ئه‌ڤرۆ نیوز:
پشتى هێرشبه‌رێ نێڤده‌وله‌تى یێ ئنگلیزى و یانا لیسته‌ر سیتى جیمى ڤاردى شیاى ل یاریا دوهى به‌رامبه‌ر یانا ساوتهامبتون سێ گولان هاتریك توماربكه‌ت دوێ یاریێ دا ئه‌وا یانا وى شیاى سه‌ركه‌فتنێ توماربكه‌ت ب 9 گولان بێ به‌رامبه‌ر ژ چارچوڤێ یاریێن دخۆلا ئنگلته‌را دا كو ب وێ هاتریك ئه‌و یاریزان شیا نمرا دو ستێرێن خولێ بشكێنیت.
مالپه‌رێ سكواكا یێ تایبه‌ت ب ئامارێن وه‌رزشى ڤه‌ دیاركر جیمى ڤاردى شیا هژمارا گولێن خوه‌ ب گه‌هینته‌ 89 گولان دخۆلا پرێمیرلیگ دا و شیا نمرا ستێرا به‌رى نوكه‌ یا هوله‌ندى و یانا ئه‌رسینال دینیس بێركامپ بشكینت كو وى یاریزانێ به‌رى نوكه‌ یێ ئه‌رسینال 87 گول دخۆلا ئنگلته‌را دا توماركر بوون.
هه‌ردیسان وى مالپه‌رى دیاركریه‌ ژى ڤاردى شیا هژمارا گولێن خوه‌ ب گه‌هینته‌ 21 د سالا 2019 دا دخۆلا ئنگلته‌را دا كو بوو یاریزانێ ئێكێ پتر گول د 2019 د خۆلا ئنگلته‌را دا توماركرین كو ئوگوێرو ل رێزا دوێ دهێت ب 20 گولان.

ئه‌ڤرۆ نیوز:
گولچیێ دانیماركى و یانا لیسته‌ر سیتى كاسپر شمایكل پشكدارى ل گه‌ل یانا خوه‌ كر د یاریا دوهى دا ئه‌وا تێدا شیاین سه‌ركه‌فتنه‌كا مه‌زن ل سه‌ر یانا ساوتهامبتون توماربكه‌ن ب 9 گولان بێ به‌رامبه‌ر ژ چارچوڤێ یاریێن گه‌را ده‌هێ ژ خۆلا ئنگلته‌را كو ئه‌و سه‌ركه‌فتن دهێته‌ هژمارتن مه‌زنترین سه‌ركه‌فتن دخۆلا پرێمیرلیگ كو ب هه‌مان ئه‌نجام ل سالا 1995 یانا مانچێسته‌ر یونایتد شیابوو سه‌ركه‌فتنێ ل سه‌ر یانا ئه‌بسویتش تاون توماربكه‌ت .
ب پشكداریا كاسپر ل گه‌ل لیسته‌ر سیتى شیا ده‌ستكه‌فتیا بابێ خوه‌ یا به‌رى 24 سالان دوباره‌ بكه‌ت كو بابێ وى پیتر شمایكل ژى ل سالا 1995 ل گه‌ل یانا مان یونایتد پشكدارى كر ده‌مێ شیان سه‌ركه‌فتنێ توماربكه‌ن ب 9 گولان بێ به‌رامبه‌ر .

ئه‌ڤرۆ نیوز:
هه‌ر ژ سالا 1992 پشتى ناڤێ خولا ئنگلته‌را هاتیه‌ گوهورین ب ناڤێ خۆلا پرێمێرلیگ بوو یانێن پلا ئێك یا ئنگلته‌را كو دهێته‌ هژمارتن بلندترین خول سه‌ر ئاستێ ئنگلته‌را و هه‌ردیسان دهێته‌ هژمارتن ئێك ژ به‌رنیاسترین و ب هێزترین خول سه‌ر ئاستێ جیهانێ و ماوێ 27 سالێن بورى دا چه‌ندین ئه‌نجامێن مه‌زن هاتینه‌ توماركرن .
مه‌زنترین ئه‌نجام د مێژویا خۆلا پرێمێرلیگ دا
2019ساوسهامتون 0-9 لیسته‌ر سیتى
1995مان یونایتد 9-0 ئابسویتش
2009توتنهام 9-1 ویگان
1999نیوكاسل 8-0 شیفیلد وینزدای
2010چێلسى 8-0 ویگان
2012تشیلسی 8-0 ئه‌ستون ڤیلا
2014ساوسهامتون 8-0 سه‌ندرلاند
2019مان سیتی 8-0 واتڤورد

ئه‌ڤرۆ نیوز:
یانا ریال مه‌درید پلانه‌ك دارشتى یه‌ بوو ده‌ستڤه‌ ئینانا ستێرا فره‌نسى و یانا پاریس سانجێرمان كلیان مباپێ .
مالپه‌رێ كاتشیو مێركاتو یێ ئیتالى ئاشكراكریه‌ یانا ریال مه‌درید هزر ل فروتنا چه‌ند ستێرێن خوه‌ یێن به‌رنیاس كریه‌ ژ پێخه‌مه‌ت ده‌ستڤه‌ ئینانا كوژمه‌كێ مه‌زن بۆ ئیمزاكرنا ستێرا یانا پاریس سانجێرمان و هه‌لبژارتیێ فره‌نسا كلیان مپابێ .
هه‌ردیسان وى مالپه‌رى دیاركریه‌ ژى د شیانێن وێ یانا مه‌له‌كى دا هه‌یه‌ چه‌ند یاریزانێن خوه‌ بفروشیت و كوژمه‌كێ مه‌زن یێ پاره‌ى ب ده‌ستخوڤه‌ بینت بوو كرینا وى مپابێ.
وى مالپه‌رێ ئاماژه‌ ب وێ چه‌ندێ ژى كریه‌ هه‌ر ئێك ژ یێ وێلزى گارس بێل و یێ كولومپى خامێس رودرێگیز دو به‌ربژارێن سه‌ره‌كى نه‌ یانا ریال مه‌درید بفروشیت ژبه‌ركو بفروتنا ئه‌وان هه‌ردو یاریزانان دبیت ریال كوژمه‌كێ باش ب ده‌ستخوڤه‌ بینت و بیته‌ هاریكاریه‌ك بوو ده‌ستڤه‌ ئینانا كلیان مپابێ.