ئه‌ڤرۆ نیوز:
بریاره‌ ئه‌ڤ شه‌ڤه‌ یانا ریال مه‌درید مێڤانداریا یانا ئوساسونا بكه‌ت ژ چارچوڤێ یاریێن گه‌را شه‌شێ ژ خۆلا ئیسپانیا و چاڤه‌رێ دهێته‌كرن راهێنه‌رێ یانا ریال مه‌درید چه‌ندین گوهورینا د پێكهاتیێ خوه‌ دا بكه‌ت و بێنڤه‌دانێ بده‌ته‌ چه‌ند ستێرێن یانێ بوو یاریا گه‌را دویڤدا یا به‌رامبه‌ر ئه‌تله‌تیكو مه‌درید .
پێكهاتیێ چاڤه‌رێكرى یێ یانا ریال مه‌درید بوو یاریا ئه‌ڤ شه‌ڤه‌
گولچى كورتوا
هێلا به‌ره‌ڤانیێ ناتشو، ڤاران ، راموس و ئودیوزولا
هێلا ناڤین كاسمێرو،ڤالڤێردى و رودرێگیز
هێلا هێرشبه‌رى ڤینیسیوس و یوڤیتچ و هازارد

ئه‌ڤرۆ نیوز:

بریاره‌ ئه‌ڤرۆ هژماره‌كا یاریان ل سه‌ر ئاستێ خولێن ئورۆپى بهێته‌كرن .

گه‌را شه‌شێ خولا ئیسپانیا

ریال مایوركا و ئه‌تله‌تیكو مه‌درید ده‌مژمێر 20:00
لیگانیس و ئه‌تله‌تیكو بلباو ده‌مژمێر 20:00
ڤالنسیا و خیتافى ده‌مژمێر 21:00
ریال مه‌درید و ئوساسونا ده‌مژمێر 22:00

خولا كاتشیو یا ئیتالى گه‌را 5

روما و ئه‌نتلانتا ده‌مژمێر 20:00
یاریێن ده‌مژمێر 22:00
فیورنتینا و سامبدوریا
ئه‌نتر میلان و لازیو
ناپولى و كالیارى
پارما و ساسولو

خۆلا فره‌نسا گه‌را حه‌فتێ
یاریێن ده‌مژمێر 20:00
مونبیله‌ و نیم و ئولومپیك
نانت و رێن
ستاد بریست و لیون
لیل و ستراسبورگ
ئه‌میان و بوردو
یاریا پاریس سانجێرمان و ستاد رێمس ده‌مژمێر 22:00
خولا هوله‌ندا حه‌فتیا چارێ
ئایندهوڤن و گرونینگین ده‌مژمێر 19:30
ئه‌یاكس ئه‌مستردام و فورتانا سیتارد ده‌مژمێر 21:30

ئه‌ڤرۆ نیوز:
یانا مانچێسته‌ر سیتى دخوازیت ل ڤه‌گوهاستنێن زڤستانا بهێت یاریزانێ خوه‌ یێ گه‌نچ پول فودن ب شێوه‌یێ خواستن ب ده‌ته‌ یانه‌كا دى بوو پتر ده‌لیڤه‌یا خوه‌ یا یارى بینت .
رۆژناما دیلى میل یا برێتانى دیاركریه‌ به‌رپرسێن یانا مان سیتى دخوازن ستێرا خوه‌ یا گه‌نچ و هه‌لبژارتیێ ئنگلته‌را یێ 21 سالى پول فودن ب شێوه‌یێ خواستن بده‌نه‌ یانه‌كا دى بوو پتر ده‌لیڤه‌یا خوه‌ یا یاریێ بینت ژبه‌ركو نوكه‌ ده‌لیڤه‌یا كرنا یاریێ بوو وى ل یانا مان سیتى گه‌له‌ك یا كێمه‌.
فودن ئه‌وێ ل وه‌رزێ ئه‌ڤ ساله‌ بتنێ 11 ده‌قیقان پشكدارى ل گه‌ل یانێ كرى وى ژى حه‌زا چوونێ هه‌یه‌ ژبه‌ركو دخوازیت به‌ر ب یانه‌كا دى بچیت پتر ده‌لیڤه‌یا خوه‌ یا یارى بینت .

هه‌ژى گوتنێ یه‌ پول فودن یێ 19 سالى پێشبینیه‌كا مه‌زن بوو دهێته‌كرن كو پاشه‌رۆژه‌كا گه‌ش بوو ته‌پا پێ یا ئنگلته‌را هه‌یه‌ و ل ماوێ بورى ژى هژماره‌كا یانێن ئورۆپى حه‌زا ئیمزاكرنا هه‌ڤبه‌ستا فودن هه‌بوو لێ به‌رپرسێن مان سیتى مه‌رجه‌ك به‌رامبه‌ر ده‌ست به‌ردانا وى هه‌یه‌ ئه‌وژى بوو ماوێ ساله‌كێ ب شێوه‌یێ خواستن و پاش ڤه‌گه‌ریته‌ یانێ ڤه‌.

ئه‌ڤرۆ نیوز:
چاڤه‌رێ دهێته‌كرن ئه‌ڤ شه‌ڤه‌ ل ده‌مژمێر 10 شه‌ڤ یانا ریال مه‌درید مێڤانداریا یانا ئوساسونا بكه‌ت ل یاریگه‌ها خوه‌ سانتیاگو برنابیو ژ چارچوڤێ یاریێن گه‌را شه‌شێ ژ خۆلا لالیگا ئیسپانى .
راهێنه‌رێ فره‌نسى و یانا ریال مه‌درید زێدان بوو ده‌زگه‌گێن راگه‌هاندنێ دیاركر ئه‌و هه‌موو یاریێن خولێ ب ئێك چاڤ به‌رێ خوه‌ ده‌نێ ژبه‌ركو هه‌موو یارى دخۆلا لالیگا دا ب زه‌حمه‌تن و ئه‌و رێزێ ل هه‌موو یانان دگرن.
هه‌ردیسان ناڤبرى دیاركر ژى سه‌ركه‌فتن دڤێ حه‌فتیێ دا دێ بوو ئه‌وان یا ب زه‌حمه‌ت بیت ژبه‌ركو ل یاریا بورى یاریزانێن ئه‌وان ماندى بوونه‌كا مه‌زن دیتى یه‌ به‌رامبه‌ر یانا سیڤلیا لێ ئه‌وان بوو ڤێ یاریێ ژى پلانه‌كا باش دارشتى یه‌ .
راهێنه‌رێ ریال مه‌درید ئاماژه‌ ب وێ چه‌ندێ ژى كر ل وه‌رزێ ئه‌ڤ ساله‌ ئه‌وان ئێك ئارمانج هه‌یه‌ ئه‌وژى برنا ناسناڤێ لالیگا هه‌ر چه‌نده‌ ئه‌و باش دزانن وه‌رزێ ئه‌ڤ ساله‌ دێ بوو ئه‌وان ژ هه‌ر وه‌رزه‌كێ دى ب زه‌حمه‌تر بیت ژبه‌ركو هه‌موو یانێن خولێ ب شێوه‌كێ ب هێز خوه‌ به‌رهه‌ڤكریه‌ .

هه‌ژى گوتنێ یه‌ یانا ریال مه‌درید ل وه‌رزێ ئه‌ڤ ساله‌ دخۆلا لالیگا دا پێنچ یارى ئه‌نجامداینه‌ كو شیایه‌ سێ سه‌ركه‌فتنا ل گه‌ل دو وه‌كهه‌ڤیا توماربكه‌ت و 11 خال كومكرینه‌.

ئه‌ڤرۆ نیوز:
پشتى ل شه‌ڤا بورى یانا به‌رشه‌لۆنا شیاى سه‌ركه‌فتنه‌كا گرنگ ل سه‌ر یانا ڤیاریال توماربكه‌ت ب دو گولان به‌رامبه‌ر گوله‌كێ ژ چارچوڤێ یاریێن گه‌را شه‌شێ ژ خۆلا لالیگا ئیسپانى .
راهێنه‌رێ یانا به‌رشه‌لۆنا ڤالڤێردى پشتى یاریێ بوو ده‌زگه‌هێن راگه‌هاندنێ دیاركر ئه‌و ب باشى چوونه‌ دناڤ یاریێ دا و شیان هه‌ر زیكا كونترولا یارى بكه‌ن و دو گولان توماربكه‌ن لێ ل دووماهیا نیڤا ئێكێ ئه‌و توشى چه‌ند ئاریشا بوون لێ ل نیڤا دوێ جاره‌كا دى ئه‌و شیان كونترولا یاریێ بكه‌ن.
هه‌ردیسان ناڤبرى دیاركر ژى ئه‌و ل یاریگه‌ها خوه‌ كامپ نوو ئاسته‌كێ باش پێشكێش دكه‌ن و ئه‌نجامێن سه‌ركه‌فتى ب ده‌ستخوڤه‌ دینن و ب ئومێدن ل یاریێن بهێت دا ژى ژ ده‌رڤه‌ى یاریگه‌ها خوه‌ ژى ئه‌نجامێن باش ب ده‌ستخوڤه‌ بینن .
سه‌باره‌ت هنگافتنا میسى ناڤبرى دیاركر هنگافتنا ئه‌وى ئه‌و هه‌تا نوكه‌ چ نزانن ئه‌و چاڤه‌رێ راپورتا نوژدارى نه‌ .

ئه‌ڤرۆ نیوز:
به‌رى ده‌مه‌كێ كێم یانا به‌رشه‌لۆنا ل یاریگه‌ها خوه‌ كامپ نوو شیا سه‌ركه‌فتنه‌كا گرنگ ل سه‌ر یانا ڤیاریال توماربكه‌ت ب دو گولان به‌رامبه‌ر گوله‌كێ ژ چارچوڤێ یاریێن گه‌را شه‌شێ ژ خۆلا لالیگا ئیسپانى .
هه‌ژى گوتنێ یه‌ یانا به‌رشه‌لۆنا ل وه‌رزێ ئه‌ڤ ساله‌ شه‌ش یارى دخۆلا لالیگا دا كرینه‌ شیا سێ سه‌ركه‌فتنا توماربكه‌ت ل گه‌ل وه‌كهه‌ڤیه‌كێ و دو خوساره‌تیا.

https://www.youtube.com/watch?v=c5JCihVgvRw

ئه‌ڤرۆ نیوز:
یانا یوڤانتوس ل ڤه‌گوهاستنێن زڤستانا بورى بزاڤێن مه‌زن كرن بوو ڤه‌گوهاستنا ستێرا ئیسپانى و یانا ریال مه‌درید ئیسكو كو ل ڤه‌گوهاستنێن هاڤینا ئه‌ڤ ساله‌ ژى به‌رپرسێن وێ یانێ حه‌زا ئیمزاكرنا ئه‌وى هه‌بوو لێ ژبه‌ر چه‌ند ئه‌گه‌ران ڤه‌گوهاستنا ئه‌وى سه‌ر نه‌گرت.
رۆژناما كاتشیو مێركاتو ئیتالى ئاشكراكر ئیسكو ئێك ژ ئارمانجێن سه‌ره‌كى یێن یانا یوڤانتوس بوو ل وه‌رزێ بورى كو تایبه‌ت ل ڤه‌گوهاستنێن زڤستانا بورى كو به‌رپرسێن وێ یانا ئیتالى چه‌ندین كومبوون ل گه‌ل به‌رپرسێن یانا ریال مه‌درید كرن و هه‌تا راده‌یه‌كێ مه‌زن گه‌هشتبوونه‌ رێككه‌فتنێ .
هه‌ردیسان وێ رۆژنامێ ئاشكراكریه‌ ژى راهێنه‌رێ یوڤانتوس یێ وه‌رزێ بورى ماسیملیانو ئه‌لگیرى پشته‌ڤانیه‌كا مه‌زن كر بوو ڤه‌گوهاستنا ئیسكو كو وێ یانا ئیتالى كوژمێ 90 ملیون یورۆیا به‌رهه‌ڤكرن بوون بۆ ڤه‌گوهاستنا ئیسكوى.
هه‌ردیسان وى مالپه‌رێ ئیتالى دیاركریه‌ ژى پشتى چوونا ئه‌لگیرى و هاتنا راهێنه‌رێ نوو یێ یوڤانتوس ماوریسیو سارى هه‌ر تشت هاتنه‌ گوهورین وى و وى راهێنه‌رێ نوو داخوازى ژ یانێ كر ل جهێ وى كوژمێ پاره‌ى بده‌نه‌ ڤه‌گوهاستنا ئیسكو هه‌ڤبه‌ستێ ل گه‌ل به‌ره‌ڤانێ یانا ئه‌یاكس ئه‌مستردام ماتیاس دى لێخت ئیمزا بكه‌ن و وى یانێ ئه‌و داخوازیا ئه‌وى ب جه ئینا .