ئەڤرۆ نیوز:
ئەڤرۆ سەرۆک کۆمارێ ئیرانێ حەسەن رۆحانی راگەهاند کو وەلاتێ وی بەرهەڤە ل گەل ئەمریکا دەست ب گەرەکا دی یا دانوستاندنان بکەت، لێ بەری هندێ دڤێت ئەمریکا سزایێن ل سەر ئیرانێ راگەهاند و پێگیریا خوە ب رێککەفتنا ئەتۆمی یا بەری نها دیار بکەت.
ل ئالیێ دی مایک پۆمپیۆ وەزیرێ دەرڤە یێ ئەمریکا ژی راگەهاند کو ئیران بەردەوام هاریکاریا گرۆپێن تیرۆرستی دکەت و ئەمریکا دی سزایێن ل سەر ئیرانێ زێدەتر لێ کەت.
ئەڤرۆ نیوز:
ئەڤرۆ ب سەرۆکاتیا مەسرور بارزانی سەرۆکێ ئەنجوومەنێ وەزیران کۆمبوونا جڤاتا وەزیران برێڤە چوو و تێدا چەندین بریارێن گرنگ د بەرژەوەندیا وەلاتیان دا هاتنە دان.
ئێک: پێدڤیە سەرجەم وەزیر و خوەدان پۆستێن بلند پابەند بن ب دەواما فەرمی یا وەزارەتان ل دەستپێکا دەوامێ رۆژا پێنج شەمبی ھەتا دووماھیا دەواما فەرمی رۆژا پێنج شەمبێ.
دو: دڤێت سەرجەم فەرمانبەرێن حوکمەتا ھەرێمێ پابەند بن ب دەمێ دیارکری یێ دەواما فەرمی ڤە و بۆ چ کەسان نینە د دەمێ دەواما فەرمی دا جھێ کارکرنا خۆ بجه بھێلیت یان کارەکێ دی ژ دەرڤەی کارێ خوە بکەتن.
سێ: فەرمانبەر دڤێت پابەند بن ب پاراستنا نھێنێن کاروبارێن فەرمانبەرایەتیێ و نابیت ئەو پێزانینێن کو بـ نھێنی دھێنە پۆلێن کرن ژ دەرڤەی رێکارێن یاسایی بھێنە ئاشکراکرن.
چوار: دڤێت روتینێن ل دام و دەزگەھێن حوکمی نەمینن و سەرجەم معاملەیێن ھاوەلاتیان بــ رەنگەکێ بلەز و ھویر ژلایێ فەرمانبەران ڤە بھێنە برێڤەبرن.
ھەروەسا بەرسڤا سکالا و پرسیارێن ھاوەلاتیان ب رەنگەکێ بلەز و گونجایی ئەرکێ دام و دەزگەھێن حوکمەتێ یە و دڤێت بەرسڤا روھن و ئاشکرا بۆ معاملەیێن ھاوەلاتیان ھەبیت و ئەگەرێ ھەر گیروبوونەکێ یان نەدانا رازیبوونێ یا روھن و ئاشکرا بیت و پێدڤیە رێز ل ھاوەلاتیان ل دام و دەزگەھێن حوکمەتێ بھێتە گرتن.
پێنج: دیاردەیا بەرتیلدان و بەرتیل وەرگرتنێ د ناڤ دام و دەزگەھێن حوکمەتێ دا ھەست پێ دھێتەکرن، پێخەمەت بنبڕکرنا ئەڤێ دیاردێ کو دێ بیتە ئێک ژ کارێن پێشیێ یێن وەزیر و بەرپرسێن بلند د حوکمەتا ھەرێما کوردستانێ دا و ئەڤ بابەتە ب چو رەنگەکی چاڤپۆشین لێ ناھێتەکرن و سەرپێچیکار دێ ب توندی ھێنە سزادان.
ئەڤرۆ نیوز:
ل گۆر راپۆرتەکا مالپەرێ نێرینا ئازاد یا تورکی یەکینەیێن پاراستنا گەل ب هزاران چەکدارێن خوە ل گەل چەکێن گران و سڤک ژ سەرێکانیێ بەر ب سنورێ تورکیا برینە و گەلەک سەنگەرێن نوو ژی هاتینە دروست کرن.
د راپۆرتێ دا ئاماژە ب هندێ هاتیە کرن کو تورکیا دڤێت ل هندەک دەڤەرێن رۆژهەلاتێ فراتێ دەست ب ئۆپەراسیۆنان بکەت و یەپەگێ ژی بۆ هندێ هێزێن خوە ل سەر سنوری بجه دکەت.
ئەڤرۆ نیوز:
ئەڤرۆ د کۆمبوونا ئەنجوومەنێ وەزیران ب سەرۆکاتیا مەسرور بارزانی سەرۆکێ ئەنجوومەنێ وەزیران بریار هاتە دان کو شاندەک ژ هەرێما کوردستانێ سەرەدانا بەغدا بکەت.
مەسرور بارزانی راگەهاند کو سپێدێ دێ شاندەک ژ هەرێما کوردستانێ ب مەرەما چارەکرنا پرسێن د ناڤبەرا هەولێر و بەغدایێ دا دێ سەرەدانا بەغدایێ کەت دا ل دۆر پرسێن هەی دانوستاندن بهێنە کرن.
ئه‌ڤرۆ نيوز، نيوار محه‌مه‌د سه‌ليم:
د فه‌توايه‌كا تايبه‌ت ل دۆر شێوازێ حه‌جكرن ب رێيا بازرگانى كو وه‌زاره‌تا ئه‌وقاف و كاروبارێن ئاينى رێك خستيه بۆ حه‌جيان، حوكمه‌تێ شه‌عى د وێ ده‌ربارێ دا هاته روونكرن.
ب گۆره‌يى فه‌توايه‌كێ كو جڤاتا بلندا فه‌توايێ ل هه‌رێما كوردستانێ ده‌رێخستيه تێدا حه‌جگرن ب رێيا بازرگانى ب چه‌ند مه‌رجان روون كريه كو ئێك ژ وان ئاماژێ ب وێ چه‌ندێ دكه‌ت كو ب چو ره‌نگه‌كى يا دروست نينه كه‌سه‌ك ناڤێ خوه ب فرۆشيت.
د ئێك ژ خالێن ڤێ روونكرنێ دا هاتيه كو پێدڤيه ئه‌و ژى ب ره‌نگه‌كێ پشككێشانێ بۆ هه‌ر كه‌سێ بخوازيت بهێته كێشان و پشتى پشككێشانێ كه‌س ل جهێ كه‌سێ نه‌هێته دانان.
هه‌ر ديسان هاتيه ژى كو پێدڤيه وه‌زاره‌تا ئه‌وقافێ وان كه‌سان نه‌كه‌ته د ناڤ پشككێشانێ دا، يێن كو به‌رى نها پرۆسا حه‌جێ ئه‌نجام داين دا كو ده‌ليڤه ب هنده‌ك كه‌سێن دى بهێته دان.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 15ى تيرمه‌ها 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.500 دينار |
| 100 يۆرۆيێ ئه‌ورۆپى | 135.000 دينار |
| 100 ليرێ توركى | 21.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، عەلی حاجی:
د رووودانەکا ئاگر بوونێ دا مالا وه‌لاتیەکى ل تاخێ تلکەبەرێ ل باژێرێ زاخۆ ب تەمامی ھاتە سۆتن و ھەموو کەلوپەلێن ناڤ مالێ ژی ھاتنە سۆتن.
كه‌سه‌كێ ل جهێ روودانێ ب ناڤێ شڤان بوسەلی بۆئەڤرۆ نیوز ئاشکەرا کر روودان ل دەمژمێر ۱۰:۳۰ روودايه، “ل ده‌مێ روودانێ زارۆ ب تنێ ب ل مال بووينه و دايك و باب د ئاماده نه‌بووينه”.
زێده‌تر گۆت: “ژ به‌ر كو خانى ب دارى هاتيه چێكرن، ب مخابنى ڤه ب ته‌مامى هاتيه سۆتن و چو تشته‌ك بۆ وان نه‌مايه”.
ئه‌ڤ كه‌سێ ل جهێ روودانێ كو هه‌ڤسۆيێ ڤێ مالێ يه، دا زانين ژى كو تيمێن به‌ره‌ڤانيا باژێرى زوو گه‌هشتنه جهێ روودانێ، به‌لێ نه‌شيان زوو كونترۆل بكه‌ن، “خۆشبه‌ختانه چو زيانێن گيانى نه‌بوون و زارۆ ب سلامه‌تى هاتينه رزگاركرن”.
ئه‌ڤرۆ نيوز:
كۆمبوونا ئێكێ يا جڤاتا وه‌زيرێن هه‌رێما كوردستانێ ب سه‌رپه‌رشتيا مه‌سرور بارزانى سه‌رۆك وه‌زيرێن هه‌رێما كوردستانێ و قوباد ته‌له‌بانى جێگرێ سه‌رۆك وه‌زيران و وه‌زيرێن كابينا نوو يا حوكمه‌تا هه‌رێما كوردستانێ ده‌ستپێكر.
بڕياره د ڤێ كۆمبوونێ دا مه‌سرور بارزانى كارناما كارى يا هێلێن گشتى يێن كابينا نه‌هێ پێش كێشى وه‌زيران بكه‌ت.
هه‌ر د ڤێ كۆمبوونێ دا، دێ ده‌رفه‌ت ب وه‌زيران هێته دان، پلانێن ده‌ستپێكى بۆ كاركرنا خوه ل وه‌زاره‌تان پێش كێش بكه‌ن و پلانا چار سالى بۆ وه‌زاره‌تێن خوه ئاماده بكه‌ن.
ژبلى ڤى ته‌وه‌رى ژى دێ به‌حس ل كاودانێن هه‌رێما كوردستانێ و عيراقێ ب گشتى هێته كرن و په‌يوه‌نديێن ناڤبه‌را هه‌ولێر و به‌غدا و كێشێن هه‌لاويستى يێن ناڤخۆيى ل هه‌رێما كوردستانێ هێنه به‌حسكرن.
ئه‌ڤرۆ نيوز:
مالپه‌رێن تايبه‌ت ب پێشبينيێن كه‌شوهه‌واى رادگه‌هينن كو ل رۆژێن 16 و 17ى تيرمه‌هێ دێ دياردا سرۆشتى يا هه‌يڤ غه‌يرينێ روو ده‌ت و هه‌رێما كوردستانێ و پتريا وه‌لاتێن جيهانێ دێ ب خوه ڤه گريت.
ب گۆره‌ى مالپه‌رێن تايبه‌ت ب پێشبينيێن كه‌شوهه‌واى ل رۆژانێن 16 و 17ى ڤێ هه‌يڤێ دا، هه‌يڤ دێ غه‌يريت و ئه‌رد كه‌ڤيته به‌ر رۆژێ و سيبه‌ر ل سه‌ر هه‌يڤێ دروست بيت، هه‌روه‌سا دوور و نێزيكيا ئه‌ردى ل سه‌ر خولا خوه دێ ره‌نگێن هه‌يڤ غه‌يرينێ ل سه‌ر ئه‌ردى ژى دروست بن.
هه‌يڤ غه‌يرين دێ ل پتريا ئاسيا و ئورۆپا هه‌موويێ و ئه‌مريكا باشوورى ژى ب ته‌مامى و ناڤبه‌را زه‌ريا هندى و ئوستراليا و ئه‌فريقيا و زه‌ريا ئه‌تله‌س روو ده‌ت. هه‌روه‌سا رۆژهه‌لاتا ناڤه‌راست ژى ب تايبه‌ت هه‌رێما كوردستانێ يا بێ به‌هر نابيت ژ هه‌يڤ غه‌يرينێ.
هه‌موو هه‌يڤ غه‌يرين دێ نێزيكى شه‌ش ده‌مژمێران بيت ل هه‌موو جيهانێ و ل هه‌رێما كوردستانێ هه‌يڤ غه‌يرين دێ رووده‌ت و ل 16ى تيرمه‌ها 2019ێ ده‌مژمێر 09:43:51 ده‌قيقه هه‌يڤ غه‌يرين ل هه‌رێما كوردستانێ دێ ده‌ست پێ كه‌ت و هه‌تا 11:01:44 ده‌قيقه دێ يا به‌رده‌وام بيت.
نيشاندان