ئه‌ڤرۆ نیوز:

رۆژنامه‌كا نێزیكى یانا ریال مه‌درید ئاشكراكریه‌ ل ڤه‌گوهاستنێن زڤستانا بهێت یانا ریال مه‌درید دێ ده‌ستا ژ هه‌ر ئێك ژ یاریزانێن خوه‌ ئیبراهیم دیاز و ماریانو دیاز به‌رده‌ت ژبه‌ركو هه‌تا نوكه‌ ئه‌و یاریزان نه‌شیاینه‌ جهێ خوه‌ وه‌كو یاریزانێن سه‌ره‌كى ل گه‌ل یانێ بینن.
زێده‌تر رۆژناما ماركا دیاركریه‌ به‌رپرسێن یانا ریال مه‌درید بریار دایه‌ ل ڤه‌گوهاستنێن بهێت ب شێوه‌كێ فه‌رمى ده‌ستا ژ ماریانو دیاز به‌رده‌ت بفروشنه‌ یانه‌كا دى كو بریار بوو ل هاڤینا بورى ده‌ستا ژ وى یاریزانى به‌رده‌ن لێ وى یاریزانى ره‌تكر بوو خواست بوو به‌رده‌وامى بده‌ته‌ پێكهاتیێ یانێ لێ بوو ڤه‌گوهاستنێن بهێت یانێ بریار دایه‌ ب فه‌رمى ده‌ستا ژ ئه‌وى یاریزانى به‌رده‌ن.
هه‌ردیسان وێ رۆژنامێ ئاشكراكریه‌ ژى به‌رپرسێن یانا ریال هزر ل فروتنا یاریزانێ خوه‌ یێ گه‌نچ ئیبراهیم دیاز نه‌كریه‌ به‌لكو ب شێوه‌كێ خواستن دێ ده‌نه‌ یانه‌كا دى بوو ماوێ شه‌ش هه‌یڤان داكو پتر ده‌لیڤه‌یا كرنا یاریێ ل گه‌ل وێ یانا نوو بینت و بوو وه‌رزێ بهێت یێ به‌رهه‌ڤبیت .
ئه‌وێ رۆژنامێ ئاماژه‌ ب وێ چه‌ندێ ژى كریه‌ هه‌ر ئێك ژ یانێن مارسیلیا و سیڤیلیا دخوازیت هه‌ڤبه‌ستێ ل گه‌ل ماریانو ئیمزا بكه‌ت .

ئه‌ڤرۆ نیوز:
پشتى یانا ریال مه‌درید ل شه‌ڤا بورى نه‌شیا سه‌ركه‌فتنێ ل سه‌ر یانا ریال بتیس توماربكه‌ت ده‌مێ ل ناڤ ئه‌رد و جه‌ماوه‌رێ خوه‌ وه‌كهه‌ڤ بووى بێ گول ژ چارچوڤێ یاریێن گه‌را 12 ژ خولا لالیگا ئیسپانیا .
پشتى وێ یاریێ كابتنێ یانا ریال مه‌درید سێرجیو راموس دیاركر باشترین ده‌رفه‌ت بوو ئه‌و سه‌ركه‌فتنێ توماربكه‌ن و سه‌رێ لیستێ ژ به‌رشه‌لۆنا وه‌ربگرین تایبه‌ت پشتى خوساره‌تیا وێ لێ دادڤانێ یاریێ ئه‌و ژ سه‌ركه‌فتنه‌كا مسوگه‌ر بێ باركرن و د گه‌له‌ك بریارێن خوه‌ دا نه‌ یێ سه‌ركه‌فتى بوو تایبه‌ت یا لێدانا په‌نه‌لتى یێ كو دیار و ئاشكرابوو .
هه‌ردیسان ناڤبرى دیاركر ژى تیما ئه‌وان دڤێ یاریێ دا هه‌ر تشت كر بتنێ نه‌شیان گولێ توماربكه‌ن كو ئاستێ یاریزانان یێ باش بوو هه‌ردیسان تیما به‌رامبه‌ر ئه‌وان ژى ئاسته‌كێ بلند پێشكێشكر .
ل دووماهیێ ناڤبرى ئاشكراكر ژى نه‌ یا ب سانه‌هى یه‌ ل ڤى ده‌مى هه‌ر ده‌مێ ته‌ بڤێت ئه‌و بشێن سه‌ركه‌فتنێ توماربكه‌ن و هه‌ر یاریه‌كێ پێدڤى كاره‌كێ مه‌زنه‌ هه‌تا بشێن سه‌ركه‌فتنێ توماربكه‌ن و یا گرنگ ئه‌وه‌ ڤێ یاریێ ژبیر بكه‌ین و هزر ل یاریێن بهێت بكه‌ین.

ئه‌ڤرۆ نیوز:
یانا ریال مه‌درید ل شه‌ڤا بورى نه‌شیا خوساره‌تیا به‌رشه‌لۆنا ب مفا وه‌ربگریت ده‌مێ وێ ژى دو خالێن گرنگ ژ ده‌ستداین ل ناڤ ئه‌رد و جه‌ماوه‌رێ خوه‌ وه‌كهه‌ڤبوو ل گه‌ل یانا ریال بتیس بێ گول ژ چارچوڤێ یاریێن گه‌را 12 ژ خولا لالیگا ئیسپانیا .
پشتى یارى راهێنه‌رێ یانا ریال مه‌درید زێدان بوو ده‌زگه‌هێن راگه‌هاندنێ دیاركر ئه‌وان دو خالێن گرنگ ژ ده‌ستدان و به‌رى نوكه‌ ژى ئه‌وى دیاركربوو ئه‌وان گه‌له‌ك خالێن گرنگ ژ ده‌ستدانه‌ لێ دڤێت باش بزانین ئه‌و یێ یاریێ ل ئێك ژ باشترین خولێن جیهانێ كه‌ت كو چ یانێن ب سانه‌هى ل ناڤا خۆلا لالیگا دا نینن و ئاستێ هه‌موو یانان ل وه‌رزێ ئه‌ڤ ساله‌ یێ باشه‌ پێشكه‌ڤتى یه‌ .
هه‌ردیسان ناڤبرى دیاركر ژى دادڤانى یاریێ لێدانه‌كا په‌نه‌لتى یا دروست بوو تیما ئه‌وان نه‌ هژمارت كو یا دیار و ئاشكرابوو ته‌پا ب ده‌ستێ یاریزانه‌كێ بتیس كه‌ڤت د ده‌ڤه‌را په‌نه‌لتى یێ دا كو هه‌كه‌ دادڤانى ئه‌و لێدان بوو ئه‌وان هژمارتبا دا یارى پتر هێته‌ڤه‌كرن و دا ئه‌وان ئاخفتنه‌كا دى ل یاریێ دا هه‌بیت لێ چ بكه‌ین چ ناهێته‌ گوهورین ئه‌و بریارا دادڤانى بوو پێدڤى یه‌ رێزێ ل بریارا وى ژى بگرین.
زێدان ئاماژه‌ ب وێ چه‌ندێ ژى كر ئه‌وان گڤاشتنێن مه‌زن ئێخستبوونه‌ سه‌ر گولا بتیس و یاریزانێن ئه‌وان چه‌ندین ده‌لیڤه‌یێن گولێ ژ ده‌ستدان لێ نه‌ سه‌ركه‌فتى بوون بۆ توماركرنا گولێ و ل یاریا بورى ئه‌وان پێنچ گول توماركربوون نه‌ ل هه‌ر یاریه‌كێ ئه‌و دێ پێنچ گولان توماركه‌ن و یا گرنگ تیم دڤێ یاریێ دا ژى گه‌هشته‌ گولێ بتنێ سه‌ركه‌فتى نه‌بوون بۆ توماركرنا گولێ.

ئه‌ڤرۆ نیوز:
یانا به‌رشه‌لۆنا دێ ژ شیانێن هێرشبه‌رێ خوه‌ یێ ئورگوای لویس سوارێز بێ باربیت بوو ده‌مه‌كێ درێژ ژبه‌ر ئه‌و هنگافتنا توش بوویێ ل یاریا دوهى به‌رامبه‌ر یانا لیڤانتى ژ چارچوڤێ یاریێن گه‌را 12 ژ خۆلا ئیسپانیا.
رۆژناما ئاس یا ئیسپانى ئاشكراكریه‌ راپورتا نوژدارى ل یانا به‌رشه‌لۆنا ئاشكراكریه‌ لویس سوارێز بوو ماوێ سێ حه‌فتیان دێ ژ یاریگه‌هان دوركه‌ڤیت كو نه‌شێت پشكدارى ل هه‌ردو یاریێن بهێت یێن به‌رشه‌لۆنا دا بكه‌ت ئه‌وژى ل گه‌ل سلاڤیا براگ ژ چامپیونس لیگ و سالتاڤیگو ژ خولا لالیگا و پاش خولا ئیسپانیا هێته‌ راوستاندن بوو حه‌فتیه‌كێ ژبه‌ر یاریێن هه‌لبژارتیێن نیڤده‌ولى.

ئه‌ڤرۆ نیوز:
یانا به‌رشه‌لۆنا د گه‌را 12 ژ خۆلا لالیگا ئیسپانیا توشى خوساره‌تیه‌كا گران بوو ل سه‌ر ده‌ستێ یانا لیڤانتى ب سێ گولان به‌رامبه‌ر گوله‌كێ .
پشتى یاریێ راهێنه‌رێ به‌رشه‌لۆنا ڤالڤێردى بوو ده‌زگه‌هێن راگه‌هاندنێ دیاركر یانا لیڤانتى ژ ئه‌وان باشتربوون تایبه‌ت ل نیڤا دوێ و ئه‌و شیابوون كونترولا یاریێ بكه‌ن هه‌تا به‌رى گولا وه‌كهه‌ڤیێ لێ هه‌ردو گولێن ئێكێ و دوێ ل دیڤ ئێك بوو پالده‌ره‌كێ باشتر یاریزانێن لیڤانتى ئاسته‌كێ باشتر پێشكێش بكه‌ن و گولا سێ یا لیڤانتى كارتێكرنه‌كا مه‌زن ل سه‌ر ئاستێ یاریزانێن ئه‌وى كر .
زێده‌تر ناڤبرى سه‌باره‌ت ده‌ست كاركێشانا خوه‌ ژ پوستێ یانێ ناڤبرى دیاركر ئه‌وى هه‌تا نوكه‌ هزر ل وێ چه‌ندێ نه‌كریه‌ و ناكه‌ت ژى ئه‌و دخوازیت یێ به‌رده‌وام بیت ل گه‌ل ڤێ یانێ و پتر خزمه‌تا یانێ بكه‌ت.
ل دووماهیێ سه‌باره‌ت دورخستنا دێمبلى ژ ڤێ یاریێ ناڤبرى دیاركر ئه‌و بریارا وى یه‌ و ئه‌و به‌رپرسه‌ ژ بریارا خوه‌ و ئه‌وان گه‌له‌ك یاریێن گرنگتر ماینه‌ ل قاره‌مانیا ئورۆپا و خولێ.