ئەڤرۆ نیوز:
مایک پۆمپیۆ وەزیرێ دەرڤە یێ ئەمریکا بەری دەمەکێ راگەهاند کو ژ بەر سزایێن کو وەلاتێ وی ل سەر ئیرانێ سەپاندینە رێژا هنارتنا پەترۆلا ئیرانێ ٩٥% کێم بوویە و ئیران تووشی قەیرانەکا مەزن یا هاتی.
وەزیرێ دەرڤە یێ ئەمریکا ئەو یەک ژی دیار کر کو ئەم ب چو رەنگەکی رێ نادەین ئیران ببیتە خوەدان چەکێن ئەتۆمی.
ئه‌ڤرۆ نیوز:
د. نزار عسمەت، رێڤەبەرێ گشتی یێ ساخلەمیا پارێزگەھا دھۆکێ دیارکر کو ئەڤرۆ 29/7/2019 رۆژا جیھانیا نەخۆشیا تالاسیمیا یە، مە حەز دکر ساخ بکەین بۆ ھندی بیرا خوە ل ڤێ نەخۆشیێ بینین کا چ بۆ ھاتیە کرن وچ بۆ بھێتە کرن و زێدەتر ھەماھەنگی بھێتە کرن بۆ پتر پشتەڤانیکرنا ساخلەمیێ دا کو باشتر خزمەتا نەخۆشان بھێتە کرن ئەڤ نەخۆشیە ئێکە ژ نەخۆشیێن خوەجە ل دەڤەرا بەھدینان ب گشتی و سالانە حالەتێن ڤێ نەخۆشیێ پەیدا دبن ھەر کەسەکێ د مالا خوە دا نەخۆشەکێ تەلاسیمیا ھەبیت دزانیت چەند ئێش و ژان ھەنە.
ئاشکەرا ژی کر کو ئەڤ نەخۆشیە بەردەوام پێدڤی ب خوینێ ھەیە ل گۆری پێدڤیاتیا نەخۆشی و ھندەک نەخۆشان پێدڤی دەرمان و کەرەستە و فاکتەرێن دی یێن خوینێ ھەیە ئەو ژی پێدڤیە بەردەوام بۆ وان بھێنە دابینکرن ژ بەر ھندێ ئەم سوپاسیا ھەموو کەسان دکەین یێن شیان ھەین و خوینێ پێشکێش دکەن ھەکە خۆین بەخش نەبانە ژیان بۆ نەخۆشێن تالاسیمیا ژی نەدبوو لەورا ئەم ژ دل سوپاسیا وان دکەین.
زێدەتر گۆتژی ئەم ل ساخلەمیا دھۆکێ ب تنێ رێیێن چارەسەریێ ناگەرینە بەر، بەلکو چارەسەریێن بەردەوام و بنەجھـ دگەریێن بۆ نەخۆشان دا کو نەخۆش قورتال بن ژ نەخۆشیێ لەورا ژی بۆ جارا ئێکێ ئەم کاردکەین پشکنینا بکەین بۆ وان کەسێن ژیانا ھەڤژینیێ پێک دئینن و خەلکێ خوە پتر رەوشەنبیر دکەین ل سەر ڤێ نەخۆشی.
د. نزار عسمەت تەیب ئەو ژی دیارکر کو ل سەر ئاستی چارەسەریا بەردەوام و رۆژانە ساخلەمیا دھۆکێ ئێک ژ سەنتەرێن تازە نوژەن کریە و ھەموو ئامیرە و کەرەستێن پێدڤی بۆ وان دابینکرینە دا کو بشێن پتر چارەسەریا وان بکەن و پتر پووتە ب وان بھێتە دان ئەم ل ڤێدەر ژی نە راوەستیاینە مە ھەولێن بەردەوام دان بشێین کادرَی خوە پتر پێش بێخین و سەرەدەریەکا جوانتر د گەل نەخۆشان بکەین و کادرێ مە بۆ ئیتالیا ھاتینە رەوانەکرن ل وێدەر ھاتنە مەشقدان دا بشێن سیتسەمێ باشتر بۆ سەنتەری دروست بکەین و پتر خزمەتا نەخۆشان بکەین.
رێڤەبەرێ گشتی یێ ساخلەمیا پارێزگەھا دھۆکێ راگەھاند ژی کو نوکە ساخلەمیا دھۆکێ پلانەکا نوو ھەیە بۆ نەخۆشان ب تایبەتی ژی بۆ زارۆکان دەمێ تووشی ڤێ نەخۆشیێ دبن ئەو ژی چارەسەریا بنبڕە بۆ ڤی نەخۆشی ب رێیا چاندنا مەژیێ ھەستی ب رژدی ئەم ل سەر ڤی کار دکەین ئەڤە پێنچ سالن ئەم پلانێ ددانین وھەولێن مە ھێدی ھێدی نە و پرۆفیسورەکێ ئیتالی ژی ھەڤکاریێ دکەت ئەم د گەل وان کاردکەین بەرنامەکێ گونجایی و باش دانین پشتی پێنچ سالان ئەردێ ھاتیە دەست نیشانکرن و دیزاین ژی ھاتینە دانان و ئەندامێن پەرلەمانێ کوردستانێ و عێراقی ب تایبەتی ژی لیژنا دارایی راستی وان کارەکێ مەزن ئەنجام دان و کوژمەکێ پارەیی ھاتە دەست نیشانکرن و ھاتە رەوانەکرن بۆ وەزارەتا ئاڤەدانیا عیراقێ ب سوپاسی ڤە ژی وەزیری ئاڤەدانکرنی ئەڤە چەندە قەبوول کر و بەردەوام د گەل مەدایە بۆ ھندی ئەم بشێین ڤێ پرۆژەی بێخینە وارێ بجھئینانێ دا ئەم یێ ھەولددەین ئەڤ سالا پرۆژە بکەڤیتە وارێ بجھئینانێ دا و ئاڤاھیێ وێ بھێتە دروستکرن ب شێوەیەکێ مۆدرین و ھەڤچەرخ و دێ ھەموو کار ژی ل گۆری پێڤەرێن جیھانی بن و گەلەک لایەیان حەز کریە بۆ ڤی پرۆژەی د گەل ساخلەمیا دھۆکێ بەشدار بن ب تایبەتی ژی وەزارەتا ژینگەھێ ل ئیتالیا وان حەز کریە ئەڤ ئاڤاھیێ دھێتە دروستکرن ئاڤاھیەکێ ھەڤال بیت د گەل ژینگەھێ و باشترین و مۆدرێنترین ئاڤاھی بیت دەم تمام بیت دشێن پتر خزمەتا خەلکێ خوە و نەخۆشان بکەین.
د. نزار عسمەت ئاشکەرا کر کو ئەڤ ھەولێن حوکمەتا ھەرێما کوردستانێ د بەردەوامن د سکتەرێ ساخلەمیێ دا بۆ ھندی بشێین کوالێتیا خزمەتێن دھێنە پێشکیشکرن بۆ خەلکی مە بگەھیتە وی ئاستی ئەم شانازیێ پێ بکەین و خەلک ژی شانازیێ پێ بکەن ئێک ژ وان ھەولان ژی ئەو بوویە ئەڤ سەنتەرە بوویە. ئەم دێ بەردەوام بین بۆ پشتەڤانیا بەنکا خوینێ و سەنتەرێ تالاسیمیا و ھەموو لایەنێێن پەیوەندی پێڤە ھەی بۆ ھندێ بشێین بگەھینە وی ئاستێ ئەم شانازیێ پێ بکەن.
د. ئان فواد توما، پەیڤەک ل دۆر نەخۆشێن تالاسیمیا ل دھۆکێ پێشکیشکر و گۆت: “ل دھۆکێ 1193 نەخۆش ھەنە ژ وانا ژی 155 ئاوارەنە و 31 ژی پەنابەرن و 73 نەخۆش ژی بۆ چاندنا مەژیێ ھەستی بۆ دەرڤەی وەلاتی ھاتینە رەوانەکرن.
ئەڤرۆ نیوز، عەلی حاجی:
پشتی ھاتنا ھێزێن پێشمەرگەی بۆ ناحیا دەرکارێ ھند ژ تورێن جڤاکی و سایتێن سێبەر ل کوردستانێ، ھاتنا ڤێ ھێزێ بۆ دەڤەرا دەرکارێ بو لێدانا ھێزێن پەکەکێ دا بوون زانین.
ل دور ڤێ چەندێ زێرەڤان موسا رێڤەبەرێ ناحیا دەرکارێ بۆ ئەڤرۆ نیوز گۆت: “پشتی رزگارکرنا کوردستانێ، ھێزەکا پێشمەرگەی ل دەڤەرا مە ھەبوو، ئەو ھێزا دوھی ل رۆژا ئێک شەمبێ ھاتیە سنورێ رێڤەبەریا مە ب تنێ گوھورینا ھێزێن پێشمەرگەیی بوویە و نە زێدەتر، چو راستیەک بو وێ چەندێ نینە کو ھندەک کەسان وەسا دا بو زانین کو ب چەکێن ب ھێز ڤە ئەڤ ھێزە ھاتیە دەڤەرا مە، ھاتنا وێ ھێزێ ب تشتەکێ نورمال دبینم و ب تنێ پێگھورینا ھێزێن پێشمەرگەی ھاتیە کرن و بو زانین ژی ئاڤاھیێ فەرماندەیەکا پێشمەرگەی ل سنورێ رێڤەبەریا مە ھەیە”.
ناڤبری گۆتژی: ھەردەما گوھورینا ڤان ھێزان ژی دروست بیت، نە ددەستھەلاتا مە دایە ئەم بھێينە ئاگەھدار کرن، ژ بەر کو ئەڤە کارەکێ سەربازی یە و پێگوھورین کارێ فەرماندەێن ھێزێن پێشمەرگەیی یە، ئەڤ بابەتە گریدایی وانایە و مە چو پەیوەندی پێڤە نینە و ئەڤ ھێزە نە ژبوو چوو شەرەێ ھاتیە ڤێ دەڤەرێ و مافێ وێ ھێزێ یە ژی بچیتە ھەمی دەڤەرێن کوردستانێ ژ بەر و ھێزێن پێشمەرگەیی ھێزێن ھەمی کوردستانێ نە”.
ئەڤرۆ نیوز، عەلی حاجی:
چاڤدێریا بازرگانی ل زاخۆ ۲۰۰ کێلویێن پسکێتان ژناڤ دبەت ؍ پشتی بازرگانەکێ ئەو پێسکتێن دەمب سەر ڤە چووی رادەستی چاڤدێریا بازرگانی کرین .
جەگەرخوین عەبدوللا، بەرپرسێ چاڤدێریا بازرگانی ل زاخۆ، بۆ ئەڤرۆ نیوز دیار کر پشتی بازرگانەکێ ل زاخۆ ئەم ئاگەھداری کرین کو ٦۰۰ کێلویێن پسکێتان ژبەرھەمێ دەمێ وان ب سەرڤەچوویە، تێمێن مە ل چاڤدێریا بازرگانی ئێکسەر دەست ب سەر وێ رێژەیا پسکێتان دا ھاتە گرتن و ل دووڤ را ھاتنە ژناڤبرن و سوتن؍ و گوت : ئەڤە دووەم جارە دماوەیێ حەفتیەکێ دا بازرگانێن زاخۆ لسەر ھەبونا بەرھەمێن خراب بووی مە ئاگەھدار دکەن و ئەم ژناڤ دبەین و ئەڤە پێنگاڤەکا باشە ژلایێ بازرگانێن مەڤە و ژھەژی دەست خوەشیێ نە .
بو زانین ل حەفتیا دەرباز بووی نەھـ تەنێن تەمەر ھندا خراب بووی ژلایێ چاڤدێریا بازرگانی ڤە ھاتنە سوتن و ژناڤبرن.
ئەڤرۆ نیوز، عەلی حاجی:
پشتی ئەڤرۆ نیوز بابەتێ کاڤلەکێ خراب بوويی ل تەنشت پرا شەھاب یا شوونواری ل باژێرێ زاخۆ بەلاڤ کری، یا کو دیمەنەکێ نەجوان دایە وی شوونواری ؍ ئەڤرۆ ژلایێ باژێرڤانیا زاخۆ ڤە خراب کرن.
محەمەد یوسڤی، رێڤەبەرێ شوونواران ل زاخۆ بۆ ئەڤرۆ نیوز ئاشکەرا کر پشتی ئەڤرۆ نیوز خوە ل وی بابەتی کری یە خودان، ئەڤرۆ ل رۆژا سێشەمبێ ل رێکەڤتی ۲۸ى تيرمه‌ها ۲۰۱۹ باژێرڤانیا زاخۆ رابوو ب خرابکرنا وی کاڤلی، دنوکە دا کار ل سەر خرابکرنا وی کاڤلی دھێتە کرن، سۆپاسیا ئەڤرۆ نیوز دکەین خوە ل ڤی بابەتی کری یە و ئەڤ بابەتە ھاتە چارەسەر کرن، ب خرابکرنا وی کاڤلی ژی دێ زێدەتر روویێ جوانێ پرێ دیار کەت و ئەو پیساتی ژی نامینیت ل وی جھی و دبیت خەلکەک زێدەتر قەستا وێرێ بکەت.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 29ى تيرمه‌ها 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.200 دينار |
| 100 يۆرۆيێ ئه‌ورۆپى | 135.000 دينار |
| 100 ليرێ توركى | 21.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ليوا شێركۆ زه‌نگه‌نه، فه‌رمانده ل زێره‌ڤانيا سنورى، راگه‌هاند كو ژ ئه‌گه‌رێ گه‌ريلايێن پارتيا كرێكارێن كوردستانێ “په‌كه‌كه” زيانێن گيانى و ماددى يێن زۆر ب وه‌لاتيێن هه‌رێما كوردستانێ كه‌فتينه و ب تايبه‌ت ل ده‌ڤه‌رێن سنورى يێن ناڤبه‌را هه‌رێما كوردستانێ و توركيا.
لێوا شێركۆ زه‌نگه‌نه بۆ ئاژانسا ئه‌نادۆل يا فه‌رمى يا توركيا گۆت: “ژ ئه‌گه‌رێ لڤينێن په‌كه‌كێ و نێزيكبوونا وان ژ گۆندێن ده‌ڤه‌رێن سنورى يێن ناڤبه‌را توركيا و هه‌رێما كوردستانێ، رۆژانه وه‌لاتيێن گۆندێن سنورى يێ ده‌ڤه‌رێن خوه ب جهـ دهێلن و گۆندان چول دكه‌ن و ئاواره‌ى باژێران دبن و ئه‌ڤه ژى ژ هه‌موو لايه‌كى ڤه بوويه جهێ دلته‌نگيێ”.
ئه‌وى فه‌رماندێ سنورى ئاماره‌ك ل دۆر چولكرنا گۆندێن سنورى بۆ ئاشكه‌را كر كو ژمارا وان گۆندێن ژ به‌ر په‌كه‌كێ هاتينه چولكرن هه‌تا نها زێده‌ترى 400 گۆندانه، خه‌لكێ وان ئاواره‌ى باژێر و باژێرك و گۆندێن ديرى سنوران بووينه.
گۆتژى: “هه‌ر ده‌مێ بنگه‌هـ و باره‌گايێن په‌كه‌كێ ل ده‌ڤه‌رێن سنورى دهێنه بۆردۆمانكرن، په‌كه‌كه زێده‌تر خوه ل گۆندێن سنورى نێزيك دكه‌ت و ژ ئه‌گه‌رێ وێ چه‌ندێ خه‌لكێ وان ده‌ڤه‌ران زێده‌تر ئاواره دبن، ل گه‌ل هه‌ر بۆردۆمانه‌كێ ئه‌م وه‌كو حوكمه‌ت و له‌شكرێ عيراقێ ل سه‌ر هه‌موو پێشهاتان دهێينه ئاگه‌هداكرن و هه‌موو هوورده‌كاريان به‌رچاڤ دكه‌ين”.
ليوا شێركۆى ئاماژه ب وێ چه‌ندێ ژى كر كو ژ ئه‌گه‌رێ هه‌بوونا په‌كه‌كێ سالانه زيانه‌كا زۆر ب به‌رهه‌مێ جۆتيارێن هه‌رێما كوردستانێ ژى دكه‌ڤيت.
نه‌ڤه‌شارت ژى كو هه‌رێما كوردستانێ جهێ په‌كه‌كێ نينه و گۆت: “نابيت بۆ به‌رژه‌وه‌نديا ئامانجێن سياسى يێن خوه ب كار بينيت و زيانێ بگه‌هينيته هه‌رێما كوردستانێ و ب ڤى ره‌نگى ده‌ستان د ژيانا وه‌لاتيان وه‌ربده‌ن و خه‌لكى بێزار بكه‌ن”.
ئه‌ڤرۆ نيوز:
پشتى ل رۆژا پێنجشه‌مبى بابێ هه‌ڤالێ مه يێ رۆژنامه‌ڤان و پێشمه‌رگه و كه‌ساتيێ نشتيمانپه‌روه‌ر “ميرۆ ره‌شيد پيرۆ” كو دبيته بابێ قائيد ميرۆ په‌يامنێرێ ئه‌ڤرۆ نيوز ل هه‌ولێر چوويه به‌ر دلۆڤانيا خودێ هه‌ر ئێك ژ باره‌گايێ بارزانى و ده‌زگه‌هێ ره‌وشه‌نبيرى و راگه‌هاندنا پارتى ديموكراتى كوردستان برۆسكێن سه‌ره‌خۆشيێ ئاراسته‌ى هه‌ڤالێ مه يێ رۆژنامه‌ڤان كرن كو ئه‌ڤه ژى ده‌قێن وانن:
ده‌قێ به‌يانناما باره‌گايێ بارزانى
بەڕێز قاید میرۆ مزوری
بەدڵگرانیەكی زۆرەوە هەواڵی كۆچی دوایی پێشمەرگە و كەسایەتی دیار(میرۆ رەشید مزوری)ـی باوكی بەڕێزتانمان پێگەیشت.
هاوخەمیمان بە بەڕێزتان و خانەوادە تێكۆشەرەكەتان رادەگەیەنین و سەرەخۆشی ئاڕاستەی ئێوە و خزم و دۆستانی مزوری دەكەین.
لە خودای گەورە داواكارین ئارامی و دڵنەوایی بە هەموو لایەك ببەخشێت و خوالێخۆشبوو بە بەهەشتی بەرینی خۆی شاد بكات.
اناللە وانا الیە راجعون
بارەگای بارزانی
ده‌قێ به‌يانناما ده‌زگه‌هێ ره‌وشه‌نبيرى و راگه‌هاندنا پارتى ديموكراتى كوردستان
ھەڤاڵی بەڕێز قائید میرۆ مزووری
خەمبار بووین بە بیستنی هەوڵی كۆچی دوایی پێشمەرگە و كەسایەتیی نیشتمانپەروەر، خوالێخۆشبوو (میرۆ رەشید پیرۆ)ـی باوكی بەڕێزتان.
بەم بۆنە خەمناكەوە، پرسە و سەرەخۆشیمان ئاڕاستەی خانەوادە تێكۆشەرەكەتان و تەواوی كەسوكار و دۆست و ئاشنایانتان دەكەین و ھاوبەشی خەم و پەژارەتانین.
لە خودای گەورە داواكارین سەبووری و ئارامی بە هەموو لایەك ببەخشێت و گیانی كۆچكردوویش بە بەهەشتی بەرین شاد بكات.
انا لله و انا الیە راجعون.
دەزگای رۆشنبیری و راگەیاندنی پارتی دیموكراتی كوردستان
ئەڤرۆ نیوز، بارزان مزووری:
موقەدمێ مافپەروەر ئازاد تاھا، بەرپرسێ پەیوەندی و راگەھاندنا ھاتنوچوونا پارێزگەھا دھۆک بۆ ئەڤرۆ نیوز گۆت: “ئەڤرۆ سپێدێ رێکەفتی 29ى تيرمه‌ها 2019 ل سەر رێيا سەرەکیا شێخان بۆ قەزا بەردەرەش ل نێزیک کومەلگەھا مەھەت روودانەک د ناڤبەرا ترۆمبێلەکا بارھەلگر تورکی و ترۆمبێلەکا تویوتا ژ جورێ مەرزیا روودا”.
زێده‌تر گۆت: “د ئەنجام دا شوفێرێ ترۆمبێلا تويوتا پێك ئاپ گیانێ خۆ ژ دەست دا و لاشێ وی بۆ نوشداریا داد ل پارێزگەھا دھۆک ھاته رەوانەکرن”.
شوفێرێ ترۆمبێلا پیکاب تویوتا ئەوێ گیانێ خۆ ژ دەست دايی ب ناڤێ “سوار شەمدین سوارە” ئاکنجیێ گوندێ بەردەسورە سەر ب قەزا بەردەرەش.
نيشاندان