ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 30ى ئيلونا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.400 دينار |
| 100 يۆرۆيێ ئه‌ورۆپى | 133.000 دينار |
| 100 ليرێ توركى | 21.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نیوز:
یانا ره‌یان یا قه‌ته‌رى ل سه‌ر مالپه‌رێ خوه یێ فه‌رمى راگه‌هاندنى یه ئه‌وان دانوستاندن ل گه‌ل یانا یوڤانتوس راوستاندن بوو ڤه‌گوهاستنا هێرشبه‌رێ هه‌لبژارتیێ كرواتیا و وێ یانا ئیتالى ماندزوكیتچ .
زێده‌تر مالپه‌رێ وێ یانا قه‌ته‌رى دیاركریه ئه‌وان دانوستاندن ل گه‌ل یوڤانتوس راوستاندى نه ژبه‌ركو وێ یانا ئیتالى داخوازیا 10 ملیون یورۆیا كربوو به‌رامبه‌ر ڤه‌گوهاستنا وى لێ یانا به‌رپرسێن یانا ره‌یان ئه‌و چه‌نده ره‌تكر بوون.
هه‌ژى گوتنێ یه ل ماوێ چه‌ند رۆژێن بورى یانا ره‌یان ب فه‌رمى دانوستاندن ل گه‌ل یانا یوڤانتوس كربوون كو یاریزانێ ناڤبرى ژى ل سه‌ر چوونا خوه بۆ وێ یانا قه‌ته‌رى یێ رازى بوو لێ هه‌ردو یانێن یوڤانتوس و ره‌یان ل سه‌ر بهایێ ڤه‌گوهاستنێ نه گه‌هشتنه رێككه‌فتنێ.
ئه‌ڤرۆ نيوز:
رێواز فايه‌ق سه‌رۆكا په‌رله‌مانێ كوردستانێ ده‌رباره‌يى گوهۆڕينا (به‌روار) بۆ (رێكه‌وت) روونكرنه‌ك به‌لاڤكر و راگه‌هاند كو په‌يڤا (رێكه‌وت) ب تنێ بۆ په‌يره‌وێ ناڤخۆ يێ په‌رله‌مانێ كوردستانێ يه و ژ سنورێ په‌يره‌وى ده‌رناكه‌ڤيت و بۆ چو دامه‌زراوێن دى گشتاندن پێ ناهێته كرن.
د ڤێ روونكرنێ دا دبێژيت: “مه‌رج نينه هه‌ر بژارده‌يه‌كا ده‌نگێن زێده‌تر دئينيت، باشترين بژارده بيت، به‌لێ ده‌ما ده‌نگێن زێده‌تر ئينان وه‌كو بڕيار ئيرادا زۆرينه دهێته بكارئينان”.
ده‌قێ روونكرنێ:
ه‌چوارچێوه‌ی دانیشتنی ژماره (3)ی ئاساییی خولی پایزه له ساڵی یه‌كه‌می خولی پێنجه‌می هه‌ڵبژاردن كه سه‌عات 11ی پێشنیوه‌ڕۆی ئه‌مڕۆ 29/9/2019 به‌رێوه‌چوو، به‌رنامه‌ی كاری دانیشتنه‌كه بریتی بوو له ده‌نگدان له‌سه‌ر هه‌موارى یه‌كه‌می په‌یڕه‌وی ناوخۆی په‌رله‌مانی كوردستان.
له‌كاتی ده‌نگدان له‌سه‌ر هه‌مواركردنه‌وه‌ی بڕگه‌ی دووه‌می ماده‌ی 25ى په‌یڕه‌و كه تایبه‌تبوو به‌رێككاره‌كانی ده‌ستله‌كاركێشانه‌وه‌ی په‌رله‌مانتار، به‌پێی داڕشتنه‌وه‌كانی راپۆرتی لیژنه‌ی یاسایی و به‌ڕه‌چاوكردنی پێشنیازی په‌رله‌مانتاران داوای گۆڕینی ده‌سته‌واژه‌ی “به‌روار” بۆ “رێكه‌وت” كرابوو كه به‌زۆرینه‌ی ده‌نگ په‌سندكرا. ده‌نگدان له‌سه‌ر ئه‌و برگه‌یه بووه بابه‌تی به‌شێك له‌میدیاكان و سوشیال میدیاو لێكدانه‌وه‌ی ناراستی بۆ كرا و له‌و باره‌یه‌وه سه‌رۆكی په‌رله‌مانی كوردستان روونكردنه‌وه‌یه‌كی خستۆته‌روو كه ئه‌سڵی بابه‌ته‌كه و رێككاره‌كانی یاسادانان و چۆنیه‌تی وه‌رگرتنی پێشنیازه‌كان و ده‌نگدان له‌سه‌ر هه‌ر بابه‌تێكی په‌یوه‌ندیدار به‌پرۆسه‌كه خستۆته‌روو.
بەروار)بێت یان (رێکەوت)؟
1ـ وشەی(رێکەوت) تەنها بۆ پەیڕەوی ناوخۆی پەرلەمانی کوردستانە و سنوری پەیڕەوەکە تێناپەڕێنێت و بۆ هیچ دامەزراوەیەکی تر گشتاندنی پێ ناکرێت.
2ـ لە ناو پێشنیازی هەمواری پەیڕەو ووشەی(بەروار) دانرابوو کە پەسەندکراوی (ئەکادیمیای کوردی)بووە کە ئەمانیش درێژە پێدەری (کۆڕی زانیاری کورد) ن،و لەسەر ئەو بنەمایە حکوومەتی هەرێمی کوردستان ووشەی (بەروار ) بەکار ئەهێنێت و بەردەوامیشن.
3ـ هەرکات (3) پەرلەمانتار یان زیاتر پێشنیارێک دەکەن دەخرێتە دەنگدان،گۆڕینی ووشەی(بەروار)بۆ (رێکەوت)یش نزیکەی (5) پەرلەمانتار پێشنیاری کردبوو،سەرۆک ناچارە بیخاتە دەنگدان،کە دەنگی هێنا، دەبێت لە ناو هەموو پەیڕەوەکە بۆ دروستکردنی یەکگرتویی لە زاراوەکان لە هەر شوێنێک وشەی بەروار هەبوو بکرێتە ڕێکەوت.
4ـ مەرج نیە هەمو بژاردەیەک کە دەنگ دەهێنێت باشترین بژاردە بێت، بەڵام کە دەنگی زۆرینەی هێنا ئیتر وەک اقرار کردنی ئیرادەی زۆزینە دەچەسپێت.
5ـ ئەوەی یەک تۆزقاڵ لەکارو بەرپرسیارێتی سەرۆکی پەرلەمان بزانێت(کە سەرۆکی دانیشتنەکانی پەرلەمانیشە)باش دەزانێت کە سەرۆک بەپێی پەیڕەو دانیشتن بەڕێوە دەبات و نەدەنگدەرە و نە ئاراستەکار.
6ـ پێشنیازی هەمواری پەیڕەو (16)ماددە و چەندین بڕگەیە، کە یەک وشە لە یەک بڕگەی یەک ماددەی پێشنیازەکە دەبێتە جێی باس ئەوە ئیتر دەریدەخات ئێمە چەند بە رواڵەتی لە بابەتەکان دەڕوانین.
ئه‌ڤرۆ نيوز:
ب چاڤدێرى و ئاماده‌بوونا مه‌سرۆر بارزانى سه‌رۆكێ حوكمه‌تا هه‌رێما كوردستانێ، ئه‌ڤرۆ رۆژا دوشه‌مبى 30ى ئيلۆنا 2019ێ پێشانگه‌ها 13ێ يا هه‌مه‌جۆر يا بازرگانيا نێڤده‌وله‌تى ل پێشانگه‌ها نێڤده‌وله‌تى يا هه‌ولێر هاته ڤه‌كرن.
مه‌سرۆر بارزانى سه‌رۆكێ حوكمه‌تا هه‌رێما كوردستانێ ل گه‌ل ڤه‌كرنا پێشانگه‌هێ راگه‌هاند: “مه د به‌رنامێ كارێ حوكمه‌تێ دا، گرنگيه‌كا زۆر دايه پێشخستنا ئابوورێ كوردستانێ، هێڤيدارم ئه‌ڤ پێشانگه‌هه ببيته ده‌ستپێكه‌كا باشتر بۆ تێكه‌لبوونا بازرگانى و وه‌به‌رهێنان و خاوه‌نكاران ل هه‌رێما كوردستانێ و ده‌رڤه، دا كو ئه‌م ب تنێ پشت ب ژێده‌رێن داهاتى نه‌به‌ستين، به‌رنامێ مه ئه‌وه گرنگيه‌كا ته‌مام ب كه‌رتێ ئابوورى بده‌ين”.
سه‌رۆكێ حوكمه‌تا هه‌رێما كوردستانێ راگه‌هاند ژى كو ئه‌وا دشيانێن وان دا بيت بۆ وه‌به‌رهێنه‌ر و بازرگانان درێغيێ ناكه‌ن، بزاڤێ دكه‌ن د پرۆسا بكارخستنا كۆمپانيان ل هه‌رێما كوردستانێ ئاسانكاريان بۆ بكه‌ن و هاريكاريا وان بكه‌ن.
بۆ ئه‌ڤ ساله 300 كۆمپانى ژ 22 وه‌لاتێن جودا د پشكدارن و بۆ ماوێ چار رۆژان دێ يا به‌رده‌وام بيت.
ئه‌ڤرۆ نیوز:
راپورتێن رۆژنامه‌ڤانى ل ئیتالیا وه‌سا دیاركرینه یانا یوڤانتوس یا چاڤدێریا به‌ره‌ڤانێ مه‌غربى یانا بروسیا دورتموند ئه‌شرف حه‌كیمى كه‌ت ئه‌وێ ب شێوه‌یێ خواستن ژ یانا ریال چویه وێ یانا ئه‌لمانى.
زێده‌تر ئه‌وان رۆژناما ئاشكراكریه ژى یانا یوڤانتوس گرنگیه‌كى ب ئینانا وى یاریزانێ نیڤده‌ولى یێ مه‌غربى كریه لێ هه‌تا نوكه بریارا دووماهیێ ل سه‌ر ئینانا ئه‌وى نه‌دایه .
ئه‌شره‌ف حه‌كیمى ئه‌وێ نوكه یارى ب شێوه‌یێ خواستن ل یانا بروسیا دورتموند كه‌ت كو چاڤه‌رێ دهێته‌كرن ل هاڤینا 2021 هه‌ڤبه‌ستا ئه‌وى ل گه‌ل یانا ریال مه‌درید ب دووماهیى بهێـت و یانا ریال مه‌درید ژى هزر ل وێ چه‌ندێ كریه ل هاڤینا بهێت ب فه‌رمى وى یاریزانى بفروشیت به‌رى هه‌ڤبه‌ستا ئه‌وى ب دووماهیى بهێت.
ئه‌ڤرۆ نيوز:
رێڤه‌به‌رێ كۆنترۆلا كاره‌با هه‌رێما كوردستانێ راگه‌هاند كو د هه‌يڤا بهێت دا پێدانا كاره‌با نشتيمانى بۆ وه‌لاتيان دێ زێده بيت و زێده‌تر ژ 21 ده‌مژمێران كاره‌ب دێ بۆ وه‌لاتيان چيت.
ئه‌ڤرۆ نيوز:
كچه‌كا 25 سالی دلێ خوه بو ئه‌ڤرۆ ڤه‌دكه‌ت و دبێژیت: مه خێزانه‌كا هه‌رفتی هه‌یه و یا پره ژ ئاریشا و شه‌ره‌ده‌ڤا و كه‌رب و كینێ و ژینگه‌هه‌كا گه‌له‌ك نه‌خوش و نه ئارامه، خووشك و برایێن من هه‌موویان شوو كر و ژن ئینا، مه‌ره‌ما وان ژ ڤێ هه‌ڤژینیێ ئه‌و بو كو ژ خێزانێ ب ره‌ڤن داكو رزگار ببن و بچنه د ژیانه‌كا دیتر دا و ژ ڤێ نه‌خوشیێ ده‌ركه‌ڤن و تشتێ وان بڤێت بكه‌ن، لێ سه‌ره‌رای ڤێ چه‌ندێ خووشك و برایێن من د سه‌ركه‌فتی نینن د پروسا خوه یا هه‌ڤژینیێ دا و د په‌شیمانن، من ژی لبه‌ره شوو بكه‌م داكو ژ خێزانا خوه خلاس ببم، به‌لێ ترسا من ئه‌وه ئه‌ز ژی وه‌كو خووشك و برایێن خوه په‌شیمان ببم ئه‌ڤجا هیڤیدارم بو من رێیه چاره‌یه‌كێ هوون چ دبێژن و ئه‌ز چ بكه‌م ؟
خانما هێژا:
مخابن ئه‌ڤ چه‌نده د جڤاكێ كورده‌واری دا هه‌یه كو زارۆ ژ مالێ د ڕه‌ڤن و ب رێیا هه‌ڤژینیێ خوه رزگار دكه‌ن بتایبه‌تی كچ ، ژبه‌ركو كچ وه‌سا هزر دكه‌ت هه‌كه خوه ژ خێزانا خوه رزگار كر، دێ ژیانا وێ خوشتر لێ هێت، لێ ئه‌ڤه خه‌له‌تیه و نابیت مروڤ خه‌له‌تیێ ب خه‌له‌تیێ چاره‌سه‌ر بكه‌ت، چونكی هه‌ر كچه‌كا ژ مالبابا خوه ب ره‌ڤیت ب هه‌ر ره‌نگه‌كێ بیت، دێ ل دووماهیێ زڤریته مالا بابێ خوه‌ڤه، ژبه‌ركو هه‌لبژارتن یا دروست نینه و بریاره‌كا بله‌ز دایه، ژبه‌رهندێ قه‌ت نابیت تو ب رێیا هه‌ڤژینیێ خوه رزگار كه‌ی، لێ دڤێت بزانی ئاریشه چیه و چاره بكه‌ی، چونكی چاره‌سه‌ری ئه‌و نینه كو تو ژ مال ب ره‌ڤی دێ ئاریشه چاره‌سه‌ر بیت، له‌ورا دڤێت تو خوه بگوهوری و هه‌كه تو خوه باش بكه‌ی و بگوهۆری ره‌نگه دایك و بابێن ته ژی ره‌فتاره‌كا باشتر ل گه‌ل ته بكه‌ن و بهێنه گوهورین، ئانكو ئاریشه یا دناڤ ناخێ ته دا و باشتره كێماسیێن خوه دروست بكه‌ی و خوه بنیاسی و هه‌كو ته خوه گوهوری و به‌ر ب ره‌وشه‌كا باش چووی هه‌م دێ هه‌لبژارتنه‌كا دروست كه‌ی و هه‌م ژی دێ ژیانه‌كا ئارام و به‌خته‌وه‌ر بوررینی، ئه‌ڤجا چ پێنگاڤێن خه‌له‌ت نه‌هاڤێژه دا په‌شیمان نه‌بی وه‌ك خووشك و برایێن خوه.
به‌رسڤدان: ده‌روونناس ئاواز
ئه‌ڤرۆ نيوز:
بالوێزێ توركيا ل عيراقێ راگه‌هاند كو بۆ ڤه‌كرنا ده‌رگه‌هێ سنورى يێ ناڤبه‌را عيراقێ و وه‌لاتێ وان، هه‌ماهه‌نگيا هه‌رێما كوردستانێ يا پێدڤى يه.
فاتح يه‌لدز، بالوێزێ عيراقێ ل توركيا بۆ K24 راگه‌هاند: “بڕياره سه‌رۆك كۆمار ئه‌ردوگان ل دووماهيا ئه‌ڤ ساله سه‌ره‌دانا عيراقێ بكه‌ت، هه‌تا نها بۆ سه‌ره‌دانا خوه ب تنێ عيراق ئێكلا بوويه”.
راگه‌هاند ژى كو ل گه‌ل وێ چه‌ندێ خواستا هندێ هه‌يه كو سه‌ره‌دان ل چه‌ند باژێران ژى ب خوه ڤه بگريت ژ وان ژى مووسل، كه‌ركووك، هه‌ولێر، به‌سرا و سلێمانى. “ئه‌ڤه ژى د داهاتى دا دێ ب ته‌مامى هێته ئێكلاكرن”.
ئاماژه ب وێ چه‌ندێ ژى كر كو ل هێلا په‌ترۆلا كه‌ركووك – جيهان هه‌تا نها يا ژ كار كه‌فتيه و ئه‌و و عيراق ژى دخوازن دووباره بێخنه كار و وێ هێلێ مه‌زنتر و به‌رفره‌هتر لێ بكه‌ن، چونكو په‌ترۆلا كه‌ركووك بۆ توركيا و بۆ جيهان ژى زۆر يا گرنگه.
ده‌رباره‌ى ده‌رگه‌هى، بالوێزێ توركيا گۆت: “توركيا دڤێت ده‌رگه‌هێ دويێ يێ سنورى ل گه‌ل عيراقێ هه‌بيت، ده‌رگه‌هـ ل ده‌ڤه‌را ئۆڤاگۆى بيت ل نێزيك سلۆپى كو ئه‌ڤ لايێ عيراقێ به‌رامبه‌ر فيشخابۆره”.
روون ژى كر كو ل گه‌ل عيراقێ ئاخفتينه، به‌لێ ل هه‌مان ده‌م دا پێدڤيه وه‌كو هه‌ر كاره‌كێ دى ئه‌ڤ پرسه د ناڤبه‌را هه‌رێما كوردستانێ و عيراقێ ژى دانوستاندن و هه‌ماهه‌نگى هه‌بيت، “مه دڤێت ئه‌ڤ پرۆژه زوو بكه‌ڤيته كار”.
ئه‌ڤرۆ نیوز:
رێڤه‌به‌رێ تایبه‌ت یێ یاریزانێ سویدى و یانا مانچێسته‌ر یوناید ڤیكتور لیندلوف دانپێدان ب وێ چه‌ندێ كر كو یانا به‌رشه‌لۆنا ل ماوێ بورى بزاڤێن ب ده‌ستڤه ئینانا لیندلوف كر بوو.
زێده‌تر حسن سیتینكایا رێڤه‌به‌رێ وى یاریزانى بوو رۆژناما زه‌سه‌ن یا برێتانى ئاشكراكریه ژبه‌ر ئه‌و ئاستێ لیندلوف ئه‌وێ وه‌رزێ بورى ل گه‌ل یانا مان یوناید پێشكێشكرى هژماره‌كا یانێن به‌رنیاس ل سه‌ر ئاستێ ئورۆپا بزاڤێن ب ده‌ستڤه ئینانا ئه‌وى كرن كو ئێك ژ ئه‌وان یانا به‌رشه‌لۆنا بوو كو ب فه‌رمى ده‌ست ب لڤینا كر بوو بۆ ده‌ستڤه ئینانا وى یاریزانێ سویدى.
زێده‌تر رێڤه‌به‌رێ وى یاریزانى دیاركر پشتى ل هاڤینا بورى یانا به‌رشه‌لۆنا نه‌شیاى هه‌ڤبه‌ستا ل گه‌ل یاریزانێ هوله‌ندى و یانا ئه‌یاكس ئه‌مستردام ماتیاس دی لیگت ئیمزا بكه‌ت وێ یانا كه‌ته‌لونى بزاڤكرن هه‌ڤبه‌ستێ ل گه‌ل لیندلوف ئیمزا بكه‌ت لێ یانا مان یوناید ره‌تكر ده‌ستا ژ وى یاریزانێ خوه به‌رده‌ن.
هه‌ژى گوتنێ یه لیندلوف دهێته هژمارتن نوكه ئێك ژ به‌رنیاسترین به‌ره‌ڤانێن جیهانێ و ل سالا 2017 ژ یانا به‌نفیكا هاتبوو ڤه‌گوهاستن بوو ناڤ رێزێن مانچێسته‌ر یوناید و هه‌تا نوكه پشكدارى د 75 یاریان دا كریه ل گه‌ل وێ یانا ئنگلیزى.
ئه‌ڤرۆ نیوز:
رێڤه‌به‌رێ فه‌رمانگه‌ها هه‌ماهه‌نگیێ و قه‌یرانان ل هه‌رێما كوردستانی راگه‌هاند، هه‌تا نوكه كێشا بێ به‌هربوونا ئاواران ژ پرۆسا ده‌نگدانێ وه‌كو خوه مایه و نه‌هاتیه چاره‌سه‌ركرن و حوكمه‌ت ژى بلا دلنیا بیت كو ئاواره نا زڤرن، چونكه تنێ د ڤێ هه‌یڤێ دا نێزیكى هزار كه‌س ئاواره‌ى هه‌رێما كوردستانێ بووینه.
هۆشه‌نگ محه‌مه‌د، رێڤه‌به‌رێ فه‌رمانگه‌ها هه‌ماهه‌نگیێ و قه‌یرانان ل هه‌رێما كوردستانی گۆت” هه‌تا نوكه كێشا ده‌نگدانا ئاواران بۆ هه‌لبژارتنێن جڤاتێن پارێزگه‌ها وه‌كو خوه‌یه و نه‌هاتیه چاره‌سه‌ركرن و ئاواره ژى نه‌شێن بزڤرن، چونكه ئاواره نه تنێ نا زڤرن، بگره جاره‌كا دى یێ ئاواره دبن و تنێ د ڤێ هه‌یڤێ دا 996 كه‌س زڤرینه هه‌رێما كوردستانێ و ل ده‌ستپێكا ئه‌ڤ ساله هه‌تا نوكه نێزیكى 5 هزار كه‌س زڤرینه هه‌رێما كوردستانێ”.
هۆشه‌نگى زێده‌تر بۆ مالپه‌رێ فه‌رمیێ پارتى دیموكراتى كوردستان گۆت” د هه‌لبژارتنێن بۆرى دا ئاواران ده‌نگێ خوه دایه و هیچ كێشه نه‌بوو، به‌لێ حوكمه‌تا عیراقێ بیانبوویان دگریت و دزانیت ئاواره نه‌شێن بزڤرن، له‌وما پێدڤیه چاره‌سه‌ریه‌ك بهێته دیتن و كوردان ژى ل دادگه‌ها فیدرالى سكالا یا تۆماركرى”.
نيشاندان