ئەڤرۆ نیوز:
مالپەرەکێ نێزیکی حوسیێن یەمەنێ راگەهاند کو حوسی دشێن ب موشەکێن بالیستی هێرشی گەلەک فرۆکەخانە و جهێن ستراتیژی ل سعوودیێ بکەن.
ئەو یەک د دەمەکێ دایە کو بەری نها چەندین جاران حوسیێن یەمەنێ ب فرۆکێن بێ فرۆکەڤان هێرشی فرۆکەخانە و جهێن ستراتیژی یێن سعوودیێ کرینە و سعوودیە ژی ئیرانێ ب پشتەڤانیا حوسیان و دانا چەکێن مودێرن تاوانبار دکەت.
ئەڤرۆ نیوز:
ئەڤرۆ ئیرانێ ب فەرمی راگەهاند کو وان جارەکا دی دەست ب پیتاندنا یۆرانیۆمێ کرینە و رێککەفتنا ئەتۆمی یا بەری نها ژی چو رامانا خوە نەمایە.
عەباس عیراقچی جێگرێ وەزیرێ دەرڤە یێ ئیرانێ راگەهاند کو هەتا ئەمریکا سزایێن ل سەر وەلاتێ مە نەراکەت دێ پیتاندنا یۆرانیۆمێ یا بەردەوام بیت.
فرەنسا، ئەلمانیا و گەلەک وەلاتێن دی یێن جیهانێ ژی نەرازیبوونا خوە ل هەمبەر بریارا ئیرانێ دیار کرن.
ئەڤرۆ نیوز:
ئەندامەکێ فراکسیونا گۆران ل پەرلەمانێ کوردستانێ دیارکر کومبوونا پەرلەمانی ھەرێما کوردستانێ ئاشکرا کر ل رۆژا پێنج شەمبی دێ دەنگدان ل سەر بەربژێرێن وەزارەتێن کابینەیا نوو یا حوکمەتا ھەرێمێ ھێتە کرن.
زێدەتر شاخەوان رەئووف بەگ گۆت: رۆژا پێنج شەمبی کومبوونا پەرلەمانێ ھەرێما کوردستانێ دێ ھێتە کرن و تێدا دێ دەنگدان ل سەر وەزیرێن کابینا نەھێ یا حوکمەتا ھەرێمێ ھێتە دان و نوکە ژی مژوولی ئامادەکاریانە بۆ ڤێ چەندێ.
ھەژی گۆتنێ یە ئەڤرۆ ٧-٧-٢٠١٩ تەڤگەرا گۆران ب فەرمی ناڤێ کاندیدێن خوە بۆ پوستێن کابینەیا نوو یا حوکمەتا ھەرێمێ رادەستی راسپاردیێ پێکئینانا کابینەیا نوو یا حوکمەتێ کریە.
ئەڤرۆ نیوز ؍ عەلی حاجی :
ئەڤرۆ ئێکشەمبێ ۷/۷/۲۰۱۹ ل زانکویا زاخۆ ؍ ئێکەتیا قوتابیێن کوردستانێ لقا زاخۆ خیفەتگەهەک بۆ ۱۲۰ قوتابیێن ل سنورێ دەڤەرا زاخۆ ڤەکر.
. ئەحمەد سەعید ؍ بەرپرسێ لقا زاخۆ یا ئێکەتیا قوتابیێن کوردستانێ بۆ ئەڤرۆ نیوز دیار کر ئەڤ خيڤەتگەهه مە بناڤ خیڤەتگەها ئومێد بناڤ کریە و ۱۲۰ قوتابیێن کور و کچ تێدا پشكدار بوینە ؍ ئەڤ خیڤەتگەهە دێ بۆ ده‌مێ پێنچ روژان یا بەردەوام بیت و بەرنامەیەکێ رێک و پێک هاتیە دانان و رۆژانە دێ سمینار ژلایێ کەسانێن تایبەتمەند فە هێنە پێشکێش کرن ؍ ئەفە ددەمەکێ دایە ئەزمونێن دوماهیا سالێ یا وەرزێ خواندنێ ۲۰۱۸ـ۲۰۱۹ ب دوماهی هاتیە ؍ ڤەکرنا ڤێ خیڤەتگەهێ دێ خزمەتەکا باش پێشکێشی قوتابیێن پشکدار بویی کەت ؍ هەر دیسان بۆ ئێکەم جارە دئەڤ سالە دا خیڤەتگەهەکا ب ڤی رەنگی ژلایێ مەڤە دهێتە ڤەکرن.
ئه‌ڤرۆ نيوز:
رێڤه‌به‌ريا پۆليسێن پارێزگه‌ها دهۆكێ ئه‌ڤرۆ ئێكشه‌مبى 7/7/2019 رۆهنكرنه‌ك ل دۆر وێ روودانا ل تاخێ شێلێ رووداى وتێدا سێ گه‌ند هاتينه برينداركرن.
د وێ رۆهنكرنێ دا هاتيه” ل دەمژمێر ئیکی شەڤ ل 5_7_2019 پولیسێن ھەوارھاتنا دهوکێ ھاتینە ئاگەھدارکرن ب ھەبونا کێشەیەکێ کو شەرەک دناڤبەرا ھندەک گەنجاندا ل سەنتەرێ پارێزگەھا دھوکێ ل نیزیک خارنگەھا ئەمین رویدایە، ئێکسەر پولیس ل جھێ روودانێ ئامادەبوون ب مخابنی ڤە وان گەنجان ئێک و دو بریندار کریە وکەسێن تومەتبار ژی بۆ جھێن نەدیار رەڤینه، پولیسان کەسێن بریندار بەر ب نەخوه‌شخانا تەنگاڤیان برینە بۆ چارەسەری و زانینا رەوشا وان یا ساخله‌مى”.
ئاماژه كريه ژى ” د ده‌مێ ڤەکولینێ دا دیاربوویە (٣) کەس ژوان خەلکێ دەڤەرا باتیفانە بەلێ ئێک ژوان ئاکنجیێ دھوکێ یە ل کومەلگەھا چنار .. تومەتبارێن رەڤی ژی خەلکێ دھۆکێ نه و ئاکنجیێن تاخێ شێلێ نە، پشتی دیفچوون و ڤەکولینێ ل دەمژمێر(٥)سپێدێ پولیسان تومەتبارەك دەستەسەرکریە و پەرێن ڤەکولینێ بوو ڤێ رویدانێ ل (بنگەھێ پولیسێن نەوروز) ھاتیە ڤەکرن و پشتی پشکنینا کامیرێن چاڤدێریێ ھاتیە کرن رۆژا د دووڤدا دا ھندەک تومەتبارێن دی ھاتینە نیاسین و (٥) ژوان تومەتباران ھاتینە دەستەسەرکرن کو نوکە ھژمارا کەسێن دەستەسەرکری بووینە (٦) تومەتبار و نوکە دراگرتی نە دزیندانێ دا”.
ل دووماهيا رۆهنكرنا خوه دا ، رێڤه‌به‌ريا پۆليسێن پارێزگه‌ها دهۆكێ دبێژيت” ب بریارا دادوەری ڤەکولین یا بەردەوامە بۆ زانینا ھژمارا دروست یا تومەتباران و دوماھی بریار یا دادگەھێ یە “.
ئەڤرۆ نیوز، عەلی حاجی:
د داخویانیەکێ دا سەروکێ باژێرڤانیا زاخۆ بۆ ئەڤرۆ نیوز دیار کر شکاندنا کە لوپەلێن پارکا و مالێ گشتی یێ بوویە دیاردە، مە چو دەست ھەلاتەک نینە وان کەسان دەستە سەر بکەین و داخوازا پولیسێن تایبەت ب باژێرڤانیێ ڤە دکەین.
زێدەتر بژار مونیب گوت: “دیاردەیا شکاندنا کەل و پەلێن ناڤ پارکان دا و ل جھێن گشتی ئێدی یێ بویە دیاردە ئەڤجا ئەم نوزانین ئەڤە ھندەک کەس ب دەستی وەدکەن یان ژی ھندەک کەس وان پالددە ؍ بەلێ ئەو کەسێ وان تشتا دشکێنن ژی بێ ترس دشکێنن و ئەڤ چەندە ژی جھێ راوەستیانێ یە چاوا وەسا ب پشت راستی و بێ ترس ھندەک کەس وان تشتان ژناڤ دبەن، پشتی تومار کرنا سکلایەکێ ل سەر وان چار گەنجێن رابووینە ب شکاندنا کەل و پەلێن ناڤ پارکا شەھیدان دا ئەڤە زێدەتری بیست رۆژایە ئەو کەسە نەھاتینە دەستە سەر کرن دا کو ببنە وانەیەک بۆ وان کەسێن ب کارێ شکاندنا تشتان رادبن ؍ ھەتا نوکە ئەم ئەگەرێ نەدەستەسەر کرنا وان ژی نوزانین ژ بەر چو ناھێنە دەستەسەر کرن لەورا پێتڤی یە باژێرڤانیا زاخۆ وەکو باژێرڤانیا دھوکێ پولیسێن تایبەت ب خوەڤە ھەبن و ئەو ب کارێ دەستە سەرکرنا سەرپێچ کارا رابن ب ھەما ھەنگی د گەل قایممامیا زاخۆ”.
ناڤھاتی گوت ژی: “د نوکە دا ژبلی سکالا تومارکرنێ چو تشتەکێ دی ددەست ھەلاتا مەدا وەکو باژێرڤانی نینە و سکالا تومارکرنێ ژی ھەتا پێرابون بەرامبەر وان کەسان دھێتە وەرگرتن دەمەکێ درێژ پێڤە دچیت ؍ دنوکە دا مە دەرخستە دروست کرینە داکو بزانین زیانێن بەر ب وان پارکا و جھێن کەڤتی چنە، دا کو بشێن وان جھان سەخبێر بکەین، ھەر چەندە ژی ئەم بەردەوامین ژی ل سەر سەخبێریکرنا جھێن گشتی و پارکان و شکاندنا وان تشتان ژی ئێدی بویە دیاردە و رێگری ژی ل بەر وێ دیاردێ نینە”.
ئه‌ڤرۆ نيوز:
ژێده‌ره‌كێ ژ پارێزگه‌ها دهۆك تايبه‌ت بۆ ئه‌ڤرۆ نيوز دياركر برياره سوبه 5 پرۆژێن ستراتيجى ل پارێزگه‌ها دهۆك بهێنه راگه‌هاندن، پرۆژه يێن باژێرڤانيا دهۆكن، سوبه ل كوچكا پارێزگه‌ها دهۆك دێ پارێزگارێ دهۆكێ ل گه‌ل باژێرڤانيا دهۆك و كومپانيێن جێبه‌جێكار كۆم بيت و پاشێ كونگره‌يه‌كێ رۆژنامه‌ڤانى ساز كه‌ن.
ل دووڤ پێزانينێن ئه‌ڤرۆ نيوز، پرۆژه پێكدهێن ژ ڤان پرۆژان كو كومپانيا كاڤين گرۆپ دێ ب بجهئينانا وان رابيت:
1- پرۆژێ چێكرنا ئه‌نده‌ر پاسا مزگه‌فتا ئيمام حه‌مزه كو نوكه ب مزگه‌فتا شه‌هيدان هاتيه ناڤكرن و ته‌له‌فزيونا دهۆك ل سه‌ر جادا بارزان
2- پرۆژێ ئه‌نده‌ر پاسا نێزيك فه‌رماندا دهۆك ل سه‌ر جادا بارزان
3- پرۆژێ چێكرنا ئه‌نده‌رپاسا نێزيك ناڤجيا سه‌فين ل سه‌ر جادا بارزان
4- پرۆژێ تمامكرنا جادا كه‌مه‌رێ ب درێژاهيا 1505 كم ل كه‌رتێ 85 نزاركێ.
5- پرۆژێ ڤه‌كرن و قێركرنا جادا خزمه‌تگوزاريا جادا بارزان ، لايێ باشوور ب درێژاهيا 3500 م
ئه‌ڤرۆ نيوز:
گێمێ ئێكێ ژ ياريا هه‌ردو هه‌لبژارتيێن ئه‌رجه‌نتين وشيلى بۆ ده‌ستنيشانكرنا هه‌لبژارتيێ خودانێ پلا سيێ د قاره‌مانيا ئه‌مريكا باشوور (كوبا ئه‌مريكا) ب ئه‌نجامێ 2-0 بۆ ئه‌رجه‌نتينێ ب دووماهى هات.
هه‌ردو گۆلێن ئه‌رجه‌نتين ل خۆله‌كێن 12 و 22 ژلايێ ياريكه‌ران ئه‌گوێرۆ ولوسيلسۆى ڤه هاتنه تۆماركرن.
د ڤێ ياريێ دا و د خۆله‌كا 37 دا هه‌ردو ياريكه‌رێن ئه‌رجه‌نتينى ليونێل ميسى و يێ شيلى جارى ميدل هاتنه ده‌ركرن ژ لايێ دادڤانێ ياريێ ڤه، پشتى هه‌ردو یاریكه‌ر ب شه‌ر چووین.
https://www.btolat.com/video/34886
ئەڤرۆ نیوز ، مەحمود نهێلی:
رێڤه‌به‌رێ چاندنا قه‌زا ئامێديێ بۆ ئەڤرۆ نیوز دیارکر کو وان جهەکی فرۆتنا دەرمانێن چاندنێ دایخستیە ژ بەر نە پێگری کرن ب رێنمایان.
ئەندازیار هه‌كار ئامێدى، رێڤه‌به‌رێ چاندنا قىزا ئامێديێ دیار کر، کو پێنج جهێن فروتنا دەرمانێن چاندندێ يێن نە تومارکری دفروتن ژ بەر وێ یەکی ژی پشتی چەندین جاران هاتینە ئاگەهدارکرن و پێگری ب رێنمایان نەکری هاتە گرتن كو سێ ژ وان ل كۆمه‌لگه‌ها قه‌دش و ئێك ل دێرالۆك و ئێك ژى ل سه‌رسنكى بووينه.
زێده‌تر گۆت” ل دووف رێنمایێن نوو نابیت چ جهەک وان دەرمانێن چاندنێ ب فروشیت یێن ژبن کونترولکرنا جوری درەباز نەبووی ونەهاتبیتە تومارکرن، ژ بەر وێ یەکی لژنەیا وانا بەردەوام دووڤچوونا هەموو جهێن فروتنا دەرمانێن چاندنێ دکەن ل سنورێ ناحیا دێرەلۆکی و شێلادزێ و هەر جهەک پێگیر نەبیت ب رێنمایان دێ هێتە سزادان و دایخستن”.
ئه‌ڤرۆ نيوز:
د چارچۆڤێ گه‌را 35 دا ژ خۆلا پلا ناياب يا عيراقى، ئه‌ڤرۆ شه‌مبيێ يانا هه‌ولێر ل سه‌ر ياريگه‌ها خوه ب ئه‌نجامێ 1-0 ل سه‌ر يانا كه‌رخ ب سه‌ركه‌فت.
گۆلا سه‌ركه‌فتنێ يا يانا هه‌ولێر ل خۆله‌كا 85 ژلايێ ياريكه‌رێ وێ يێ پيشه‌كار مارسيلۆ سيلڤا هاته تۆماركرن.
ب ڤى ئه‌نجامى يانا هه‌ولێر خالێن خوه گه‌هاندنه 44 خالان و ل رێزا 10 دهێت د رێزبه‌ندا خۆلا عيراقى دا ويانا كه‌رخ ب 56 خالان ل رێزا چارێ دهێت.
نيشاندان