ئەڤرۆ نیوز:
وەزارەتا دارایی و ئابوریی یا ھەرێما کوردستانێ خشتێ مووچێ سێ وەزارەتان یێ ھەیڤا چار یا ئەڤ سالە راگەھاند.
ل دووڤ لیستا ھاتیە دیارکرن ھەتا دووماھیا ڤێ حەفتیێ ئەڤ ھەرسێ وەزارەتێن ناڤێن وان ل خوارێ مووچێ خوە یێ نیسانا بوری یا ئەڤ سالە وەرگرن.
سێشەمبێ ٩-٧-٢٠١٩ مووچێ وەزاەرتا پەروەردێ دێ ھێتە بەلاڤ کرن، و چارشەمبێ ١٠-٧-٢٠١٩ مووچێ وەزارەتا تەندروستی دێ ھێتە بەلاڤ کرن، پێنج شەمبێ ١١-٧-٢٠١٩ مووچێ وەزارەتا دارایی دێ ھێتە بەلاڤ کرن.
ئەڤرۆ نیوز:
بنیامین نەتانیاهۆ سەرۆک وەزیرێن ئیسرائیلێ راگەهاند کو هەر ژ دەستپێکێ ڤە هەتا نها ئیرانێ پێگری ب رێککەفتنا ئەتۆمی نەکریە و ب نهێنی بەردەوامی ددا بەرنامێ خوە یێ ئەتۆمی و نها ژی دەست ب پیتاندنا یۆرانیۆمێ کریە.
سەرۆک وەزیرێن ئیسرائیلێ داخواز ژ وەلاتێن ئێکەتیا ئورۆپا کر کو دەست ب سزادانا ئیرانێ بکەن، چونکو مەترسیا ئیرانێ ل سەر جیهانێ رۆژ ب رۆژێ زێدەتر لێ دهێت.
ئەڤرۆ نیوز:
ل دووڤ نڤیسارەکا وەزارەتا نافخو یا حوکمەتا ھەرێما کوردستانێ بریارەکا نوو دەربارەی پشکنینا ترومبێلا ل سەرانسەری ھەرێما کوردستانێ دەرکریە.
ل دووڤ ڤێ نڤیسارێ کو ئیمزایا وەزیرێ نافخو کەریم شنگاری ژی ل سەر ھەیە دەرکریە کو ئێدی ژ رۆژا ١-١-٢٠٢٠ ھەر ترومبێلەکا لێدای یان ئێرباگ وێ یێ ڤەکری بیت ژ پشکنینا (PVI) یا بەرنیاس ب ھەزە دەرناکەڤیت.
ل دووڤ زانیاریان ھەر ترومبێلەکا لێدای یان ئێرباگێ وێ یێ ڤەکری یان پەقی بیت دڤێت ژ لایێ کومپانیێ ڤە دوبارە بھێتە چێکرن و بەروڤاژی ژ پشکنینێ دەرناکەڤیت.
ئه‌ڤرۆ نيوز:
مه‌سرۆر بارزانى راسپارديێ پێكئينانا كابينا نه‌هێ يا حوكمه‌تا هه‌رێما كوردستانێ، ليستا پێكهاتى يا كابينا پێشنيازكرى ره‌وانه‌ى په‌رله‌مانێ كوردستانێ كر.
د كابنيا دا، 19 وه‌زير و سێ وه‌زيرێن هه‌رێمێ نه، ب تنێ ناڤێ وه‌زيرێ سامانێن سرۆشتى ره‌وانه‌ى په‌رله‌مانى نه‌هاتيه كرن و ئه‌ڤ پۆسته ژى د داهاتيه‌كێ نێزيك دا، دێ هێته ره‌وانه‌كرن.
ناڤێن سه‌رۆك و جێگر و وه‌زيرێن كابينا نوو:
1- مەسروور مسعود مستەفا بارزانی….بۆ….سەرۆکوەزیرانی حکومەتی هەرێمی کوردستان
2- قوباد جلال حسام الدین تاڵەبانی….بۆ….جێگری سەرۆکی حکومەتی هەرێمی کوردستان
3- فەرسەت احمد عبداللە….بۆ….وەزیری داد
4- شۆرش اسماعیل عەبدوللا….بۆ….وەزیری کاروباری پێشمەرگە
5- رێبەر احمد خالد….بۆ….وەزیری ناوخۆ
6- ئاوات جەناب نوری ساڵح….بۆ….وەزیری دارایی و ئابووری
7- د. سامان حسین محمد بەرزنجی….بۆ….وەزیری تەندروستی
8- ئالان حەمە سعید صالح محمد….بۆ….وەزیری پەروەردە
9- دانا عبدالکریم حمە ساڵح عبدالرحمن….بۆ….وەزیری ئاوەدانکردنەوە و نیشتەجێکردن
10- ساسان عوسمان عەونی حەبیب….بۆ….وەزیری شارەوانی و گەشت وگوزار
11- د. ئارام محمد قادر امین….بۆ….وەزیری خوێندی باڵا و توێژینەوەی زانستی
12- د. دارا رشید محمود….بۆ….وەزیری پلاندانان
13- کوێستان محمد عبداللە معروف…. بۆ….وەزیری کاروباری کۆمەڵایەتی
14- محمد سعید علی….بۆ….وەزیری رۆشنبیری و لاوان
15- عبداللە محمود محمد سان احمد ….بۆ….وەزیری شەهیدان و ئەنفالکراوان
16- بێگەرد دلشاد شوکراللە….بۆ….وەزیری کشتوکال و سەرچاوەکانی ئاو
17- کەمال موسلیم سەعید قەرەنی….بۆ…. وەزیری بازرگانی و پیشەسازی
18- ئانو جوهر عبدالمسیح عبدوکا….بۆ…. وەزیری گواستنەوە و گەیاندن
19- پشتیوان صادق عەبدوللا….بۆ…. وەزیری ئەوقاف و کاروباری ئایینی
20- کەمال محمد صالح خلیل….بۆ…. وەزیری کارەبا
21- خالد سلام سعید….بۆ….وەزیری هەرێم
22- ئایدن معروف سلیم….بۆ….وەزیری هەرێم
23- ڤالا فرید ابراهیم….بۆ….وەزیری هەرێم
ئه‌ڤرۆ نيوز:
ب ئامادەبوونا ئیسماعیل مستەفا، قایمقامێ ئامێدیێ و د.نزار عسمەت، رێڤەبەرێ گشتیێ ساخلەمیا پارێزگەها دهۆکێ، د.شاکر عبدالعزیز، وەکو رێڤەبەرێ ساخلەمیا ئامێدیێ دەست ب کاربوو.
ئیسماعیل مستەفا، قایمقامێ ئامێدیێ دیارکر کو چەند سالە ساخلەمیا دهۆکێ پتریا هەموو رێڤەبەرا سەرەدانا ئامێدیێ کریە و گۆت: وەکو هەست ئەڤە بوویە ئەگەر رێڤەبەرێن ساخلەمیێ ل قەزا ژی سەرکەفتی بن د کارێ خوە دا.
دیارکر ژی رێڤەبەرێ بەرێ زوو جاران داخازکریە بهێتە گۆهۆرین و خواست، ئەڤ گوهۆرینە دحزمەتا دەڤەرا ئامێدیێ دابیت و گۆتژی: هەر ئاڕیشەک هەبیت ئەم ئامادەینە هەموو دەرگەها بقوتین بو چارەسەریێ.
د.نزار عسمەت، رێڤەبەرێ گشتیێ ساخلەمیا پارێزگەها دهۆکێ دیارکر کو رێڤەبەرێ بەرێ کارەکێ مەزن ئەنجامدایە و گۆت: سەرەرای کێماسیا و قەیرانێ ئەم شیاین پێکڤە وێ قۆناغێ دەربازبکەین.
دیارکر ژی خەلکێ ئامێدیێ یێ بەربەلاڤە و سنورەکێ بەرفرەهـ هەیە ومە کارکریە ل دووڤ شیانا خزمەتا وان بکەین و هیڤیە رێڤەبەرێ نوو بەردەوامیێ بدەتێ.
د.نەجیب سعید، دیارکر ل سالێن سەخت و دژوار بێسنوور پشتەڤانیا وان هاتیە کرن و گۆت: هندی دشیاندابیت پێدڤیە خزمەتا ئامێدیێ بهێتە کرن و ب تایبەت کو خەلکەکێ دەستکورت لێ هەیە.
د.شاکر عبدالعزیز، رێڤەبەرێ نوو یێ ساخلەمیا ئامێدیێ، سۆپاسیا لایەنێن بەرپرس و پەیوەندیدار کر بو باوەریا ب وی هاتیە دان و گۆت: هیڤیا مە ئەوە خزمەتێ بباشترین شێوە بکەین و دێ هەول دەین کێم و کاسیان چارەسەربکەین.
ژێده‌ر: نوش نيوز
ئه‌ڤرۆ نيوز:
نێچيرڤان بارزانى سه‌رۆكێ هه‌رێما كوردستانێ ل سه‌ر داخوازا فه‌رمى يا سه‌رۆكێ فره‌نسا، دێ سه‌ره‌دانا پاريس كه‌ت و رۆژا چارشه‌مبى 10ى تيرمه‌ها 2019ێ دێ ل كۆچكا ئيليزيێ ل گه‌ل ئيمانوێل ماكرۆن، سه‌رۆكێ فره‌نسا كۆم بيت.
ب گۆره‌ى نڤيسينگه‌ها راگه‌هاندنێ يا سه‌رۆكێ هه‌رێما كوردستانێ، نێچيرڤان بارزانى، سه‌رۆكێ هه‌رێما كوردستانێ و ئيمانوێل ماكرۆن سه‌رۆكێ فره‌نسا په‌يوه‌نديێن فره‌نسا ل گه‌ل هه‌رێما كوردستانێ و عيراقێ و كاودانێن ده‌ڤه‌رێ و چه‌ند بابه‌تێن دى گه‌نگه‌شه كه‌ن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 8ى تيرمه‌ها 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.500 دينار |
| 100 يۆرۆيێ ئه‌ورۆپى | 135.000 دينار |
| 100 ليرێ توركى | 21.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز، نيوار محه‌مه‌د سه‌ليم:
ده‌سته‌يا سه‌رۆكاتيا په‌رله‌مانێ كوردستانێ، به‌رنامێ كارێ روونشتنا ژماره 13 يا ئاسايى يا رۆژا چارشه‌مبى رێكه‌فتى 10ى تيرمه‌ها 2019ێ راگه‌هاند كو ژ سێ ته‌وه‌رێن سه‌ره‌كى پێك دهێت.
ب گۆره‌ى نڤيساره‌كا فه‌رمى يا مالپه‌رێ په‌رله‌مانێ كوردستانێ ئاشكه‌را كريه كو ب گۆره‌يى حوكمێ بڕگێن (ئێك، دو، سێ) ژ ماددێ 16 يێ برگا (سێ) ژ ماددێ (18) و ماددێن (47، 48، 52، 55، 56، 57)، ژ په‌يره‌وێ ناڤخۆ يێ په‌رله‌مانێ كوردستانێ – عيراق، ده‌سته‌يا سه‌رۆكاتيا په‌رله‌مانێ كوردستانێ بڕيار دايه به‌رنامێ كارێ روونشتنا ژماره (13) يا ئاسايى يا خولا بهارێ يا سالا ئێكێ ژ خولا پێنجێ يا هه‌لبژارتنا په‌رله‌مانى ل ده‌مژمێر (11)ى به‌رى نيڤرۆ رۆژا چارشه‌مبى دێ سێ ته‌وه‌ران ب خوه ڤه گريت.
ب گۆره‌ى به‌رنامێ كارى باوه‌رى دێ ب سه‌رۆكێ جڤاتا وه‌زيران هێته دان ب بڕيارا ژماره (7) يا سالا 2019 يا په‌رله‌مانێ كوردستانێ هاتيه به‌ربژاركرن ب گۆره‌ى بڕيارا ژماره (1) يا سالا 2019ێ سه‌رۆكاتيا هه‌رێما كوردستانێ هاتيه راسپاردن بۆ پێكئينانا كابينا نه‌هێ يا هه‌رێما كوردستانێ.
هه‌رديسان ناڤێن وه‌زيران دێ ژ لايێ راسپارديێ سه‌رۆكێ جڤاتا وه‌زيران ب گۆره‌ى برگا (4) يا ماددێ (56) ژ قانوونا ژماره (1) يا سالا 1992 يا راستڤه‌كرى و باوه‌رى دان ب وان ژ لايێ په‌رله‌مانێ كوردستانێ – عيراق.
پشكه‌كا دى روونشتنا رۆژا چارشه‌مبى دێ يا تايبه‌ت بيت ب سووندخوارنا سه‌رۆك و جێگرێ سه‌رۆكێ جڤاتا وه‌زيران و كابينا وه‌زارى يا نه‌هێ يا هه‌رێما كوردستانێ ب گۆره‌يى ماددێ (6) ژ قانوونا جڤاتا وه‌زيران يا هه‌رێما كوردستانێ ژماره (3) يا سالا 1992ێ يا راستڤه‌كرى.
ب گۆره‌يى به‌رنامێ كارێ په‌رله‌مانى دێ خواندنا هێلێن گشتى يێن به‌رنامێ كابينا وه‌زارى يا نه‌هێ ژى ژ لايێ سه‌رۆكێ جڤاتا وه‌زيرێن هه‌رێما كوردستانێ – عيراق بيت.
ئه‌ڤرۆ نيوز، نيوار محه‌مه‌د سه‌ليم:
په‌رله‌مانێ كوردستانێ د كۆمبوونا ئه‌ڤرۆ دا ب پتريا ده‌نگان و ب ده‌نگێن 80 په‌رله‌مانتاران به‌رامبه‌ر 20 ده‌نگێن نه‌خێر پێشنيازا راستڤه‌كرنا قانوونا جڤاتا پارێزگه‌هان هاته په‌سه‌ندكرن.
په‌رله‌مانێ كوردستانێ ئه‌ڤرۆ كۆمبوو و پشتى خواندنا راپۆرتا لژنا قانوونى ده‌رباره‌ى پێشنيازا راستڤه‌كرنا قانوونا جڤاتێن پارێزگه‌هان ل هه‌رێما كوردستانێ پرۆژه خسته به‌ر ده‌نگدانێ و ب 80 ده‌نگێن په‌رله‌مانتاران په‌سه‌ند كر و هه‌ڤده‌م 20 په‌رله‌مانتاران ژى ئه‌ڤ پرۆژه ره‌تكر.
د ڤى پرۆژێ پێشنيازكرى يێ ئه‌ڤرۆ په‌رله‌مانێ كوردستانێ په‌سه‌ندكرى دا، ژيێ جڤاتێن پارێزگه‌هان هه‌تا ئه‌نجامدانا هه‌لبژارتنان هاته درێژكرن، پارێزگار ژى دێ ژ ده‌رڤه‌ى جڤاتا پارێزگه‌هێ يان د ناڤ دا ب پتريا ده‌نگێن ئه‌ندامێن جڤاتێ هێته هه‌لبژارتن.
د پرۆژێ پێشنيازكرى يێ په‌رله‌مانێ كوردستانێ دا هاتيه؛ ئه‌ڤ خولا جڤاتا پارێزگان ژ پياده‌كرنا تايبه‌تمه‌نديان د ده‌مێ ب دووماهى هاتنا ماوێ وان يێ قانوونى دا هه‌تا هه‌لبژارتنا خوله‌كا نوو يا جڤاتێ دا به‌رده‌وام بن.
نيشاندان