NO IORG
نووترين نووچه
Facebook

149

ئەڤرۆ نیوز:

ئۆزگوور ئوزێل سەرۆکێ فراکسیۆنا پارتا کۆماریا گەل ل پەرلەمانێ تورکیا د داخۆیانیەکێ دا راگەهاند کو حوکمەتا ئاکپارتیێ رەفتارەکا فاشیستی ل گەل نوونەرێن هەلبژارتی یێ خەلکی دکەت و ئەو یەک ب چو رەنگەکێ ناهێتە قەبوولکرن.

ناڤهاتی راگەهاند کو سەرۆکێن باژێرڤانیان ژ ئالیێ خەلکی ڤە هاتینە هەلبژارتن و لادانا وان ژ ئالیێ حوکمەتێ ڤە بنپێکرنا قانوونانە و دیموکراسی هاتیە بنپێکرن.

ئه‌ڤرۆ نیوز، عه‌لى حاجى :

د كونگره‌یه‌كێ روژنامه‌ڤانى دا رێڤه‌به‌ریا گه‌شت و گوزارێ ل زاخۆ ئامارا هاتنا گه‌شتیارن بۆ جه‌ژنا قوربانى راگه‌هاند و 30% هانا گه‌شتیاران بۆ جهێن گه‌شتیارى ل زاخۆ به‌ره‌ڤ زێده‌بوویه‌.

چیا ئه‌مین رێڤه‌به‌رێ گه‌شت و گوزارێ ل زاخۆ ، د كونگره‌یێ روژنامه‌ڤانى دا دیاركر پشتى سه‌روكێ حكومه‌تێ هه‌رێما كرودستانێ ئاسانكارى ل زالگه‌هێن ئه‌منى ل كوردستانێ بۆ گه‌شتیاران كرین، ڤێ چه‌ندێ كارتێكرنه‌كا ئه‌رێنى هه‌بوو دهاتنا گه‌شتیاران دا بۆ كوردستانێ، ل دووڤ وان ئامارێن ب ده‌ست مه‌ كه‌فتین ل روژانێن جه‌ژنا قوربان دا 46832 گه‌شتیاران ژ باشور و ناڤه‌راستا عێراقێ و ده‌ڤه‌رێن كوردستانێ قه‌ستا جهێن گه‌شتیارى ل باژێرێ زاخۆ كرینه‌، هه‌ر دیسان ئه‌و گه‌شتیارێن ب رێیا هه‌ردوو ده‌روازه‌یێن ئیبراهیم خه‌لیل و سه‌رزێرى قه‌ستا كوردستانێ كرین 20439 گه‌شتیار بوینه‌، ئه‌ڤ رێژه‌ ژى تنێ بۆ قه‌زا زاخۆ نینه‌، به‌لكو ده‌ڤه‌رێن دیتر ژى بوینه‌.

دا زانین ژى هه‌ر دیسان مه‌ چه‌ندین كێماسى هه‌بوینه‌ و زێده‌بارى وێ چه‌ندێ ژى چه‌ندین روودانێن ده‌رفه‌ت وه‌رگرتنێ ژى هه‌بوینه‌ ل زاخۆ،ژبه‌ر كو ئه‌و رێژه‌ گه‌شتیاران هاتى نه‌ ل گوره‌ى پێشبینیێن مه‌ بویه‌ به‌لكو زێده‌تر ژى هاتینه‌،ب رێیا یاسایێ دێ سه‌ه‌رده‌رى دگه‌ل وان كه‌سان هێته‌ كرن و دێ ب یاسایێ هێنه‌ سزادان.

و گوت ژى : وه‌كو كه‌رتێ گه‌شت و گوزار دقوناغا ڤه‌ژاندنێ دایه‌ و ئه‌م پێشبینى دكه‌ین بۆ سالێن بهێت دا كوردستان بكه‌ڤیته‌ دچارچوڤه‌یه‌كێ گه‌شتیاریا نێڤ ده‌وله‌تى دا،له‌ورا داخاز ژ سه‌روكێ حكومه‌تا هه‌رێما كوردستانێ دكه‌ین بۆ قوناغا بهێت پێداچوونێ دكه‌رتێن گه‌شت و گوزارێ بكه‌ن و بودجه‌یه‌ كه‌رتێ گه‌شت و گوزارێ زێده‌تر بیت دێ بیته‌ پالده‌ره‌ك ئه‌م پێشوازیێ ل رێژه‌یا زێده‌تر یا گه‌شتیارن بكیه‌ن، هه‌ر دیسان داخاز ژى دكه‌ین ماسته‌ر پلانا ده‌سته‌یا گه‌شت و گوزارێ یا سالا 2014 بهێته‌ په‌سه‌ند كرن، هه‌كه‌ بهێته‌ په‌سه‌ند كرن ژى زاخۆ ئێك ژ وان قه‌زایه‌ دێ پروژه‌ لێ هێنه‌ جێبه‌جێ كرن.

520

ئەڤرۆ نیوز:

پشتی کو ئەڤرۆکە ب فەرمانا وەزارەتا ناڤخوە یا تورکیا هەڤسەرۆکێن سێ باژێرڤانیێن مەزن یێن باکورێ کوردستانێ ژ کاری هاتنە دوورخستن سەرۆک کۆمار و سەرۆک وەزیرێن بەرێ یێن تورکیا نەرازیبوونا خوە دیار کرن.

عەبدوللا گویل سەرۆک کۆمارێ بەرێ یێ تورکیا دیار کر کو کەسێن نوو ژ ئالیێ خەلکی ڤە هاتینە هەلبژارتن دوورخستنا وان دربەکا مەزن ل دیموکراسیێ و ئەو یەک د جهێ خوە دا نینە.

سەرۆک وەزیرێن بەرێ یێ تورکیا ئەحمەد داوود ئوگلۆ ژی راگەهاند کو هەکە ئاریشەک هەبیت دڤێت ب رێیا قانوونی بهێتە چارەکرن و دوورخستنا هەڤسەرۆکێن باژێرڤانیان زیانەکا خوە یا مەزن بۆ دیموکراسیێ ل تورکیا یا هەی.

64

ئەڤرۆ نیوز:

ئەحمەد تورک هەڤسەرۆکێ بەرێ یێ باژێرڤانیا مەزن یا مێردینێ پشتی کو ئەڤرۆ ب بریارا وەزارەتا ناڤخوە ژ کاری هاتە دوورخستن بۆ دەزگەهێن راگەهاندنێ دیار کر کو ئەڤرۆکە کۆدەتایەک ل دژی ئیرادا کوردان هاتە کرن و بریارا وەزارەتا ناڤخوە ژی بریارەکا سیاسی یە.

ناڤهاتی ئەو یەک ژی دیار کر کو بریارا وەزارەتا ناڤخوە نیشا ددەت کو ل تورکیا چو رامانا هەلبژارتنان نەمایە و قانوون هاتینە بنپێکرن.

 

ئەڤرۆ نیوز:
ئه‌ڤرۆ به‌هزاد علی ئاده‌م پارێزگه‌رێ دهوكێ ب وه‌كاله‌ت سه‌رپه‌رشتیا كومبونه‌كا به‌رفره‌ دگه‌ل قایمقامێن سنورێ پارێزگه‌ها دهوكێ و یه‌كه‌یێن ئیدارى یێن گرێداى پارێزگه‌ها دهوكێ كر.
دكومبونێ دا ب ئاماده‌بونا جێگرێن پارێزگه‌رێ دهوكێ به‌حسێ پلانا چوار سالێنڕ بهێت یێن وه‌زاره‌تا نافخو یا هه‌رێما كوردستانێ هاته‌ كرن.
دكومبونێ دا به‌حسێ پلانا هاتیه‌ دانان بو وه‌زاره‌تا نافخو كو كار پێ بهێته‌ كرن پشتى گه‌نگه‌شه‌ و دان و ستاندن ل سه‌ر دهێته‌ كرن و په‌سه‌ند دبیت دڤێ پلانێ هژماره‌كا خالا هاتیه‌ دانان وه‌كو مانا سه‌روكێ یه‌كه‌یا ئیدارى ل قه‌زا و ناحیه‌ و پارێزگه‌ها پشتى ده‌وامى دخزمه‌تا وه‌لاتیان و كارى دا و به‌رهه‌فكرنا جهه‌كێ تایبه‌ت بو مانه‌ڤه‌یا وى سه‌روكێ یه‌كه‌یا ئیدارى.
هه‌روه‌سا به‌لافكرنا فه‌رمانبه‌را ل دیف پێدڤیا هه‌ر ده‌ڤه‌ر و قایمقامیه‌كا پێدڤى پێ هه‌ى
وه‌ك هه‌ڤى كرنا پێشینه‌یێن خزمه‌تگوزارى یێن هه‌مى قایمقامیا
ڤه‌كرنا یه‌كه‌یێن ژمێریاری جهێن پێدڤى
یه‌كخستنا میلاكى و هه‌یكه‌لێ هه‌مى جها وه‌ك ئێك
دابه‌زاندنا ده‌ستهه‌لاتێ و كێمكرنا روتینا كارێ روژانه‌
بهێزكرنا فه‌رمانبه‌رێن وه‌زاره‌تا نافخو برێكا ڤه‌كرنا خولێن تایبه‌ت و بهێزكرنێ.
وه‌كهه‌ڤكرنا موچێ فه‌رمانبه‌رێن شارستانى یێن وه‌زاره‌تا نافخو دگه‌ل یێن هێزێن ئێمناهیێ یێن نافخو ,
دكومبونێ گه‌نگه‌شه‌كا به‌رفره‌ه لسه‌ر ڤان بابه‌تا و هژماره‌كا دى هاته‌ كرن بیخه‌مه‌ت دانا بوچون و پێشنیارا و بساناهى كرنا بجهئینانا پلانا چوار سالى یا وه‌زاره‌تا ىنافخویا حكومه‌تا هه‌رێما كوردستانێ.

84

ئه‌ڤرۆ نیوز، بارزان مزوورى:

صالح یونس ئه‌حمه‌د، برایێ وه‌لاتى كه‌سێ بێ سه‌رۆشین ل كومه‌لگه‌ها چره‌ بۆ ئه‌ڤرۆ نیوز گوت: ل ئێك شه‌مبیا بورى ده‌مژمێر 7 سپێدێ رێككه‌فتى 18/8/2019 برایێ من بناڤێ”محه‌مه‌د یونس” ل مال ده‌ركه‌فتیه‌ گوتیه‌ ده‌یكامن دێ چمه‌ خولێن بهێزكرنا بابه‌تێن رێزا نه‌هێ ژبه‌ركۆ قوتابیێ رێزا نه‌هێ بۆ چه‌ند بابه‌تان كه‌فتبوو ل خوێندنگه‌هێ ل وى ده‌مى چویه‌ نه‌ڤه‌گه‌ریایه‌ مال چوینه‌ ده‌ف وى ماموستایێ خول ڤه‌كرى پرسیارا وى كریه‌ گوته‌مه‌ كورێ هه‌وه‌ نه‌هاتیه‌ خولێ هه‌موو مرۆڤێن مه‌ ئاگه‌هداركرینه‌ نه‌چویه‌ مالێن وان هه‌تا نها چ زانیارى ل سه‌ر دیاربوونا وى نه‌گه‌هشتینه‌مه‌.

ناڤهاتى خویاكر پولیس و ئاسایش و زالگه‌هێن ده‌ڤه‌رێ ئاگه‌هداركرینه‌ ئه‌وژى ژلایێ خوڤه‌ دووڤچوونێ ل سه‌ر بێ سه‌رۆشین بۆنا وى دكه‌ت لێ چ زانیارى لدووڤ به‌رزه‌بونا ئاشكرا نه‌بوینه‌.
ناڤهاتى گوت “محه‌مه‌د یونس” ژیێ وى 15 ساله‌ قوتابى یه‌ ئاكنجیێ كومه‌لگه‌ها چره‌یه‌ سه‌ر ب قه‌زا شێخان ڤه‌.

ئه‌ڤرۆنیۆز، سالار دۆسكى:

ئه‌ندامه‌كێ شاندێ هه‌رێمێ بۆ باشكرنا كاودانێن ده‌ڤه‌رێن كوردستانى یێن ده‌رڤه‌ى هه‌رێمێ ئاشكراكر كو دێ كاودانێن كه‌ركووكێ به‌ر باشبوونێ ڤه‌ چن لێ هه‌ر بۆ به‌رى 16 ئۆكتوبه‌رێ نازڤرن.

شاخه‌وان عه‌بدوللا ئه‌ندامێ شاندێ كوردستانى یێ دانوستانكار ل ئه‌گه‌ل ئالیێن سیاسى و حوكمه‌تا عیراقێ بۆ ئه‌ڤرۆ نیۆز ئاشكراكر كو دانوستاندن ل گه‌ل به‌غدا قوناغێن باش بڕینه‌، ژ به‌ر هه‌ستیاریا بابه‌تى نه‌شێن زێده‌تر بۆ سازیێن راگه‌هاندنێ ل سه‌ر بابه‌تى بئاخڤین.

شاخه‌وانى ئه‌و ژى نه‌ ڤه‌شارت كو ل ئه‌ڤساله‌ دا دێ گوهورین كه‌ڤنه‌ كاودانا ل كه‌ركووكێ به‌لێ هه‌ر بۆ به‌رى 16ى ئۆكتوبه‌رێ نازڤرن.

ل سه‌ر دانانا پارێزگه‌رێ نوو یێ كه‌ركووكێ ژى شاخه‌وانى دیاركر كو دناڤا دانوستاندانا و ئه‌و ئه‌ندامه‌كێ شاندى یه‌ و نه‌شێن زێدەتر بابه‌تى روهن بكه‌ن.

ئەڤرۆ نیوز، رێوار مزیری:

د چارچۆڤێ گوهۆڕینان دا د دامودەزگەهێن میری دا ل سنوورێ پارێزگەها دهۆکێ ژ پێخەمەت بەرژەوەندیا گشتی ئەڤرۆ رۆژا 19/8/2019 ل دەمژمێر 10:30 سپێدێ د رێورەسمەکی دا ب ئامادەبوونا (عوبەیدوللا داود عەلی) رێڤەبەرێ گشتی یێ گەشت و گۆزارێ ل پارێزگەها دهۆکێ و نوونەرێ قایمقامێ قەزا ئامێدیێ و نوونەرێ لقێ 18 یێ پارتی دیموکراتی کوردستان ل ئامێدیێ، (نەزیف محەمەد عەلى ئەحمەد) وەکو رێڤەبەرێ نوو یێ گەشت و گۆزارا ئامێدیێ ل جهێ (ئەیاز عەبدوللا حەسەن) هاتە دانان.

نەزیف محەمەد عەلى ئەحمەد، رێڤەبەرێ نوو یێ گەشت و گۆزارا ئامێدیێ
نەزیف محەمەد عەلى ئەحمەد، رێڤەبەرێ نوو یێ گەشت و گۆزارا ئامێدیێ

 

ئەیاز حەسەن، رێڤەبەرێ بەرێ یێ گەشت و گۆزارا ئامێدیێ
ئەیاز حەسەن، رێڤەبەرێ بەرێ یێ گەشت و گۆزارا ئامێدیێ

ئەڤرۆ نیوز، نەوزاد ھلۆری:

بەری نیڤرویا ئەڤرۆ فروکێن شەری یێن تورکیا بنارێ قەندیل ل دەڤەرا پشدەر بوردوانکر و د ئەنجام دا خانەک ب تمامی ھاتیە خراپکرن و وەلاتیەک ژی بریندارە.

ب گورەی پێزانینێن ئەڤرۆ نیوز، بوردومان ل گوندێ بولیان یا سەر ب ناحیا سەنگەسەر ل دەڤەرا پشدەر ل بنارێ قەندیل دروستبویە، ھێرشا فروکان ب بھانەیا ھەبوونا پەکەکێ ل وی گوندی بو سەر مالا وەلاتیەکێ بویە و ب تمامی ئەو مال ھاتیە خراپکرن و وەلاتیەکێ ئەوێ مالێ ژی ھاتیە بریندارکرن و رەوشا وی نەیا باشە.

ئەڤرۆ نیوز، نەوزاد ھلۆری:

وەزارەتا بارزگانیا عیراقێ دێ ل گەل پشکا ئاھێن خوارنێ، جگاران لسەر وەلاتیان دابەش کەت، ئەڤێ یەکێ ژی کارڤەدان ل پشت خوە ھێلان و ب داھێنانەکا سەیر دھێتە ھژمارتن.

عەلی بەدیری، ئەندامێ پەرلەمانێ عیراقێ ژ رەوستا سەدر گۆت: (وەزارەتا بارزگانیا عیراقێ دخوازیت جگاران ل گەل پشکا ئاھێن خوارنێ لسەر وەلاتیان دابەش بکەت، ب گورەی پلێتا ئاھێن خوارنێ بو ھەر تەکا جگاران دێ دوو ھزار و 500 دیناران وەرگریت).

زێدەتر گۆت: (پێدڤی یە حوکمەت کار بو ھندێ بکەت کو ماست و شیری و ھێلک و خورمێ و خوارنێن دن لسەر وەلاتیان بەلاڤ بکەت کو مفا بو وەلاتیان ھەیە، نەکو شونا وان جگاران بەلاڤ بکەت کو زیاندار و ژەھراوی نە).

ناڤبری دیارکر ژی کو ئەو کەسێن ئەڤ بریارە دەرکری کەسانێن گەندەلن و دخوازین لسەر کوشتنا عیراقیان بەردەوام بن و زێدەتر گۆت: (ئەگەر بڤی رەنگی یا بەردەوام بیت، نەدویرە ل ئایندە مادێن ھوشبەر ژی لسەر خەلکی بھێنە بەلاڤکرن، ئەڤە ددەمەکێ دایە کو د خولا بوری یا پەرلەمانێ عیراقێ بریار ھاتبوودان کو نابیت جگارە ل دام و دەزگەھێن گشتی بھێتە کێشان و بریارا نوکە تمام بریارەکا سەیرە و بەروڤاژی یە).

ئه‌ڤرۆ نيوز ئه‌ڤ نووچه‌ ژ مالپه‌رێ رۆسيا توده‌ى وه‌رگێرايه‌ كو وان ژى پشت به‌ستن ل سه‌ر سومه‌ريه‌ نيوز كريه‌.

website security
WP Facebook Auto Publish Powered By : XYZScripts.com