ئەڤرۆ نیوز:
عەلی شەمخانی سکرتێرێ جڤاتا ئاسایشا ئیرانێ راگەهاند کو هەکە ئەمریکا هێرشی ئیرانێ بکەت دێ ئەو یەک بیتە ئەگەرێ روودانا شەرەکێ مەزن و ئەو شەر ژی د بەرژەوەندیا ئەمریکا و هەڤپەیمانێن وێ دا نابیت و ژ بەر هندێ باشترە ئەمریکا هزرا هێرشەکێ ل دژی ئیرانێ نەکەت.
ناڤهاتی راگەهاند ژی کو ئیران خوەدان چەکێن گەلەک پێشکەفتیە و دشێت بەرەڤانیێ ل خوە بکەت و ئاریشێن مەزن ژی بۆ ئەمریکا و هەڤپەیمانێن وێ ل دەڤەرێ دروست بکەت.
ئه‌ڤرۆ نیوز، بارزان مزوورى:
رائیدێ ماف بێوار عبدالعزیز، به‌رپرسێ په‌یوه‌ندى و راگه‌هاندنا رێڤه‌به‌ریا به‌ره‌ڤانیا باژێرێ دهوك بۆ ئه‌ڤرۆ نیوز گوت: ئه‌ڤرۆ ئیڤارى رێككه‌فتى 20/8/2019 تیمێن ئاگرڤه‌مراندنێ ل ئه‌ترۆش هاتنه ئاگه‌هداركرن كۆ ئاگر ب ئاقارێ بانگڤێركێ كه‌فتیه ل نێزیك سه‌نته‌رێ ناحیا ئه‌ترۆش و تیمێن مه دگه‌ل پولیس و پولیسێن دارستانێ گه‌هشتنه جهێ ئاگر گرتى د ماوه‌یه‌كێ كێم دا شیان وى ئاگرى كونترول بكه‌ن د ئه‌نجام دا ترۆمبێله‌ك ژ جورێ شوفرلێت تایبه‌ت دهێته سوتن و سه‌دان دونه‌مێن پیش و په‌له‌خى و دارێن كه‌ڤنار دهێن سوتن.
ناڤهاتى خویاكر ئه‌و ترومبێلا هاتیه سوتن یا كرێكاره‌كێ بویه رۆژانه دچیته كارى دگه‌ل كومپانیه‌كا پترۆلێ ترومبێلا خۆ به‌رسیبه‌را دارێ راوه‌ستاندیه ده‌مێ ئاگر دگه‌هیته وێرێ ترومبێل ژى دهێت سوتن دوو ترومبێل ژى دهێن قورتالكرن.
ئه‌ڤرۆ نيوز:
ل دووڤ نڤيساره‌كا ده‌سته‌يا ده‌ستپاكيا هه‌رێما كوردستانێ كو ل هه‌يڤا بورى ده‌ركه‌فتيه ئاماژه دايه وێ چه‌ندێ كو نابيت فه‌رمانبه‌ر ژبلى ده‌مێ داواما فه‌رمى دا كاره‌كێ دى ئه‌نجام بده‌ت و به‌روڤاژى دێ تووشى سزايان بيت.
زێده‌تر مشير ئيبراهيم رێڤه‌به‌رێ گشتيێ كاروبارێن ياسايى و ڤه‌كولينێ ل ده‌سته‌يا ده‌ستپاكيێ بۆ باس نيوز ئاشكرا كريه ل دووڤ قانوونێ بريار هاتيه دان كو نابيت فه‌رمانبه‌رێن حوكمه‌تێ ل ده‌مێ كارێ خوه يێ فه‌رمى دا چو كارێن دى بكه‌ت تايبه‌ت ئه‌و فه‌رمانبه‌رێن باوه‌رنامه‌يێن بلند هه‌ى و تنێ دێ كارێ فه‌رمانگه‌هێن خوه برێڤه‌به‌ن و به‌روڤاژى دێ تووشى رێكاريێن قانوونى بن ژ به‌ركو هژماره‌كا فه‌رمانبه‌ران كارێ خوه هێلايه و لده‌مێ داواما فه‌رمى كارێن دى دكه‌ن و بڤێ چه‌ندێ ژى كارتێكرن ل كارێ كريه.
ئەڤرۆ نیوز:
سەرۆکێ باژێرڤانیا مەزن یا ئستەنبولێ ئەکرەم ئیمام ئوگلۆ راگەهاند کو دوورخستنا سەرۆکێن باژێرڤانیان ب بریارا حوکمەتێ کوشتنا دیموکراسیێ و ژناڤبرنا ئیرادا خەلکی یە و ئەو یەک ب چو رەنگەکێ ناهێتە قەبوولکرن.
ناڤهاتی ئەو یەک ژی دیار کر کو یێن رۆژانە بەحسێ دیموکراسیێ دکەن نها ل بەر چاڤێ هەموو جیهانێ نوونەرێن هەلبژارتی یێن خەلکی ژ کاری دوور دکەن و ئەو یەک ژی مەترسیەکا مەزنە بۆ پاشەرۆژا تورکیا.
ئەڤرۆ نیوز:
پشتی ٥ سالان لەشکرێ سووریێ شیا دوهی باژێرکێ خان شیخون یێ سەر ب پارێزگەها ئدلبێ کۆنترۆل بکەت و ئەو یەک ژی سەرکەفتنەکا مەزنە بۆ لەشکرێ سووریێ.
رێکخراوا مافێ مرۆڤان دیار دکەت کو ب کۆنترۆلکرنا باژێرکێ خان شیخون لەشکرێ سووریێ دێ بەرێ خوە دەتە ناڤەندا پارێزگەها ئدلبێ و دخوازیت هەموو پارێزگەهێ ژ گرۆپێن چەکدار پاقژ بکەت.
ئه‌ڤرۆ نيوز:
ئێكه‌تيا نێڤده‌وله‌تى يا ته‌پا پێ فيفا ئه‌ڤرۆ ب رێيا نڤيساره‌كا فه‌رمى دا رازى بوو عيراق ياريێن خوه ژ ڤاڤارتنێن مونديالا قه‌ته‌ر 2022 ل ياريگه‌ها نێڤده‌وله‌تيا جزه‌ع نه‌خله يا باژێرێ به‌غدا بكه‌ت.
ئه‌ڤ برياره هاته پێش پشتى شانده‌كێ فيفايێ ژلايێ ئێمناهى دووڤچوونا ياريگه‌هێ و باژێژێ به‌سرا كرى و ژنێزيك هايدارى ره‌وشا وى باژێرى و ياريگه‌هێ بووى كو جهێ 65 هزار پشته‌ڤانان تێدا هه‌يه له‌ورا ئه‌ڤرۆ ب فه‌رمى بريار دا عيراق ياريێن خوه يێن نێڤده‌وله‌تى د ڤاڤارتنێن مونديالا قه‌ته‌رێ ل به‌سرا بكه‌ت.
ئه‌ڤرۆ نيوز:
برياره وه‌زيرا به‌رگرييا ئه‌لمانيا پشتى ب دووماهى ئينانا سه‌ره‌دانا خوه بۆ به‌غدا پايته‌ختێ عيراقێ دێ سه‌ره‌دانا هه‌ولێرێ پايته‌ختێ هه‌رێما كوردستانێ كه‌ت.
ئه‌نگرێت كرامپ وه‌زيرا به‌رگرييا ئه‌لمانيا ئه‌ڤرۆ رۆژا سێشىمبى 20/8/2019 سه‌ره‌دانا به‌غدا كريه دگه‌ل به‌رپرسێن بلندێن عيراقێ ژى كومبوويه، دهێته زانين پشتى سه‌ره‌دانا خوه بۆ به‌غدا ب دووماهى دئينت دێ به‌ر ب هه‌ولێرێ ژى هێت ديسان دێ دگه‌ل به‌رپرسێن بلند يێن هه‌رێمێ ژى كومبووم بيت.
ئەڤرۆ نیوز، نەوزاد ھلۆری:
گەنجەکێ روسی کو ژیێ وی کێمترە ژ 16 سالان د تاوانەکا ھوڤانەدا دوو خوشک و دایکا خوشە سەرژێکرن، داپیر (69 سال) و باپیر (66 سال) خوە ژی کوشتن، د نامەکێ دا ئەگەرێن رودانێ دیارکرن و پاشان خوە ژی کوشت.
ب گورەی نوچەکێ کو مالپەرێن سکای نیوز یا عەرەبی، بەڤکریە کو گەنجەکێ رووسی بناڤێ تەیمور کیم تالدینوڤ کو ژیێ وی کێمترە ژ 16 سالیێ تاوانەکا ھوڤانە ئەنجامدایە و د نوچەی دا ھاتیە: (پشتی روودانێ تەیموری د نامەکێ دا ئەگەر دیارکرینە کو ئەو ژی خێزانا وی ئەو پشتگوھـ ھاڤێتیە ب تایبەتی پشتی کو دوو خوشک وەکو جێمک ژلایێ دایکا وی پەیدابوین کو ژیێ وان کێمترە ژ چوار سالیێ، پشتی نامێ خوە ژی دکوژیت).
تەیموری بو کوشتنا ئەندامێن خێزانا خوە تەڤرەک بکارئینایە، پولیسان دەست ب ڤەکولینێ کریە و پاشان ژ ئەنجامێ ڤەکولینێ نامەکا ئەوی گەنجی دبینن و تێدا دبێژیت داپیر و باپیرێن من ئەز پشتگوھڤە ھاڤێتیمە، من ئەڤ یەک قبول نەکریە و نەچارم ڤێ یەکێ بکەم).
ئەڤرۆ نیوز ، زنار تۆڤی:
ئەڤرۆ سێشەمبی 20 تەباخا 2019 ێ فرۆکێن سۆپایێ تورکی ترۆمبێلەکا بیکاب یا گەریلایێن پەکەکێ ل نێزیک گوندێ بابیرێ کرە ئارمانج و د ئەنجامدا زیانێن مەزن گەھاندنە وێ بیکابێ و ھەروەسا ئاگر بەردایە ھندەک زەڤیێن گوندیان ژی.
سەلمان وەلاتیەکێ گوندێ بابیرێ یە بۆ ئەڤرۆ نیوز گۆت: بەری نیڤرۆیا ئەڤرۆ سێشەمبی فرۆکێن سۆپایێ تورکی ھێرش کرە سەر ترۆمبێلەکا بیکاب یا گەریلایێن پەکەکێ و د ئەنجامدا زیانێن مەزن گەھاندنە ترۆمبێلا وان، لێ ئەو نەشیاینە بچنە جھێ روودانێ ژ ترسا بۆمبەبارانکرنا فرۆکان و زیانێن وێ بۆمبەبارانێ نەھاتینە زانین، لێ ئاگر یێ بەربوویە ترۆمبێلێ و ھندەک زەڤیێن گوندیان.
ھەروەسا ئەو جھێ ترۆمبێل لێ ھاتیە بوردۆمانکرن نێزیکی خانیێن وەلاتیانە و ڤێ چەندێ ترس ل دەف خەلکێ دەڤەرێ پەیدا کریە.
ئه‌ڤرۆ نيوز:
وەزارەتا دارایی یا حۆکمەتا ھەرێما کوردستانێ بریارا خەرجکرنا 30% ژ دەرمالەیێن مەترسیێ ژ مۆچەیێ بنەرەت بۆ ھژمارەکا فەرمانبەرێن وەزارەتا شارەوانی و گەشتۆگۆزار دەرکریە.
ل گۆرەی نڤیسارەکا وەزارەتا دارایی و ئابووری یا حۆکمەتا ھەرێما کوردستانێ کو ل حەفتیناما (باس) بلاڤبوویە، بریارا خەرجکرنا 30% ژ دەرمالەیێن مەترسیێ ژ مۆچەیێ بنەرەت بۆ فەرمانبەرێن (ئەندازیارێن چاندنێ و ڕابەرێ چاندنێ و چاڤدێران و باخچەڤانان) ئەوێن گرێدای وەزارەتا شارەوانی و گەشتۆگۆزار یا حۆکمەتا ھەرێما کوردستانێ.
ل گۆرەی زانیاریان، ئەڤ دەرمالە بەری نھا ژی ئەڤ دەرمالەیە بۆ باخچەڤانان ھەبوویە، بەلێ ب تنێ ئەو فەرمانبەر بخۆڤەدگرتن ئەوێن دناڤا پرۆژەیان دا و ئەوێن دی ڤەنەدگرتن، بەلێ ژ نھا و وێڤە دێ ھەموویان بخۆڤەگریت و ئەڤ دەرمالەیە دێ ژ 1/1/2019 بۆ وان کەسێن مفادار ھێتە خەرجکرن و ئاشکرا ژی بوویە، ئەگەر بۆ نموونە مۆچەیێ فەرمانبەرەکی 500 ھزار دینار بیت، واتە دێ 150 ھزار دینار ل سەر مۆچەیێ وی زێدەبن.
نيشاندان