په‌رله‌مانێ كوردستانێ رۆهنكرنه‌كێ ل دۆر سرودا ئه‌ى ره‌قيب به‌لاڤ دكه‌ت

12/06/2019 22:28

947

ئه‌ڤرۆ نيوز:

په‌رله‌مانێ كوردستانێ ل سه‌ر به‌خش نه‌كرنا سرودا نيشتمانى يا عيراقێ و سرودا ئه‌ى ره‌قيب ل رێ وره‌سمێن سويند خوارنا سه‌رۆكێ هه‌رێما كوردستانێ ل رۆژا 10/6/2019 رۆهنكرنه‌ك ده‌ركر.

راگه‌هاندنا په‌رله‌مانێ كوردستانێ د وێ رۆهنكرنێ دا به‌لاڤكر” وه‌كو عورفكێ په‌رله‌مانى سرودا نه‌ته‌وى تنێ ل ده‌مێ ڤه‌كرنا وه‌رزێ گرێدانا په‌رله‌مانى دهێته‌ به‌خشكرن ول روونشتنێن ئاسايى يێن دى دا ناهێته‌ به‌خشكرن، روونشتنا هژمار (7) ژى يا ئاسايى بوو وروونشتنا ڤه‌كرنا وه‌رزێ گرێدانێ نه‌بوو، له‌وما سرودا ئه‌ى ره‌قيب نه‌هاته‌ به‌خشكرن.

كه‌رنه‌ڤالا دهۆكێ يا حه‌فتێ هاته‌ ئه‌نجامدان

12/06/2019 21:56

116

ئەڤرۆنیۆز، سالار دۆسكی

ب رێپیڤانا ترۆمبێلێن خەملاندی ب ئامادەبوونا جەماوەرەكێ‌ زۆر ژ خەلكێ‌ پارێزگەهێ‌ ئەڤرۆ ئێڤاری 12/6/2019 سال رۆژا پارێزگەهبوونا دهۆكێ‌ ب چەندین چالاكیێن جودا هاتە ساخكرن.
پارێزگەرێ‌ دهۆكێ‌ ب هەلكەفتا یوبێلا زێرین یا پارێزگەهێ‌ و بورینا 50 سالا ل سەر پارێزگەهبوونێ‌ پەیڤەك پێشكێشكر و دیاركر كو پارێزگەهبوونا دهۆكێ‌ دەستكەفتەكێ‌ مەزنێ‌ شورەشا ئەیلولا مەزن بوویە و بەرهەمێ‌ خوینا شەهیدێن كوردستانێ‌ بوویە، ناڤبری بەحسێ‌ گرنگیا پارێزگەها دهۆكێ‌ كر ژ روویێ‌ چاندنێ‌ و گەشتوگوزارێ‌ و پێكڤە ژیانێ‌ ڤە كو چەندین نەتەوە و ئاین تێدا دژین و ئەڤە ژی رەنگەكێ‌ جوانتر نیشا هەموو خەلكێ‌ كوردستانێ‌ و عیراقێ‌ دەت و ئەڤە نە تشتەكێ‌ چێكریە، دەڤەرا بەهدینان لاندكا هەر دو شورەشێن ئەیلول و گولانێ‌ بوویە و ژ بەهدینان بەر ب پارێزگەهَن دی چوویە.
فەرهاد ئەترۆشی دیاركر ژی كو پشتی سەرهلدانێ‌ گەلەك هاتیەكرن و كەسەك نەشێت بەرزە بكەت لێ‌ ڤیانێن كارگێری و خەلكێ‌ پارێزگەهێ‌ زێدەترن، پێنچ سالێن بووری گەلەك د نەخوش بوون و سەرمەدابوورین ل سنورێ‌ پارێزگەها دهۆكێ‌ و گەلەك گرفت بوو مە پەیدابوون و هێرشێن داعش و هەبوونا هەژمارەكا مەزن یا ئاواران هاتینە دهۆكێ‌، بورینا بودجێ‌ ژ عیراقێ‌ ڤە و نزمبوونا پەترۆلێ‌ كارتێكرن هەبوو.
ناڤبریی دیاركر ژی كو پلانەكا باش هەبوو بۆ پارێزگەهێ‌ لێ‌ قەیران بوونە ئەگەر كو پلانێ‌ نە هێتە بجهینان، سەرەررایی ڤێ‌ چەندێ‌ خزمەتێن باش ژلایێ‌ باژێرڤانیێن (دهۆك، زاخۆ، ئاكرێ‌) هەموو باژێرڤانیان ڤە هاتینە پێشكێشكرن.
پارێزگەرێ‌ دهۆكێ‌ خواست سالێن خوەشتر و تەنا و ئارامتر ل سەر خەلكێ‌ پارێزگەها دهۆكێ‌ دەبازببن، پارێزگەری رۆلێ‌ سەرۆك (مەسعود بارزانی) بلند نرخاند تایبەت ل سالێن سەرۆكاتیا هەرێمێ‌ دا، ب ناڤێ‌ هەموو خەلكێ‌ پارێزگەهێ‌ سوپاسی ئاراستەكرن، دیسا پیرۆزباهی ل هەر دو سەرۆكێن نوو یێ‌ هەرێما كوردستانێ‌ (نێچیرڤان بارزانی و مەسرور بارزانی) سەرۆكێ‌ حوكمەتا هەرێما كوردستانێ‌ كرن ب هەلكەفتا دەست بكاربوونا وان و هیڤی خواستن ل كار و ئەركێن خوە دا دسەركەفتی بن، هیڤی خواست پتر گرنگی ب پارێزگەها دهۆكێ‌ بهێـتەدان و پتر پرۆژێن ستراتیجی بۆ پارێزگەهێ‌ دروست بكەن، دئالیەكێ‌ دی دا پارێزگەرێ‌ دهۆكێ‌ سوپاسیا رێكخەرێن كەرنەڤالێ‌ كر كو رێڤەبەریا گشتی یا رەوشەنبیری و هونەری ل دهۆكێ‌ یە و هەموو پشكدارێن كەرنەڤالێ‌.
پشتی پەیڤا پارێزگەری ئاهەنگا هونەری ب پشكداریا چەندین سترانبێژێن دەنگ خوەش دەسپێكر وهەتا نوكە برگێن هونەری دبەردەوامن.

بەرپرسێ لقێ ئێک: ئەم ل دووڤ راسپاردێن سەرۆک بارزانی خزمەتا کەسوکارێن شەھیدان دکەین

12/06/2019 20:25

146

ئەڤرۆ نیوز:

د چارچوڤێ بەرنامێ لقێ ئێکێ پارتی دا؛ ژ بۆ ھاریکاریکرنا کەسوکارێن شەھیدان ئەڤرۆ ١٢/٦/٢٠١٩ ل سنوورێ لیژنا ناوچا تەناھی (سربست تروانشی) ئەندامێ جڤاتا سەرکردایەتیا پارتی و بەرپرسێ لقێ ئێک ب ھەڤالینیا کارگێرێ لقێ و بەرپرسێ پشکا شەھیدان دگەل ھژمارەکا مالباتێن شەھیدان کۆمبوو و ھاریکاری ل سەر وان بەلاڤکرن.

سەربەست تروانشی، بەرپرسێ لقێ ئێکێ پارتی دیار کر، شەھیدان روویێ سپی یێ گەلێ کوردستانێ ب دونیایێ دایە نیاسین، دیسا دایکێن شەھیدێن سەربلند، ب قیمەتترین دایکن د دونیایێ دا، چونکو وان دایکان عەگید و مێرخاس پەروەردەکرن، داکو ئەم ھەبین و گۆت: “ئەڤ کارێ ئەڤرۆ ئەم پێ رادبین ژ بۆ خزمەتکرنا کەسوکارێن شەھیدان ل دووڤ راسپاردێن راستەراستێن سەرۆک بارزانی یە و جەنابێ وی ھەموو شیان ئێخستینە کاری ژ بۆ خوشکرنا رەوشا ژیارا کەسوکارێن شەھیدێن سەربلند”.

دیسا کەسوکارێن شەھیدێن سەربلند سوپاسیا بەرپرسێ لقێ ئێکێ پارتی کرن ژ بۆ وان ھاریکاریێن بەردەوام پێشکێشی وان دکەت و پشتەڤانیا وان دکەت.

رۆسنەفت دێ کار ل کێلگەھێن پەتڕۆلێ یێن دھۆکێ کەت

12/06/2019 19:55

225

ھەولێر، قائید میرۆ:

کۆمپانیا رۆسنەفتا رۆسی دێ کار ل سەر پێنج کێلگەھێن پەتڕۆلێ ل پارێزگەھا دھۆکێ کەت و بسپۆرەکێ کەرتێ پەتڕۆلێ ژی دیار دکەت کو پێدڤیە ھەرێما کوردستانێ ب رێیا کۆمپانیا رۆسنەفت بەرھەمێ خوە یێ پەتڕۆلێ زێدە بکەت.

دکتۆر بێوار خنسی، بسپۆرێ کەرتێ پەتڕۆلێ بۆ ئەڤرۆ نیوز گۆت: “حوکمەتا ھەرێما کوردستانێ گرێبەستەک دگەل کۆمپا رۆسنەفتا رۆسی ئیمزاکریە ژ بۆی لێگەڕیانا پەتڕۆلێ ل سنوورێ پارێزگەھا دھۆکێ، ژ بەرکو ھژمارەکا چالێن پەتڕۆلێ ل دھۆکێ و دەڤەرێن چیایی ھەنە و پێدڤیە کۆمپانیێن نێڤدەولەتی پشکنینێ بۆ بکەن، نەخاسمە کۆمپانیەکا وەکو رۆسنەفت، چونکو کۆمپانیا رۆسنەفت ل پتریا وەلاتێن جیھانێ کار دکەت و چەندین کارێن گرنگ د بیاڤێ پەتڕۆلێ دا ئەنجامداینە، ژبلی دەرئینانێ کار ل سەر کەرتێ پەتڕۆلێ ب گشتی دکەت، ھەر ل ڤەدیتنێ ھەتا دەرئینان و پارزنینێ و ھەتا دووماھیێ”.

دکتۆر بێوار خنسی گۆتژی: “مە ل ھەرێما کوردستانێ ھندەک دەڤەرێن گرنگێن چیایی ھەنە پەتڕۆلەکا زۆر تێدا ھەیە و ب دەرئینانا ئەڤێ رێژا پەتڕۆلێ دێ بیتە ھاندەرەک رۆسنەفت کار بۆ ب جھئینانا پلانێن خوە بکەت ل کێلگەھێن دھۆکێ، بێگومان ئەڤە ژی دێ بیتە ئەگەرێ بلندبوونا رێژا بەرھەمئینانا پەتڕۆلا ھەرێما کوردستانێ و داھاتێ ھەرێمێ ژی دێ زێدە بیت”.

کار ل سەر تمامکرنا پرۆژێ ئوڤەڕپاسا باعەدرێ دھێتە کرن

12/06/2019 19:48

146

ئەڤرۆ نیوز، بارزان مزووری:

قایمقامێ قەزا شێخان بۆ ئەڤرۆ نیوز دیار کر، ب مەرەما کێمکرنا روودانێن ھاتنوچوونێ و ب ساناھیکرنا رێیێ؛ نوکە کار ل سەر تمامکرنا ئوڤەڕپاسا باعەدرێ دھێتە کرن.

سەردار یەحیا عەبدولعەزیز، قایمقامێ قەزا شێخان خویا کر، پرۆژێ ستراتیژی یێ دروستکرنا ئوڤەرپاسا باعەدرێ و کەلەکچی و دروستکرنا سایدێ دویێ یێ رێیا سەرەکی د ناڤ کۆمەلگەھا چرەی بۆ ناڤ سەنتەرێ ناحیا رۆڤیا ژ پرۆژێن گرنگێن حوکمەتا ھەرێما کوردستانێ یێن سالا ٢٠١٣ بوون، بەلێ ژ بەر قەیرانا دارایی پرۆژێ ئوڤەڕپاسا کەلەکچی و باعەدرێ ھاتبوو راوەستاندن.

ناڤھاتی ئاشکرا کر، پشتی رەوشا دارایی بەرەڤ باشبوونێ چووی و ب مەرما کێمکرنا روودانێن ھاتنوچوونێ و ب ساناھیکرنا رێیێ وان گڤاشتن ئێخستە سەر ھەردو کۆمپانیێن بجھئینەر کو پرۆژێ ئوڤەرپاسا کەلەکچی و باعەدرێ تمام بکەن و گۆت: “وان کۆمپانیان ئاریشەک د ناڤبەرا خوە دا ھەبوو، پشتی ئاریشا ژ لایێ دادگەھێ ڤە ھاتیە ئێکلاکرن ئێک ژ وان کۆمپانیا دەست ب تمامکرنا پرۆژەی کر، ل دەستپێکێ پرۆژێ ئوڤەڕپاسا کەلەکچی تمامکر و د نھا دا پرۆژێ ئوڤەڕپاسا باعەدرێ دێ تمام کەت”.

پلانێن ستراتیژی یێن ساخلەمیێ بۆ ھەموو قەزایان دێ ھێنە دانان

12/06/2019 19:43

163

ئەڤرۆ نیوز:

ژبو نێزیک ھایداربوون ل سەر رەوشا ساخلەمیێ ل قەزایێن سەر ب ساخلەمیا پارێزگەھا دھۆکێ ڤە و زانینا کێماسیان و چاوانیا پێشڤەبرنێ، د. نزار عسمەت، رێڤەبەرێ گشتیێ ساخلەمیا پارێزگەھا دھۆکێ ل گەل رێڤەبەرێن رێڤەبەری و کەرتێن ساخلەمیێ و ھژمارەکا سەرۆک پشکان کۆمبوو.

د. نزار عسمەت، رێڤەبەرێ گشتیێ ساخلەمیا پارێزگەھا دھۆکێ دیار کر، دڤێت ھەر رێڤەبەریەک کاودانێن خوە ب ھەلسەنگینیت و پلانەکا ستراتیژی بدانیت ل دۆر پێدڤیێن ھەر قەزایەکێ ژ ئاڤاھی و پێدڤیێن نۆشداری و ستافێ کاری بۆ ھندێ پتر پشتەڤانی لێ بھێتە کرن.

خویا ژی کر، ل دەمێ دەربازبووی کارەکێ باش دگەل کەرتێ تایبەت ھاتیەکرن و ھەتا رادەیەکێ مەزن شیاینە گەلەک جھان سزا بدەن و بگرن و گۆت: “پێدڤیە دووڤچوونا کەرتێ تایبەت یێ ساخلەمیێ بەردەوامی ھەبیت، مینا: نەخۆشخانە، کلینیکێن تایبەت یێن نۆشدار و کارمەندێن ساخلەمیێ، عمبار، دەرمناخانە و تاقیگەھان و ب چو رەنگەکی نابیت رێ ب سەرپێچیا بھێتەدان و ھەر جھەک پێگریێ ب پیڤەرێن قانوونا ساخلەمیا گشتی نەکەت و سەرپێچی بھێنە دیتن ژ سەرەدەریا دگەل نەخوشان و پاقژیێ، دڤێت پێرابوون دگەل بھێنە کرن و رێڤەبەرێن ساخلەمیێ ل قەزایان ھەموو دەستھەلات و ماف ھەنە بۆ دووڤچوونا کەرتێ تایبەت ژ سزادان و گرتنا وان”.

د. نزار عسمەت دوپاتی ل سەر بابەتێن خوەپاراستنا ساخلەمیێ کر، ب تایبەت ڤاکسیندانا زارۆیان و کونترۆلکرنا نەخۆشیێن ڤەگر و گۆت: “دڤێت رۆژانە ل ھەموو بنگەھێن ساخلەمیێ ڤاکسین بھێنەدان و چو زارۆ نەھێنە ڤەگەڕاندن ژ پێخەمەت کونترۆلکرنا نەخۆشیێن زارۆیان، دیسا نوکە وەرزێ ھاڤینێ یە و بۆ نەھێلانا نەخۆشیێن ڤەگر ل ڤی وەرزی، ب تایبەت نەخۆشیا کۆلێرایێ؛ فەرە ھەر ژ نوکە کۆمبوونێن بەرفرەە دگەل لایەنێن پەیوەندیدار بھێنە کرن ژ بۆی وەرگرتنا پێرابوونان و دانانا رێنمایان، داکو کۆلێرا پەیدا نەبیت”.

سەنتەرەکێ رەوشەنبیری و جڤاکی ل ناحیا چەمانکێ ھاتە ڤەکرن

12/06/2019 19:35

119

ئەڤرۆ نیوز، مەحمود نھێلی:

د رێورەسمەکی دا و ل ژێر چاڤدێری و بەرھەڤبوونا ئیسماعیل مستەفا رەشید، قایممقامێ قەزا ئامێدیێ و ئەلند ئەمیر، رێڤەبەرێ ناحیا چەمانکێ و بەرپرسێن دام و دەزگەھێن میری و حزبی و کەسایەتی و وەلاتیێن دەڤەرێ، ئەڤرۆ ١٢/٦/٢٠١٩ سەنتەرەکێ رەوشەنبیری و جڤاکی ل ناحیا چەمانکێ ھاتە ڤەکرن.

ئیسماعیل مستەفا، قایممقامێ قەزا ئامێدیێ زێدەباری پیرۆزباھیا خەلکێ چەمانکێ، سوپاسیا کۆمپانیا (HKN) کر و ھیڤی خواست کو ئەڤە ببیتە دەستپێکا ئەنجامدانا پرۆژێن بەرفرەھتر ل دەڤەرا چەمانکێ د ھەموو بیاڤان دا و گۆت: “سەنتەرێ رەوشەنبیری و جڤاکی ژ لایێ کۆمپانیا (HKN) یا پترۆلێ ڤە ب ھەڤکاری ل گەل وەزارەتا سامانێن سروشتی یا حوکمەتا ھەرێمێ و کارگێریا قەزا ئامێدیێ ب کوژمێ (٣٥٠) ھزار دۆلاران ھاتیە دروستکرن”.

گۆتژی: “ڤەکرنا سەنتەرێ رەوشەنبیری و جڤاکی ئێک ژ داخوازیێن وەلاتیێن دەڤەرێ بوو کو دێ مفایەکێ باش گەھینیتە ھەردو تەخێن ئافرەت و گەنجان ل دەڤەرێ”.

د روودانەکێ دا چوار کەس دبنه‌ قوربانى

12/06/2019 19:14

640

ئەڤرۆنیوز،سەباح زوهێر:
ئەڤرۆ ئێڤاری ل دوریانا کومەلگەها خەلیکان یا سەر ب قه‌زا ئاکرێ ترومبێلەک وەرگەریا و چارکەس بوونە قوربانی و دو ژ وان گیانێ خۆ ژدەست دا.
حسێن هێرش نوبەدارێ کارگێری ل نەخۆشخانا هەوارهاتنا ئاکرێ بۆ ئەڤرۆنیوز دا دیارکرن کو ل دەمژمێر ٦ونیڤێ چار کەسێن بوویەرێ دا بووینە قوربانی گەهاندنە نەخۆشخانا هەوارهاتنێ، لێ د ڤێ بوویەرێ دا دوو گەنجان کو ئێک دژیێ(۲۲)سالی و ئێک(۲٦)سالی بوو گیانێ خۆ ژ دەست دا و دوو کەس ژی برینداربوون و برینێن وان دسڤکن، ئەڤ کەسێن بەر بوویەرێ ژی کەفتی خەلکێ ناوچەداریا قەسروکێ نە.

ئەلمانیا د بزاڤێن خوە دا سەرکەفتی نەبوو

12/06/2019 19:00

ئەڤرۆ نیوز:

هایکۆ ماس وەزیرێ دەرڤە یێ ئەلمانیا پشتی ژ ئیرانێ ڤەگەریا ئێکسەر سەرەدانا ئەمریکا کر و بریارە ل گەل وەزیرێ دەرڤە یێ ئەمریکا مایک پۆمپیۆ کۆم ببیت.

دەزگەهێن راگەهاندنا ئەلمانیا دیار دکەن کو سەرەدانا وەزیرێ دەرڤە بۆ ئیرانێ سەرکەفتی نەبوویە و ئەمریکا ب چو رەنگەکێ داخوازیێن ئیرانێ قەبوول ناکەت، ژ بەر هندێ ژی ئالۆزیێن د ناڤبەرا ئەمریکا و ئیرانێ دا دێ توندتر لێ هێن.

ئیران داخوازا هاریکاریێ ژ یابانێ دکەت

12/06/2019 18:30

ئەڤرۆ نیوز:

ئەڤرۆ سەرۆک وەزیرێن یابانێ شینزو ئابێ ب سەرەدانەکا فەرمی گەهشتە تەهرانێ و ل گەل سەرۆک کۆمارێ ئیرانێ حەسەن رۆحانی کۆمبوو.

دەزگەهێن راگەهاندنا ئیرانێ دیار کرن کو سەرۆک کۆمارێ ئیرانێ داخواز ژ یابانێ کریە کو هاریکار بیت دا ئالۆزیێن د ناڤبەرا ئیرانێ و ئەمریکا دا بهێنە چارەکرن و سەرۆک وەزیرێن یابانێ ژی دیار کریە کو ئەو دێ بزاڤێ کەن دا چو شەر ل دەڤەرێ روو نەدەت.

نيشاندان 1...1,000 858859860 1,860 2,860 3,860...4,226 زێده‌تر

لاپه‌ر 859 ژ 4,226