ئەڤرۆ نیوز ، عەلی حاجی :
لژنەیا ھەڤپشک ل زاخۆ دەست ب سەر چەندین کەل و پەلێن خوارنێ دەم ب سەرڤەچووی دا گرتن و چەندین جە ژی ب کوژمەیەکێ پارەیی ھاتنە سزادان.
دکتور لاوین ھابیل ئەندامێ لژنا ھەڤپشک بۆ ئەڤرۆ نیوز دیار کر دبەردەوامیا چاڤدێریکرنا لژنەیا مەدا مە شیا دەست ب سەر ٣٠ کێلوگرامێن گوشتێ دەم ب سەرڤە چووی دا بگرین و وان جھان ژی ب کوژمەکێ پارەیی ھاتنە سزا بدەین و ھەر دیسا مە دەست ب سەر ٦ کێلو گرامێن نیسک و ٨ کێلوگرامێن چکلێتان ژی دا گرتن و زێدەباری و ژ ئەگەرێ گرانیێ مە شریناھیەک ب کوژمەیەکێ پارەیی سزادا و ھەر دیسان ژی ھاتە رەوانە کرن بو بنگەھێ پولیسان بەلێ ھەتا نوکە مە نەشیایە ب دروستی کونترولێ ل سەر گرانی ناڤ بازاری دا بکەین لێ.
ئەڤرۆ نیوز:
ئەڤرۆ رۆژا ئێکشەمبی ١٢-٥-٢٠١٩ سەرۆک مەسعود بارزانی پێشوازی ل شاندەکێ بلند یێ کەنیسەیا رۆژھەلاتا ئاشوری ل جیھانێ کر و د ڤێ کومبوونێ دا چەندین تەوەر ھاتنە گوتوبێژ کرن.
ئەڤ شاندە ب سەرۆکاتیا قەداسەتا پاتریاک مارگورگیس سێیەک سلێوە، و ھژمارەکا مەترانێن رۆژھەلاتا ئاشوری ل وەلاتێن ئەمریکا، کەنەدا، ئوروپا، ئوسترالیا، نیوزلەندا، ھندستان، ئیران، عیراق، سووریا و لبنان پێکھاتبوون.
د دیدارەکێ دا چەندین بیرورا دەربارەی رەوشا سیاسیا عیراقێ و دەڤەرێ و جیھانێ و ھزرا توندرەویێ و تیرورێ ل سەر ئاسایشا جیھانێ ھاتە کرن، زێدەباری تەکەزی ل سەر ئێکدو قەبوول کرن و پێکڤەژیانێ ھاتە کرن تایبەت ئەو فەرھەنگا پێکڤەژیانێ و برایەتیێل ھەرێما کوردستانێ ھەی ناڤبەرا پێکھاتێن نەتەوەیی و ئایینی.
ل دووماھیێ ڤێ شاندی سوپاسیا سەرۆک بارزانی کر کو رولەکێ مەزن ھەبوو د پاراستنا ھەموو پێکھاتێن ئایینی و پێشڤەبرنا برایەتی و پێکڤەژیانێ ل کوردستانێ.
ئەڤرۆ نیوز، عەلی حاجی:
دانانا پیڤەرێن ئاڤێ ل زاخۆ ٥٠% دەرباز کر و ماوێ مولەتا دانانا پیڤەران بۆ ماوەیێ ٢ ھەیڤان ھاتە درێژ کرن و ھەر ھاولاتیەکێ د ژڤانێ دەست نیشان کری دا نەدانیت دێ ھێتە سزادان.
رێڤەبەرێ ئاڤا زاخۆ بۆ ئەڤرۆ نیوز دیارکر ھەتا نوکە رێژەیا دانانا پیڤەران ل زاخۆ زێدەتری ٥٠% یە ، یا بەردەوامە و پێدڤی یە ھەمی مال بنە خودان پیڤەرێن نوو ، ژڤانێ دانانا وان بۆ ماوێ دو ھەیڤان ھاتە درێژکرن کو ژبەری نوکە ھەتا دەست پێکا ھەیڤا پێنچ ھات بو دەست نیشان کرن لێ ئەو ژڤان بو دەست پێکا ھەیڤا تەموزێ ھاتە درێژکرن و ھەر ھاولاتیەکێ ھەتا ژڤانێ دەست نیشان کری ژی ھەر ھاولاتیەکێ نەدانیت دێ ب کوژمەیێ ١٠٠ ھزار دیناران ھێتە سزادان ، لێ ل گورەی پێزانینێن گەھشتینە بەر دەستێ مە ھندەک گەرەکا ب نە یاسایی ل سەر پیڤەرێن خوە دو ھێل کێشاینە و ھەر مالەکا ئەڤ سەرپێچی یە ل سەر بھێتە گرتن دێ ب کوژمەکێ پارەیی ھێتە سزادان.
ئەڤرۆ نیوز، مەحمود نھێلی:
رێڤەبەرێ ناحیا دێرەلۆک بۆ ئەڤرۆ نیوز دیارکر، کو دێ کامیرێن جێگر ل سەر جادا دو سایدی دێرەلۆک و شێلادزێ ھێنە دانان و کریە د پلانێ دا.
سامی ئوشانە رێڤەبەرێ ناحیا دێرەلۆک دیار کر، ژ بەر کو ئەڤ جوتسایدێ نوکە د ناڤبەرا دێرەلۆک و شێلادزێ دا ھاتیە چێکرن ب شێوازەکی راست ھاتیە دروستکرن، ترۆمبێل زێدە لەزاتیێ دکەن، ژ بەر وێ یەکی ژی گەلەک جاران بوویە ئەگەرێ دروستبوونا روودانان ب تایبەتی ژی ل کومەلگەھا ھێتوتێ و گۆت: (ئێک ژ داخوازیا وەلاتیان ئەو بوویە کو چەند تەسەک ل سەر ڤێ جادەیێ بھێنە چێکرن لێ ھەبوونا ھژمارەکا تەسان ل سەر جادەیێن گشتی بوویە ئەگەرێ بێزارکرنا رێڤینگان و ھەروەسا دوورخستنا رێکێ، ژ بەر وێ یەکی مە داخواز کریە کو کامیرێن چاڤدێریا لەزاتیا ترۆمبێلان ل سەر ڤێ جادەیێ بھێنە دانان و بھێنە جێگیرکرن ب تایبەتی ژی ل کومەلگەھا ھێتوتێ و ھەروەسا ل دەستپێکا جوتسایدێ ناڤا دێرەلۆک ژی.
ناڤھاتی ئاشکرا کر، کو رێڤەبەریا ھاتنوچوونێ دانانا ڤان کامیران کریە د پلانێ دا و ب نڤیسار بەرسڤا وان دایە.
ئەڤرۆ نیوز:
بەرپرسێن عیراقێ دیار کرن کو هێزێن حەشدا شەعبی دەست ب ڤەکێشانا هێزێن خوە ژ دەڤەرێن رۆژئاڤایێ نەینەوا و سنورێ سووریا کرینە و هێزێن پۆلیس و لەشکرێ عیراقێ دێ ل وان دەڤەران هێنە بجهکرن.
بەرپرسەکێ لەشکرێ عیراقێ ژی بۆ رۆژناما عەرەبی ئەلجەدید دیار کریە کو هێزێن حەشدا شەعبی شەڤێ دی هەتا نها دەست ب ڤەکێشانێ ژ رۆژئاڤایێ نەینەوا و دەڤەرێن سنوری یێن سووریا کرینە و هێزێن پۆلیس و لەشکرێن عیراقێ دێ ل وان دەڤەران هێنە بجهکرن و دێ پاراستنا خەلکی کەن.
ئەڤرۆ نیوز، قائید میرۆ:
پشتی بڕیارا فەڕەنسا بۆ نافبژیڤانیا لایەنێن سیاسیێن رۆژئاڤایێ کوردستانێ، بتایبەتی بۆ رێککەفتنا د ناڤبەرا لایەنێن ناڤا ئەنەکەسێ و پەیەدێ دا بەرپرسێ نوونەرایەتیا ئەنجوومەنێ نیشتیمانیا کوردی ل سووریا ئاشکرا کر، بێی گەرەنتی ئەو بەرھەڤ نینە دگەل لایەنێ پەیەدێ دەست ب دانوستانان بکەن.
نەواف حەسەن، سەرۆکێ نوونەرایەتیا ئەنەکەسێ ل ھەرێما کوردستانێ ل دۆر پێشنیا.ا فەڕەنسا بۆ ئەڤرۆ نیوز دبێژیت” لایەنێن سیاسی یێن ناڤا ئەنجوومەنی نیشتیمانی یێ کوردی ئەنەکەسێ مەرجێن خوە ھەنە ژ بۆی دەستپێکرنا دانوستانان دگەل لایەنێ پەیەدێ دا، ھەتا بگەھنە رێککەفتنێ، ژ بەر کو بەری نوکە مە ئەزموونەک دگەل پەیەدێ ھەیە لدۆر رێککەفتنێ و چەندین رێککەفتن دناڤبەرا ئەنەکەسێ و پەیەدێ دا ھاتینە کرن و پەیەدە پێگیریێ ب رێککەفتنان ناکەت، ب تایبەتی ل ھەولێر و دھۆکێ بن چاڤدێریا سەرۆک بارزانی چەند جار ئەم گەھشتینە رێککەفتنێ و چو ئەنجام نەبووینە، لەوڕا لایەنێن ناڤا ئەنەکەسێ بێی ھەبوونا مەرجێن بەروەخت بەرھەڤ نینە چو رێککەفتنان دگەل پەیەدێ بکەن.
نەواف حەسەن دیارکر” مەرجێ سەرەکی یێ لایەنێن ئەنەکەسێ بۆ دانوستاندنێن دگەل پەیەدێ ئەڤە، پێدڤیە وەلاتەکێ زلھێز بھێنە ناڤا دانوستانێن ناڤبەرا ھەر دو ئالیان دا و ئەم باش دزانین بێی ھەبوونا لایەنەکێ بھێز یێ دەرەکی چو رێککەفتن سەرناگرن دگەل پەیەدێ، ھەر رێککەفتنەک ژی بھێتەکرن ئەڤە دێ مینا رێککەفتنێن بەرێ بن و ناھێنە بجەئینان، چونکو ئەم دزانین پەیەدە بڕیارێن خوە ل دەرڤە وەردگریت و د دەستێ وێ دا نینە، ئەڤە ژی ئەگەرەکە باوەری دناڤبەرا مەدا نەبیت، لەوڕا ژی بێی ھەبوونا گەرەنتیێ ئەم ب چو شێوەیەکی بەرھەڤی دانوستانان نابین بەرۆڤاژی گەرەنتی ھەبیت ئەم ھەموو دەمەکی بەرھەڤین بۆ دەستپێکرنا دانوستاندنان و گەھشتن ب رێککەفتنێ.
ئەڤرۆ نیوز ، زنار تۆڤی:
فلمێ دكیومێنتاری یێ (ئالان) کو ژ دەرهێنانا (محەمەد ژووری) یە، ئەڤرۆ دێ پشکداریێ د فیستیڤالا كەلتووری ل باژێرێ پالێرمۆ یێ وەلاتێ ئیتالیا دا کەت.
دەرهێنەرێ فلمێ دکیۆمێنتاری یێ (ئالان) محەمەد ژووری بۆ ئەڤرۆ نیوز گۆت: فلمێ ئالان کو دوویەم کارێ من یێ دەرهێنانێ یە، هەروەسا د نووترین پشکداریا خوە دا ل فیستەڤالێن نێڤدەولەتی دا، دێ ل فیستەڤالا كەلتووری ل باژێرێ پالێرمۆ ل وەلاتێ ئیتاڵیا هێتە نشاندان، وەسا بریارە ئەڤرۆ ئەڤ فلمە 12/5/2019، د وێ فیستەڤالێ دا بهێته نیشاندان و دخوازم ببیتە جهێ رەزامەندیا بینەر و دەرهێنەران.
ئەو ژی گۆت: چیرۆكا ڤی فلمی بەحسێ زارۆیەکێ دکەت بناڤێ ئالان، كو نەخۆشیەكا درێژخایەن هەیە، ل گەل خێزانا خوە ل كەمپەکێ دژیت، هەروەسا بابێ وی ژی نەخۆشیا پەنجەشێرێ هەیە، حەزا ئالانی ئەوە مۆزیکێ بژەنیت، داکو پارا کۆم بکەت و هاریکاریا مالا خوە بکەت، ل ناڤا بازارێ وێ كەمپێ مۆزیکێ دژەنیت هەتا خەلک د بەرامبەر دا پاران بدەنێ، دیسا دیمەنێن ڤی فلمی ل كەمپا ئاوارێن (دۆمێز) ل سالا 2016 هاتینە گرتن و هەتا نوکە پشکداری د (64) فیستەڤالێن نافخۆ و ژ دەرڤە کریە و د وان فیستەڤالان دا (8) خەڵات وەرگرتینە.
ئهڤرۆ نیوز، نهوزاد هلۆرى:
ب مهرهما خزمهتكرنا كهرتێ گهشتوگۆزارى و سیمایهكێ جوانتر بۆ هاڤینگههێ ب تایبهتى پشتى كو لههیان كارتێكرن لێ كرى، 34 كهپرێن گهشتیاریێن سهردهم ل هاڤینگهها گهلێ عهلى بهگ دهێنه چێكرن.
بارزان محهمهد، رێڤهبهرێ گهشتوگۆزارا سۆران بۆ ئهڤرۆ نیوز گۆت: (گهلێ عهلى بهگ ئێكه ژ خوشترین و بناڤودهنگترین جهێن گهشتوگۆزارى ل كوردستان و پارێزگهها ههولێر و سوران، ژبهرڤێ ب مهرهما زێدهتر خزمهتكرنا كهرتێ گهشتوگۆزارى 34 كهپرێن گهشتگۆزارى و نێزیكێ 20 كافیتریا و خوارنگههێن نوو و سهردهم دهێنه چێكرن).
زێدهتر گۆت: (ئهڤ خزمهتگوزارییه ژلایێ كهرتێ تایبهت دهێنه چێكرن و دێ سمایهكێ جوان و خزمهتهكا باش بۆ كهرتێ گهشتوگۆزار و هاڤینگهها گهلێ عهلى بهگ كهن ب تایبهتى پشتى وێ پێلا لههى و بارانێن چهند روژێن بورى ب هاڤینگههێ كهفتى و زیانێن زۆر گههاندینێ).
ل بارا قهرهبوكرنا خودانێن جهى ل گهلێ عهلى بهگ، ناڤبرى گۆت: (بهرهڤانیا باژێرى ههموو خهملاندنێن زیانان كرینه، مهژى ژلایێ خوڤه بو جهێن پهیوهندیدار بلندكریه، بهلێ ههتا نوكه چ بهرسڤ نینه و ئهم ژى چاڤهرێ دكهین كو خودانێن جهى بهێنه قهرهبوكرن).
ئەڤرۆ نیوز، رێوار مزیری:
بەرپرسێ پشکا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ دیار کر کو روودانەکا هاتنوچوونێ ئەڤرۆ رۆژا 12/5/2019 ل سەر جادا سەرەکیا سێمێل – زاخۆ پەیدابوو و د ئەنجامدا سێ کەس برینداربوون.
موقەدمێ مافپەروەر ئازاد تەها، بەرپرسێ پشکا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دیار کر کو ژ ئەگەرێ پەیدابوونا روودانەکا هاتنوچوونێ د ناڤبەرا دو ترۆمبێلان دا ژ جۆرێن (بارهەلگر تویۆتا پیک ئاب) و (کیا سیراتو) ل سەر جادا سەرەکیا سێمێل – زاخۆ پەیدابوو و د ئەنجام دا سێ کەس برینداربوون و زیانێن مەزنێن ماددی ژی ب هەر دو ترۆمبێلان کەفتن.
نيشاندان