ئەڤرۆ نیوز:
حەسەن رۆحانی سەرۆک کۆمارێ ئیرانێ راگەهاند کو بەری نها ئیرانێ سالانە ١٢٠ ملیار دۆلار داهاتێ پەترۆلێ هەبوو، لێ نها ئەو یەک گەهشتیە خوار ٢٠ ملیار دۆلاران و کێمتر ژی بوویە.
سەرۆک کۆمارێ ئیرانێ ئەو یەک ژی دیار کر کو داهاتێ پەترۆلێ یێ ئیرانێ بەر ب نەمانێ ڤە دچیت و رەخنێن دژوار ل ئەمریکا و هەڤپەیمانێن وێ گرتن کو کار بۆ نەمانا ئیرانێ دکەن.
ئەڤرۆ نیوز:
سیناتورەکێ ئەمریکا راگەهاند کو پەیوەندیێن تورکیا و ئەمریکا گەلەک ئالۆز بووینە و ئەمریکا دڤێت هێزێن خوە یێن ل بنگەهێ سەربازی یێ ئینجیرلیک ل تورکیا ڤەگوهێزیتە یونانێ.
سیناتور رون جۆنسن ئەو یەک ژی دیار کر کو ڤەگوهاستنا هێزێن ئەمریکا ژ تورکیا بۆ یونانێ کارەکێ گەلەک گرنگە و ئەو یەک دێ بیتە ئەگەرێ هندێ کو بەرژەوەندیێن ئەمریکا باشتر بهێنە پاراستن، چونکو تورکیا ب هەموو رەنگەکێ ل دژی بەرژەوەندیێن ئەمریکا کار دکەت.
ئەڤرۆ نیوز، عەلی حاجی :
ب مەرەما دیفچوونا خوەنیشاندانێن دوماهیێ ل پشکەکا باژارێن کوردستانێ دروست بووین لیژنا مافێ مروڤی ل پەرلەمانێ کوردستانێ سەرەدانا باژێرێ زاخۆ کر .
مەم ئەسکەندەر ئەندامێ پەرلەمانێ کوردستانێ بۆ ئەڤرۆ نیوز گۆت: (پشتی ئەو خوەنیشاندانێن ڤێ دوماهیێ ل چەند دەڤەرەکێن کوردستانێ دروست بووین و بوویە ئەگەرێ دروستبوونا توندوتیژیێ، وەکو لژنا مافێ مروڤی ل پەرلەمانێ کوردستانێ چەند لژنەیەکێن لاوەکی دروست کرن ب مەرەما دیفچوونا وان خوەپیشاندانان ل ڤێ دوماهیێ پێک ئینان،ل حەفتیا بوری مە سەرەدانا دەڤەرێن کەلار و چەمچەمال و چەند دەڤەرەکێن دی کر و سەرەدانا مە یا د ڤێ حەفتیێ ژی دا بوو باژێرێ زاخۆ بوو و ژ نێزیک ڤە مە کومبوون دگەل قایمقامێ زاخۆ لایەنێن ئەمنی و چالاکڤانان ئەنجام دا پشتی وان هەمی کومبونێن هاتینە ئەنجام دان ئەم دێ جارەکا دی کومبونەکێ ئەنجام دەین وەکو لیژنا مافێ مروڤی و پشتی وێ کومبوونێ ب رێیا راپورتەکا تێر و تەسەل دێ هەمی وان ئەگەر و زیانان دیار کەین بۆ سەروکاتیا پەرلەمانی و حکومەتا هەرێما کوردستانێ) .
ل دوماهیێ گۆت ژی ئارمانجا مە ژی ئەوە کو ب رێیا راپورتا خوە داخازێ ژ حکومەتێ بکەین لایەنێن زەرەرمەند د وان خوەنیشادانان دا بهێنە قەرەبوو کرن .
ئه‌ڤرۆ نیوز، مه‌حمود نهێلى:
پارێزگارێ دهوكێ د سه‌ره‌دانه‌كى بو ده‌ڤه‌را ئامێدیێ سه‌را خیڤه‌تگه‌ها شیڤچناركى ل ناحیا شێلادزێ و پرۆژێ هایدرو پاوه‌رێ دێره‌لۆك دا و پاشان ل قایمقامیا قه‌زا ئامێدیێ دكونگره‌كى رۆژنامه‌ڤانى دا دا دیاركرن كو رازیبوون هاتیه كرن ل سه‌ر ب جهئینانا چه‌ندین پرۆژێن خزمه‌تگوزارى ل ده‌ڤه‌رێ و دێ ل ده‌مه‌كى نێزیك دا كه‌ڤنه د بوارێ جێ به‌جێ كرنێ دا.
دكتور عه‌لى ته‌ته‌ر پارێزگارێ دهوكێ دیار ژى كو پرۆژه‌یێن هه‌ره گرنگێن ل ده‌ڤه‌رێ چاره‌سه‌ركرنان ئاریشه‌یا خیڤته‌گه‌ها شێلادزێ و كارگه‌ها ته‌علیبێ ل بامه‌رنێ و هه‌ره‌وه‌سا نووژه‌نكرنا ئوتێلا به‌رى ل سه‌رسنكێ و ئوتیلا سكه‌ى ل سیلاڤێ و گرنگى دان ب كه‌رتێ گه‌شت و گوزارى و بجهئینانا چه‌ندین پرۆژه‌یێن دى یه گه‌شت و گوزارى ل ده‌ڤه‌رێ و رازیبوون ل سه‌ر هه‌موویان هاتیه كرن.
و گۆت: (هه‌موو ئه‌و پرۆژه‌یێن كو ژلایێ رێڤه‌به‌رێن ناحیان و قایمقامیا قه‌زایێ ب گرنگ زانى و د خزمه‌تا گشتى دا نه رازیبوون ل سه‌ر هاتیه كرن).
هه‌روه‌سا ل گه‌ل ستافى كومپانیا جێ به‌جێ كارا هایدرو پاوه‌رێ دێره‌لۆك ته‌كه‌زى ل سه‌ر هندێ هاته كرن كو هه‌موو ئاسانكارى بو كومپانیێ بهێنه كرن ژ پێخه‌مه‌ت هندێ ئه‌ڤ پرۆژه‌یه د ده‌مێ خوه یێ دیار كرى ب داوێ بهێت و هه‌ره‌وسا پرا كه‌لیا یا شوونه‌وارى ژى بهێته نووژه‌نكرن.
ئەڤرۆ نیوز:
گەلەک ژ کچان د قۆناغەکا ژیانێ دا پرسیارا ژ خوە دکەن، کانێ دێ چاوا کورەک حەز ژێ کەت، ب تایبەتی دەمێ کەسەک گرنگیێ پێ ددەت.
مالپەرێ سەیدەتی ئاماژە ب چەندین نیشانان دایە و تێدا دەردکەڤن، کو کەسەک حەز ژتە دکەت و هەستەکێ تایبەت بۆ تە هەیە، ب ڤی رەنگی:
.شێوازێ بەرێخۆدانێ هەستێن وی ئاشکرا دکەت، ژبەرکو ب شێوازەکێ جۆدا ژ کەسێن دی تەماشە دکەت.
. د ژیانا وی دا، د پلا ئێکێ دایی و هەموو دەمان تۆ گرنگترین تشتێ ژیانا وی.
. حەز دکەت پشکەک بی د ژیانا وی دا، نەکو تۆ ژی دوور بی.
.دلخۆشیا تە، بۆ وی گەلەک یا گرنگە.
.هەموو دەمان هزرا تە دکەت.
. دێ بچووکترین تشتێ ژیانا خوە بۆ تە بەحس کەت.
. هەر تشەکێ پەیوەندی ب تەڤە هەبیت،چ جاران ژ بیر ناکەت.
. دێ بەردەوام ل گەل تەبیت، ژ بۆ هەر هاریکاریەکێ یێ بەرهەڤە.
. دێ بەحسێ تە بۆ مالبات و هەڤالێن خوە کەت.
ئەڤرۆ نیوز:
وەزارەتا ساخلەمی و ژینگەها عیراقێ راگەھاند: د ٢٤ دەمژمێرێن بوری دا، سێ ھزار و ٥٣٢ حالەتێن نوو یێن کۆرۆنایێ، سێ ھزار و ٥٨٧ حالەتێن باشبوونێ و ٤٨ حالەتێن وەغەرکرنی ھاتینە تۆمار کرن.
ھەتا نوکە ٢٨٢ ھزار و ٧٧٨ کەس ل عیراقێ تووشی ڤایرۆسێ کۆرۆنایێ بووینە، ژ وێ ھژمارێ ژی حەفت ھزار و ٩٤١ کەسان وەغەر کریە، دیسان ٢٢١ ھزار و ٢٨٣ کەس ژی باشبووینە.
ئەڤرۆ نیوز، زنار تۆڤی:
ئەڤرۆ شەمبیێ، دو گەنجێن رۆژئاڤایێ کوردستانێ ل جەمبۆری خەندقین و بەری چەندەکێ تیمێن نقۆمڤانێن دهۆکێ ب هەڤکاری ل گەل تیمێن نقۆمڤانێن سێمێلێ شیان تەرمێن وان هەردویان ژ ئاڤێ بیننە دەر.
رائید بێوار عەبدولعەزیز، بەرپرسێ راگەهاندنا بەرەڤانیا باژێری ل پارێزگەها دهۆکێ بۆ ئەڤرۆ نیوز دیار کر: ئەڤرۆ دو گەنجێن رۆژئاڤایێ کوردستانێ کو د ژیێن 14 سالیێ و 17 سالیێ دابوون، چووینە جەمبۆری، خوە هاڤێتینە ئاڤێ، لێ پشتی دەمەکێ هەردو د ئاڤێ دا خەندقینە، پاشی پەیوەندی ب مه هاتینە کرن و هەر زوو مە تیمێن نقۆمڤانیێ هنارتینە وی جهی ژبۆ دەرخستنا تەرمێن وان، پشتی گەهشتنا تیمێن نقۆمڤانیا بەرەڤانیا باژێرێ دهۆکێ ب هەڤکاری ل گەل تیمێن نقۆمڤانیا سێمێلێ شیان تەرمێن وان هەردو گەنجان ژ ئاڤێ بینەدەر و نوکە تەرمێن وان هاتینە رەوانەکرن بۆ نۆشداریا داد ل دهۆکێ.
ئەڤرۆ نیوز:
دوهی گەرا دویێ یا هەلبژارتنان ل چەندین پارێزگەهێن ئیرانێ و رۆژهەلاتێ کوردستانێ برێڤە چوو و د ئەنجام دا چار کوردێن دی ل پارێزگەهێن رۆژهەلاتێ کوردستانێ چوونە پەرلەمانێ ئیرانێ.
ژمارا کورسیێن رۆژهەلاتێ کوردستانێ ل پەرلەمانێ ئیرانێ ٣٨ کورسینە کو د گەرا ئێکێ دا ٣٣ کورد چوونە پەرلەمانی و د گەرا دویێ دا ژی چار کورد بوونە ئەندامێن پەرلەمانێ ئیرانێ.
ئەڤرۆ نیوز:
وەزارەتا ساخلەمیا هەرێما کوردستانێ ئامارا ٢٤ دەمژمێرێن بۆری یا کۆرۆنایێ بەلاڤکر کو تێدا هاتیە ٥٧٤ کەسێن دی تووشی کۆرۆنایێ بووینە و ١٢ تووشبوو ژی مرینە.
وەزارەتا ساخلەمیێ دیار ژی کریە کو د ماوەیێ ٢٤ دەمژمێرێن بۆری دا ٥٠٠ تووشبوویێن کۆرۆنایێ ژی ب تەمامی باش بووینە.
ل پارێزگەها دهۆکێ ژی ٣٠٧ کەسێن دی تووشی کۆرۆنایێ بووینە و ٦ تووشبوو ژی مرینە و د هەمان دەمی دا ٢١٤ تووشبوو ژی ب بەمامی باش بووینە.
نيشاندان