ئەڤرۆ نیوز:
پەیڤدارێ سەرۆک کۆمارێ تورکیا راگەهاند کو د هەڤدیتنا ل گەل جێمز جێفری نوونەرێ ئەمریکا بۆ کاروبارێن سووریێ، تورکیا داخواز ژ ئەمریکا کریە کو نابیت ب چو رەنگەکێ هێزێن یەپەگێ و سووریا دیموکرات پشکەک بن ژ دەڤەرا ئارام ل سووریێ.
ئیبراهیم کالین ئەو یەک ژی دیار کر کو تورکیا داخوازا چارەکا سیاسی بۆ رەوشا سووریێ دکەت ب رەنگەکێ کو ئێکەتیا ئاخا سووریێ بهێتە پاراستن.
ئه‌ڤرۆ نیوز، عه‌لى حاجى :
د داخویانیه‌كێ دا رێڤه‌به‌رێ چاڤدێرى و گه‌شه‌پێدانا جڤاكى ل زاخۆ بۆ ئه‌ڤرۆ نیوز ئاشكه‌را كر ل سنورێ رێڤه‌به‌ریا مه زێده‌ترى چار هزار كه‌سان موچه‌یێن وان هاتیه برین كو پێشتر مووچه ژ رێڤه‌به‌ریا مه وه‌ردگرتن و پرانیا وان ژى كێم ئه‌ندامن .
به‌یار باڤى زێده‌تر گوت ژى : دو پشك ل سه‌ر رێڤه‌به‌ریا مه‌ڤه هه‌نه و پێشتر ژى رێژه‌یه‌كێ ژ هاولاتیان مووچه‌ێن خوه وه‌ردگرن ، ل پشكا چاڤدێریا خێزان 9 پشكا ب خوه‌ڤه دگریتن ، سێ هزار كه‌سان مووچه‌یێ خوه وه‌ردگرت ، به‌لێ ئه‌ڤ نێزیكى چار سالایه مووچه‌یێ وان كه‌سان هه‌میا ل وێ پشكێ ژلایێ حكومه‌تێ ڤه هاتیه راگرتن ، پشكا كێم ئه‌ندامان ژى 12 هوبان ب خوه‌ڤه دگریت ، ل وێ پشكێ ژ سه‌رجه‌مێ 3130 كه‌سان مووچه‌یێ 1800 كه‌سان هاتیه برین ، پشتى دووباره پشكنین ژلایێ لژنا تایبه‌تمه‌ند ڤه هاتیه كرن و سه‌رجه‌مێ گشتى دبیته 4800 كه‌س مووچه‌یێ وان هاتیه برین و راگرتن ژلایێ حكومه‌تێ ڤه .
ناڤهاتى گوت ژى : ژلایێ لژنێ ڤه رێژه‌یا كێم ئه‌ندامان هات بو زێده كرن و دنوكه دا بویه 55% و ئه‌ڤ رێژه ژى بۆ ئه‌گه‌ر موچه‌یێ گه‌له‌ك كه‌سان هاتیه برین و ژبه‌ریا شه‌ش هه‌یڤان موچه‌یێ 700 كه‌سێن دیتر ژى هاته برین و ئه‌ڤ چه‌نده ژى بویه جهێ نه‌رازیبونا وان كه‌سان ژبه‌ر كو پێشتر رێژه‌یا كێم ئه‌ندامه‌تیا وان 30% هه‌تا 40% بوو ، ئه‌ڤ چه‌ندا هاتیه ئه‌نجام دان هه‌مى ل دووڤ رێنمایێن لژنا تایبه‌ت مه‌ندڤه بون .
ئه‌ڤرۆنیۆز، سالار دۆسكى:
بوویه‌را حه‌فتیا بوورى به‌رامبه‌ر گه‌شتیارێن كورد هاتیه‌كرن ل رۆژنامه و مالپه‌رێن توركیا دا ده‌نگ ڤه‌دایه و دهێته خواستن دڤێت ل سه‌ر ئاستێ بلند لێبورین ژ خه‌لكێ كوردستانێ بهێته خواستن.
حوسنى دوسكى، خودانێ كۆمپانیا هوژیان یا گه‌شت و گوزارێ بۆ ئه‌ڤرۆ نیۆز گۆت: پشتى روودانا ترابزبوون هه‌تا نوكه حه‌فت رۆژنامه‌ڤانێن وه‌لاتێن توركیا په‌یوه‌ندى پیێكرینه و بوویه‌را وێ گرۆپێ گه‌شتیارى ل مالپه‌ر و رۆژنامێن توركیێن بناڤ و ده‌نگ به‌لاڤه‌كرینه، ل دووڤ گۆتنا رۆژنامه‌ڤانێن تورك بوویه‌ر ب رێكا مالپه‌ر و رۆژناما دێ بۆ وه‌زرێ گه‌شت و گوزارا وه‌لاتێ توركیا هێته هنارتن و دڤێت وه‌زیر ب فه‌رمى لێبورینێ ژ خه‌لكێ كوردستانێ و سه‌رۆكاتیا هه‌رێما كوردستانێ بخازیت.
خودانێ كۆمپانیێ ئه‌و ژى دیاركر كو هه‌ر ل دووڤ وى نووچێ هاتیه به‌لاڤه‌كرن دڤێت ئه‌و گه‌شتیار بهێنه قه‌ره‌بووكرن چنكو گه‌شتا خوه نه‌شیاینه ته‌مام بكه‌ن و گه‌شتا وان هاتیه تێكدان.
حوسنى دۆسكى ئاماژه كره وێ چه‌ندێ ژى كو پتر رۆژنه‌ڤانێن تورك بوویه‌ر ڤه گوهاستیه به‌رامبه‌ر هه‌تا نوكه پێنچ سازێن راگه‌هاندنێ ل پارێزگه‌ها دهۆكێ په‌یوه‌ندى ب وى كرینه بۆ ڤه‌گوهاستن و دیاركرنا روودان، خودانێ هه‌مان كۆمپانى ره‌حنه ل به‌رپرسێن پارێزگه‌هێ گرتن كو ژ چێبوونا روودانێ هه‌تا نوكه پشتى زڤرینه باوه‌شا كوردستانێ چ به‌رپرسێن و رێكخراوا و سازیێن په‌یوه‌ندار ل گه‌ل نه ئاخفتیه بۆ دیاكرنا راستیا روودانێ.
خودانێ هه‌مان كۆمپانى ئاشكراكر ژى كو ئه‌ڤ بوویه‌ر گه‌شتێن گه‌شتیارى ناراوستینت و ژڤانه سه‌رێ هه‌یڤێ سه‌ردانا هه‌مان باژێر بكه‌ت.
جهێ ئاماژه‌كرنێ یه ل 14/7 گرۆپه‌كێ گه‌شتیارى ل پارێزگه‌ها دهۆكێ كو ژ 60 كه‌سان پێك دهات ل گه‌ل كۆمپانیه‌كا گه‌شتیارى قه‌ستا باژێرێ ته‌رابزووم كربوو و پشتى گرتنا چه‌ند وێنان ل گه‌ل ئالایێ كوردستانێ خه‌لكێ وى باژێرى هێرش كربوو سه‌ر ب مه‌ره‌ما بلندكرنا ئالایێ جهێ ئاماژه‌كرنێ یه ل 14/7 گرۆپه‌كێ گه‌شتیارى ل پارێزگه‌ها دهۆكێ كو ژ 60 كه‌سان پێك دهات ل گه‌ل كۆمپانیه‌كا گه‌شتیارى قه‌ستا باژێرێ ته‌رابزووم كربوو و پشتى گرتنا چه‌ند وێنان ل گه‌ل ئالایێ كوردستانێ خه‌لكێ وى باژێرى هێرش كربوو سه‌ر ب مه‌ره‌ما بلندكرنا ئالایێ pkk و ئه‌و گه‌شتیار هاتبوونه ئێشاندن، دووڤ دا ب رێكێن دبلوماسى حوكمه‌تا هه‌رێمێ ئه‌و گه‌شتیار هاتبوونه ئازادكرن.
ئه‌ڤرۆ نیوز:
پارێزگارێ شه‌رعى یێ كه‌ركووكێ نووچه‌یێ دروستكرنا لیسته‌كا سه‌ربه‌خو بۆ پشكدارى كرن د هه‌لبژارتنێن ئه‌نجوومه‌نێ پارێزگه‌ها كه‌ركووكێ پشت راستكر و زانیاریێن زێده‌تر ژى به‌لاڤ دكه‌ت.
زێده‌تر نه‌جمه‌دین كه‌ریم دیاركر د به‌رنامێ وان دایه بزاڤێن دروستكرنا لیسته‌كا سه‌ربه‌خو بۆ هه‌موو پێكهاتێن كورد، عه‌ره‌ب، توركمان و كلدان و ئاشوریان هه‌بیت و دێ به‌رنامه‌كێ روون و ئاشكرا ژى بۆ پارێزگه‌ها كه‌ركووكێ دێ وان هه‌بیت.
ناڤهاتى ئه‌و چه‌نده ژى دیاركر نوكه ره‌وشا ئێمناهى و سیاسى و جڤاكى باش نینه و پێدڤیه هه‌موو پێكهاتێن ڤى باژێرى پێكڤه نوونه‌ر هه‌بن و لیسته‌ك هه‌بیت جهێ باوه‌ریێ بیت و دگه‌ل لایه‌نێن دى یێن ژبلى كوردان د گوتوبێژان داینه و ئه‌و ده‌مێ گونجاى به‌رده‌ست هه‌یه لیسته‌كا بهێز دروستبكه‌ین و ئه‌ڤێ لیستێ چو په‌یوه‌ندى ب لیستا به‌رى نوكه یا برایتى یا جڤاتا پارێزگه‌هێ نینه، هیڤى خواست به‌رى هه‌لبژارتنان ره‌وشا كه‌ركووكێ ئاسایى بیت و هه‌لبژارتنێن بێ سه‌خته تێدا بهێنه ئه‌نجامدان.
ئه‌ڤرۆ نیوز ، عه‌لى حاجى :
ژێده‌ره‌كێ تایبه‌ت ژ نه‌خوشخانه‌یا زاخۆ بۆ ئه‌ڤرۆ نیوز دیار كر ئه‌ڤرۆ ل روژا چار شه‌مبێ رێككه‌فتى 24/7/2019 ژ ئه‌گه‌رێ كێشه‌یه‌كا جڤاكى گه‌نجه‌كێ كه‌سه‌كى ده‌ته به‌ر گوله‌یان و بریندار دكه‌ت.
وى ژێده‌رى دیاركر ئه‌و روودان ل كومه‌لگه‌ها گرشینێ سه‌ر ب قه‌زا سێمێلێ ڤه دروست بویه و پشتى بریندار بونا وى كه‌سى ل ده‌مژمێر دوویێ پشتى نیڤرۆ ، بریندارگه‌هاندینه پشكا هاوار هاتنێ ل نه‌خوشخانه‌یا زاخۆ ، دنوكه دا ره‌وشا وى بریندار باشتره و ل بن كونترولا نوژداران دایه و چو مه‌ترسیه‌ك ل سه‌ر گیان ژده‌ست دانا وى نه‌مایه.
ل گوره‌ى زانیاریێن ب ده‌ست ئه‌ڤرۆ نیوز كه‌فتین ئه‌و كێشه‌یه ژئه‌گه‌رێ خوینداریێ دناڤبه‌را دو بنه‌مالان دا ڤه‌دگه‌ریت و كو به‌ریا شه‌ش سالان ئه‌ڤ كێشه‌یه دناڤبه‌را وان هه‌ردوو بنه‌مالان دا سه‌ر هه‌لدایه.
ئەڤرۆ نیوز:
لقێ ٣ یێ پارتی د داخۆیانیەکێ دا دیار دکەت کو هەلبژارتنێن ل کەرکووکێ دڤێت ل گۆر دستووری بیت و نها رەوش ل کەرکووکێ بۆ هندێ گونجای نینە، چونکو ب هزاران وەلاتیێن کورد ل کەرکووکێ ژ بەر رەوشا نەئاسایی ئاوارەیی دەڤەرێن دی بووینە و بێگومان ئەو یەک دێ کارتێکرنەکا خراب ل چارەنڤیسێ کوردان کەت.
لقێ ٣ یێ پارتی هەروەسا دیار دکەت کو پشتی خیانەتا ١٦ ئۆکتۆبەرێ دەستهەلاتا سەربازی ل کەرکووکێ هاتیە سەپاندن و هەکە نها هەلبژارتن بهێنە کرن دێ ئەنجامێن وێ بۆ کوردان خراب بن و دڤێت سەرژمێری ل کەرکووکێ بهێتە کرن و وەسا هەلبژارتن ژی بهێنە کرن.
ئه‌ڤرۆ، له‌زگین جوقى:
رێڤه‌به‌رێ گشتى یێ كاروبارێن ئێزدیان دیاركركو ل رۆژا 31/7/2019 ورۆژا 1/8 و 2/8/2019 بۆ هه‌موو فه‌رمانبه‌رێن ئێزدى دى بیته بێهنڤه‌دان.
خه‌یرى بۆزانى، رێڤه‌به‌ریا گشتیى یێ كاروبارێن ئێزدیان ل وه‌زارتا ئه‌وقاف و كاروبارێن ئاینى حكومه‌تا هه‌رێما كوردستانێ ئاشكرا كر كو ل رۆژا چار شه‌مبى 31/7/2019 دى ده‌ست ب بهنڤه‌دانا فه‌رمێ بۆ فه‌رمانبه‌رێن ئێزدى هێته‌دان هه‌تا رۆژا 2/8/2019 دڤان سێ رۆژان دا رێ وره‌سمێن جه‌ژنا چلێ هاڤینێ دهێنه گێران.
ئەڤرو (۲۰۱۹/۷/۲٤)لیژنا دوفچوونا بازاری ل قائیمقامیا قەزا دهوکێ، دوفچوونا هژمارەکا خوارنگە ونانپێژیان ل دهوکێ کرن.
یوسف محمەد حەسەن بەرپرسێ لیژنا دوفچوونێ ئاشکراکر دوفچوونا لێنانگەهێن چەند خوارنگەهان هاتیە کرن گوت پشتی هەبونا چەندین کێماسیان بریار هاتە دان سوبەهی خوارنگەهێن پاشا وخان کەباب بهێنە داخستن هەتا وان رێنماێن لیژنا دوفچوونێ بهێنە بجهئینان.
ئەڤرۆ نیۆز:
ئەڤرو (۲۰۱۹/۷/۲٤) لیژنا دوقچوونا بازاری ل قائیمقامیا قەزا دهوکێ، دوفچوونا هژمارەکا خوارنگە ونانپێژیان ل دهوکێ کرن.
یوسف محمەد حەسەن بەرپرسێ لیژنا دوفچوونێ ئاشکراکر دوفچوونا لێنانگەهێن چەند خوارنگەهان هاتیە کرن و گوت : پشتی هەبونا چەندین کێماسیان بریار هاتە دان سوبەهی خوارنگەهێن پاشا وخان کەباب بهێنە داخستن هەتا وان رێنمایێن للیژنا دوفچوونێ بهێنە بجهئینان.
ئه‌ڤرۆ نيوز:
ئدريس زۆزانى، به‌رپرسێ راگه‌هاندنا لقێ 17 ل شنگال راگه‌هاند كو شه‌ر د ناڤبه‌را چه‌كدارێن داعش و گۆندێ خانه شه‌هوانيه ل نێزيك كارگه‌ها كونكريتى يا شنگال دا چێبوو.
ب گۆره‌ى گۆتنێن ناڤبرى نێزيكى 15 چه‌كدارێن داعش هاتينه دوورپێچكرن ژ لايێ خه‌لكى ڤه و شه‌ر و پێكدادان يێ به‌رده‌وامه.
ئدريس زۆزانى گۆتژى: “دو وه‌لاتيێن گۆندى به‌رزه ببوون و هنده‌كێن دى ب دووڤدا چووبوون ديت چه‌كدارێن داعش يێن ل ناڤ گۆندى و شه‌ر د ناڤبه‌را وان دا دروست بوويه”.
به‌رپرسێ راگه‌هاندنا لقێ 17 ئاماژه ب وێ چه‌ندێ ژى كر كو هێزێن عيراقى ژى يێن گه‌هشتينه جهێ شه‌رى دا كو شه‌رى كۆنترۆل بكه‌ن به‌لێ هه‌تا نڤيسينا ڤى خه‌به‌رى هێشتا شه‌ر يێ به‌رده‌وام بوو.
نيشاندان