ئه‌ڤرۆ نيوز:
وه‌زاره‌تا خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ راگه‌هاند كو ژ ئه‌ڤرۆ هه‌تا 10 رۆژێن دى زانكۆلاين دێ يا كارا بيت بۆ پڕكرنا فۆرمێن وه‌رگرتنێ ل زانكۆ و په‌يمانگه‌هێن حكومى و ئه‌هلى.
د كۆنگره‌كێ رۆژنامه‌ڤانى دا، وه‌زاره‌تا خواندنا بلند و ڤه‌كۆلينێن زانستى هوورده‌كاريێن پلانا خواندنا ئه‌ڤ ساله ژى ل زانكۆ و په‌يمانگه‌هێن حكومى و ئه‌هلى راگه‌هاند و ئاشكه‌را كر كو پلان هه‌يه كريا خواندنا پارالێل و زانكۆ و په‌يمانگه‌هێن ئه‌هلى بهێته كێمكرن.
ئەڤرۆ نیوز، عەلی حاجی :
د داخویانیەکێ رێڤەبەرێ جێبەجێکرنا زاخۆ بۆ ئەڤرۆ نیوز دیار کر قانوونا عيراقێ د کەیسا قەرزداریێ دا یا لاوازە و پێشنیاز کریە بۆ وەزیرێ داد ل کوردستانێ کو ئەڤ قانوونه بھێتە راستڤەکرن.
خزر محەمەد زێدەتر گۆت: قانوونا 45 یا سالا 1980 قانوونه‌كا تایبەتە د بوارێ قەرزان دا و وەکو پێدڤی مافێ کەسێن مافدار ناھێتە دان و قانوونه‌كا لاوازە د جێبەجێکرنێ دا، لەورا من پێشنیاز کری یە بۆ وەزیرێ داد یێ حوکمەتا نوو یا کوردستانێ کو سزایێ ڤێ قانوونێ ژ چار ھەیڤان بھێتە درێژکرن بۆ پێنچ سالان، ژ بەر کو دەمێ ل سالا 1980 ئەڤ قانوونه ل عيراقێ ھاتیە دانان، دوی دەمی پارەیەکێ کێم خەلکی ھەبوو، بەلێ د نوکە دا پارە زێدەتر لێھاتیە و قەرز ژی زێدەتر بووینە، لەورا ئەڤە مەزنترین ئاریشەیە د رێیا وی کەسی دا یێ بڤێت مافێ خوە ب دروستی وەربگریت و پێدڤی یە ئەڤ قانوونه بھێتە راستڤەکرن و د گەل ژيوارێ نوکە دا بگونجیت.
گوت ژی: ھەکە پێشنیازا من بھێتە پەسەند کر دێ بیتە ریێیەکا باش کەسێ ماف خور مافێ وی پێ بھێتە دان، ژ بەر کو سزایێ وی کەسێ دەیندار دێ زێدەتر لێ ھێت و وەکو ترسەکێ ژی ل دەڤ وان کەسان پەیدا بیت، یێ کو بەرھەڤ نەبیت مافێ کەسێ بەرامبەری خوە بدەت، من ئەڤ پێشنیازە ژی راستەوخۆ رادەستی وەزیری کری یە و ئەز ب ھێڤی مە ژی ئەڤ پێشنیازە بھێتە قەبول کرن.
ئه‌ڤرۆ نيوز:
ئه‌ڤرۆ چالاكيێن رۆژا دويێ ژ فلمه فيستڤالا دهۆك 7 يا نێڤده‌وله‌تى دێ ده‌ست پێ كه‌ن و هه‌ر سێ هۆلێن سينه‌ماكس ل دهۆكێ و هۆلا كۆنفرانسان 32 فلم دێ هێنه نيشان دان.
ئه‌ڤ فلمێن دێ هێنه نيشان دان زێده‌تر د بيانى نه، به‌لێ ل ده‌مژمێر 05:00ى ئێڤارى ل هۆلا سينه‌ماكس ئێك بڕياره فلمێ دێكيۆمێنتارى يێ “ژيرله” كو فلمه‌كێ كوردى يێ رۆژهه‌لاتێ كوردستانێ و يێ پشكداره د به‌ريكانا خه‌لاتێ فلمێن دێكيۆمێنتارى يێن كوردى دا، كو به‌حس ل ژنه‌كێ دكه‌ت ل ئێك ژ گوندێن رۆژهه‌لات كو دخوازيت كارێن گۆندى ب خوه چاره بكه‌ت و داخوازا دامه‌زراندنا جڤاته‌كێ دكه‌ت بۆ ڤێ مه‌ره‌مێ.
هه‌رديسان فلمێ خالكۆ يێ ده‌رهێنه‌ران سامى مه‌رمه‌ر و هند بانجكرون ژى كو يێ پشكداره د به‌ريكانا فلمێن كوردى يێن درێژ دا، دێ ل هه‌مان ده‌م ل هۆلا سينه‌ماكس دو هێته نيشاندان كو به‌حس ل وێ چه‌ندێ دكه‌ت و ل گۆنده‌كێ كێم نيشين يێن باكوور زه‌لام زێده‌تر به‌ر ب ئورۆپا ڤه چووينه و ژن و زارۆ وى كارى دكه‌ن يێن ل سه‌ر ملێن وان دا كو ژيان يا به‌رده‌وام بيت. هه‌رده‌م ژى چاڤه‌رێ ڤه‌گه‌ريانا كه‌سوكارێن خوه نه كو ڤه‌گه‌رن.
فلمێ دى يێ پشكدار د به‌ريكانا فلمێن درێژ يێن كوردى دا كو بڕياره ئه‌ڤرۆ بهێته نيشان دان ب ناڤونيشانێن “دايان”ه، كو يێ ده‌رهێنه‌ر به‌هروز نورانيپۆره و به‌حس ل چيرۆكا وان چار هزار ئاوارانه يێن چو جاران نه‌شێن ڤه‌گه‌رنه ناڤ خێزانێن خوه ل لايێ دى يێ سنورى كو گه‌له‌ك ژ وان زه‌حمه‌تترين بڕيار د ژيانا خوه دا دايه.
هه‌ر ديسا بڕياره ئه‌ڤرۆ د رۆژا دويێ يا فيستڤالێ دا چه‌ند كورته فلمێن كوردى ژى ل ده‌م و جهێن جودا بهێنه نيشان دان كو هنده‌ك ژ وان هه‌ڤركيێ ل سه‌ر خه‌لاتێن فلمێن كورت يێن فيستڤالێ دكه‌ن.
هه‌ر ب گۆره‌ى به‌رنامێ فيستڤالێ و وه‌كو نه‌ريته‌كێ سالانه دێ ل ده‌مژمێر 11:00ى سپێدێ ل هۆلا كۆنفرانسان يا زانكۆيا دهۆك په‌نه‌له‌ك ل سه‌ر خه‌يال د سينه‌ما عه‌ره‌بى دا هێته پێشكێشكرن بۆ نه‌دا جيليون و ره‌شيد عه‌ساف و سوداد كه‌دان و به‌سام عه‌يد و شه‌مال سه‌برى ڤه هێته گۆتن.
ئه‌ڤرۆ نیوز، نه‌وزاد هلۆرى:
ئێڤاریا ئەڤرۆ ب فەرهاد ئەترۆشی پارێزگارێ دهۆكێ و ب به‌رهه‌ڤبوونا وەزیرێ رەوشەنبیری و لاوان یا حوکمەتا هەرێما کوردستانێ و ستافێ فیسته‌ڤالێ و هژمارەکا زۆرا دەرهێنەر و ئەکتەر و فلمساز و سینەماکارێن نافخوە و بیانی، گەرا حەفتێ یا فلمە ڤیستەڤالا دهۆك یا نیڤدەولەتی ل هولا کونفرانسان ل زانکویا دهۆك دەست ب کارێن خوە کر.
شەوکەت ئەمین، رێڤەبەرێ هونەریێ ڤیستەڤالێ بۆ ئەڤرۆ نیوز گوت: ( ب هاریکاریا جهێن شولەژێ و چەند سپونسەران، ئەم شیان دەست ب گەرا حەفت یا فلمە فیسته‌ڤالا یا نیڤدەولەتی بکەین، د ڤێ گەرێ دا 112 فلم ل 74 وەلاتێن جیهانی دێ هێنە نیشاندان).
زێدەتر گوت: (فیسته‌ڤال ب فلمێ کامیون کو فلمەکێ رۆژهەلاتێ کوردستانێ یە دەستپێکر، ئومێدەوارین بشێین کارەکێ جوان بۆ پارێزگەها دهۆکێ و کوردستانێ بکەین).
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ دوشه‌مبى 9/9/2019 ل گه‌ل به‌رپرسێن لق و ناوچێن پارتى ل سنورێ پارێزگه‌هێن دهۆك و نه‌ينه‌وا وهه‌رسێ جڤاتێن سه‌ركردايه‌تيا (هه‌ولێر) و (كه‌ركووك – گه‌رميان) و (سلێمانى – هه‌له‌بجه) كۆمبوو.
سه‌رۆك بارزانى د وێ كۆمبوونێ دا رۆناهى خسته سه‌ر ره‌وشا سياسى يا هه‌رێما كوردستانێ و عيراقێ و ده‌ڤه‌رێ پشتى ريفراندۆمێ و هه‌ردو هه‌لبژارتنێن جڤاتا نوونه‌رێن عيراقێ و په‌رله‌مانێ كوردستانێ و پێكئينانا كابينا نوو يا حوكمه‌تا هه‌رێما كوردستانێ.
سه‌رۆك بارزانى سوپاس و پێزانين هه‌بوون بۆ رۆلێ ئه‌ندام و كادرێن پارتى كو سه‌ره‌راى هه‌موو گرفتان و وان پێلانێن دژى پارتى دهاتنه كرن، به‌لێ ب هيممه‌ت و خوراگريا ئه‌ندام و لايه‌نگرێن پارتى وه‌كر كو پارتى ل سه‌ر ئاستێ عيراقێ كوردستانێ ببيته حزبا هژمار ئێك، هه‌روه‌سا رۆلێ كادرێن پارتى بلند نرخاند كو ب خۆراگرى و باوه‌رى ب خوه‌بوون ل ده‌مێ ته‌نگاڤياندا ل سه‌نگه‌رێ پاراستنا كوردستانێ و هه‌كه پارتى نه‌با نوكه نه هه‌رێما د ما و نه شكۆيه‌ك بۆ گه‌لێ مه د ما.
سه‌رۆك بارزانى د وێ كۆمبوونێ دا سوپاسيا خوراگريا خه‌لكێ كوردستانێ و قه‌هره‌مانيا هێزا پێشمه‌رگێ كوردستانێ د شه‌رێ دژى تيرۆرستان و شه‌رێ به‌رگريێ ژ كه‌رامه‌ت و ئاخا وه‌لاتێ وراگه‌هاند، ئه‌م هه‌موو قه‌ردارێن پێشمه‌رگه‌ى نه، چونكه پێشمه‌رگه‌ى هه‌موو هه‌ڤكێش گوهۆرين و كوردستان پاراست.
هه‌ر د وێ كۆمبوونێ دا ئاماژه ب ره‌وشا ژيارا كادرێن پارتى و وان زه‌حمه‌تيێن روو ب روويێ وان دبيت و ب تێرو ته‌سه‌لى به‌حسێ وان گاڤان هاته كرن كو دبنه ئه‌گه‌رێ پێشڤه‌برنا كاروبارێن پارتى و باشتركرنا ژيارا كادران.
ئه‌ڤرۆ نیوز، عه‌لى حاجى :
د داخویانیه‌كێ به‌رپرسا سه‌نته‌رێ جێنده‌رناسیێ ل زانكویا زاخۆ، بۆ ئه‌ڤرۆ نیوز دیار كر پشتى سالا بورى پێشنیارا ڤه‌كرنا سه‌نته‌رێ جێنده‌ر ناسیێ ل هه‌مى زانكویێن كوردستانێ هاتیه ده‌ر كرن، ئه‌ڤ بریاره ل سالا 2019 كه‌ڤته دبوارێ جێبه‌جێ كرنێ دا و دنوكه دا ئه‌ڤ سه‌نته‌ره ل هه‌مى زانكویان هاتیه ڤه‌كرن.
زێده‌تر نازدار عارفێ گوت : ل سالا 2015 بۆ ئێكه‌م جار ئه‌نجومنێ بلندێ كاروبارێن خانمان پێشنیارا ڤه‌كرنا سه‌نته‌رێ جێنده‌رناسیێ پێشكێش كربوو، ل هه‌مان سال دا وه‌كو تێست ئه‌ڤ سه‌نته‌ره ل زانكویا سوران هاته ڤه‌كرن،پشتى شیایى چه‌ندین پێنگاڤێت باش باڤێژیت، ل سالا 2018 پێشنیاره‌كا به‌رفره‌هتر ژلایێ هه‌مان ئه‌نجومه‌ن ڤه هاته پێشكێش كرن و ل هه‌مان سال جێگرێ سه‌روكێ حكومه‌تا بورى ئه‌ڤ پروژه‌یه په‌سه‌ند كر،هه‌ر دیسان بۆ ئێكه‌م جار ل سالا 2019 ئه‌و بریار كه‌ڤته بوارێ جێبه‌جێ كرنێ دا و دنوكه دا ل هه‌مى زانكویێن كوردستانێ ئه‌ڤ سه‌نته‌ر هاتینه ڤه‌كرن، ل هه‌یڤا سێ یا ئه‌ڤ ساله دا ،كومبونه‌ك هاته ئه‌نجام دان ل وه‌زاره‌تا خواندنا بلند و ڤه‌كولینێن زانستى بۆ وێ یه‌كێ كو به‌حس ل چاوانیا دانانا ستاف و په‌یره و پروگرامێ ڤان سه‌نته‌ران بهێته دانان و رێكین كاركرنێ بهێنه ئاشكه‌را كرن.
دا زانین ژى هه‌ر دیسان ل دووڤ را روونشتنه‌ك هاته ئه‌نجام دان بۆ هه‌مى به‌رپرسێن سه‌نته‌رێن جێنده‌رناسیێ هاته رێكخستن،ژبه‌ر كو بریاره وانه‌یا جێنده‌رناسیێ هه‌مى پشك و كولیژێن زانكویان بهێته خاندن،ژبه‌ر ڤێ چه‌ندێ كورس بوكس ئانكو مه‌نهه‌جێ خاندنێ هاته دانان.
و گوت ژى : پشتى ئه‌و كورس بوكس هاتیه دانان،دنوكه دا ئه‌و كورسه بۆ ئه‌نجومه‌نێ وه‌زاره‌تا خواندنا بلند و ڤه‌كولینێن زانستى هایته ره‌وانه كرن بۆ په‌سه‌ند كرنێ و ئه‌م ب هێڤى نه بهێته په‌سه‌ند كرن،بریاره دده‌مه‌كێ نێزیك دا روونشتنه‌كا دى بهێته ئه‌نجام دان، ل دور چاوانیا ده‌ست نیشان كرنا په‌یره‌و پروگرامێن سه‌نته‌رێن جێنده‌رناسیێ،ئه‌ز ل وێ باوه‌رێ مه ئه‌ڤ وانه‌ی بۆ وه‌زرێ 2019-2020 ل هه‌مى زانكویان بهێته ڤه‌كرن و خواندن .
ئه‌ڤرۆ نیوز، بارزان مزوورى:
د. مه‌سعود عبدولكه‌ریم، راگرێ په‌یمانگه‌ها ته‌كنیكى یا شێخان بۆ ئه‌ڤرۆ نیوز دیاركر ل ده‌ستپێكا ڤه‌كرنا په‌یمانگه‌ها ته‌كنیكى یا شێخان به‌شێ ژمێریارى هاتبوو ڤه‌كرن، لێ ئه‌ڤ ساله ژبه‌ر نه‌بوونا ئاڤاهى و كێمییا قوتابیا بۆ وێ پشكێ دێ هێته داخستن.
ناڤهاتى خویاكر به‌رى دو حه‌فتیان وه‌زیرێ خاندنا بلند سه‌ره‌دانا پارێزگه‌ها دهوك دا دگه‌ل ئاخفتینه بۆ ڤه‌كرنا پشكه‌كا نووى پشكا مێشه‌ڤانى بهێته ڤه‌كرن ل قه‌زا شێخان ره‌زامه‌ندى ژى دایه لێ وه‌زاره‌تا سامانێن سرۆشتى یا حكومه‌تا هه‌رێما كوردستانێ ب هاریكاریا كومپانیێن پترۆلێ ل قه‌زا شێخان ئه‌ڤ پشكه كریه د پلانه‌كێ دا كو هه‌موو پێدڤى یێن ڤێ پشكێ دابین بكه‌ن دگه‌ل ئاڤاهیه‌كى لێ هێشتا وه‌زاره‌تا سامانێن سروشتى رازه‌مه‌ندى نه‌دایه بۆ ڤێ چه‌ندێ.
ناڤهاتى گوت: ئه‌و قوتابێن دڤێت ل پشكا ژمێریارى بخوینن دشێن سه‌ره‌دانا په‌یمانگه‌ها شنگال بكه‌ن ل شێخان.
ئه‌ڤرۆ نيوز:
ل دووڤ په‌يامه‌كێ ئاژانسا نووچه‌يێن فوكس سپورت يا ئسپانى ئاشكرا كر كو سه‌رۆكێ يانا ريال مه‌دريد فلرونتينو پێرێز ل هاڤينا سالا بهێت 2020 دێ دوباره هه‌ولێن ڤه‌گوهاستنا ياريزانێ به‌رازيلى نيمار داسێلڤا بۆ يانا مه‌له‌كى كه‌ت.
هه‌مان ژێده‌ر ئه‌و چه‌نده ژى دياركر هێشتا خه‌ونا سه‌رۆكێ يانا ريال مه‌دريد مايه بجه نه‌هاتيه هه‌تا وى ده‌مى كو ياريزانێ به‌رازيلى و يانا پاريس سان جێرمان يا فه‌ره‌نسى نيمار ڤه‌گوهێزيته يانا خوه و نوكه ژى پلانه‌ك دارشتيه بۆ سالا بهێت بێشت ڤى ياريزانى ئه‌گه‌ر ب بهايه‌كێ گران ژى بيت بينته رێزێن يانا مه‌له‌كى ژ به‌ركو پێرێز يێ مه‌نده‌هوشه ب شيانێن ستێرا به‌رازيلى.
ئه‌ڤرۆ نيوز:
ئاخفتنكه‌رێ وه‌زاره‌تا كاره‌با هه‌رێما كوردستانێ ئاشكرا كر به‌رهه‌مێ كاره‌بێ زێده‌بوويه و ده‌مژمێرێن كاره‌با نشتيمانى ژى بۆ وه‌لاتيان دێ زێده‌بيت.
زێده‌تر ئومێد محه‌مه‌د دياركر، به‌رهه‌مێ كاره‌با هه‌رێمێ گه‌هشتيه 3 هزار و 500 مێگاواتان به‌رامبه‌ر ل ڤى وه‌رزێ نوكه يێ سالێ داخوازى ل سه‌ر رێژه‌يا كاره‌بێ 4 هزار و 750 مێگاواته به‌رامبه‌ر وه‌رزێ هاڤينا بورى داخوازى ل سه‌ر رێژه‌يا كاره‌با نشتيمانى زێده‌بوويه.
ناڤهاتى ئه‌و چه‌نده ژى گۆت: ده‌مژمێرێن پێدانا كاره‌با نشتيمانى زێده‌بوويه و بارودوخێ كاره‌بێ ژى باشتره پشتى رێژه‌يا 500 مێگاواتان برێيا غازا سروشتى زێده‌بووين.
ل دووماهى دياركر ل ڤى وه‌رزێ سالێ وه‌لاتى رێژه‌يه‌كا كێم يا كاره‌بێ بكارتينن له‌ورا دێ رێژه‌يا كاره‌بێ ژى زێهده‌بيت بۆ زێده‌تر ژ 18 ده‌مژمێران كو جودا ژێ هه‌يڤا بورى تنێ د شيان دابوو 16 ده‌مژمێران بده‌نه وه‌لاتيان د وه‌رزێ هاڤينێ دا.
نيشاندان