ئەڤرۆ نیوز:
وەزارەتا ساخلەمیێ ئامارا ٢٤ دەمژمێرێن بۆری راگەهاند کو تێدا هاتیە ل هەرێما کوردستانێ ٦٦٦ کەسێن دی تووشی ڤایرۆسێ کۆرۆنایێ بووینە و هەروەسا ٢٠ تووشبوو ژی مرینە.
هەروەسا د ماوەیێ ٢٤ دەمژمێرێن بۆری دا ٤٥٥ نەخوشێن کۆرۆنایێ ژی ب تەمامی باش بووینە.
ل پارێزگەها دهۆکێ ژ ٢٧١ کەسێن دی تووشی کۆرۆنایێ بووینە و ٩ تووشبوو ژی مرینە و د هەمان دەمی دا ١٦٩ نەخوش ژی ب تەمامی باش بووینە.
ئه‌ڤرۆ نیوز،بارزان مزوورى:
سه‌ردار یه‌حیا عەبدلعەزیز،قائیمقامێ قه‌زا شێخان بۆ ئه‌ڤرۆ نیوز دیاركر رێكا ناوه‌ران دناڤبه‌را مووسل و شێخان ئه‌ڤه شه‌ش هه‌یڤه هاتیه‌گرتن، هه‌موو رێك یێن دناڤبه‌را باژێرێن مووسل و هه‌رێمێ هاتینه ڤه‌كرن بتنێ ئه‌ڤه مایه ژئه‌گه‌رێ خرابیا ناحیا باشیك ژ ئه‌نجامێ به‌لاڤ بوونا ڤایرۆسێ كورونا ژبه‌ركۆ د نها دا باشیك د ره‌وشه‌ك خراپ دایه له‌ورا هه‌تا نها بریارا ڤه‌كرنا وێ رێكێ نه‌هاتیه دان،
ناڤهاتى خویاكر گرنگیا ڤه‌كرنا ڤێ رێكێ بۆ ده‌ڤه‌را شێخان گه‌له‌ك یا گرنگه ژلایێ ئابوورى و ئاینى ژى ژبه‌ركۆ گه‌له‌ك ژ كه‌ساتیێن ئاینى یێن ئێزدیان ل ناحیا باشیك پێدڤى یه رۆژانه سه‌ره‌دانا په‌رستگه‌ها لالش بكه‌ن دیسان رۆژانه ژماره‌كا مه‌زن یا فه‌رمانبه‌رێن شێخان و ده‌وروبه‌ر ل مووسل و باشیك ده‌شتا نه‌ینه‌وا دهێنه شێخان ده‌واما وان ل شێخان و ده‌وروبه‌ره د نها دا ئاسته‌نگ بۆ ڤان هه‌موو كه‌رتا یا دروست بوىە له‌ورا یا پێدڤىە ئه‌ڤ رێكه بهێتە ڤه‌كرن به‌لێ ژبه‌ر رێنمایێن ساخله‌میێ ئه‌ڤ رێكه هاتیه گرتن و تا راده‌یه‌كى باش ژى ڤایرۆسێ كورونا ل شێخان ژ ئه‌گه‌رێ گرتنا ڤێ رێكێ هاتیه كونترۆل كرن.
ناڤهاتى گۆت:هه‌تا نها بریار ل سه‌ر ڤه‌كرنا وێ رێكێ نه‌هاتیه دان ژبه‌ركۆ بریا ردێ ل سه‌ر دوو ئیدارا هێتە دان مووسل و دهوك مه یا داخازكرى كۆ كومبین ل سه‌ر ڤه‌كرنا وێ به‌لێ هه‌تا نها كومبون نه‌هاتینە كرن به‌لێ ئه‌ڤرۆ ب نڤیسارا فه‌رمى مه‌یا ره‌وانه‌كرى كۆ دڤێ حه‌فتیێ دا بهێتە ڤه‌كرن به‌لێ به‌رى بهێتە ڤه‌كرن ،پێدڤى یه هه‌ردوو لا كارى بكه‌ن بۆ دابینكرنا وان تیمێن پێدڤى ب لژنه‌كا تایبه‌ت یا ساخله‌میێ دگه‌ل لژنه‌كا ئه‌منى و فه‌رمانگه‌هه‌كا ئیقامه‌یا بهێت دانان بۆ پاراستنا ژیانا وه‌لاتیان ژ ڤایرۆسێ كورونا ، ده‌مێ ئه‌ڤ رێكه بهێت ڤه‌كرن بتنێ هاتن و چوونا وه‌لاتیان و فه‌رمانبه‌رایه بازرگانى دڤێ رێكێ دا ناهێتك رن بتنێ ترۆمبێل بچیك دێ ده‌ستیرى بۆ هێت دان.
ئه‌ڤرۆ نیوز،بارزان مزوورى:
بلند ره‌زا زێبارى،سه‌رۆكێ باژێرڤانیا قه‌زا ئاكرێ بۆ ئه‌ڤرۆ نیوز گۆت:ئه‌ڤرۆ سپێدێ رێكه‌فتى24/9/2020 ب به‌شداریا قائیمقامێ قه‌زا ئاكرێ و زیندانیێن سیاسى ئه‌وێن ره‌زامه‌ندیا وه‌رگرتنا پارچا عه‌ردى هه‌ى ل هولا باژێرڤانیا ئاكرێ پارچێن عه‌ردى ل سه‌ر وان هاتنە دابه‌شكرن،
ناڤهاتى خویاكر ره‌زامه‌ندى ل سالا 2012 بۆ وان هات بۆ دان قوناغه‌ك ل سالا 2013 بۆ هات بونه دان ئه‌وێن نها بۆ دهێن دان هنده‌ك كێماسى دناڤ معاملێن وان دا مابون هه‌تا ئه‌و كێماسى دوماهیك ئیناین ئه‌ڤرۆ ئه‌و ژى بونه خودان پارچێن عه‌ردى ژوانا 12 كه‌س بوون لجهه‌كێ باش بۆ هات بونه دابینكرندا مفاى ژوان پارچا وه‌رگرن ژبه‌ركۆ هه‌موو ژوان ده‌ست كورتن،
ناڤهاتى گۆت:به‌رى نها ژى 121 پارچێن عه‌ردى هاتینه دابه‌شكرن بۆ مالباتێن شه‌هیدێن شه‌رێ داعش.
ئه‌ڤرۆ نیوز:
وه‌زیرێ ژیده‌رێن ئاڤا عیراقێ راگه‌هاند د دانوستاندنێن به‌رده‌وام داینه ب مه‌به‌ستا لێك تێگه‌هشتنه‌كا دروست ل گه‌ل توركیا ده‌ربارێ ئاڤا هه‌ردو رۆبارێن دیجله و فوراتێ.
مه‌هدی ره‌شید حه‌مدانی وه‌زیرێ ژێده‌رێن ئاڤا عیراقێ راگه‌هاند د دانوستاندنێن به‌رده‌وام داینه بۆ ئه‌وێ مه‌به‌ستێ ژی هنارتیێن تایبه‌ت دبیاڤێ ئاڤێ دناڤبه‌را خو پێك ئیناینه، هیڤی خازین ئه‌نیه‌تێن باش دناڤبه‌را عیراقێ و توركیا و هه‌ڤسیێن دی یێن وێ دا هه‌بیت بۆ گه‌هشتنه لێك تێگه‌هشتنه‌كا دروست ده‌ربارێ ئاڤێن هه‌ڤپشك د ناڤبه‌را هه‌ردو وه‌لاتان دا.
ئه‌ڤرۆ نیوز:
جڤاتا نووونه‌رێن عیراقێ د كۆمبوونه‌كا تایبه‌ت ب بازنه‌یێن هه‌لبژارتنان د یاسایا هه‌لبژارتنێن جڤاتا نوونه‌رێن عیراقێ دێ رێك ئێخیت.
محه‌مه‌د ئه‌مین فارس ئه‌ندامێ جڤاتا نوونه‌رێن عیراقێ راگه‌هاند رۆژا شه‌مبیێ جڤاتا نوونه‌رێن عیراقێ ل سه‌ر یاسایا هه‌لبژارتنان كۆم دبیت دانوستاندنان تایبه‌ت ل سه‌ر بازنه‌یێن هه‌لبژارتنان دكه‌ت، هه‌تا نوكه لایه‌نێن عیراقی ل سه‌ر بازنه‌یێن هه‌لبژاتنان نه‌گه‌هشتینه رێكه‌تنێ.
ناڤبری ئه‌و چه‌نده ژی راگه‌هاند زۆرینه‌یا فراكسیون و كوتله‌یان ده‌نگ ب یاسایا هه‌لبژارتنان و پارڤه‌كرنا پارێزگه‌هان بۆ چه‌ند بازنه‌یه‌كان دایه نوكه په‌شێمان بووینه.
محه‌مه‌د ئه‌مین ئه‌و چه‌نده ژی دازانین كۆ فراكسیونا پارتی رژده ل سه‌ر ئه‌وێ چه‌ندێ كۆ عیراق ب بیته 18 بازنه‌یێن هه‌لبژارتنان.
ئه‌ڤرۆ نیوز:
رێڤه‌به‌راتیا ئاڤا دهۆكێ د راگه‌هاندنه‌كێ دا به‌لاڤكریه ژ به‌ر كاركرن و ڤه‌گۆهاستنا ئه‌و بوریێن ئاڤێ د كه‌ڤنه پرۆژه‌یێ ئه‌نده‌رپاسا جاده‌یا بارزان و سه‌خبێریكرنا وان بۆ ده‌مێ چه‌نده‌كێ دێ ئاڤ هێته راوه‌ستاندن ئانكو ئاڤ بۆ چه‌ند تاخه‌كێن باژێری ناچیت هه‌تا كار كرن تێدا ب دوماهی دهێت.
د راگه‌هاندنا رێڤه‌به‌راتیا ئاڤا دهۆكێ ئه‌و چه‌نده ژی هاتیه دیاركرن كۆ ئه‌و تاخێن ئاڤ بۆ ناچیت و بۆ چه‌نده‌كێ ئاڤ دێ ژێ هێته برین دیاركرینه وه‌ك شندوخا و شه‌هیدا و ئازادی و سێ گركا و بنتیكا و روناهی و تاخێ ره‌زان و سه‌ربه‌ستی و دیاری و مهاباد و نزاركێ و نزاركا 51 و محامیا و ئێتیت، ناعورێ و گژه به‌را و پیشه‌سازی و كۆمه‌لگه‌ها به‌رۆشكێ و سه‌رهلدان و جمعیا به‌رۆشكێ و كانی مه‌همه‌دكێ.
د راگه‌هاندنا ئاڤا دهۆكێ دا هاتیه هاتیه كۆ ل رۆژا 27/9/2020 ئاڤ دێ هێته راوه‌ستاندن بۆ ده‌مێ 72 ده‌مژێران ژ به‌ر ئه‌نجامدانا چه‌ند كاره‌كێن ته‌كنیكی ل ناڤ ئه‌نده‌ر پاسێن نوو دا.
دوماهیێ رێڤه‌به‌راتیا ئاڤا دهۆكێ ئه‌و چه‌نده دیاركریه كۆ هیڤی خازین ژ خه‌لكی ده‌ڤه‌رێن ناڤ هاتینه دیاركرن هشیار بن و هاریكار بن د گه‌ل مه‌دا ژبو به‌رژه‌وه‌ندا گشتی یا باژێرێ دهۆكێ بلا ئاڤێ كۆم ڤه بكه‌ن بۆ خوه دا ئاریشه په‌یدا نه‌بن.
ئه‌ڤرۆ نیوز:
لگۆری دوماهی ئامارێن توشبوویێن كورونایێ ل جیهانێ گه‌هشته 32 ملیۆن و 101 هزار كه‌سان.
لگۆری دوماهی ئامارێن توشبوویێن كورونایێ ل سه‌ر ئاستێ جیهانێ هه‌تا نوكه گه‌هشتیه 32 ملیۆن و 101 هزار كه‌سان.
هه‌ر ل گۆری ئه‌وان ئامارێن ل سه‌ر ئاستێ جیهانێ هاتینه به‌لاڤكرن، كۆ 23 ملیۆن و 682 هزار توشبوویێن كوروناێ ساخ بووینه و نێزیكی 982 هزار كه‌س ژی مرینه ئه‌ڤێن دی ژی ل بن چاڤدێریا نوژداری دانه.
ئەڤرۆ نیوز:
د. دلاوەر خالد ئاژگەیی، نوونەرێ حوکمەتا هەرێما کوردستانێ ل ئێکەتیا ئورۆپا، گوتارەک پێشکشی لژنا پەیوەندیێن پەرلەمانێ ئورۆپا و عیراقێ کر.
د روونشتنەکا فەرمی یا لژنا پەیوەندیێن پەرلەمانێ ئورۆپا و عیراقێ و ب ئامادە بوونا رێڤەبەرێ بەشێ کەنداڤی و عیراقێ ل ئۆفیسا سیاسەتا دەرڤە یا ئێکەتیا ئورۆپا و نڤێسینگەها پەرلەمانتارێن ئێکەتیا ئورۆپا دا، د. دلاوەر خالد ئاژگەیی، نوونەرێ حوکمەتا هەرێما کوردستانێ ب هەڤالینیا شاندەکێ نوونەراتیێ گۆتارەک ل سەر دووماهی پێشهات و گوهۆرینێن گرنگ یێن هەرێما کوردستانێ و عیراقێ پێشکێشی ئامادەبوویان کر.
کۆمبوون ب رێیا ڤیدیۆکۆنفرانسێ برێڤە چوو، نوونەرێ حوکمەتا هەرێما کوردستانێ چەند بابەتەک بۆ بەشداربوویان خستە بەرچاڤ، ژ وان ژی تیشک خستە سەر پەیوەندیێن دناڤبەرا هەرێما کوردستانێ و ئێکەتیا ئورۆپا و باسکێ دانوساندنێن دناڤبەرا هەردو ئالیان و مەترسیێن سیاسەتا ب عەرەبکرنا کەرکوکێ و دەڤەرێن کوردستانی یێن دەرڤەی هەرێمێ و پرسا ئەمن و ئاسایشا وان ناوچان و مەترسیا سەرھەلدانا داعشێ، هەروەسا بەحسێ پرۆسا چاکسازیێ یا حوکمەتا هەرێما کوردستانێ و چەند پرسێن دیتر کریە.
ئەڤرۆ نیوز:
د. ئەحمەد بڕیاردەرێ لژنا دارایی ل پەرلەمانێ عیراقێ گۆت: هەکە وی کوژمێ قەرێن ل سەر عێراقێ، ل سەر ئاکنجیێن وێ دابەش بکەین، هەر تاکەکێ و زارۆیەکێ ژ دایک ببیت دێ نێزیکی 3 هزار دۆلاران قەردار بیت، نوکە گەلەک قەر یێن ل سەر عیراقێ.
هەروەسا گۆتیە: نوکە 23 ملیار دۆلار قەرێن دەرەکی ل سەر عیراقێ هەنە، قەرێن بەری سالا 2003 نێزیکی 41 ملیار دۆلارانە، قەرێن نافخۆیی ژی گەیشتینە 40 ترلیۆن دیناران.
د. ئەحمەد سەفاری دیار کر ژی: هەکە ئەم قەران ب تێكرایی دابەشبکەین ب سەر هژمارا ئاکنجیێن عیراقێ دا، هەر تاکەک دێ زێدەتر ژ 3 هزار دۆلاران قەردار بیت و هەر زارۆیەکێ ژ دایک ژی دبیت دێ نێزیکی 3 هزار دۆلاران قەردار بیت.
ئەڤرۆ نیوز، زنار تۆڤی:
د. شێرزاد حەمید رێڤەبەرێ گشتی یێ چاڤدێری و گەشەپێدانا جڤاکی ل پارێزگەها دهۆکێ، بۆ ئەڤرۆ نیوز دیار کر: ئەڤرۆ 23/9/2020 ب سەرپەرشتیا راستەو خوە یا رێڤەبەرێ گشتی یێ چاڤدێری و گەشەپێدانا جڤاکی ل پارێزگەها دهۆکێ د. شێرزاد حەمید، پشتی دەنگۆیێ ھەبوونا کەیسەکا تایبەت ب ژنەکا بێ خودان ل ناحیا باتیفا گەھشتیە وان، ئێکسەر ئەو چووینە مالا وێ ژنێ ب هەڤالینیا سەباح محەمەد عەلی، رێڤەبەرێ مالا دانعەمران ل دهۆکێ و وان سەرەدانا وێ ژنێ کریە، پاشی ب ھەماھەنگی ل گەل ساخلەمیا زاخۆ برێیا ئەمبۆلانسەکا تایبەت ئەڤ خانمە ھاتیە ڤەگوھاستن بۆ مالا دانعەمران ل دھۆکێ، ھەموو پێدڤیێن ژیانا وێ یا رۆژانە بۆ ھاتینە دابینکرن، تیمێ مالا دانعەمران ھاتیە راسپاردن کو ب باشترین شێوە خزمەتا وێ بھێتە کرن داکو ھەست پێ بکەت یا دناڤ مال و کەس و کارێن خوە دا ژیانا خۆ دەرباز دکەت.
نيشاندان