ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 19ى گۆلانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.200 دينار |
| 100 يۆرۆيێ ئه‌ورۆپى | 134.500 دينار |
| 100 ليرێ توركى | 20.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، نەوزاد ھلۆری:
دەستەیا سەروکاتیا پەرلەمانێ کوردستانێ ناڤێن بەربژارێن پوستێ سەروکێ ھەرێمێ ئاشکراکرن کو ئەو ژی پێنج کەسن.
ب گورەی راگەھاندنەکێ کو مالپەرێ سەروکاتیا پەرلەمانێ کوردستانێ بەلاڤکریە ھەر ئێک ژ (نێچیرڤان ئدریس موستەفا بارزانی، ئومێد عەبدولسەلام قادر، محەمەد حەمەسالح عومەر، رێبوار عەزیز مستەفا و ھیوا عەبدوللا خدر) وەکو بەربژار بو پوستێ سەرۆکێ ھەرێمێ ھاتینە دیارکرن.
پشتی راگەھاندنا ناڤان، دێ پرۆسەیا تانەلێدان و راگەھاندنا ئەنجامێن تانەیان ھێنە راگەھاندن، پاشان د سێ روژان دا دناڤا پەرلەمانێ کوردستانێ دا دڤێت سەرۆکێ ھەرێمێ بھێتە ھەلبژارتن.
ئه‌ڤرۆ نيوز:
رێڤه‌به‌ريا كۆمه‌لگه‌ها ده‌رگه‌هێ نێڤده‌وله‌تى يێ ئيبراهيم خه‌ليل راگه‌هاند كو ئينانا هه‌سپێن توركى ب هه‌موو جۆران ڤه هاتيه راگرتن.
كۆمه‌لگه‌ها ده‌رگه‌هێ نێڤده‌وله‌تى يێ ئيبراهيم خه‌ليل د نڤيساره‌كێ راگه‌هانديه كو پشت به‌ستن ب رێڤه‌به‌ريا گشتى يا گۆمركێ د گه‌ل ده‌سته‌يا ده‌رگه‌هێن سنورى، رێگرى ل ئينانا هه‌سپێن توركى ب هه‌موو جوران ڤه كريه ژ ئه‌گه‌رێ په‌يدا بوونا ڤايرۆسێ “غرب النيل” ل توركيا.
ئه‌ڤرۆ نیوز، نه‌وزاد هلۆرى:
رێڤاس ئێكه ژ به‌رهه‌مێن بهارى ول پرانیا ده‌ڤه‌رێن چیایى لێ شین دبیت ب تایبه‌تى چیایێن گه‌له‌ك به‌فر لێ دباریت، زێده‌بارى كو تامه‌كا خوش هه‌یه‌ه دهه‌مان ده‌م دا چه‌ندین مفایێن ساخله‌مى ژى هه‌نه.
رێڤاس ل ناڤه‌راستا هه‌یڤا نیسانێ چێدبن و هه‌تا دوماهیا هه‌یڤا ئایارێ دمینن و ل پرانیا چیایێن كوردستانێ هه‌نه ب تایبه‌تى چیایێ گاره، شیرین، هه‌لگورد، حه‌سه‌ب به‌گ و هورێ چه‌ندین چیایێن دى.
ئه‌ڤرۆ نيوز:
ب گۆره‌ى به‌لگه‌نامه‌كێ ئێكه‌تيێ و لايه‌نێن توركمانى و عه‌ره‌بى يێن ناڤ جڤاتا پارێزگه‌ها كه‌ركووكێ ل 16ى نيسانا 2017ێ ئيمزا كريه و رێكه‌فتينه كو “راكان سه‌عيد جبۆرى” وه‌كو جێگرێ پارێزگارى و پارێزگارێ كه‌ركووك ب وه‌كاله‌ت هه‌تا هه‌لبژارتنێن جڤاتا پارێزگه‌ها كه‌ركووك د پۆستێ خوه دا يێ به‌رده‌وام بيت.
د وێ رێكه‌فتنێ دا، هه‌ر ئێك ژ سه‌رۆكێ كوتلا عه‌ره‌بى و توركمانى و كاكه ره‌ش سه‌ديق ئه‌ندامێ ليستا برايه‌تى، كو سه‌ر ب ئێكه‌تى نشتيمانى كوردستانه وه‌كو “سه‌رۆك ليست” ئيمزا ل سه‌ر كريه د ده‌مه‌كى دا “محه‌مه‌د كه‌مال” سه‌رۆكێ ليستا برايه‌تى يا كه‌ركووك كو سه‌ر ب پارتى ديموكراتى كوردستانه نه‌كو كاكه‌ره‌ش سه‌ديق.
نڤيسارا ناڤبرى به‌حس ل به‌لاڤكرنا ده‌سته‌لاتێن ديوانا پارێزگه‌ها كه‌ركووك دكه‌ت كو ژ 9 خالان پێك هاتيه و د هه‌مان رۆژ دا ب نڤيساره‌كا فه‌رمى ژ لايێ راكان سه‌عيد پارێزگارێ كه‌ركووك ب وه‌كاله‌ت ره‌وانه‌ى نڤيسينگه‌ها سه‌رۆك وه‌زيرێن عيراقێ كريه.
د خالا ئێكێ يا رێكه‌فتنێ دا، داخواز كريه كو راكان سه‌عيد جبۆرى وه‌كو پارێزگارێ كه‌ركووك ب وه‌كاله‌ت هه‌تا ئه‌نجامدانا هه‌لبژارتنا جڤاتا پارێزگه‌هێ د پۆستێ خوه دا بمينيت.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا سێشه‌مبى رێکەفتی 14ى گۆلانا 2019ێ دهێته پێشبينكرن ئه‌سمان دێ ساهى بيت ل گه‌ل هنده‌ك ئه‌ورێن جودا.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ساهى بيت ل گه‌ل هنده‌ك ئه‌ورێن جودا.
پشکا پێشبینیان دایە زایە زانین کو دێ لەزاتیا بایی د ناڤبەرا 10 ھەتا 15کم دا و ماوێ دیتنێ ژی دێ 10کم بیت، پلێن گەرمێ ژی دێ د ناڤبەرا 19 بۆ 31 پلان دا بن.
ئه‌ڤرۆ نيوز:
ئه‌ردوگان راگه‌هاند كو وه‌لاتێ وى يێ رژده ل سه‌ر كرين و وه‌رگرتنا فرۆكا ئێف 35 يا ئه‌ميكى و مووشه‌كا به‌ره‌ڤانيا ئێس 400 يا رۆسى.
ره‌جه‌ب ته‌يب ئه‌ردوگان سه‌رۆك كۆمارێ توركيا گۆت: “زوو يان دره‌نگ فرۆكێن ئێف 35 وه‌رگرين، ئين شائه‌لاهـ دێ مووشه‌كا ئێس 400 ژى ئينينه وه‌لاتێ خوه”.
ئه‌ردوگان ته‌كست ل سه‌ر وێ چه‌ندێ كر كو ژ كرينا مووشه‌كا ئێس 400 يا رۆسى لێڤه‌نابن و جهێ به‌حسكرنێ نينه، “ئه‌و بابه‌ت ب دووماهى هاتيه”.
نيشاندان