ئه‌ڤرۆ نیوز:
ستێرا پورتوگالى و یانا یوڤانتوس ئیتالى رونالدوى ل ماوێ بورى بزاڤكرن ستێره‌كا به‌رشه‌لۆنا رازى بكه‌ت بوو كرنا یاریێ ل وێ یانا ئیتالى.
یاریزانێ هه‌لبژارتیێ كرواتیا و ستێرا هێلا ناڤینا به‌رشه‌لۆنا ئیڤان راكیتیچ بوو رۆژناما سپورت یا كه‌ته‌لونى دیاركریه یانا یوڤانتوس ل ماوێ بورى دخوازیه‌ك پێشكێشى ئه‌وى كر بوو بۆ كرنا یاریێ ل وێ یانێ و ستێرا وێ یانێ ژى كریستیانو رونالدوى ژى په‌یوه‌ندى ب ئه‌وى كربوو ئه‌و رازیكربوو بچیته دناڤ رێزێن وێ یانێ دا لێ هه‌ردو یانێن به‌رشه‌لۆنا و یوڤانتوس نه گه‌هشتنه رێككه‌فتنێ پشتى به‌رشه‌لونا داخوازیا 50 ملیون یورۆیا كرى به‌رامبه‌ر ڤه‌گوهاستنا ئه‌وى و وێ یانا ئیتالى ژى ئه‌و چه‌نده ره‌تكربوو.
راكیتیچ ئه‌وێ نوكه د لاوازترین ده‌مێ خوه دا بوریت ل گه‌ل به‌رشه‌لۆنا زێده‌تر دیاركر ئه‌و دخوازیت یێ به‌رده‌وام بیت ل به‌رشه‌لۆنا و ئه‌و یێ یاریێ ل یانه‌كێ دكه‌ت باشترین یانا جیهانێ یه لێ ئه‌و دخوازیت یارى بكه‌ت و ناخوازیت به‌رده‌وام یاریزانه‌كێ یه‌ده‌گ بیت.
ناڤبرى ئاماژه ب وێ چه‌ندێ ژى كر ئه‌و گه‌له‌ك رێزێ ل جه‌ماوه‌رێ یانێ دگریت و حه‌ژێكرنه‌كا تایبه‌ت ئه‌وى بوو ئه‌وان هه‌یه لێ ئه‌ڤه ته‌پا پێ یه و هه‌كه ل ده‌مێ بهێت پێدڤى ب چوونێ بوو ئه‌و دێ دانوستاندنێ ل گه‌ل یانێ كه‌ت بوو ڤه‌گوهاستنا ئه‌وى بوو یانه‌كا دى.
نيشاندان
