ئەڤرۆ نيوز، هەرهین محەمەد:

هەرسال رۆژێن نێزیكی جەژنێ‌ جادێن دناڤ بازارێ‌ دهۆكێ‌ دا كەلوپەلێن جەژنێ‌ ب بهایەكێ‌ ئەرزانتر ژدوكانان دهێنە فرۆتن و ل دووڤ گۆتنێن هندەك فرۆشیاران ژی كو دماوێ‌ دو سێ‌ رۆژان دا نێزیكی 400 كەس هاتینە سەرجادێ‌ كەلوپەلان دفرۆشن ژبەر نێزیك بوونا جەژنا رەمەزانێ‌ و پتریا وان ژی هەر دوكاندار بخوە نە.

عیسا محەمەد سەعید، دوكاندارە ل ناڤەندا بازارێ‌ دهۆكێ‌ ل جادا نوشداران گۆت: دەمێ‌ دبیتە نێزیكی جەژنێ‌ و عەرەفاتان خەلك دهێتە بەرامبەر دوكانێن مە تشتان ب خوە دفرۆشن و گەلەك بێ‌ سەروبەر دكەن و ئەڤە بۆ دەمێ‌ سێ‌ رۆژە هاتینە سەر جادێ‌ تشتان دفرۆشن و هندی ئەڤ كەسە جادێ‌ بێ‌ سەرو بەر دكەن و ژبەرهندێ‌ نەچاردبین ئەم ب خوە تشتێن خوە بینە سەرجادێ‌ ب فرۆشین و ب بهایەكێ‌ كێم و ل دوكانێ‌ بۆمە باشترە و ب دلێ‌ من نینە چو كەس ل بەردەرێ‌ دوكانا من كەلوپەلێن وەكو یێن من ب فرۆشیت، چونكو كەس یێن من ناكریت و حەزدكەم چارەسەریەك بۆمە و وان هەبیت و دڤی ماوێ‌ كورت دا نێزیكی 400 كەس هاتینە سەرجادێ‌ كەلوپەلان دفرۆشن ژبەرجەژنێ‌ و سێ‌ چارێكێن وان ژی هەردوكاندار ب خوەنە و نەڤێت كەس بەردەرێ‌ دوكانا وی كەلوپەلێن جەژنێ‌ ب فرۆشیت و بكرێن وی كێم بن.
هەر ل هەمان جادە فرۆشیارەك ب ناڤێ‌ (جیهاد جه‌عفەر) دبێژيت: سێ‌ جارێكێن ڤان فرۆشیاران یێن كەلوپەلێن بخوە دفرۆشن دوكاندار ب خوەنە و نەڤێت كەس بەرامبەری دوكانا وی تشتان ب فرۆشیت و قازانج بكەن، چونكو كەلوپەلێن سەرجادێ‌ دهێنە فرۆتن بهایێ‌ وان كێم ترە ژیێ‌ دوكانێ‌ ڤە بهێتە فرۆتن و ئەڤە بۆ دەمێ‌ سێ‌ رۆژایە ئەم هاتینە سەرجادێ‌.
سەركەت محەمەد حەسەن، فروشیارێ‌ پێلاڤان بۆ ل هەمان جادە و گۆت: ئەو تشتێ‌ ل سەر جادا دهێتە فرۆتن بهایێ‌ وان كێم ترە ژیێ‌ دوكانان و دیسان هەروەكی وان كەلوپەلان نە یێن ل دوكانا دهێتە فرۆتن لەورا ب دلێ‌ هندەك دوكانداران نینە ئەم ل سەر جادێ‌ تشتان بۆ خوە ب فرۆشین، لەورا هە ر دوكاندارەكی تشتەك ژدوكانا خوە ئینا یە بەردەرگەهێ‌ دوكانا خوە دا كەس چ تشتان ب خوە نەفرۆشیت و دڤان دو سێ‌ رۆژان دا نێزیكی 400 كەس هاتینە سەرجادێ‌ تشتان دفرۆشن و پتریا وان ژی دوكاندارن و ئەو كەسێن دی ژی كەسێن بێ‌ كارو هەژارن بخوە ڤی كاری دكەن.