ئەڤرۆ نيوز:
سەرۆکێ جڤاتا پارێزگەھا نەینەوا بۆ ئەڤرۆ نيوز دیار کر کو ئەو ئەفسەر و پێشمەرگێن پشکداری د شەرێ رزگارکرنا مووسل دا کرین، دێ پارچێن ئەردی ل مووسل وەرگرن.
سەیدو چەتۆ، سەرۆکێ جڤاتا پارێزگەھا نەینەوا دیار کر کو ل گۆرەی بریارا ھژمارە ٢٣٩ یا جڤاتا پارێزگەھا نەینەوا رزگاربوویێن ئێزدی و ئەفسەرێن لەشکەرێ عیراقێ و ئەفسەرێن پێشمەرگەی ژی، ئەوێن پشکداری د شەرێ رزگارکرنا مووسل دا کرین دێ ل مووسل پارچێن ئەردی وەرگرن وەکو خەلاتەک بۆ رەنج و ماندیبوونا وان د رزگارکرنا مووسل دا.
ئه‌ڤرۆ نيوز:
قايمقاميا قه‌زا كه‌لار بريارا قه‌ده‌غه‌كرنا بكارئينانا عه‌لاكێن نايلۆنى ل سه‌مه‌نخانان ده‌ركر وخودانێن هه‌موو سه‌مونخانان ژى ب وێ بريارێ ئاگه‌هداركرن.
قايمقاميا قه‌زا كه‌لار راگه‌هداريه‌ك ئاراسته‌ى هه‌موو سه‌مونخانێن سنورێ وێ قه‌زايێ كريه وتێدا دياركريه كو رۆژا 1/7/2019 دووماهى ژڤانه بۆ وێ چه‌ندى ل شوينا عه‌لاگێن نايلۆنى زه‌رفێن كاغه‌زان بكاربينن، به‌رۆڤاژى وێ چه‌ندێ دێ تووشى سزايێن دراڤى وپاشى داخستنێ بن.
ئەڤرۆ نیوز:
دۆنالد ترامپ سەرۆکێ ئەمریکا ئەڤرۆ راگەهاند کو ژ بۆ هێرشکرنا ل سەر ئیرانێ ئەز پێدڤی ب رزامەندیا کۆنگریسێ ئەمریکا نینم و قانوونێن ئەمریکا ئەو دەستهەلاتە دایە من کو فەرمانا هێرشا سەربازی ل دژی ئیرانێ بدەم.
ترامپی ئەو یەک ژی دیار کر کو بەری نها من گۆتیە جارێ مە نەڤێت شەرێ ئیرانێ بکەین و مە دڤێت ئیرانێ نەچار بکەین کو هەلویستێ خوە بگوهۆریت و بۆ دانوستاندنان بەرهەڤ بیت، بەرۆڤاژی هندێ ئەز دشێم بێی رزامەندیا کۆنگرێسی ژی فەرمانا شەری بدەم.
ئەڤرۆ نیوز:
ئەڤرۆ مەسرور بارزانی راسپاردی بۆ پێکئینانا کابینا نوو یا حوکمەتا هەرێما کوردستانێ پێشوازی ل شاندەکێ بازرگانی یێ ئەمریکا ب سەرۆکاتیا ستیڤ لوتەس جێگرێ سەرۆکێ ژوورا بازرگانی یا ئەمریکا کر.
د هەڤدیتنێ دا مەسرور بارزانی کەیفخوەشیا خوە ل هەمبەر سەرەدانا شاندێ ئەمریکی دیار کر و راگەهاند کو ئەو یەک پێنگاڤەکا گرنگە بۆ پێشڤەچوونا پەیوەندیێن ئابووری د ناڤبەرا ئەمریکا و هەرێما کوردستانێ دا. کۆمپانیێن ئەمریکا دشێن کارێن مەزن د بیاڤێ وەبەرهێنانێ ل هەرێما کوردستانێ بکەن.
شاندێ ئەمریکی ژی سوپاسیا مەسرور بارزانی کر و هێڤیا سەرکەفتنێ بۆ وی خواستن و دیار کرن کو هێڤیدارین پەیوەندیێن ئابووری یێن هەرێما کوردستانێ و ئەمریکا باشتر لێ بهێن.
ئەڤرۆ نیوز:
جان ئێف لودریان وەزیرێ دەرڤە یێ فرەنسا راگەهاند کو دڤێت ئیران پێگیریێ ب رێککەفتنا ئەتۆمی بکەت و رێککەفتنێ پێشیل نەکەت. چونکو ئەو یەک دێ بیتە ئەگەرێ مەترسیەکا دی یا مەزن ل سەر ئیرانێ و د بەرژەوەندیا وی وەلاتی دا نینە.
وەزیرێ دەرڤە یێ فرەنسا هۆشداری ژی دا ئیرانێ کو دەست ب کارەکێ نەکەت کو ببیتە ئەگەرێ هندێ بەرەیەکێ بهێز ل دژی وی وەلاتی دروست ببیت.
ئەڤرۆ نیوز:
پشتی کابتنێ ھەلبژارتیێ بەرازیل و بەرەڤانێ یانا پاریس سانجێرمان ھەڤبەستا خوە ل گەل یانا خوە پاریس سانجێرمان درێژ نەکری و بریار دای یاری ل یانەکا دی بکەت ھژمارەکا یانێن ئورۆپی پەیوەندی ب ئەوی یاریزانی کریە بوو ئیمزاکرنا ھەڤبەستا ئەوی بوو وەرزێ نوو .
رۆژناما موندو دیپورتیفو یا ئیسپانی بەلاڤەکریە یانا بەرشەلۆنا ھزر ل ئینانا ئەوی یاریزانێ خوە یێ بەری نوکە کریە لێ ئەو یاریزان ھەلبژارتنا ئیکێ نینە بەلکو چەند یاریزان بەربژارکرینە بوو ئیمزاکرنا ھەڤبەستێ و ئێک ژ ئەوان ھەلبژارتنا دانی ئەلڤێس .
ھەردیسان ئەوێ رۆژنامێ ئاشکراکریە ژی نوکە دو یانێن ئینگلیزی و ل گەل ھژمارەکا یانێن بەرازیلی بەرھەڤیا خوە دیارکریە بوو ئیمزاکرنا ھەڤبەستێ ل گەل کابتنێ ھەلبژارتیێ بەرازیل د کوپا ئەمریکا دا لێ ئەوی یاریزانی دیارکریە پشتی ب دووماھیی ھاتنا قارەمانیا کوپا ئەمریکا ئەو دێ چارەنڤیسێ خوە ئێکلا کەت.
ئەڤرۆ نیوز:
کای بایلی نوونەرا ئەمریکا ل ناتۆیێ راگەهاند کو دەمێ تورکیا سیستەمێ مۆشەکی ژ روسیا بکڕیت دێ وی وەلاتی ژ بەرنامێ فرۆکێن ف٣٥ دەرخینین و ب چو رەنگەکێ مافێ تورکیا نابیت وان فرۆکان بکڕیت.
ناڤهاتیێ راگەهاند تورکیا ئەندامەکا ئەکتیف یا ناتۆیێ یە و نابیت چەکێن روسی بکڕیت، مە بەری نها هۆشداری دابوو تورکیا لێ مخابن هەتا نها ژی تورکیا ل سەر هەلویستێ خوە بەردەوامە.
ئەڤرۆ نیوز:
یانا پاریس سانجێرمان یا فرەنسی بۆ ب ھێز ئێخستنا پێکھاتیێ تیما خوە نێزیکی ئیمزاکرنا ھەڤبەستا دو یاریزانێن ئیسپانی بوویە ل ڤەگوھاستنێن ھاڤینا ئەڤ سالە .
رۆژناما مارکا ئیسپانی بەلاڤەکریە یانا پاریس سانجێرمان دەست ب دانوستاندنان کریە ل گەل ھەر ئێک ژ یاریزانان ئەندیر ھیریرا یاریزانێ مانچێستەر یوناید و یاریزانێ یانا سیڤیلیا بابلو سارابیا بوو ڤەگوھاستنێن ھاڤینا ئەڤ سالە.
ئەوێ رۆژنامێ ئاشکراکریە ژی یانا پاریس ھەکە ب سەرکەفت د ڤەگوھاستنا ھیریرا دێ ب ھەڤبەستەکا ئازاد ئیمزا کەت ژبەرکو ھەڤبەستا یاریزانێ ناڤبری نوکە ل گەل یانا مان یوناید ب دووماھیی ھاتی یە لێ یا یاریزانێ سیڤیلیا بابلو سارابیا دێ پێدڤی کرینێ بیت و ھەکە ئەو یانا فرەنسی بخوازیت ئەوی یاریزانی بینتە دناڤ رێزێن خوە دا پێدڤی یە کوژمێ ١٨ ملیون یورۆیا وەکو بھایێ ھەلوەشاندنا ھەڤبەستا ئەوی پێشکێشی یانا سیڤیلیا بکەت.
ئەڤرۆ نیوز:
یانا ئەنتر میلان دخوازیت ل ھاڤینا ئەڤ سالە ھەڤبەستێ ل گەل یاریزانەکێ نوو یێ ھێلا ناڤین ئیمزا بکەت ل جھێ یاریزانێ خوە یێ بەلجیکی
.
مالپەرێ کاتشیو مێرکاتو یێ ئیتالی دیارکریە یانا ئەنتر میلان ھزر ل دەست بەردانا یاریزانێ خوە ناینگولان یێ بەلجیکی کریە ل ھاڤینا ئەڤ سالە و ل جھێ ئەوی دو یاریزانێن دی کرینە ئارمانجا خوە ئەوژی یاریزانێ کالیاری نیکولو باریلا و یاریزانێ ساسولو ستیفانو سینسی .
ھەردیسان ئەوێ رۆژنامێ ئاشکراکریە ژی یانا ئەنتر میلان دخوازیت گوھورینەکێ ل گەل یانا بەرشەلۆنا بکەت ئەوژی یاریزانێ خوە ناینگولان بدەتە وێ یانێ بەرامبەر دەستڤە ئینانا یاریزانێ شیلی ئارتورو فیدال.
نيشاندان