ئه‌ڤرۆ نيوز:
د چارچۆڤێ گه‌را 37 ژ خۆلا عيراقى بۆ يانێن پلا ناياب ئه‌ڤرۆ پێنجشه‌مبى 18/7/2019 يانا نه‌فتولوه‌سه‌ت يا نه‌جه‌فى ل ياريگه‌ها خوه ل سه‌ر يانا هه‌ولێر ب ئه‌نجامێ 3-1 ب سه‌ركه‌فت.
ب ڤى ئه‌نجامى خالێن يانا نه‌فتولوه‌ست گه‌هشتنه 49 خالان و ل رێزا 7 د رێزبه‌ندا خۆلا عيراقێ دا دهێت ويانا هه‌ولێر ب 47 خالان ل رێزا 10 دهێت.
ئەڤرۆ نیوز، عەلی حاجی :
تورا زاخۆ یا رێكخراوێن جڤاكا سڤیل روونشتەك دگەل سەروكێ باژێرڤانیا زاخۆ ئەنجام دان و تێدا چەندین پێشنیار ئاراستەی سەروكێ باژێرڤانیێ كرن ل سەر زێدەكرنا كەسكاتیێ ل زاخۆ و چارەسەركرنا جەلالێن زاخۆ .
ئەحمەد نوری ، ئەندامێ تورا زاخۆ یا رێكخراوێن جڤاكا سڤیل بۆ ئەڤرۆ نیوز دیار كر وەكو تورا زاخۆ زێدەتر گرنگیا ب ژینگەها باژێرێ زاخۆ د دەین، لەورا د روونشتنا دگەل سەروكێ باژێرڤانیا زاخۆ دا ، مه چەندین پێشنیار ل دۆر زێدەكرنا كەسكاتیێ ل زاخۆ دان و هەر دیسان بابەتێ جەلالێن زاخۆ بهێتە چارەسەر كرن داكو ئەو ئاڤا پیس نەبیتە ئەگەرێ گەلەك نەخوه‌ەشیان بۆ هاولاتیان و ژینگەهێ ژی تێك نەدەت .
گۆت ژى” د نوكە دا زاخۆ پێدڤیەكا مەزن ب ژینگەهەكا ساخله‌م وپاقژ يا هه‌ى، ڤێ چه‌ندێ دێ كەینە رێیەك ژی دا كو دگەل هەر پروژەیەكێ گرنگی ب كەسكاتیێ ژی بهێتە دان ، ژلایەكێ دیتر ڤە ژی ئەم ب رێیا خوە رەوشەنبیریا پاراتسنا ژینگەهێ ل دەڤ خەلكی پەیدا بكەین و ئەڤە ژی دێ بیتە ژ خالەكا گرنگ ئەم كار ل سەر بكەین”.
ئەڤرۆ نیوز ، عەلی حاجی :
د داخویانیەكێ دا سەروكێ یانا زاخۆ بۆ ئەڤرۆ نیوز دياركر كو ب شێوەیەكێ فەرمی مە سكالا ل سەر سەروكێ یانا سیناعە تومار كريه بەرامبەر وان گوتنێن د دەرحەقی یانا زاخۆ دا گوتین ، یاریەكا ئاسایی د ناڤبەرا مە و برایەتی دا هاتە ئەنجامدان و ئەم ب شیانێن خوە سەركەڤتین .
حەمید سەلمان زێدەتر گوت : بۆ وێ چەندێ مە پارێزەرەك دەست نیشان كریە ب شێوەیەكێ فەرمی ژی مە سكالا ل سەر سەروكێ یانا سیناعە تومار كریە بەرامبەر وان گوتنێن بێ بنەما ، بەروڤاژی یانا سیناعە ب چەندین رێكێن نەقانوونى دخواست یانا وان ب سەركەڤیت، بەلێ ب هێزا یاریزان و راهێنەران مە شیا دەربازبوونا خوە بۆ خولا نایابا عێراقێ یا تەپاپێ مسوگەر بكەین ، پیروزباهیێن خوە ل هەمی كوردستانێ دكەم ژبەر كو چاڤێ هەمی كوردستانیان ل یانا زاخۆ بوو ، و گوت : ئەز سوپاسیا ئیدریس نێچیرڤان سەروكێ نوویێ فەخریێ یانا زاخۆ دكەم كو ب رێیا تەلەفونێ بەردەوام دگەل مە دا بوو و هاریكاریەكا باش پێشكێشی یانێ كر هەتا مە شیایی سەركەڤین .
گوت ژی : ئارمانجا مە برنا ناسناڤێ خولا پلە ئێكا عێراقێ یە و ل سەر داخوازیا مە یاریا دوماهیا خۆلا پله ئێك يا عيراقێ ل بەرامبەر يانا ئه‌لقاسم ، ژ یاریگەها یانا سیناعە هاتە ڤەگوهاستن بۆ یاریگەها یانا كەرخ ، ل بەرامبەر وان روودانێن دروست بووین ژبەر كو هەتا رادەیەكێ مەزن یانا سیناعە نەرەحەت كریە و ئەم د بەرهەڤیەكا تەمام داینە تا كو بشێن ناسناڤی پێشكێشی جەماوەری بكەین وەكو دیاری .
ئه‌ڤرۆ نيوز:
حوكمه‌تا هه‌رێما كوردستانێ ئه‌ڤرۆ پێنجشه‌مبى 18/7/2019 راگه‌هاند، روودانا ته‌قه‌كرنا دوهى يا هه‌ولێرێ، كرياره‌كا تيرۆرستى يا ئارمانجدار وپلان بۆ دارێشتى بوو.
جوتيار عادل، په‌يڤدارێ حوكمه‌تا هه‌رێما كوردستانێ د رۆهنكرنه‌كێ دا به‌لاڤكر” ل دووڤ ڤه‌كۆلينێن ده‌ستپێكه، روودانا ته‌قه‌كرنا هه‌ولێرێ ل رۆژا 17 ته‌مووزا 2019 كو بوو ئه‌گه‌رێ گيان ژ ده‌ستداا سێ كه‌سان، كرياره‌كا تيرۆرستى يا ئارمانجدا وپلان بۆ دارێشتى بوو”.
دياركر ژى” ڤه‌كۆلين يا به‌رده‌وامه وپێشڤه‌چوون تێدا يا هه‌ى ول ڤان نێزيكان دێ وه‌لاتيان ل دۆر قۆناغێن ڤه‌كۆلينى ئاگه‌هدار كه‌ين”.
ئەڤرۆ نیوز، عەلی حاجی :
پشتی شیاین ئەنجامێن باش ل سەر ئاستێ پەروەردا زاخۆ ب دەست خوەڤە بینن ، قایممقامێ زاخۆ و رێڤەبەرێ پەروەردا زاخۆ د دو هەلكەڤتێن جودا دا 10 قوتابیێن نمرێن باش ب دەست خوەڤە ئیناین خەلات كرن .
نەزیر یوسڤ ، رێڤەبەرێ پەروەردا زاخۆ بۆ ئەڤرۆ نیوز گۆت” پشتی 10 قوتابیێن زاخۆ ل سەر ئاستێ رێڤەبەریا مە شیاین ئەنجامەكێ باش ل سەر ئاستێ دوازدێ وێژەیی و زانستی و بنەرەت شیاین نمرێن باش ب دەست خوەڤە بینن و ل رێزێن ئێكێ و دووێ و سیێ بهێن ، وەكو پشتەڤانیەك بۆ ڤان قوتابیان مە ب كوژمەكێ پارەیی ئەڤ قوتابی یە خەلات كرن و دێ بەردەوام ژی بین ل سەر وێ چەندێ دا كو ببیتە پشەڤانیەكا باش بۆ ڤان قوتابیان و قوتابیێن دی ژی و ئەنجامێن ڤان قوتابیان ژی د دلخوەشكەر بوون”.
گوت ژی ” ژلایێ خوەڤە ژی قایممقامێ زاخۆ ئەڤ قوتابی یە ب گوژمەكێ مادی خەلات كرن ئەڤە ژی دەستپێشخەریەكا باش بوو، لەورا ئەم داخواز دكەین لایەنێن پەیوەندیدار ل زاخۆ هاریكار بن دگەل ڤان قوتابیان و زێدەتر هاریكاریێن مادی و مەعنەوی پێشكێشی وان بكەن”.
ئه‌ڤرۆ نيوز:
ئێڤاريا ئه‌ڤرۆ پێنجشه‌مبى 18/7/2019 له‌شكرێ توركى ب دو مۆشه‌كان گوندێ سپيندارێ ل ناحيا چه‌مانكێ ل قه‌زا ئامێديێ توپبارانكر و دئه‌نجامدا سێ وه‌لاتى بريندار بوون وهاتنه هنارتن بۆ نه‌خوه‌شخانێن باژێرێ دهۆكێ.
پشتى فرۆكه‌كا له‌شكرێ توركى چاڤدێريا ترومبێله‌كا چه‌كدارێن په‌كه‌كێ كرى، ل دووڤ كوردستان 24، ترومبێلا ناڤبرى چوو د ناڤ گوندێ سپيندارێ وفرۆكان ژى نێزيك ترومبێلا وان چه‌كداران تۆپبارانكر د ئه‌نجامدا چه‌ند وه‌لاتى بريندار بوون، پشتى تۆپبارانكرنێ ژى سێ چه‌كدارێن په‌كه‌كێ كو د ترومبێلێ دا بوون، د ناڤ گوندى دا ژ لايێ وه‌لاتيان وه‌كو ديل هاتنه ده‌سته‌سه‌ركرن كو ژ ئه‌گه‌رێ وان گوندێ ناڤبرى هاته بوردومانكرن”.
ئەڤرۆ نیوز، مەحمود نهێلی
د روودانەکا دلتەزین دا و ژ ئەنجامێ لێدانا ترۆمبێلێ ل سەنتەرێ قەزا ئامێدیێ نیڤرۆیا ئەڤرۆ ۱۹/۷/۲۰۱۹ کچەکا تەمەن ۱۰ سالی گیانێ خوە ژدەست دا.
موقەدەم هێمن سلێمان بەرپرسێ راگەهاندنا پولیسێن پارێزگەها دهوکی بو ئەڤرۆ نیوز دیار کر، روودان ددەمەکی دا چێبوویە، ترۆمبێلا غازێ دەمێ کو غاز بو مالەکێ دداننا ل سەنتەرێ قەزا ئامێدیێ ئەڤ کچا بناڤێ ( شادان هەژی موحسن) د کەڤیتە بن ترۆمبێلێ و تا گەهاندیە نەخۆشخانێ گیانێ خوە ژدەست دایە. ناڤهاتی ئاشکرا ژی کر، کو تەمەنێ وێ زارۆیێ دورێن ۱۰ سالانە و روودان ب قەزا و قەدەر دروستبوویە و دیار کر، شوفێرێ ترۆمبێلێ هاتیە دەستەسەرکرن و لێکولینان ل سەر روودانێ دەسپێکریە.
ئه‌ڤرۆ نيوز:
حاكم ئه‌حمه‌د ئه‌نوه‌ر، سه‌رۆكێ ده‌سته‌يا ده‌ستپاكيێ ل هه‌رێما كوردستانێ د كۆنگره‌كێ رۆژنامه‌ڤانى دا راگه‌هاند كو هه‌رێما كوردستانێ پێدڤى ب چاكسازيا راسته‌قينه هه‌يه و پێدڤيه ب له‌ز جڤاته‌ك بۆ به‌رسينگگرتنا گه‌نده‌ليێ بهێته دانان.
حاكم ئه‌حمه‌د گۆتژى: “داخوازێ ژ حوكمه‌تێ دكه‌ين وه‌كو وان ب خوه راگه‌هاندى، به‌رسينگێ گه‌نده‌ليێ بكه‌نه كارێن خوه يێن ده‌سپێكى، ئه‌وێ پرسێ ب گرنگ وه‌ربگريت و هه‌رێما كوردستانێ پێدڤى ب چاكسازيه‌كا راسته‌قينه هه‌يه، خه‌لكێ كوردستانێ داخوازا دژاتيكرنا گه‌نده‌ليێ دكه‌ت و دخوازيت چاكسازى بهێته كرن”.
داخواز ژى ژ كابينا نوو يا حوكمه‌تێ كر كو هه‌ر وه‌كو به‌غدا جڤاته‌كا كارا بۆ دژاتيكرنا گه‌نده‌ليێ بهێته پێكئينان. ل به‌غدا حه‌فتيانه ئه‌و جڤات كاروچالاكيێن خوه دكه‌ت، ل ڤێره بلا ب ناڤه‌كێ جودا بيت و گه‌له‌ك يا گرنگه ئه‌و جڤات هه‌بيت و حه‌فيانه و هه‌يڤانه كۆم ببيت و به‌رنامێ پێدڤى بۆ چاكسازيێ بدانيت و كار بكه‌ت بۆ ده‌ركرنا قانوونێن نوو ل په‌رله‌مانێ كوردستانێ.
سه‌رۆكێ ده‌سته‌يا ده‌ستپاكيێ داخواز ژى كر، دادگه‌هه‌كا تايبه‌ت ب پرسا گه‌نده‌ليێ بهێته پێكئينان بۆ وێ مه‌ره‌مێ كو پرۆسه ب له‌ز تر ب رێڤه بچيت.
ئەڤرۆ نیوز:
فه‌رهاد ئه‌مین ئه‌تروشى پارێزگه‌رێ دهوكێ پێشوازیا ( فیكتوریا لینتسه‌یى) به‌رپرسا ده‌زگه‌هێ برێتش كاونسل ل ئیراقێ وشاندێ دگه‌لدا كر.
دهه‌ڤدیتنه‌كێدا به‌حسێ پروژێن په‌روه‌ردێ وچاوانیا په‌ره‌پێدانا كه‌رتێ فێركرنێ و ته‌خا گه‌نجان ب رێكا رونشتن ودیبه‌ت ومێزگه‌ردان هاته كرن.
به‌رپرسا ده‌زگه‌هێ برێتش كاونسل ته‌كه‌زكر ژئیرو پێده ئه‌و دێ پتر پشته‌ڤانیا زانكویا پولیته‌كنیكى وته‌خا گه‌نجان ل سنورێ پارێزگه‌هێ كه‌ن ئه‌وژى ب رێكا دیبه‌یت ورونشتن ومێزگه‌ردا ژبو په‌ره‌پێدانا هزر وشیانێن قوتابى وگه‌نجان .
پارێزگه‌رێ دهوكێ خوشحالیا خو ب سه‌ره‌دانا شاندێ ناڤبرى دیاركر وده‌ست خوشى ل ده‌زگه‌هێ برێتش كاونسل كر وئه‌و خزمه‌تا پێشكێشدكه‌ن وخواست ئاستێ هاریكاریێن وان بو كه‌رتێ په‌روه‌ردێ وته‌خا گه‌نجان زێده‌تر لێ بهێت.
هه‌ژى گوتنێ یه به‌رپرسا ده‌زگه‌هێ برێتش كاونسل ل ئیراقێ سه‌را چه‌ند سازیێن په‌روه‌ردێ ل پارێزگه‌هێ دابو وژنێزیك هایدارى ره‌وشا وان ببو.
ئه‌ڤرۆ نیوز، له‌زگين جۆقى:
رێڤەبەرێ گشتیێ ساخلەمیا پارێزگەھا دھۆکێ دیارکر کو شاندەکێ رێکخراوا ساخلەمیا جیھانێ سەرا ساخلەمیا دھۆکێ دا بۆ دیتنا خزمەتیێن ساخلەمیێ و دو ترۆمبێلێن ھاوارھاتنی پێشکێشی ساخلەمیا دھۆکێ کرن.
د. نزار عسمەت، رێڤەبەرێ گشتیێ ساخلەمیا پارێزگەھا دھۆکێ دیارکر کو رێکخراوا ساخلەمیا جیھانی نە ب تنێ ھاریکاریا وان ب ئەمبۆلانسان کریە، بەلکۆ شیانێن وان ژی ب ھێز کرینە ب رەنگەکی کو ھێز و شیان ل دەف وان دروست ببن دا کو خوە ل بەر سینگێ ھەموو قەیرانان بگرن.
رێڤەبەرێ گشتی یێ ساخلەمیا پارێزگەھا دھۆکآ گۆت: “ھەتا ئەڤرۆ ژی پشتەڤانیا وان بۆ ساخلەمیێ یا بەردەوامە، بەری نھا ھاریکاریا مە کریە کو نەخۆشخانێن خوە رابگرین و بەردەوامیێ بدەینە خزمەتکرنا وەلاتیان ل دەزگەھێن ساخلەمیێ”.
د. نزار عسمەت زێدەتر گۆت: “د وارێ ھاوارھاتنێ ژی ھاریکاریێن وان د بەردەوامن؛ جارەکێ 15 ئەمبۆلانس و جارەکێ ژی ھەشت ئەمبۆلانس و نھا ژی دو بۆ رێڤەبەریا گشتی یا ساخلەمیێ دابینکرینە”.
ئاماژە ب وێ چەندێ ژی کر کو رێکخراوا ساخلەمیا جیھانی سەنتەرێ خزمەتێن 122 یێ ھاوارھاتنێ ل سێمێلێ ژی دانایە دا کو خزمەتا خەلکێ وێ قەزایێ ژی بھێتە کرن و گۆت: “داخوازێ ژ رێکخراوا ساخلەمیا جیھانی دکەین کو خزمەت و پشتەڤانیێن وان د بەردەوام بن ب تایبەت د وارێ ساخلەمیا دەروونی و خوە پاراستنێ دا”.
د. ئەحمەد مونزری رێڤەبەرێ گشتی یێ رێکخراوا ساخلەمیا جیھانی ل رۆژھەلاتا ناڤەراست دیارکر کو سەرەدانا وان بۆ دھۆکێ بۆ ھندی یە بشێن پتر ھەڤکاریا دامودەزگەھێن ساخلەمیا دھۆکێ بکەن و دو ترۆمبێلێن ھاوار ھاتنێ پێشکێشی وان بکەین، “مە سەرەدانا نەخۆشخانێ کر مە دیت د ئاستەکێ بلند دا ھەموو خزمەتێن ساخلەمیێ پێش کێش دکەن و زۆر یا پیشکەفتی یە، بوویە نەخۆشخانەکا فێرکرنێ و ئەکادیمی ل سەر ئاستی دەڤەرێ ئەڤە پێنگاڤەکا زۆر گرنگە ھاتیە ھاڤێتن، ئەم گەشبین کرین، دێ بەردەوام بین ل سەر ھەماھەنگیێ و ھەڤکاریا ساخلەمیا دھۆکێ و پلان و بەرنامەێن مە بۆ دھۆکێ ھەنە دێ سەرەدانا کەمپێن ئاواران ژی کەین بۆ دیتنا خزمەتێن دھێنە پێشکیشکرن”.
نيشاندان