ئه‌ڤرۆ نیوز:
بریكارێ تایبه‌ت یێ رونالدوى خورخى میندیز داخوازیه‌ك ژ یانا ریال مه‌درید كر هه‌ڤبه‌ستێ ل گه‌ل یاریزانێ یانا ولڤرهامبتون و هه‌لبژارتیێ پورتوگال روبین نێڤیز ئیمزا بكه‌ن ل ڤه‌گوهاستنێن هاڤینا بهێت.
مالپه‌رێ “دون بالون” یێ ئیسپانى ئاشكراكریه‌ خورخى میندیز په‌یوه‌ندى ب به‌رپرسێن یانا ریال مه‌درید كریه‌ و بوو ئه‌وان دیاركریه‌ هه‌ڤبه‌ستێ ل گه‌ل یاریزانێ ولڤرهامبتون روبین نێڤیز ئیمزابكه‌ن كو باشترین پێگوهوره‌ ل جهێ كاسێمیرو ل پاشه‌رۆژێ.
هه‌ردیسان وى مالپه‌رى دیاركریه‌ ژى بوو ده‌ستڤه‌ ئینانا شیانێن ئه‌وى یاریزانى بوو یانا ریال مه‌درید گه‌له‌ك یا ب زه‌حمه‌ت نابیت ژبه‌ركو بهایێ ڤه‌گوهاستنا وى یاریزانى 50 ملیون یورۆنه‌ .

هه‌ژى گوتنێ یه‌ روبین ل سالا 2017 په‌یوه‌ندى ب یانا ولڤرهامتون یا ئنگلیزى كریه‌ و د ماوێ سێ سالێن بورى 99 یارى ل گه‌ل وێ یانا ئنگلیزى كرینه‌ و هه‌ردیسان 14 یاریێن نیڤده‌وله‌تى ژى ل گه‌ل هه‌لبژارتیێ پورتوگال هه‌نه‌.

ئه‌ڤرۆ نیوز:
یانا ریال مه‌درید دخوازیت ل ماوێ بهێت دو ستێرێن خوه‌ بفروشیت و هه‌ڤبه‌ستێ ل گه‌ل ستێره‌كا به‌رنیاس یا هێلا ناڤین ل سه‌ر ئاستێ ئورۆپا ئیمزا بكه‌ت.

مالپه‌رێ “دیفنسا سنترال”یێ ئیسپانى ئاشكراكریه‌ یانا ریال مه‌درید دخوازیت ل ماوێ بهێت هه‌ر ئێك ژ یاریزانان گارس بێل و خامێس رودرێگیز بفروشن ل ڤه‌گوهاستنێن زڤستانا بهێت یان هاڤینێ ژ بوو ده‌ستڤه‌ ئینانا كوژمه‌كێ باش و كرینا ستێرا هێلا ناڤینا هه‌لبژارتیێ فره‌نسا و یانا چێلسى كانتى.
هه‌ردیسان وى مالپه‌رى دیاركریه‌ ژى ریال مه‌درید دخوازیت ب فروتنا بێل و خامێس كوژمێ 100 ملیون یورۆیا ب ده‌ستخوڤه‌ بینت و ب وى كوژمێ هه‌ڤبه‌ستێ ل گه‌ل كونتى ئیمزا بكه‌ت.

گارس بێل و خامێس رودرێگیز

نگولو كانتى

ئه‌ڤرۆ نیوز:
رۆژنامه‌كا ئیسپانى ئاشكراكریه‌ یانا به‌رشه‌لۆنا نێزیكى ئیمزاكرنا هه‌ڤبه‌ستا یاریزانه‌كێ هه‌لبژارتیێ ئیتالیا و یانا ئه‌نتر میلان بوویه‌ .
هه‌ردیسان وێ رۆژنامێ دیاركریه‌ ژى به‌رشه‌لۆنا ده‌مه‌كه‌ چاڤدرێریا ستێرا هێلا ناڤینا یانا ئه‌نتر میلان ستیفانو سینسى دكه‌ت ئه‌وێ ل وه‌رزێ ئه‌ڤ ساله‌ و یێ بورى شیاى ئاسته‌كێ باش ل گه‌ل یانا خوه‌ پێشكێش بكه‌ت.
رۆژناما سپورت یا ئیسپانى دیاركریه‌ جوزیپى ریسو رێڤه‌به‌رێ كاروبارێن وى یاریزانى نوكه‌ ل باژێرێ به‌رشه‌لۆنا یه‌ بوو ده‌ست ب دانوستاندن ل گه‌ل به‌رپرسێن وێ یانێ بوو ڤه‌گوهاستنا وى سینسى ل پاشه‌رۆژێ بوو ناڤ رێزێن وێ یانا كه‌ته‌لونى.
هه‌ردیسان وێ رۆژنامێ ئاشكراكریه‌ ژى نوكه‌ یانا ئه‌نتر میلان ئارمانجا خوه‌ كریه‌ دو یاریزانێن به‌رشه‌لۆنا ئه‌وژى راكیتچ و ڤیدال لێ به‌رپرسێن به‌رشه‌لۆنا دیاركریه‌ ئه‌و دێ ل ڤه‌گوهاستنێن بهێت ده‌ستا ژ ئێك ژ ئه‌وانان به‌رده‌ت ئه‌وژى دبیت ب رێژه‌یا هه‌ره‌ مه‌زن راكیتچ بیت.
زێده‌تر ئه‌و چه‌نده‌ ژى هاتیه‌ دیاركرن كو دبیت به‌رشه‌لۆنا گوهورینه‌كێ ل گه‌ل یانا ئه‌نتر میلان بكه‌ت ئه‌وژى راكیتچ ل گه‌ل ستیفانو سینسی .

ئه‌ڤرۆ نیوز:
رۆژنامه‌یێن نێزیكى یانا ریال مه‌درید دیاركرینه‌ زێدان داخوازى ژ به‌رپرسێن یانا ریال مه‌درید كریه‌ ده‌ست ب دانوستاندنان بكه‌ن ل گه‌ل هێرشبه‌رێ هه‌لبژارتیێ مه‌غره‌ب و یانا ئه‌یاكس ئه‌مستردام حه‌كیم زیاش .
مالپه‌رێ “دون بالون” یێ ئیسپانى دیاركریه‌ زێدان داخوازى ژ كارگێریا یانێ كریه‌ بوو ڤه‌گوهاستنێن بهێت به‌رپرسێن یانێ هه‌ڤبه‌ستێ ل گه‌ل ستێرا مه‌غربى و یانا ئه‌جاكس ئه‌متسردام حه‌كیم زیاش ئیمزابكه‌ن پشتى وى ئاستێ بلند وى یاریزانى ل وه‌رزێ بورى و ئه‌ڤ ساله‌ ل گه‌ل یانا خوه‌ پێشكێشكرى .

هه‌ردیسان ئه‌وێ مالپه‌رى دیاركریه‌ ژى یانا ریال مه‌درید كوژمێ 30 ملیون یورۆیا بوو ڤه‌گوهاستنا ئه‌وى یاریزانى به‌رهه‌ڤكرینه‌.
هه‌ردیسان ئه‌وى مالپه‌رى دیاركریه‌ ژى زێدان دخوازیت یانه‌ هه‌ڤبه‌ستێ ل گه‌ل وى یاریزانێ ئه‌جاكس ئه‌مستردام ئیمزا بكه‌ت ژبه‌ركو هه‌تا نوكه‌ خامێس رودرێگیز و ئیسكو نه‌شیاینه‌ ببنه‌ جهێ رازیبوونا زێدانى ل یاریێن بورى دا.
هه‌ژى گوتنێ یه‌ زیاش یێ 26 سالى ئه‌وێ ل هێلا ناڤین دكه‌ت ل وه‌رزێ ئه‌ڤ ساله‌ پشكدارى د 18 یاریان دا كریه‌ ل گه‌ل یانا ئه‌جاكس ئه‌مستردام و شیایه‌ 6 گولان توماربكه‌ت ل گه‌ل 9 ئه‌سیست و ل وه‌رزێ بورى 2018-2019 وى یاریزانێ ناڤبرى پشكدارى د 49 یاریان دا كربوو د ئه‌وان هه‌موو قاره‌مانیێن وێ یانێ پشكدارى كرى و شیابوو 21 گولان توماربكه‌ت و 24 گول ژى بوو هه‌ڤالێن خوه‌ به‌رهه‌ڤكربوون (ئه‌سیست).

ئه‌ڤرۆ نیوز:
ژبه‌ر ئه‌و ئاستێ بلند یێ وه‌رزێ ئه‌ڤ ساله‌ ل گه‌ل یانا خوه‌ پێشكێشى هێرشبه‌رێ ئه‌رژه‌نتینى لوتارو مارتینیز نوكه‌ بوویه‌ جهێ گرنگیا هژماره‌كا یانێن به‌رنیاس ل سه‌ر ئاستێ ئورۆپا.
راپورتێن رۆژنامه‌ڤانى ل ئورۆپا دیاركرینه‌ یانا ئه‌نتر میلان بهایێ فروتنا وى هێرشبه‌رێ خوه‌ یێ ئه‌رژه‌نتینى بلندكریه‌ ژبه‌ر ئه‌و ئاستێ ل وه‌رزێ ئه‌ڤ ساله‌ پێشكێشكرى كو بهایێ هه‌لوه‌شاندنا وى ژ 25 ملیونا بلندكریه‌ بوو 111 ملیون یورۆیا.
هه‌ردیسان ئه‌وان رۆژناما دیاركریه‌ ژى هه‌ردو یانێن مانچێسته‌ر یونایتد و به‌رشه‌لۆنا گرنگى ب ڤه‌گوهاستنا ئه‌وى یاریزانى دایه‌ هه‌ردیسان هژماره‌كا یانێن دى یێن ئورۆپا ژى دخوازن هه‌ڤبه‌ستێ ل گه‌ل ئه‌وى یاریزانى ئیمزا بكه‌ن لێ ژبه‌ر وى كوژمێ بلند یێ نوكه‌ یانا ئه‌نتر میلان دیاركرى دبیت هژماره‌كا مه‌زن یا ئه‌وان یانان هزرا خوه‌ ب گوهورن بوو ده‌ستڤه‌ ئینانا ئه‌وى ژبه‌ر ئه‌و كوژمێ مه‌زن یێ ئه‌نتر میلان دانایه‌ سه‌ر بهایێ هه‌لوه‌شاندنا وى .

هه‌ژى گوتنێ یه‌ مارتینیز یێ 22 سالى ل وه‌رزێ ئه‌ڤ ساله‌ پشكدارى د 13 یاریان دا كریه‌ ل گه‌ل ئه‌نتر میلان و شیا حه‌فت گولان توماربكه‌ت و ل گه‌ل دو ئه‌سیست.
خۆلا كاتشیو 10 یارى 5 گول
قاره‌مانیا چامپیونس لیگ 3 یارى 2 گول.

ئه‌ڤرۆ نیوز:
رۆژنامه‌یێن نیزَیكى به‌رشه‌لۆنا دیاركرینه‌ به‌رپرسێن یانا به‌رشه‌لۆنا دخوازن ل وه‌رزێ بهێت هه‌ڤبه‌ستێ ل گه‌ل راهێنه‌ره‌كێ نوو ئیمزابكه‌ن ل جهێ راهێنه‌رێ نوكه‌ ڤالڤێردى.
هه‌ردیسان ئه‌وان رۆژناما دیاركریه‌ ژى به‌رشه‌لۆنا ناخوازیت هه‌ڤبه‌ستا راهێنه‌رێ خوه‌ ڤالڤێردى نوو بكه‌ت و ژبه‌ركو ئه‌وان هزر ل ئینانا راهێنه‌ره‌كێ نوو كریه‌ .
هه‌ردیسان ئه‌وان رۆژناما ئاشكراكریه‌ ژى به‌رپرسێن به‌رشه‌لۆنا ل ماوێ چه‌ند رۆژێن بورى دانوستاندن ل گه‌ل مارسێلو گالاردو راهێنه‌رێ يانا ریفر پلیت یا ئه‌رژه‌نتینى كربوون و هه‌تا راده‌یه‌كێ مه‌زن گه‌هشتى نه‌ رێككه‌فتنێ ل گه‌ل وى راهێنه‌رى بوو وه‌رگرتنا پوستێ راهێنه‌ریا وێ یانا كه‌ته‌لونى ل وه‌رزێ بهێت.

هه‌ژى گوتنێ یه‌ مارسێلو گالاردو یێ 43 سالى هه‌ر ژ سالا 2014 وه‌ره‌ راهێنه‌رێ یانا ریفر پلیت یا ئه‌رژه‌نتینى یه‌ و شیایه‌ چه‌ندین ده‌ستكه‌فتیا ل گه‌ل وێ یانێ ب ده‌ستخوڤه‌ بینت ل ماوێ شه‌ش سالێن بورى دا و به‌رى نوكه‌ 45 یاریێن نیڤده‌وله‌تى ل گه‌ل هه‌لبژارتیێ ئه‌رژه‌نتین یێ ئێكێ هه‌بوون وه‌كو یاریزان .

ئه‌ڤرۆ نیوز:
دخۆلا ئیرانى یا ته‌پا پێ دا ئه‌ڤرۆ شه‌ش یارى ژ گه‌را نه‌هێ هاتنه‌كرن و دڤێ حه‌فتیێ دا هه‌ر شه‌ش یاریێن ده‌ستپێكێ ب وه‌كهه‌ڤى ب دووماهیى هاتن و ژ سه‌رجه‌مێ شه‌ش یاریان بتنێ دو گول هاتنه‌ توماركرن كو پێنچ یارى بێ گول ب دووماهیى هاتن .
یاریێن ئه‌ڤرۆ هاتینه‌كرن ئه‌ڤێن خوارێ بوون.
سه‌یپا 0-0 پادیدیه مه‌شهد
پیرسپولیس 0-0 ماشین سازى ته‌بریز
نه‌فت مه‌سجد سلێمان 0-0 فولاد خوزستان
نساجی مازاندران 0-0 سه‌نعه‌ت نه‌فت عه‌بدان
پارس جنوبى جم 1-1 سه‌بهان ئه‌سفهان