ئه‌ڤرۆ نيوز، نيوار محه‌مه‌د سه‌ليم:
وه‌هبى مه‌هدى كورێ باژێرێ دهۆكێ و راهێنه‌رێ هه‌لبژارتيێ كوردستانێ يێ تايكواندۆيێ شيا ل وه‌لاتێ ئه‌ندۆنسيا ب پشكداريا 1348 ياريكه‌ران مه‌داليا زێرى بۆ ياريا نمايشێن تايكواندۆيێ ب ده‌ست خوه ڤه بينيت.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
ئه‌بۆ به‌كر به‌غدادى ل كيرێ و چاوان هاتيه كوشتن؟
ئه‌ڤرۆ نيوۆ، نيوار محه‌مه‌د سه‌ليم:
ئاژانسێن ئه‌مريكى ل سه‌ر زارێ مه‌زنه به‌پرسه‌كێ په‌نتاگۆنێ به‌لاڤكر كو د ئۆپه‌راسيۆنه‌كا هێزێن تايبه‌ت يێن ئه‌مريكا دا، سه‌رۆكێ رێكخراوا تيرۆرستى يا داعش، ئه‌بۆ به‌كر به‌غدى ل سوريا يێ هاتيه كوشتن.
كۆڤارا نيوزويك يا ئه‌مريكى به‌لاڤكر كو ئه‌ڤ ئۆپه‌راسيۆنه ل رۆژا شه‌مبى ل ئيدلب هاتيه ئه‌نجام دان پشتى كو ده‌نگوباس ل سه‌ر جهێ دروست يێ ئه‌بۆ به‌كر به‌غدادى گه‌هشتينه ئه‌مريكا و ئۆپه‌راسيۆن ب رێيا هێزه‌كا تايبه‌ت ل پارێزگه‌ها ئيدلب يا سوريا هاتيه ئه‌نجام دان.
تورا سى ئێن ئێن ژى به‌لاڤكريه كو ل ده‌مێ نێزيكبوونا هێزێن ئه‌منى بۆ جهێ ئه‌بۆ به‌كر به‌غدادى وى ب خوه، خوه كوشتيه دا كو نه‌كه‌ڤيته ده‌ستێ وان، د ڤێ روودانێ دا يا كو خێزانا وى ژى ئاماده، چو زارۆ نه‌هاتينه كوشتن، به‌لێ هه‌ردو ژنێن وى هاتبوونه كوشتن و دبيت ژى ژ به‌ر وێ بۆمبێ بيت يا ب خوه ڤه په‌قاندى.
دۆنالد تره‌مپ، سه‌رۆكێ ئه‌مريكا ژى تويته‌ك به‌لاڤكربوو و تێدا گۆتبوو “تشته‌كێ مه‌زن نها چێبوو” بێ كو روونكرنێن زێده‌تر بده‌ت و پشتى چه‌نده‌كا دى دێ په‌يڤه‌ك هه‌بيت و دبيت به‌حسێ ڤى بابه‌تى ژى بكه‌ت.
ژ لايێ خوه ڤه به‌رپرسێ ئيرانى راگه‌هاند كو سوريا ئه‌و پشت راست كرينه كو ئه‌بۆ به‌كر به‌غدادى هاتيه كوشتن. ئه‌ڤه ئاژانسا رويترز ل سه‌ر زارێ به‌پرسێن عيراقى ژى نووچه‌يێ كوشتنا سه‌رۆكێ رێكخراوا تيرۆرستى يا داعش پشت راست كريه.
خوه‌نيشانده‌رێن كه‌ربه‌لا ئالايێ عيراقێ ل سه‌ر بانێ كونسۆلخانا ئيرانێ بلندكر
ئه‌ڤرۆ نيوز:
ئه‌ڤ شه‌ڤه خوه‌نيشادانێن به‌رفرهه ل هژماره‌كا پارێزگه‌هێن عيراقى هاتنه ئه‌نجامدان و ل باژێرێ كه‌ربه‌لا ژى خوه‌نيشانده‌ران باره‌گايێ كونسۆلخانا ئيرانى دۆرپێچكر.
ئه‌ڤرۆ شه‌مبيێ 26/10/2019 وه‌كو دوهى ئه‌ينيێ، خوه‌نيشادانێن وه‌لاتيێن عيراقى ل چه‌ند پارێزگه‌هان هاتنه ئه‌نجامدان و هه‌تا نوكه ژى د به‌رده‌وامن، ل دووڤ وان ڤيديۆيێن هاتينه به‌لاڤكرن ل باژێرێ كه‌ربه‌لا كو خه‌لكێ وێ شيعه مه‌زهه‌بن، ب گۆره‌ى باسنيوز، خوه‌نيشانده‌ران باره‌گايێ كونسولخانا ئيرانى دۆرپێچكريه و خوه‌نيشانده‌ره‌كى ژى ئالايێ عيراقێ ل سه‌ر بانێ كونسولخانێ بلند كريه”.
ئێڤاريا ئه‌ڤرۆ شه‌مبيێ، كۆمسيۆنا مافێن مرۆڤى ل عيراقێ د به‌ياننامه‌كێ دا راگه‌هان، دووماهى ئامارێن كوشتى و بريندارێن دو رۆژێن بۆرى يێن خوه‌نيشادانێن پارێزگه‌هێن باشوور و نازه‌راستا عيراقێ به‌لاڤرن و راگه‌هاند، د خوه‌نيشادانان دا 63 كه‌س هاتينه كوشتن و 2595 كه‌س ژى بريندار بووينه.
مه‌زنترین فراكسیۆنا په‌رله‌مانێ عیراقێ دبیته ئۆپۆزسیۆن و مانگرتن ژى راگه‌هاند
ئه‌ڤرۆ نیوز:
وه‌كو دهاته چاڤه‌رێكرن، پشتى دووماهى به‌یانناما موقته‌دا سه‌در سه‌رۆكێ ره‌وتێ سه‌درى و لیستا سائیرون كو ب ئاشكرا پشته‌ڤانیا خوه بۆ خوه‌نیشانده‌ران ده‌ربرى و داخوازا ده‌ست ژ كاركێشانا حوكمه‌تا عیراقى كرى، ئه‌ڤرۆ فراكسیۆنا هه‌ڤپه‌یمانیا سائیرون ل په‌رله‌مانێ عیراقێ ئۆپۆزسیۆنا خوه و مانگرتن د ناڤ په‌رله‌مانى دا دا راگه‌هاند.
ئه‌ڤرۆ فراكسیۆنا سائیرون، كو مه‌زنترين فراكسيۆنا په‌رله‌مانێ عيراقێ يه ب 54 كورسيان ژ سه‌رجه‌مێ 239كورسيان، د كۆنگره‌كێ رۆژنامه‌ڤانى دا راگه‌هاند” ژبه‌ر نه‌بوونا گاڤێن راسته‌قینه بۆ چاكسازیێ، بوویه پێدڤیه‌ك كو به‌رپرسیاره‌تیا ئه‌خلاقى و نیشتمانى بۆ پاراستنا عیراقێ وه‌ربگرین، له‌وما ل سه‌ر وى بنه‌مای، وه‌كو فراكسیۆنا هه‌ڤپه‌یمانیا سائیرون رادگه‌هینین كو دێ بینه ئۆپۆزسیۆن و دێ د ناڤ په‌رله‌مانى دا ده‌ست ب مانگرتنێ كه‌ین هه‌تا ده‌مێ به‌رسڤا داخوازیێن خوه‌نیشانده‌ران دهێته دان و پێدڤیه ژى هه‌موو هێزێن سیاسى چاڤ ل گاڤا مه بكه‌ن”.
ب ڤیدیۆ … 70 پێشمەرگە ژ خولا داستانا سحێلا دەرچوون
ئەڤرۆ نیوز، نەوزاد هلۆری:
ب مه‌ره‌ما گرنگیدان ب ئاستێ ره‌وشه‌نبیریا پێشمه‌رگه‌ی، فه‌رمانده‌یا دهۆك ب هه‌ڤكارى ل گه‌ل ده‌سته‌یا گشتى یا رێكخستنا پێشمه‌رگه‌ى و سه‌نته‌رێ پێشمه‌رگه یێ ره‌وشه‌نبیرى، رێ و ره‌سمه‌ك بۆ ده‌رچوونا 70 پێشمه‌رگه‌یان ژ خولا داستانا سحێلا گێرا.
سه‌در داخوازا ده‌ست ژ كاركێشانا حوكمه‌تا عه‌بدولمه‌هدى دكه‌ت
ئه‌ڤرۆ نيوز:
سه‌ركردێ ره‌وتێ سه‌درى و ليستا سائيرون (موقته‌دا سه‌در) راگه‌هاند، هه‌كه به‌رپرسێن عيراقى دخوازن كوشتن و سوتن روو نه‌ده‌ت، پێدڤيه ده‌ست ژ كارى به‌رده‌ن به‌رى ئه‌م وان ژ كارى دووربێخين.
موقته‌دا سه‌در د پۆسته‌كێ ئه‌لكترونى دا ل تۆرا جڤاكى يا فه‌يسبووكى به‌لاڤكر” هه‌كه ب بۆچوونا هنده‌كان خوه‌نيشادان چاره‌سه‌ر نه‌بيت، مانگرتن و گردبوون چاره‌سه‌ر نه‌بيت، پا بجه هێلانا ده‌ستهه‌لاتێ چاره‌سه‌ره؟ د ده‌مه‌كى دا كو ده‌ستهه‌لاتداران ئه‌و شيانه نينن دووماهيێ ب نه‌هامه‌تێن وه‌لاتيان بينن و گه‌نده‌لكاران بنبر بكه‌ن و ژيانه‌كا ئاسووده بۆ وه‌لاتيان دابين بكه‌ن”.
سه‌در داخوازا ده‌ست ژ كاركێشانێ ژ حوكمه‌تێ كر و گۆت” هه‌كه نه‌شێن وێ چه‌ندێ راست بكه‌ن ئه‌وا حوكمه‌تێن پێشتر ژناڤبرى، ده‌ست ژ كار بكێشن”.
گۆت ژى” چو خێره‌ك د ده‌ستهه‌لاتدارێن نوكه و يێن به‌رى وان دا نه‌بوو”.
ب تنێ 9 پرۆژه ب دووماهى هاتینه
ئه‌ڤرۆ نیوز،عه‌لى حاجى:
د داخویانیه‌كێ دا رێڤه‌به‌رێ گشتیێ وه‌به‌رهێنانێ ل پارێزگه‌ها دهوكێ بۆ ئه‌ڤرۆ نیوز دیار كر ل سنورێ باژێرێ زاخۆ 36 پروژه‌یێن وه‌به‌رهێنانێ ل زاخۆ هه‌نه و بتنێ 9 پروژه ژ وان پروژه‌یان ب دووماهى هاتینه و دێ ب هویربینى ل سه‌ر هه‌مى پروژه‌یان راوه‌ستین .
زێده‌تر كوردو ئیحسان گوت : (ژ سه‌رجه‌مێ 36 پروژه‌یێن وه‌به‌رهێنانێ ل زاخۆ بتنێ 100% كاركرن تێدا ب دووماهى هاتیه و پروژه‌یێن دیتر ژى دقوناغێن جودایێن كاركرنێ دا و هه‌ر دیسان ئێك هه‌تا دو پروژه‌یان ل زاخۆ ئاسته‌نگ تێدا دروست بووینه و ئه‌م دێ راوه‌ستین ل سه‌ر چاره‌سه‌ركرنا وان ئاسته‌نگان ژ به‌ر كو پێدڤیه ئه‌و پروژه‌یه ده‌ست ب كار بن و قوناغێن كاركرنێ ل سه‌ر وان پروژه‌یان ده‌ست پێ بكه‌ت و دێ ب هویربینى ژى ل سه‌ر هه‌مى پروژه‌یان راوه‌ستین دا كو دنێزیكترین ده‌م دا هه‌مى پروژه ب دووماهى بهێن و ئه‌ڤ پروژه‌یه ب رێیا یاسایا وه‌به‌رهێنانێ ده‌ست ب كار بوینه).
سەرۆكێ حوکمەتێ بەحسێ مەترسیێن داعشێ دکەت
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ پێشوازی ل رۆبێرت وایت فەرماندارێ هێزێن هەڤپەیمان ل سووریێ و عیراقێ کر و د کۆمبوونێ دا بەحسێ رەوشا دەڤەرێ و مەترسیێن داعشێ ل سەر خەلکی ل عیراقێ هاتە کرن.
هەر د کۆمبوونێ دا فەرماندارێ هێزێن هەڤپەیمان دیار کر کو ئەمریکا دێ بەردەوام هاریکاریا هەرێما کوردستانێ کەت و رۆلێ هێزێن پێشمەرگەی د ژناڤبرنا داعشێ دا بلند هاتە نرخاندن.
زێده‌ترى 30 مزگه‌فتان هاتینه ئاڤا كرن
ئه‌ڤرۆ نیوز، عه‌لى حاجى:
د داخویانیه‌كێ دا رێڤه‌به‌رێ ئه‌وقاف و كاروبارێن ئایینى ل زاخۆ بۆ ئه‌ڤرۆ نیوز دیار كر پشتى قه‌یرانا دارایى سه‌ر كوردستانێ دا هاتى ماوه‌یێ چار سالایه زێده‌ترى 30 مزگه‌فتان ژلایێ خێرخوازێن زاخۆ ڤه هاتینه ئاڤا كرن .
زێده‌تر مه‌لا سه‌عید عه‌بدولره‌حمان گوت: (دگه‌ل هاتنا قه‌یرانا دارایى ئاڤاكرما مزگه‌فتان ژلایێ حكومه‌تا هه‌رێما كوردستانێ ڤه هاتبوو راوه‌ستاندن، به‌لێ ماوه‌یێ چار سالایه زێده‌ترى 30 مزگه‌فتان ژلایێ خێرخوازێن زاخۆ ڤه هاتینه ئاڤا كرن و دئه‌ڤ ساله دا زێده‌ترى پێنچ مزگه‌فتان ژلایێ خێرخوازان ڤه ل سنورێ باژێرێ زاخۆ دا هاتینه ئاڤا كرن و پارچه زه‌ڤى ژلایێ رێڤه‌به‌ریا ئەوقافا زاخۆ ب هاریكاریا باژێرڤانیا زاخۆ دهێته دابین كرن، هه‌ر دیسان دنوكه دا به‌رده‌وام خێرخوازێن زاخۆ داخازا ئاڤاكرنا مزگه‌فتێن نوو دكه‌ن و ئه‌م ژى ژلایێ خوه‌ڤه دهاریكارن كو ل گوره‌یى پێدڤیێن تاخه‌كێ ئه‌و مزگه‌فت بهێنه ئاڤا كرن) .
مورینهو نێزیكى ئیمزاكرنا هه‌ڤبه‌ستا ڤێ یانێ بوویه
ئه‌ڤرۆ نیوز:
راپورتێن رۆژنامه‌ڤانى ل ئنگلته‌را وه‌سا دیاركرینه دبیت مورینهو ل ده‌مه‌كێ نێزیك پوستێ ئێك ژ به‌رنیاسترین یانێن ئینگلیزى وه‌ربگریت.
مالپه‌رێ سكاى سپورتس دیاركریه یانا ئه‌رسینال هزر ل گوهورینا راهێنه‌رێ خوه كریه تایبه‌ت پشتى هه‌ردو یاریێن دووماهیى یێن وێ یانێ هه‌ر چه‌نده ل یاریا دووماهیێ شیابوو سه‌ركه‌فتنێ توماربكه‌ت لێ ئاستێ هونه‌رى یێ وێ یانێ ب دلى به‌رپرسێن یانێ و جه‌ماوه‌رێ وێ یانێ نه‌بوو .
هه‌ردیسان وى مالپه‌رى ئاماژه ب وێ چه‌ندێ ژى كریه ل یاریا به‌رامبه‌ر ڤیكتوریا گیمارتش د قاره‌مانیا یورۆپا لیگ دا راهێنه‌رێ پورتوگالى جوزێ مورینهو ل یاریگه‌ها ئه‌رسینال هاته دیتن و دیاركریه ژى دبیت ب هه‌بوونا مورینهو ل یاریگه‌هێ مه‌ترسى بێخته سه‌ر ره‌وشا راهێنه‌رێ وێ یانێ یێ نوكه ئوناى ئێمرى .
هه‌ژى گوتنێ یه مورینهو ل چه‌ند داخویانیێن خوه یێن ڤێ دووماهیێ دیاركریه ئه‌و دێ ل نێزیكترین ده‌م پوستێ راهێنه‌ریا یانه‌كا به‌رنیاس ل سه‌ر ئاستێ ئورۆپا وه‌رگریت و حه‌زا ڤه‌گه‌راندنێ ل ئنگلته‌را هه‌یه كو به‌رى نوكه ناڤێ وى هاتبوو به‌ربژاركرن بوو یانا توتنهام ژى.
نيشاندان
WP Facebook Auto Publish Powered By : XYZScripts.com