ئه‌ڤرۆ نيوز:
وه‌زاره‌تا ڤه‌گۆهاستن و گه‌هاندنا هه‌رێما كوردستانێ ئه‌ڤرۆ رۆژا سێشه‌مبى ئاشكرا كر وان ده‌ست ب جێبه‌جێكرنا سيسته‌مێ (IPS) كه‌ت ب ڤێ چه‌ندێ پوسته‌يا هه‌رێما كوردستانێ دێ چيته ناڤ تۆرا په‌يوه‌نديێن جيهانى.
ل دووڤ راگه‌هاندنه‌كا وه‌زاره‌تا ڤه‌گۆهاستن و گه‌هاندنا هه‌رێمێ به‌لاڤ كرى، پشتى تێكه‌لبوونا عيراقێ ب سيسته‌مێ IPS يێ جيهانى هه‌رێما كوردستانێ ژى برێيا سه‌نته‌رێ نيڤده‌وله‌تى ئالوگۆر كريه، پشتى ب دووماهى هاتنا خولا مه‌شق و راهێنانێ ل سه‌ر سيسته‌مێ ناڤهاتى ئه‌نجامدايه ب هه‌ڤكاريا راهێنه‌رێن عيراقى كو دێ بيته پشكه‌ك ژ سيسته‌مێ نێڤده‌له‌تيا پوسته‌ى.
ل دووڤ ڤێ راگه‌هاندنێ ده‌سپێكا ڤى سيسته‌مێ نوو دێ ل رێڤه‌به‌رى و نڤێسينگه‌هێن ڤه‌گۆهاستن و گه‌هاندنێ يێن حوكمه‌تێ هێته بكارئينان پاش بۆ وه‌لاتى ژى دشێن برێيا مفاى ژ ڤى سيسته‌مى وه‌رگرتن و هارتن و وه‌رگرتنا پوسته‌ى دگه‌ل وه‌لاتێن جيهانێ بكه‌ن راسته‌وخو بريێا كودێ پوسته‌يان دووڤچوونێ بكه‌ن.
ئەڤرۆ نیوز:
وەکو نەرازیبوونەک ل هەمبەر هێرشا ل ترابزۆنێ ل باژێرێ ئامەدێ ژوورا بازرگانی و گەلەک سازیێن دی یێن مەدەنی ب گولان پێشوازی ل گەشتیارێن هەرێما کوردستانێ کرن.
سازیێن سڤیل ل باژێرێ ئامەدێ دیار کرن کو دڤێت ل تورکیا وەکو پێدڤی رێز ل وەلاتیێن هەرێما کوردستانێ بهێتە گرتن و هەلویستێ مە ل دژی وان کەسانە یێن ل ترابزۆنێ هێرشی وەلاتیێن کورد کری.
ئه‌ڤرۆ نيوز:
جڤاتا گشتييا گۆران ژڤانێ گرێدانا كونگرێ نشتيمانى يا حزبا خوه دياركر و داخوازا په‌سه‌ندكرنێ ژلايێ جڤاتا نشتيمانى كريه.
نورى حاجى فه‌تاح ئه‌ندامێ جڤاتا گشتى يا ته‌ڤگه‌را گۆران دياركر ئه‌ڤرۆ رۆژا سێشه‌مبى جڤاتا گشتى يا ته‌ڤگه‌را گۆران كومبوو د ڤێ كومبوونێ دا ژڤانێ گرێدانا كونفرانسێ نشتيمانى ئاشكرا كر كو دێ ل هه‌يڤا چريا دوويێ يا ئه‌ڤ ساله هێته ئه‌نجامدان، ئانكو پشتى 100 رۆژێن دى، ديسان جڤاتا گشتى يا گۆران بزاڤێن خوه زێده‌كرينه داكو وه‌زيرێن كابينه‌يا نوكه يا حوكمه‌تێ خزمه‌ته‌كا باش بۆ خه‌لكى بكه‌ن و پشته‌ڤانيا خوه بۆ كابينه‌يا نه‌هێ يا حوكمه‌تێ هه‌رێمێ راگه‌هاند.
ئه‌ڤرۆ نيوز:
ل دووڤ برياره‌كا وه‌زاره‌تا دارايى يا حوكمه‌تا هه‌رێما كوردستانێ كو ئيمزايا وه‌زيرێ به‌رێ يێ دارايى رێباز حه‌ملان ل سه‌ره بريار دايه ده‌رماله‌يێن مه‌ترسيىێ بۆ هنده‌ك فه‌رمانبه‌رێن وه‌زاره‌ته‌كا هه‌رێمێ ده‌ركريه.
ل دووڤ ڤێ نڤيساره‌كێ كو به‌لاڤ بوويه ژ رۆژا 1-1-2019 ده‌رماله‌يێن مه‌ترسيێ ب رێژه‌يا 30% بۆ فه‌رمانبه‌رێن ( ئه‌ندازياريا كشتوكالى، رابه‌رى كشتوكالى، چاڤدێر، باخچه‌ڤان) سه‌ر ب وه‌زاره‌تا باژێرڤانيان بهێنه مه‌زاختن و سه‌رهجه‌م گه‌نجينه‌يێن هه‌رێمێ ژى ل سه‌ر ڤێ بريارێ هاتينه ئاگه‌هداركرن.
ئەڤرۆنیۆز، سالار دۆسکی:
شاندەکێ حوکمەتا ھەرێما کوردستانێ ب مەرەما ھێلکولانا چەند گورێن ب کۆم ل پارێزگەھا (سەماوە) یە ل باشورێ عیراقێ، ئەندامەکێ شاندی ژی ئاشکرادکەت کو ھەتان وکە سێ گورێن ب کۆم ھاتینە دیتن.
عەلی ئەنفال، بەرپرسێ سەنتەرێ ئەنفال، ئەندامێ شاندێ ناڤبری یە بۆ ئەڤرۆ نیۆز ئاشکراکر کو رێکەفتی ٢٢/٧/٢/٢٠١٩ شاندەکێ وەزارەتا شەھیدان و ئەنفالکریا ل حوکمەتا ھەرێما کوردستانێ گەھشتیە باژێرێ سەماوە و ماوێ حەفتیەکێ دێ مینن، ئارمانج ژ سەردانێ دیتنا گورێن ب کۆمە.
بەرپرسێ سەنتەرێ ئەنفال گۆتژی: نوکە گورەک ھاتیە ھێلکولان ل رۆژئاڤا باژێرێ سەماوە ب دوراتیا ١٣٠ کم، ئەڤ گورە ھەموو ژن و زارۆکن و خەلکێ گەرمیانن و ھەژمارا کەسێن دناڤا گوری دا ھاتینە دیتن نێزیکی ١٠٠ کەسانە مێژوویا ڤی گووری بۆ ئەنفالێن سالا ١٩٨٨ دزڤریت و ھەموو ب چەکی ھاتینە گولەبارانکرن و دووڤ دا ھاتینە بن ئاخکرن، دیسا دو گورێن دی ژی ھاتینە دیتن لێ ھەتا نوکە نەھاتینە ھەلکولان.
عەلی خواست ژی نوونەرێن کوران ل بەغدا پتر گڤاشتنێ ل سەر حوکمەتا عیراقێ بکەت ب وێ مەرەمێ لێبورینێ ژ خەلکێ کوردستانێ ب خازیت، کار بکەت جڤاکێ نیڤ دەولەتی ڤێ کەیسێ ب جینوساید بدەتە نیاسین.
ئەڤرۆ نیوز، بارزان مزووری:
موقەدمێ مافپەروەر ئازاد تاھا، بەرپرسێ پەیوەندی و راگەھاندنا رێڤەبەریا پولیسێن ھاتن و چوونا پارێزگەھا دھۆک بۆ ئەڤرۆ نیوز گۆت: ئەڤرۆ دەمژمێر ٢ پشتی نیڤرۆ رێککەفتی ٢٣/٧/٢٠١٩ ل سەر رێیا سەرەکیا شێخان بۆ ناحیا روڤیا ل نێزیک کومەلگەھا چرەی رویدانەک دناڤبەرا ترومبێلەکا بارھەلگر ژ جورێ تانکەر و ترومبێلەکا ھوندا ئەزیرا تایبەت رویدا د ئەنجام دا زەلامەکی و ئافرەتەکێ گیانێ خۆ ژ دەست دا بۆ نوژداریا داد ل پارێزگەھا دھوک ھاتنە رەوانەکرن
ناڤھاتی خویاکر ژن و زەلام دناڤ ترۆمبێلێ دا مابونە ئاسێ زێدەتری ٢٠ خولەکا ھەتا پولیس و پولیسێن ھاتن و چوونێ شیاینە دەربێخن، ژبلی زیانێن گیانی زیانێن مەزن ب ترومبێلا ھوندا ئەزیرا کەفتبوون، شوفێرێ ترۆمبێلا بارھەلگر ژلایێ پولیسان ڤە ھاتیە دەستەسەرکرن ڤەکولین دگەل یا بەردەوامە.
ناڤھاتی گوت: ئەو کەسێن گیانێ خۆ ژ دەست داین ژن و مێرن خەلکێ کەرکوکێ نە.
ئه‌ڤرۆ نيوز:
پرۆژه‌يه‌ك بۆ هه‌ڤسه‌نگ كرنا مووچێن پێشمه‌رگه‌ى دگه‌ل هێزێن وه‌زاره‌تا نافخو هاتيه ئاماده كرن و چاڤه‌رێ يه حوكمه‌ت و وه‌زاره‌تا پێشمه‌رگه‌ى دوماهى بريار ل سه‌ر ڤێ چه‌ندێ بده‌ن.
شوان ره‌ئوف بريارده‌رێ لژنا پێشمه‌رگه‌ى د په‌رله‌مانێ كوردستانێ دا دياركر بابه‌تێ هه‌ڤسه‌نگ كرنا ئمتيازات و مووچێن پێشمه‌رگه‌ى دگه‌ل هێزێن وه‌زاره‌تا نافخويا ب دووماهى هاتيه و كاره‌كێ باش بۆ هاتيه كرن و قوناغا ئێكێ ژى ب دووماهى هاتيه و نوكه تنێ مايه حوكمه‌ت و وه‌زاره‌تا پێشمه‌رگه‌ى وه‌ك لايه‌نێن جێبه‌جێكار بوچوونێن خوه يێن دووماهى ل سه‌ر ڤێ چه‌ندێ بده‌ن و پاشان پێشكێشكى سه‌رۆكاتيا په‌رله‌مانى بهێته كرن و ل ڤان نێزيكان ژى دێ سه‌ره‌دانا وه‌زيرێ پێشمه‌رگه‌ى ژى كه‌ن و دگه‌ل جڤاتا وه‌زيران ژى گوتوبێژان ل سه‌ر ڤێ چه‌ندێ كه‌ين.
ژلايێ خوه ڤه جه‌مال ئێمينكى سوپا سالارێ پێشمه‌رگه هه‌رێمات كوردستانێ دياركر ئه‌و دێ پشته‌ڤانيا هه‌ر برياره‌كا زێده‌كرنا مووچێن پێشمه‌رگه‌ى كه‌ن و به‌رى نوكه به‌غدا مووچێن پێشمه‌رگه‌ى نه هنارت بوون و قه‌يرانا دارايى ژى ل كوردستانێ هه‌بوو لێ ژ نوكه دخوزين مووچه و ئمتيازێن پێشمه‌رگه‌ى باشتربن.
ئه‌ڤرۆ نيوز:
بوريس جونسون وه‌زيرێ ده‌رڤه يێ به‌رێ بريتانيا و باژێرڤانيا له‌نده‌ن وه‌ك سه‌رۆك وه‌زيرێن نوو يێ وى وه‌لاتى هاته هه‌لبژارتن.
ئه‌ڤرۆ رۆژا سێشه‌مبى 23-7-2019، ئه‌ندامێ پارتا پارێزگاران ل بريتانيا ده‌نگ ب بوريس جونسون دا داكو بيته سه‌رۆك وه‌زيرێن نوو وى وه‌لاتى، هه‌لبژارتنا جونسون هات پشتى سه‌رۆك وه‌زيرا به‌رى نوكه يا بريتانيا ترێزا مه‌ى ده‌ست ژ كارێ خوه به‌رداى پشتى نه‌شياى باوه‌ريا ده‌ركرنا وه‌لاتێ خوه بريتانيا ژ ئێكه‌تيا ئوروپى ده‌ستڤه‌بينت د په‌رله‌مانى دا و برياره سوبه‌هى بوريس جونسون ب فه‌رمى ده‌ست ب كارێ خوه بكه‌ت وه‌ك سه‌رۆك وه‌زيرێن برێتانيا يێ نوو .
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا باژێرڤانيا دهۆكێ راگه‌هاند كو كاركرن ل سه‌ر هه‌ر پێنج پرۆژێن وان ب ئێك پاكێچ كه‌فتيه د وارێ ب جهئينانێ دا و نها كار ل سه‌ر پرۆژێ جاددا كه‌مه‌رى بوويه 7%ێ و ئه‌ڤرۆ ژى ده‌ست ب كاركرن ل سه‌ر جاددا خزمه‌تگۆزارى يا لايێ راستێ يێ جاددا بارزان هاته كرن.
ئاشكه‌را ژى كر كو پشتى ئه‌ڤ هه‌ردو پرۆژه ب دووماهى دهێن دێ هاتنوچوون بۆ وان جاددان هێته ڤه‌گوهاستن و پاشان ژى ده‌ست ب پرۆژێ چێكرنا هه‌رسێ ئۆڤه‌رپاسان هێته كرن.
نيشاندان