ئەڤرۆ نیوز:
حەسەن رۆحانی سەرۆک کۆمارێ ئیرانێ ئەڤرۆ راگەهاند کو دەمەکە دەزگەهێن راگەهاندنێ بەحسێ دانوستاندنێن مە ل گەل ئەمریکا دکەن، هەتا نها چو دانوستاندن د ناڤبەرا مە و ئەمریکا دا نەهاتینە کرن، لێ دەرگەهێ مە بۆ دانوستاندنان ڤەکریە و مە ژی مەرجێن خوە هەنە.
ل دۆر مەرجێن ئیرانێ ژی حەسەن رۆحانی دیار کر کو هەتا ئەمریکا سزایێن ل سەر ئیرانێ رانەکەت ئەو ب چو رەنگەکێ ل گەل ئەمریکا دانوستاندنان ناکەن، دڤێت بەر هەر تشتەکێ ئەمریکا سزایێن ل سەر ئیرانێ راکەت.
ئەڤرۆ نیوز، مەحمود نھێلی:
ئەندازیار عیسمەت ئیبراھیم بەرپرسێ ھوبا چاندنا دێرەلۆک بۆ ئەڤرۆ نیوز دیارکر، ژ بۆ پشتەڤانیکرنا جوتیاران و پێشخستنا کەرتێ چاندنێ حوکمەتا ھەرێمێ ئەڤسالە پتر ژ سالێن چوویی دێ ھاریکاریا جوتیاران کەت و خویاکر کو ئەڤە چەندین سال بوون ھاریکاری ب سەر جوتیاران دا نەدھاتنە کرن لێ ئەڤسالە دێ ھاریکاریێن بسەر دا ھێنە دابەشکرن بتایبەتی ئەو جوتیارێن برنج چاندنی و گۆت ( نوکە ئەوان دەست ب دابەشکرنا پەینی یێ کیمیای کرینە ب سەر وان جوتیارێن یێن کارێ چاندنا برنجی کری).
ناڤھاتی خویاکر، کو ژبلی پەینی یێ کیمیای دێ دەرمانێ ئادێ برنجی ژی ب سەر جوتیاران دا ھێتە پارڤەکرن و چێدبیت پتر ھاریکاریا جوتیاری بھێتە کرن ژ ھەموو لایەکی ڤە.
ئەڤرۆ نیوز:
رۆژناما یەنی شەفەق یا تورکیا کو رۆژنامەکا نێزیکی ئاکپارتیێ یە دیار دکەت کو هەتا دو مەهێن دی تورکیا دێ سیستەمێ مۆشەکی یێ بەرنیاس ب س٤٠٠ ژ روسیا بکڕیت و دێ ل جهێن هەستیار و گرنگ ل تورکیا دا هێنە دانان.
رۆژناما تورکیا ئاماژە ب هندێ ژی کریە کو ئەردۆگان و حوکمەتا وی گرنگیێ ب گەفێن ئەمریکا نادەن و دێ سیستەمێ مۆشەکی ژ روسیا کڕن.
ئەڤرۆ نیوز، نەوزاد ھلۆری:
کومپانیا سمارت د نووترین کار و داھێنان دا رابوویە ب دروستکرن و بەرھەمئینانا نووترین بهرههمێ خوه کو ئەو ژی بچووکترین ترۆمبێلە ھەتا سالا 2019 و نوکە کەفتیە د بازاری دا، ئەڤ یەک ژی ب ئێک ژ باشترین کاران دھێتە دیتن.
ب گورەی نوچهیەکى کو مالپەرێ car icos بەلاڤکریە، کومپانیا سمارت ل دووماھیا ھەیڤا ئایارێ نووترین بەرھەم و داھێنانا خوە بەلاڤکر کو ئەو ژی بەرھەمئینانا ترۆمبێەکا گەلەک بچووکە ب ناڤێ Smart For Two بۆ سالا 2019.
کومپانیێ زێدەتر روونکریە کو ھەر چەندە ترۆمبێل يا بچووکە، بەلێ بزوێنەرەکێ ب ھێز ھەیە کو ئەو ژی 1،6 لیترە و ددەما دەمژمێرەکێ دا دشێت ھەتا 100کم بچیت، ب ڤێ یەکێ بھایێ وێ بۆ 30 ھزار دولاران بلند بوویە و جھێ دو کەسان دكهت.
کومپانیا ناڤبری ئێکە ژ کومپانیێن ئەلمانی و ل سالا 1995 ژ لایێ کەیترن ئەدیت ڤە ھاتیە دامەزراندن، پرانیا وان ترۆمبێلێن کومپانیا ناڤبری دروستکری ترۆمبێلێن بچووک بووینە.
ئەڤرۆ نيوز، ئێقبال و نهوزاد:
ئەڤرۆ ل رێکەفتی 29ى گۆلانا 2019ێ ل دەمژمێر 09:15 خولەکێ دانێ سپێدێ فروکێن شەرکەرێن سوپایێ تورکیا ب بهھانەیا ھەبوونا بنگەھێن چەکدارێن پارتا کرێکارێن کوردستانێ (پ . ک . ک) چیایێ کورەژاری ل ھنداڤی باژێرێ شێلادزێ یا سەر ب قەزا ئامێدیێ ڤە بوردۆمان دکەن و ترس و لەرزەکا مەزن ل دەف وەلاتیان پەیدا بوویە ژ بەر کو دەنگەکێ زوورێ ب ھێز ژ وێ بومبەبارنکرنێ دھێت و بوویە ئەگەرێ شکاندنا پەنجەرێن خانیێن وەلاتیان.
ئەڤرۆ نیوز، رێوار مزیری:
بەرپرسا پشکا راگەهاندنێ ل رێڤەبەریا گشتی یا رەوشەنبیری و هونەری ل دهۆکێ بۆ ئەڤرۆ نیوز دیار کر کو رێڤەبەریا گشتی یا رەوشەنبیری و هونەری ل دهۆکێ ب هەمەهەنگی دگەل رێڤەبەریا ئەوقافێ ل پارێزگەها دهۆکێ دێ شەڤا قەدرێ (ليلة القدر) ل رێکەفتی 31/5/2019 ل دەمژمێر 10:30 شەڤێ ل پارکا نەورۆز ل دهۆکێ ب چەندین چالاکیان ساخ کەن.
ئاواز نهێلی، بەرپرسا پشکا راگەهاندنێ ل رێڤەبەریا گشتی یا رەوشەنبیری و هونەری ل دهۆکێ دیار کر کو شەڤا قەدرێ دێ ب پشکداریا چەندین مامۆستایێن ئایینی یێن پارێزگەها دهۆکێ هێتە ساخکرن و گۆت: “چەندین تیپێن ئایینی ژی ب گۆتنا مەدیحان دێ د ڤێ شەڤا پیرۆز دا پشکدار بن”.
ئەڤرۆ نیوز ٬ عەلی حاجی :
حەکیم یوسڤ زێدەتری ۲۰ سالە ل هەیڤا رەمەزانێ ل کولانێن زاخۆ شعرێن ئایینی دبێژیت و وهلاتی ژی هاریکاریێ دگەل دا دکەن .
ئهڤرۆ نیوز:
سهرۆك مهسعود بارزانى ئهڤرۆ سێشهمبى 28/5/2019 پێشوازى ل نهزمى حزورى، كونسۆلێ فلستینێ ل ههرێما كوردستانێ كر.
د دیدارهكێ دا كونسولێ فلستینێ سلاڤێن مهحموود عهباس سهرۆكێ فلستینێ گههاندنه سهرۆك بارزانى وپێزانین بۆ رۆلێ سهرۆك بارزانى د سهقامگیریا كوردستانێ وعیراقێ ودهڤهرێ وههروهسا پێشڤهبرنا كهلتوورێ پێكڤهژیانێ د ناڤبهرا پێكهاتێن نهتهوى وئایینى دا ههبوو.
ههر د وێ كۆمبوونێ دا دووپاتى ل پهیوهندیێن دیرۆكى د ناڤبهرا گهلێ كوردستانێ وگهلێ فلستینێ ورهوایهتیا دۆزا ههردو گهلان هاته كرن.
ئەڤرۆ نیوز:
ب ههلكهفتا هاتنا مهها رهمهزانا پیروز ول دوڤ بهرنامهكێ دهست نیشانكرى یێ كارگێریا پارێزگهها دهوكێ بو دانا فتارا بو تهخێن جودا جودا ئهڤرو ئێڤارى 28-5-2019 فهرهاد ئهمین ئهتروشى پارێزگهرێ دهوكێ ب ئامادهبونا جێگرێن پارێزگهرى فتاره دگهل قوتابیێن پشكێن نافخویى خوار .
بڤێ ههلكهفتێ پارێزگهرێ دهوكێ بناڤێ كارگێریا پارێزگهها دهوكێ و خهلكێ پارێزگههێ پیروزباهیێن گهرم ئاراستهى رێزدار نێچیرڤان بارزانى كرن ب ههلكهفتا ههلبژارتنا جهنابێ وى ژلایێ پهرلهمانێ كوردستانێ بو پوستێ سهروكاتیا ههرێما كوردستانێ .
پارێزگهرێ دهوكێ تهكهزكر كو نێچیرڤان بارزانى پترى بیست سالایه وهكو سهركردهكێ خودان ئهزمون وشیان خزمهتا حكومهتا ههرێمێ وخهلكێ كوردستانێ كریه ورولێ وى یێ بهرچاڤه ل سهر ئاستێ ههرێمێ وئیراقێ وجیهانێ وهیڤى خاستن كو ل دویڤ دهستهههلاتێن وى ههین ئهو پشتهڤانیێ ل پارێزگهها دهوكێ بكهت وژین وژیارا خهلكى خوشبكهت وسهركهفتن بو جهنابى وى خواست.
سهبارهت ئامادهكرنا فتارێ بو قوتابیێن پشكێن نافخویى گوت: فتاره ل دوڤ بهرنامێ كارگێریا پارێزگهها دهوكێ بو تهخێن جودا جودا هاتینه ئامادهكرن وفتارا ئهڤرو بو قوتابییان هاتیه ئامادهكرن وهكو پشتهڤانییهكا مهعنهویه بو قوتابییان نهخاسمه نوكه وهرزێ ئهنجامدانا ئهزمونایه ودهست خوشى ل قوتابیێن بهرههڤبوى كر وهیڤى خاستن جهژنهكا خوش وئارام دهربازكهن وئهنجامێن باش ژى ب دهستڤهبینن ، ههروهسا دهست خوشى ل ستافێ كارگێریا پارێزگههێ كر بو بهرههڤكرنا فتارا بو تهخێن جودا جودا وخواست كو روژێن خوش وگهشتر ب سهر ههموو خهلكێ پارێزگههێ دا بهێن .
ههژى گوتنێ یه ستافێ كارگێرى یێ پارێزگههێ فتاره بو نێزیكى(1500) قوتابیێن پشكێن نافخویى ل ناڤهندا پارێزگههێ ئامادهكربو.
بریار ئهوه ل روژێن بهێت ژى كارگێریا پارێزگههێ چهند فتارێن دن بو تهخێن جودا جودا بهرههكهت.
نيشاندان