ئەڤرۆ نیوز، بارزان مزووری:
کومیسەر سەوری نەعمان ل پشکا ھاتنوچوونا ئەلقوش بۆ ئەڤرۆ نیوز گوت: (ئەڤرۆ دەمژمێر ١:٣٠ نیڤرۆ رێککەفتی ٣٠/٥/٢٠١٩ ل سەر رێیا سەرەکی شێخان بۆ ئەلقوش ترومبێلەک ژ جورێ کەیە بارھەلگر وەرگریا د ئەنجام دا شوفێرێ ترومبێلێ گیانێ خوە ژ دەست دا تەرمێ وی بۆ نوژداریا داد ل دھۆک ھاتە ڤەگوھاستن).
ناڤھاتی خویاکر ئەو کەسێ گیانێ خوە ژ دەست دایی بناڤێ”زوھێر حنە” ژیێ وی ٣٠ سالن و ئاکنجیێ ناحیا ئەلقوشە.
ئەڤرۆ نیوز، بارزان مزووری :
لژێر درووشمێ “پاراستنا زارۆیا ئەرکێ مە ھەمیانە بەرەڤ کوردستانەکا گەش” لژێر چاڤدێریا “سەردار یەحیا “قائیمقامێ قەزا شێخان ئەڤرۆ دەمژمێر١٠:٣٠ سپێدێ رێککەفتی ٣٠/٥/٢٠١٩ب بەرھەڤبوونا قائیمقامێ قەزا شێخان و نوونەرێن لقا ٢٠ شێخان و رێڤەبەرێن میری یێن شێخان رێڤەبەریا چاڤدێری و گەشەپێدانا جڤاکی شێخان رۆژا جیھانی یا زارۆیا ب چەندین چالاکیا ھاتە ساخکرن.
جەمیل عەبدوللا رێڤەبەرێ چاڤدێری و گەشەپێدانا جڤاکی ل شێخان بۆ ئەڤرۆ نیوز دیار کر پشتی ساخکرنا ڤێ رۆژێ زێدەتری ١٢٠ زارۆیێن سەنتەرێ قەزا شێخان یێن بنەجھ و ئاوارە ھاتنە خەلات کرن، ل قەزا شێخان سالانە ئەڤ رۆژە دھێتە ساخکرن ئەڤسالە ژی جودا دگەل سالێن دی ھاتە ساخکرن.
ئه‌ڤرۆ نیوز، نه‌وزاد هلۆرى:
ئه‌ڤرۆ د تاقیكرنا وانه‌یا بیركاریێ دا، قوتابیه‌ك ل گه‌ل توره‌كا ل ده‌رڤه‌یێ قوتابخانێ، ل قوتابخانا یاسا ب قوپیایێ هاتنه گرتن و بلوتوز د گوهاندابوون.
لسه‌ر ئه‌ڤى بابه‌تى مه په‌یوه‌ندى ب ئێك ژ ماموستایێن چاڤدێر ل قوتابخانا ناڤبرى ب ناڤێ (حكمه‌ت عیسا) كر، زێده‌بارى پشتراستكرنا بابه‌تى بۆ ئه‌ڤرۆ نیوز گۆت: (ئه‌ڤرۆ كه‌سه‌كێ ل ده‌رڤه‌یێ قوتابخانێ په‌رتوك د ده‌ستان دا بو د ئاخفت، پاشان هێزێن ئاسایشێ و نه‌هێلانا گونه‌هباریێ گومان ژ وى دبر، ژبه‌رڤێ پرسیار ژ وى كر كا ل گه‌ل كێ د ئاخڤیت؟، ئه‌و ژى دایه دیاركرن كو ل گه‌ل كه‌سه‌كێ دئاخڤیت بناڤێ “ح” پاشى ئه‌وان ئه‌و كه‌سه ل گه‌ل خوه ئینایه د هولا تاقیكرنان دا و ئه‌و كه‌س ده‌ستنیشانكرن كو قوپیایێ دكه‌ت).
زێده‌تر گۆت: (ئه‌و قوتابیێ قوپیا دكر ئێكسه‌ر هاته‌گرتن و بلوتوز دگوهان دا ئینایه‌ده‌رێ كو ئێك بوو ژ قوتابیێن ده‌ره‌كى، ب رێیا بلوتوزى ل گه‌ل ده‌رڤه‌یێ قوتابخانێ د ئاخفت، پاشى ئاسایشێ ب رێیا ئه‌و كه‌سێ ل ده‌رڤه‌یێ قوتابخانێ چه‌ند كه‌سه‌كێن دن ژى ده‌ستنیشانكرن كو ب ئه‌ركێ قوپیاكرنێ رادبوون و ئاسایشێ ئه‌و تورا قوپیایێ هه‌موو گرتن).
ماموستایێ چاڤدێر سوپاسیا هێزێن ئه‌منى و ئاسایش و نه‌هێلانا گونه‌هباریان كر كو روله‌كێ كارا هه‌یه بو نه‌هێلانا قوپیایێ و هاریكاریا وان دكه‌ن.
ئەڤرۆ نيوز:
ھونەرمەندێ سترانبێژ محەمەد تەھا ئاکرەیی، د دیدارەکێ دا بۆ ئەڤرۆ گۆت: بەری ریفراندۆمێ من بەرھەمەک بەرھەڤکر بوو من دڤیا ل گەل راگەھاندنا دەولەتا کوردستانێ بەلاڤ بکەم، بەلێ مخابن ژبەر ھندەک ئەگەران کو ئەم ھەموو دزانین دەولەت نەھاتە راگەھاندن، من ژی ژبەر رەوشا کوردستانێ بەرھەمێ خوە بەلاڤ نەکر ھەتا نوکە راگرت، بەلێ یێ ب دووماھی ھات و من ل بەرە وەک دیاری بۆ جەژنێ بەلاڤ بکەم.
محەمەد گۆت: بەرھەم ب ناڤێ (ئەز و تۆ) یە، ژ پەیڤ و ئاوازێن ھەلبەستڤان و ھونەرمەند عەبدولرەحمان حاجی نە، ژ نەھـ تراکان پێک دھێت و ل کوردستانێ ھاتیە تۆمارکرن، ھەروەسا ب رێیا کەنالێ منێ تایبەت ل یۆتوبێ دێ بەلاڤ بیت، نوکە نەشێم چو کلیپان چێکەم چونکو ئەز ماموستامە ل وەلاتێ سویدێ و دەمێ ئەز مۆنایە بەلێ من ل بەرە ل ھەیڤا خزیرانێ ب زڤرمە کوردستانێ.
ئه‌ڤرۆ نيوز:
زێدەبوونا سەنگێ و کۆمبوونا بەزی ل ناڤتەنگێ و کەمەرێ و رانان ئێک ژ وان ئاریشانە یێن پتریا خەلکی تووش دبنێ، ب ڤێ پێکھاتێ ل خوارێ تو دشێی ژ وێ ئاریشی دوور بکەڤی:
سیر ئێک ژ وان خوارنانە یێن گەلەک مفا بۆ ساخلەمیێ ھەنە ب تایبەت بۆ کێمکرنا سەنگێ، ژبەرکو خوارنا سیرێ دبیتە ئەگەر سۆتنا گالۆران و بەلانسا خوارنا رادگریت.
سیرێ و نیمۆکێ بۆ کێمکرنا سەنگێ بکاربینی، چچار کتێن سیرێ د گەل ئاڤا نیمۆکێ بکە د ئامانەکێ بچووک یێ تژی ئاڤ و 5 دەقیقان بکەلینە، پاشی خوە لێبگەرە ھەتا سار دبیت، سپێدەھیان بەری تێشتێ کۆپەکی ژێ ڤەخۆ، پشتی دەمەکێ کێم دێ ھەست ب گوھۆرینان کەی.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 30ى گۆلانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.100 دينار |
| 100 يۆرۆيێ ئه‌ورۆپى | 133.500 دينار |
| 100 ليرێ توركى | 20.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
راكان جبۆرى پارێزگارێ سه‌پاندى يێ كه‌ركووكێ، ب تۆمه‌تا مه‌زاختنا 900 مليۆن ديناران بۆ خوارنا مێڤانخانا پارێزگه‌هێ، دێ بۆ دادگه‌هێ هێته گازيكرن.
ب گۆره‌ى نڤيسارا ده‌سته‌يا ده‌ستپاكيێ كو ميديايێن عيراقى به‌لاڤكريه، پارێزگارێ ب وه‌كاله‌تێ كه‌ركووكێ ب تۆمه‌تا گه‌نده‌ليێ، بۆ به‌غدا هاتيه گازيكرن و ئێك ژ وان دوسيا ژى ئه‌وه كو 900 مليۆن دينار بۆ خوارنا مێڤانخانا پارێزگه‌هێ د ماوه‌كێ كێم دا مه‌زاختينه.
راكان جبۆرى پارێزگارێ ب وه‌كاله‌ت يێ كه‌ركووكێ، دێ بۆ دادگه‌هێ هێته گازيكرن و ئيمزايا ئاماده‌بوونێ بۆ به‌رسينگێ دادگه‌هێ ل سه‌ر كريه. ئه‌ندامه‌كێ جڤاتا پارێزگه‌ها كه‌ركووكێ راگه‌هاند بۆ چاوانيا مه‌زاختنا پارێ ئيدارا كه‌ركووك چه‌ند پرسيار ئاراسته‌ى وى هاتينه كرن، به‌لێ هه‌تا نوكه به‌رسڤ نه‌دايه هه‌تا كار گه‌هشتيه دادگه‌هێ.
ئه‌ڤر نیوز:
ب هه‌لكه‌فتا هاتنا مه‌ها ره‌مه‌زانا پیروز ول دووڤ به‌رنامێ كارگێریا پارێزگه‌ها دهۆكێ بو دانا فتارا بو ته‌خێن جودا جودا و ل دووڤ شیره‌تێن فه‌رهاد ئه‌مین ئه‌تروشی پارێزگه‌رێ دهۆكێ ل ئێڤاریا رۆژا 29-5-2019 ب ئاماده‌بوونا سه‌روكێ زانكویا دهوكێ فتاره خارنه‌ك ل ناڤ ئاڤاهیێ پشكێن نافخویی ل زانكویا دهوكێ بو (1500) قوتابیێن كچ هاته دان .
هه‌ژی گوتنێ یه ئاماده‌كرنا فتاران بو قوتابیێن پشكێن نافخویی ژ كور وكچان وه‌كو پشته‌ڤانییه‌كا مه‌عنه‌ویه وهاندانه‌كه بو قوتابییان كو پتر بخوینن نه‌خاسمه نوكه وه‌رزێ ئه‌نجامدانا ئه‌زمونایه.
ئه‌ڤرۆ نيوز:
سه‌رۆكا په‌رله‌مانێ كوردستانێ، هه‌موو ئه‌ندامێن په‌رله‌مانێ كوردستانێ داخواز دكه‌ت بۆ ئاماده‌بوون د روونشتنا ژماره (7) يا ئاسايى، سالا ئێكێ ژ خولا ئێكێ يا هه‌لبژارتنێن پێنجێ يا په‌رله‌مانى، ل ده‌مژمێر 11:00ى به‌رى نيڤرۆيا رۆژا دوشه‌مبى رێكه‌فتى 10ى خزيرانا 2019ێ وئه‌ڤه ژى ده‌قێ وێ يه:
نيشاندان