تێن ته‌ندروستی بۆ وه‌لاتیان وچه‌ندێن نه‌خۆش چاره‌سه‌ر كرینه و نشته‌گه‌ری ئه‌نجامداینه ئه‌ڤ رێكه‌ڤتنا مه هه‌ی بۆ وی چه‌ندی یه بشین ئاستی په‌رستاری باشتر بكه‌ین وچه‌ندێن نه‌خۆشین دگمه‌ن یێن چاره‌سه‌ریا وان زۆر زه‌حمه‌ت بتایبه‌تی ژی نه‌خۆشین دلی و بربرا پشتی و نه‌خۆشین مێشكی و په‌نچه‌شیری چاره‌سه‌ر بكه‌ن و نۆشدارێن دهۆكێ ژی فێر بكه‌ن ل سه‌ر زانستی نوو یێ نۆشداری.
د. نزار گۆت: تیمێ ئه‌مریكێ ل سه‌ر هه‌موو نه‌خۆشخانێن دهۆكێ هاتینه دابه‌شكرن ل نه‌خۆشخانا ئازادی و ته‌نگاڤیان و هیڤی ونه‌خۆشخانا زارۆكبوونی هه‌روه‌سا سه‌نته‌رێن ساخله‌می و قه‌ستا ناڤ كه‌مپێن ئاواران كرینه چه‌ندین نه‌خۆش چاره‌سه‌ركرینه ل ناڤ كه‌مپان ب سه‌دان نه‌خۆش هاتینه دیتن و پتر ژ 50 نشته‌گه‌ریان بۆ وه‌لاتیان ئه‌نجامداینه وبه‌رده‌وام یێ راهینانا دكه‌ن بۆ په‌رستارێن دهۆكێ ل پاشه‌رۆژی ژی ل به‌ره كو هه‌ڤكاری دگه‌ل مه‌دا پتر ئاستی په‌رستاری باش بكه‌ین.
سه‌رۆكێ زانكۆیا ئه‌مریكێ و سه‌رۆكی شاندی نۆشدارێن ئه‌مریكی ژی په‌یڤ پێشكیشكرن وسوپاسیا هه‌ڤكاریا ساخله‌میا دهۆكێ كرن بۆ وی پشته‌ڤانیا ل نۆشدارین ئه‌مریكێ دكه‌ن پێخه‌مه‌ت گه‌هاندنا خزمه‌تێن ساخله‌میێ بۆ وه‌لاتێن ل دهۆكێ.
نيشاندان