ئەڤرۆ نیوز:
بەری دەمەکێ کێم ئەڤرۆ رۆژا چارشەمبی ١٢-٦-٢٠١٩ ھێزێن ئاسمانی یێن تورکیا جارەکا دی ئەڤرۆ دەست ب بوردومانکرنێ سنورێن قەزا ئامێدیێ کر و ئەڤرۆ ب دووراتیا ٥٠ متران ل نزیک لەقا ١٨ یا پارتی ل سەر رێیا سەرەکی یا ناڤبەرا دھۆک و ئامێدیێ دا بوردومانکر.
ئسماعیل مستەفا قائیمقامێ قەزا ئامێدیێ دیارکر د ڤێ بوردومانێ دا چو زیانێن گیانی نەبووینە تنێ چەند زیانەکێن مادی ل جھێ روودانێ پەیدابووینە.
ئەڤرۆ نیوز:
سیرگێی ریابکۆڤ جێگرێ وەزیرێ دەرڤە یێ روسیا راگەهاند کو مە پەیوەندیێن گەلەک باش ل گەل هەرێما کوردستانێ هەنە و پشتی کو حوکمەتا نوو یا هەرێما کوردستانێ دەست ب کارێ خوە بکەت دێ پەیوەندیێن مە باشتر ژی لێ هێن.
ناڤهاتی ئەو یەک ژی دیار کر وەکو روسیا دێ بەردەوام پشتەڤانیێ ل هەرێما کوردستانێ کەین.
ئەڤرۆ نیوز:
رێڤەبەرێ گشتی یێ کاروبارێن مەسیحیان ل وەزارەتا ئەوقاف و کاروبارێن ئایینی یا حوکمەتا ھەرێما کوردستانێ دیارکر بریارە پاپا فرەنسیس سەرەدانا عیراقێ و ھەرێما کوردستانێ بکەت ل ماوێ بھێت.
زێدەتر خالد ئەلبێرت دیارکریە، وەک ھاتیە پێشنیاز کرن بریارە پاپایێ ڤاتیکان سەرەدانا عیراقێ و ھەرێما کوردستانێ بکەت ل دەسپێکا سالا بھێت ٢٠٢٠ بیت و ل ھەیڤا شوبات یان ئادارێ ئەڤ سەرەدانە بھێتە کرن و ئەڤ چەندە ژی ل دووڤ داخوازا وان ب خوە بوویە ژ بەرکو کەشوھەوایێ ھەرێمێ یێ گونجایە و وەرزێ بھارێ یە.
ئەڤرۆ نیوز:
بەری دەمەکێ کێم مەسروور بارزانی سەرۆک وەزیرێ راسپاردی بۆ پێکئینانا حوکمەتا ھەرێما کوردستانێ راگەھاندنەک بەلاڤ کر.
د ڤێ راگەھاندنێ دا مەسروور بارزانی دیارکر پشتی ئەو ھاتیە راسپاردن بۆ پێکئینانا حوکمەتا نوو یا ھەرێما کوردستانێ سوپاسیا رولێ سەرۆک مەسعود بارزانی و مەکتەبا سیاسی و جەماوەرێ پارتی و پەرلەمانێ کوردستانێ و لایەنێن دی یێن حزبی کر کو باوەری دایە وی بۆ پێکئینانا حوکمەتا نوو یا ھەرێما کوردستانێ.
ناڤھاتی ئەو چەندە ژی دیارکریە ئەو دێ ب ھەموو شیانێن خوە کارکەت ب زووترین دەم و کێمتر ژ ھەیڤەکێ کابینەیا حوکمەتێ ب دووماھی بینم و رادەستی سەرۆکاتیا پەرلەمانی بکەم داکو پەسەند بکەن.
ئەڤرۆ نیوز:
ئەڤرۆ رۆژا چارشەمبی ١٢-٦-٢٠١٩ ب فەرمی یاریزانێ سربی لوکا یوڤیتێچ بۆ جەماوەر و دەزگایێن راگەھاندنێ ھاتە پێشکێشکرن ڤە ژلایێ کارگێریا یانا ریال مەدرید پشتی پشکنینێن نوشداری ب سەرکەفتیانو ب دووماھی ئیناین.
یوڤتیتێچ ئەوێ ژ یانا ئینتراخت فرانکفورت یا ئەلمانی ھاتیە بەرامبەر ٦٠ ملیۆن یورویان ھاتیە یانا ریال مەدرید بۆ ماوێ پێنج سالان.
د کونگرەکێ رۆژنامەڤانی دا یاریزانێ ناڤھاتی دیارکر ئەو وەک زارویەکی یێ دلخوشە کو ئەڤرۆ بوویە یاریزانێ ریال مەدرید و سوز دا ھەموو شیانێن خوە ھەموو ناسناڤان بۆ یانا خوە یا نوو دەستڤە بینت.
ئەڤرۆ نیوز:
کۆمەکا چالاکڤانێن مەدەنی و سیاسی یێن ناڤدار ل ئیرانێ داخواز ژ سەرۆکی شۆرەشا ئیسلامی یا ئیرانێ عەلی خامنەیی کرن کو دەستان ژ کاری بەردەت، چونکو سی سالن خامنەیی وەکو سەرۆکێ شۆرەشێ هەموو دەستهەلات کریە بن کۆنترۆلا خوە و رێ نادەت چو گوهۆرین ل ئیرانێ دروست ببن.
چالاکڤانێن ئیرانی داخواز دکەن کو ژ بۆ باشکرنا رەوشا وەلاتی دەست ب گوهۆرینێن بنگەهین ل ئیرانێ بهێتە کرن.
ئەڤرۆ نیوز، زنار تۆڤی:
ئەڤرۆ رۆژا چارشەمبی ١٢.٦.٢٠١٩ ل دەمژمێر ١:٥٠ خۆلەکی پشتی نیڤرۆ ھێزێن ئەسمانی یێن سۆپایێ تورکی دەڤەرا بەرواری بالا بۆمبە بارانکر.
عزەت دێریشکی ئێک ژ خەلکێ دەڤەرێ بۆ ئەڤرۆ نیوز دیار کر ئەڤرۆ ل دەمژمێر ١:٥٠ خولەکی پشتی نیڤرۆ، ب بەھانەیا ھبوونا گەریلایێن پەکەکێ فرۆکێن ئێف ١٦ یێن سۆپایێ تورکی چیایێ گابنێرکی ل دەڤەرا بەرواری بالا ب دژواری بۆمبە بارانکر و وێ بۆمبە بارانێ ترسەکا مەزن لدەف خەلکێ وان گوندێن نێزیکی گابنێرکی پەیدا کریە.
ناڤھاتی ئەو ژی گۆت: د ئەڤ سالە دا ئەڤە چەندین جاران فرۆکێن تورکی دەڤەرا بەرواری بالا بوردومانکر، د ھەمان دا رۆژانە تۆپخانا سۆپایێ تورکی گوندێن بێدۆھێ و پشتا کانی ماسێ تۆپ باران دکەت.
ئەڤرۆ نیوز:
بەری دەمەکێ کێم ئه‌ڤرۆ رۆژا چارشه‌مبى 12-6-2019 نێچیرڤان بارزانی سەرۆکێ ھەرێما کوردستانێ مەسروور بارزانی بۆ پێکئینانا کابینەیا نوو یا حوکمەتا ھەرێما کوردستانێ راسپارد.
پشتی دوھی رۆژا سێشەمبی ١١-٦-٢٠١٩ ژلایێ پەرلەمانێ کوردستانێ ڤە ب زورینەیا دەنگێن پەرلەمانتاران ڤە ھاتیە ھەلبژارتن وەک سەرۆک وەزیرێن نوو یێ ھەرێما کوردستانێ بەری دەمەکێ کێم نێچیرڤان بارزانی ب فەرمی مەسروور بارزانی راسپارد بۆ پێکئینانا کابینەیا نوو یا حوکمەتا ھەرێما کوردستانێ.
راسپاردنا مەسروور بارزانی ب ئامادەبوونا ھەرئێک ژ سەرۆکێ پەرلەمانێ کوردستانێ و سەرۆکێ ئەنجوومەنێ دادوەری یێ ھەرێمێ برێڤەچوو.
ئه‌ڤرۆ نيوز، نيوار محه‌مه‌د سه‌ليم:
پشتى دوهى ل سه‌ر رێیا گشتى د ناڤبه‌را هه‌ولێر و موسل كێشه د ناڤبه‌را دو شوفێران دروست بووى، شوفێره‌كێ، شوفێره‌كێ دن ب پێنج گوله‌یان كوشتى، ئه‌ڤرۆ پۆليسێن هه‌ولێر بكوژ ده‌سته‌سه‌ركر و راگه‌هاند كو دێ ب گۆره‌ى قانوونێ سه‌ره‌ده‌رى ل گه‌ل هێته كرن.
ليوا عه‌بدولخالق ته‌لعه‌ت د كۆنگره‌كێ رۆژنامه‌ڤانى دا گۆت: “ب مخابنى ڤى دوهى ئێڤارى د رێيا مووسل بۆ هه‌ولێر ل نێزيك فلكا باز روودانه‌كا دلته‌زين روودا پشتى پێكدادانا سڤك يا ناڤبه‌را دو ترۆمبێلان ب ره‌نگه‌كى كو يا وه‌سان نه‌بوو ئه‌و روودان ژێ په‌يدا ببيت”.
زێده‌تر گۆت: “پشتى شوفێرێن هه‌ردو ترۆمبێلان ژ ترۆمبێلان دهێته خوار، دبيته شه‌ره‌ده‌ڤ، د ئه‌نجامدا تاوانبار محه‌مه‌د عه‌بدولعه‌زيز، كو خوه‌جهێ سێبيرانه ب ده‌بانجێ وه‌لاتيه‌كێ دى ب ڤاێ هيشام ئيسماعيل د كۆژيت”.
ئاماژه ب وێ چه‌ندێ ژى كر كو پشتى بزاڤ و ماندووبوونه‌كا زۆر بۆ ده‌سته‌سه‌ركرنێ ل دووماهيێ تاوانبارى خوه راده‌ستى پۆليسان كر و ب گۆره‌ى ماددێ 406 يێ قانوونا سزايێن عيراقێ دێ هێته دادگه‌هكرن.
ب گۆره‌ى گۆتنێن رێڤه‌به‌رێ پۆليسێن هه‌ولێر، كێشا ڤان هه‌ردو كه‌سان ژ ئه‌گه‌رێ پێكدادانا سڤك يا ترۆمبێلان دروست بوويه كو دبيت بايێ نێزيكى 500 دۆلاران بيت.
ئەڤرۆ نیوز ، مەحمود نھێلی:
ژ ئەنجامێ پەقینەکی نیڤرۆیا ئەڤرۆ 12/6/2019 ل ئاقارێ دانگا گوندێ گوھەرز ئاگر درووست دبیت و تا نوکە ئەگەرێن روودانێ نەھاتینە زانین.
رەڤەند گوھەرزی وەک شاھد حال بۆ ئەڤرۆ نیوز دیارکر، کو وان دگەل گوھلێ بوونا دەنگێ پەقینەکی دیت کو ل ئاقارێ دانگا گوندێ گوھەرز دوکێلەک بلند بوویە و دەنگێ چ تشێن دی نەھاتیە. و نەھاتیە زانین کو ئایا فرۆکەیێن لەشکەرێ تورکیا بوویە و یان ژی توپ بوویە.
ناڤھاتی ئاشکرا ژی کر، کو ئەو نەشیانە خوە نێزکی جھێ روودانێ بکەن و زیانان ب دروستی بزانن ژ بەر کو فرۆکەیەکا سیخوری یا تورکیا ل ھنداڤا دەڤەرێ یە و مەترسیا بوردومانێ ل سەر دەڤەرێ ھەیە.
نوکە تیمێن ئاگر ڤەمراندنا دێرەلۆک بەرەڤ جھێ روودانێ دچن بۆ کونترولکرنا ئاگرێ بەربوویە دەڤەرێ.
نيشاندان