ئەڤرۆ نیوز:
وەزارەتا دەرڤە یا ئەمریکا ئەڤرۆ ب فەرمی رێکخراوا رزگاریا بەلوچستانێ کرە د ناڤ لیستا رێکخراوێن تیرۆرستی دا.
وەزارەتا دەرڤە یا ئەمریکا دیار کریە کو وێ رێکخراوێ گەلەک کریارێن تیرۆرستی ل پاکستانێ ئەنجام داینە و بووینە ئەگەرێ کوشتنا ب سەدان وەلاتیێن مەدەنی، ژ بەر هندێ ژی مە ئەو رێکخراوە کریە د ناڤ لیستا رێکخراوێن تیرۆرستی دا.
ئەڤرۆ نیوز:
بەرپرسێ کونترولا دەرمانان ل وەزارەتا ساخلەمیا ھەرێما کوردستانێ ئاشکرا کر ل ماوێ بوری شیان ٣٣ بازرگانێن دەرمانێن سەختە دەستەسەر بکەن و کەسێن بیانی ژی دگەل دا ھەنە.
د. گۆران رۆژبەیانی زێدەتر گۆت: ھژمارەکا قەچاخچی و بازرگانێن دەرمانان ھاتینە دەستەرکرن و ھاتینە رەوانەکرن بۆ دادگەھێ کو ھژمارا وان دگەھیتە ٣٣ کەسان کو ڤان کەسان ڤیایە بشێوەکێ قاچاژ دەرمانان بینە ھەرێما کوردستانێ لێ ھێزێن پولیس و ئاسایشێ شیان ڤان کەسان دەستەسەر بکەن.
ناڤھاتی ئەو چەندە ژی دیارکر کو د ڤەکولینا دادگەھێ دا دیاربوویە چەندین کەسێن دی لپشت ڤێ چەندێ ھەنە کو خەلکێ تورک و عەرەب بووینە لەورا وان ژی ھەموو بزاڤێن خوە توندکرینە بۆ رێگری کرن ل ئینانا دەرمانێن سەختە .
ئەڤرۆ نیوز:
فراکسیونا پارتی دیموکراتی کوردستان ل پەرلەمانێ کوردستانێ د راگەھاندنەک دا دەربارەی رەوشا خراب یا کارەبا پارێزگەھا دھۆکێ و خزمەتگوزاریان بۆ خەلکێ پارێزگەھێ بەلاڤ کر.
ل دووڤ وێ راگەھاندنا ھاتیە بەلاڤ کرن ئاماژە ب وێ چەندێ ھاتیە کرن فراکسیونا پارتی ئاگەھداری رەوشا خرابیا کارەبا گشتی یا پارێزگەھا دھۆکێ ھەیە و ئەو دێ ھەموو ھەولێن خوە ئێخنە کاری بۆ چارەسەرکرنا ڤێ کێشێ.
ل ھەمان دەم ھاتیە ئاشکرا کرن دگەل لایەنێن پەیوەندیدار و ھەتا سەرۆکێ ھەرێمێ نێچیرڤان بارزانی ل سەر ھێلێ نە بۆ چارەسەکرنا ڤێ رەوشا خراب یا کارەبێ ل زووترین دەم و بۆ ڤێ مەبەستێ ژی نامەیەک خستیە بەردەستێ سەرۆکێ ھەرێمێ.
ئەڤرۆ نیۆز:
ئه‌ڤرو 3-7-2019ل رێڤه‌به‌ریا كوچ وكوچبه‌ران ل دهوكێ ب ئاماده‌بونا ئیسماعیل محەمەد ئەحمەد هاریكارێ پارێزگه‌رێ دهوكێ بو كاروبارێن مروڤایه‌تى وحسێن قایدى به‌رپرسێ نڤێسینگه‌ها رزگاركرنا كچ وژنێن ئێزدى ل دهوكێ وئدریس مسته‌فا نونه‌رێ وه‌زاره‌تا كوچ وكوچبه‌رێن ئیراقا فیدرال وچه‌ند به‌رپرسێن ئیدارى ، كونگره‌كێ روژنامه‌ڤانى بو به‌رپرسا نڤێسینگه‌ها به‌رسڤ دانا قه‌یرانان هاته ل دارخستن ژبو راگه‌هاندنا به‌لافكرنا هاریكاریێن وه‌زاره‌تا كوچ وكوچبه‌رێن ئیراقا فیدرال لسه‌ر كچ وژنێن ئێزدى یێن ژ ده‌ستێن تیرورستێن داعش هاتینه رزگاركرن.
ل ده‌ستپێكا كونگره‌ى مه‌نال محمد به‌رپرسا نڤێسینگه‌ها به‌رسڤدانا قه‌یرانان( JCC)په‌یڤه‌ك خاندن وگوت: ئه‌ڤرو ئه‌م دێ گه‌را دووێ `هاریكاریێن دراڤى یێن وه‌زاره‌تا كوچ وكوچبه‌رێن ئیراقێ ل سه‌ر(899) رزگاربویێن ژده‌ستێ داعش به‌لاڤكه‌ین وبو هه‌ر رزگاربویه‌كى كوژمێ (2) ملیون دینار هاتینه ته‌رخانكرن وته‌كه‌زكر كو ئه‌ڤ به‌رنامه ب هه‌ڤكاریا وه‌زره‌تا نافخویا هه‌رێما كوردستانێ و وه‌زاره‌تا كوچ وكوچبه‌رێن ئیراقێ دێ ئه‌نجامدان و وپشتى ڤێ گه‌رێ به‌رنامه دێ به‌رده‌وامبیت.
پاش هاریكارێ پارێزگه‌رى بو كاروبارێن ئاواره وپه‌نابه‌ران دپه‌یڤه‌كێدا سوپاسیا وان هه‌موو لایه‌نان كر یێن ئه‌ڤ به‌رنامه رێكخستى هه‌روه‌سا سوپاسیا به‌رێز نیچیرڤان بارزانى سه‌روكێ هه‌رێما كوردستانێ كر كو هه‌ر ژسالا 2014ێ وده‌مێ كچ وژنێن ئێزدى هاتینه ره‌ڤاندن زور هاریكاربویه بو رزگاركرنا ره‌ڤاندیا وئه‌ڤرو (899) ژكچ وژنێن ئێزدى یێن هاتینه رزگاركرن دێ هاریكاریه‌كا دراڤى وه‌رگرن ئه‌وژى مه‌بله‌غێ دوو ملیون دینارایه وبه‌رى نوكه ژى ئه‌ڤ هاریكاریه ل سه‌ر (77) رزگاربویێن دن هاتیه به‌لافكرن .
هاریكارێ پارێزگه‌رى بو كاروبارێن ئاواره وپه‌نابه‌ران ته‌كه‌زكر كو ئه‌ڤ كوژمێ پاره‌ى یێ كێمه ورزگاربویێن ژده‌ستێ تیرورستێن داعش پێدڤى بهاریكاریێن ده‌رونى وته‌ندورستى وخزمه‌تكاریێن دى هه‌یه وهیڤى خاستن هه‌موو رزگاربویێن ماین ڤێ هاریكاریێ وه‌رگرن وسوپاسیا هه‌موو لایه‌نان كر یێن ئه‌ڤ هاریكاریه دابینكرین تایبه‌تى وه‌زاره‌تا كوچ وكوچبه‌رێن ئیراقێ وبه‌رهه‌ڤیا پارێزگه‌هێ نیشان دا بو هه‌ر هه‌ڤكاریه‌كێ.
پاش حسێن قایدى به‌رپرسێ نڤێسینگه‌ها رزگاركرنا كچ وژنێن ئێزدى ل دهوكێ دپه‌یڤه‌كێدا ته‌كه‌زكر كو ئه‌ڤ پروژه به‌رى ساله‌كێ هاتبو پێشنیاركرن وئه‌م دگه‌ل لایه‌نێن په‌یوه‌ندیدار گه‌هشتینه وێ چه‌ندێ كو بو هه‌ر رزگاربویه‌كى دوو ملیون دینار بهێنه دابینكرن وئه‌ڤرو ئه‌و به‌رنامه كه‌ته دوارێ بجهئینانێ دا و هاریكارى ل سه‌ر (899) رزگاربویان دێ هێنه به‌لاڤكرن ژوانا 12زاروكن.
قایدى ته‌كه‌زكر كو هه‌تا نوكه ب پشته‌ڤانیا نڤێسینگه‌ها نێچیرڤان بارزانى ئه‌م شیاینه (2964) كچ وژن وكورێن ئێزدى رزگاركه‌ین وهێشتا پترى (3746) كه‌سێن دن دبێ سه‌روشوینن یان ماینه دده‌ستێن تیرورستان دا وكارێ به‌رده‌وامه بو رزگاركرنا وان.
هه‌روه‌سا نوینه‌رێ وه‌زاره‌تا كوچ وكوچبه‌رێن ئیراقا فیدرال ته‌كه‌زكر كو ئه‌ڤ هاریكاریه دێ به‌رده‌وام هێته دان وب قوناغ قوناغ هه‌تا هه‌موو رزگاربویى مفاى ژێ وه‌ردگرن.
ئەڤرۆ نیوز، رێوار مزیری:
بەرپرسێ پشکا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ دیار کر کو د روودانەکا هاتنوچوونێ دا ل شەڤە 2 ل سەر 3/7/2019 ل سەر جادا سێمێل بۆ کۆمەلگەها خانکێ دو کەسان گیانێ خۆ ژ دەست دا.
موقەدمێ مافپەروەر ئازاد تەها، بەرپرسێ پشکا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز ئاشکرا کر ژ ئەگەرێ پەیدابوونا روودانەکا هاتنووچوونێ دناڤبەرا دو ترۆمبێلان دا ژ جۆرێن (BMW تایبەت) و (پیک ئاب دێر بارهەلگر) ل سەر جادا سێمێل بۆ کۆمەلگەها خانکێ دو کەسان گیانێ خوە ژ دەست دا، هەروەسا زیانێن ماددی یێن مەزن ژی ب هەر دو ترۆمبێلان کەتن.
ئه‌ڤرۆ نیوز، عه‌لى حاجى:
ب ئامادەبونا هژمارەکا هونەرمەند و کەسایەتیێن رەوشەنبیری ؍ رێڤەبەریا رەوشەنبیری و هونەری ل زاخۆ سمینارەک بۆ دکتور جەنگی جەلال ل دۆر موزیک و ئایین سازکر.
جەنگی جەلال، بۆ ئەڤرۆ نیوزگۆت” ئەڤ پروژە بەحس ل کارێ موزیکێ دناڤ جڤاکی دکەت و ل بن چاڤدێریا وەزارەتا رەوشەنبیری و لاوانە یا حوكمه‌تا هەرێما کوردستانێ ؍ ل دەستپێکێ من ژ وەزارەتا ئەوقاف و کاروبارێن ئایینی دەستپێکر کو تێدا ۱۰۰ ماموستاێن ئایینی پشکدار بوون ؍ د دووڤدا من ل هەر ئێک ژ باژێرێن پیرمام و سۆران و زاخۆ سازكر؍ بریارە سوباهی ل دهۆكێ ژى پێشکێش بکەم و پاشى ل ئاکرێ “.
دیاركر” ل هەر دەڤەرەکێ من بابەتەک تایبەت ب موزیکێ ڤە ئامادەکری یە ؍ ل زاخۆ ژی سمینارا من تایبەت بوو ب موزیک و ئایینی ڤە”.
گوت ژی ” ئارمانجا من یا سەرەکی ئەو بوو من دڤیا ماموستاێن ئایینی ب جاڤەکێ کێم سەحنەکەنە موزیکێ و ل کوردستانێ موزیک یا د رەوشەکا خراب دا دەرباز دبیت”.
ئه‌ڤرۆ نیوز:
فشارێن ئه‌مریكا بۆ هه‌لوه‌شاندنا حه‌شدا شه‌عبى، سه‌رۆك وه‌زیرێن عیراقێ عادل عه‌بدولمه‌هدى نه‌چاركر بریارا هه‌لوه‌شاندن وتێكهه‌لكرنا چه‌كدارێن حه‌شدا بۆ ناڤ رێزێن له‌شكری عیراقێ بده‌ت.
ئاژانسا رویته‌رز یا جیهانى یا ده‌نگوباسان به‌لاڤكر” وه‌زیرێ ده‌رڤه‌یێ ئه‌مریكى مایك پۆمپیۆ ل دووماهى سه‌ره‌دانا خوه بۆ عیراقێ ب عادل عه‌بدولمه‌هدى راگه‌هاندبوو، هه‌كه حه‌شدا شه‌عبى نه هه‌لوه‌شینیت، دێ ئه‌مریكا نه‌چار بیت هێرشان بكه‌ته سه‌ر حه‌بشدێ، ل به‌رامبه‌ر دا سه‌رۆك وه‌زیرێن عیراقێ بریارا هه‌لوه‌شاندنا حه‌شدێ ده‌ركر”.
حه‌شدا شه‌عبى ل 15/6/2014 ل سه‌ر بنه‌مایێ فه‌توایه‌كا عه‌لى سیستانى مه‌رجه‌عێ بلند یێ شیعێن عیراقێ هاته دامه‌زراندن وپشكدارى د شه‌رێ دژى داعشێ دا كر ل چه‌ندین ده‌ڤه‌رێن عیراقێ، ژ 76 گرۆپان پێك دهێت كو هژمارا چه‌كدارێن وێ 120 هزار كه‌سن، هه‌روه‌سا 300 هزار كه‌سان وه‌كو خوه‌به‌خش د ناڤ رێزێن حه‌شدا دا خوه ناڤێن خوه نڤیسینه.
سالانه ژ بودجه‌یا گشتى یا عیراقێ گۆژمێ ئێك ملیار دۆلار بۆ حه‌شدا شه‌عبى دهێته دابینكرن وچو په‌یوه‌ندى ب له‌شكرێ عیراقێ وپۆلیسان ڤه نینه، پشتى فشارێن مه‌زن یێن لایه‌نێن شیعى بۆ ده‌ربازكرنا وێ هێزێ ژناڤێ میلیشیا چه‌كدار، په‌رله‌مانێ عیراقێ ل 24/2/2016 حه‌شدا شه‌عبى وه‌كو هێزه‌كا قانوونى وفه‌رمى یا عیراقى هژمارت .
د ناڤ حه‌شدا شه‌عبى دا چه‌ند هێزێن سه‌ره‌كى یێن هه‌ین كو رۆلێ كارا هه‌یه د ئاراسته‌كرنا وێ هێزێ دا یێ هه‌ى ئه‌وژى هه‌ر ئێك ژ (رێكخراوا به‌در، حزبوللا یا عیراقى، عه‌سائیب ئه‌هلولحه‌ق وبزاڤا نوجه‌با).
ئەڤرۆ نیوز، عەلی حاجی:
پڕانیا وەلاتیێن تاخێن زاخۆ گازندان ژ رانەکرنا بەرمایکێن بەر مالێن خوە دکەن و پڕاینا وان تاخان ژی بەرمایک بەرەڤ زێدەبوونێ ڤە چووینە و ھەتا نوکە چو کەسەکێ ئەو بەرمایک رانەکرینە.
نزار عیسا وەلاتیەکێ دەڤەرا زاخۆیە بۆ ئەڤرۆ نیوز ئاشکرا کر، ل تاخێن تلکەبەر و فرقێ ھەتا سەر جاددا گشتی ژی و گۆت: “ئەڤە زێدەتری ھەشت رۆژایە ئەو بەرمایکە نەھاتینە راکرن ژ لایێ کۆپارنیا پاقژکەرڤە و ل ھندەک مالان بەرمایکێن وان ھند زێدە بووینە ئێدی نزانن دێ چو ل بەرمایکێن خوە کەن، ھەکە چارەسەریەکا زوو بۆ نەھێتە دیتن ئەڤ مالە دێ د ڤ بەرمایکان دا مینن، لەورا داخواز دکەین بلەز چارەک ل ڤێ ئاریشێ بھێتە کرن و ئەم ژ بێھنێ و بەرمایکان رزگار ببین”.
ژێدەرەکی ژ کۆمپانیا ھیزل یا ب پاقژکرنا باژێرێ زاخۆ رادبیت کو نەڤیا ناڤێ خوە ئاشکرا بکەت بۆ ئەڤرۆ نیوز گۆت: “ئەڤە ماوەیێ دو رۆژایە ل زاخۆ دەست ب کار بین و ئەو بەرمایکە یێ ڤان دو رۆژا نینە و یێ کەڤنە و کۆمپانیا بەری نوکە ب کارێ پاقژکرنا باژێری رابووی بەری ژڤانێ کاری ب دووماھی بھێت ب چەند رۆژەکان ترۆمبێلێن خوە ڤەکێشاینە و کار نەدکر ژ بەر ڤێ چەندێ ئەڤ ئاریشە د ناڤ باژێری دا سەرھەلدایە، بەلێ ترۆمبێلێن مە ئەڤە ماوەیێ دو رۆژایە بەردەوام کار دکەن ھەتا دەمژمێر ئێکی شەڤێ، ئەم خەلکێ خوە پشتڕاست دکەین د دەمەکێ نێزیک دا ئەو بەرمایکێ مایی ژی دێ ھێتەراکرن، ل دووڤ پلانا مە یا نوو ھاتیە دارێشتن ھەر دو رۆژان جارەکێ دێ بەرمایکێن وەلاتیان ژ لایێ ترۆمبێلێن مەڤە ھێنە راکرن”.
وی ژێدەری گۆتژی: “ل دووڤ وێ ھەڤبەستا ھاتیە ئیمزاکرن د ناڤبەرا رێڤەبەریا گشتی یا باژێرڤانیان ل پارێزگەھا دھۆکێ و کۆمپانیا ھیزل، کۆمپانیا ناڤبری دێ ب کارێ پاقژکرنا باژێری رابیت ل بەرامبەر زێدەتری نەە ملیار دیناران بۆ سالانە”.
ئەڤرۆ نیوز، بارزان مزووری:
بەرپرسێ پەیوەندی و راگەھاندنێ ل رێکخراوا unhcr ل پارێزگەھا دھۆکێ بۆ ئەڤرۆ نیوز ئاشکرا کر، رێکخراوا unhcr ب ھەماھەنگی دگەل رێکخراوا ھاریکار و قەندیل ب ھاریکاریا حکومەتا ھەرێما کوردستانێ و وەزارەتا ناڤخۆ یا عیراقێ دێ دەست ب دروستکرنا رەگەزنامێن بارێ شارستانی و عیراقی کەن بۆ ئاوارێن پارێزگەھا نەینەوا یێن ئاوارەی ھەرێما کوردستانێ بووین.
رەشید حسێن، بەرپرسێ پەیوەندی و راگەھاندنێ ل رێکخراوا unhcr ل پارێزگەھا دھۆکێ خویا ژی کر، ئەو ئاوارێن د شەڕێ رێکخراوا تیرۆرستی یا داعش دا رەگەزنامێن خوە یێن بارێ شارستانی و یا عیراقی ھێلاینە د ناڤ مالێن خوە دا و ھاتینە سۆتن یان ژناڤچووین یان بەرزەبووین دوبارە دێ بۆ وان ھێنە دروستکرن چو ئەو ئاوارە د ناڤ کەمپان یان ئاڤاھیان دا ل سەنتەرێ باژێر و باژێرکان ئاکنجی ببن.
ناڤھاتی گۆت: ل رێکەفتی ٣/٧/٢٠١٩ بۆ جارا ئێکێ دێ ل کەمپا بێرسڤێ ب رێکا تیمێن گەرۆک یێن رێکخراوان و وەزارەتا ناڤخۆ یا عیراقێ د ناڤ مالان دا دێ گەریێن، دیسا دێ بۆ ھەموو کەمپێن پارێزگەھا دھۆکێ چن و گۆت: “چو ئاوارە بێ بەھر نابیت ژ نەبوونا رەگەزناما بارێ شارستانی و یا عیراقی، دەست پێکا ڤێ بڕیارێ د نھا دا ل کەمپا بێرسڤێ زێدەتری ٥٠٠ خێزانان ناڤێن خوە تۆمارکرینە بۆ چێکرنا رەگەزناما بارێ شارستانی و یا عیراقی”.
نيشاندان