ئەڤرۆ نیوز:
ئیلهام ئەحمەد هەڤسەرۆکا جڤاکا سووریا دیموکرات راگەهاند کو ئەمریکا ژ بۆ هەرێما ئارام ئەرکێ خوە بجه ئینایە و ئەمریکا ب رەنگەکێ ئاشکرا بۆ بەرپرسێن تورکیا ژی دیار کریە کو مە نەڤێت چو شەر ل سەر سنورێ تورکیا و سووریا روو بدەن و گۆت: (مانا هێزێن مە ل سەر سنوری بۆ ئارامیا تورکیا ژی گرنگە، ژ بەر هندێ ژی نابیت تورکیا هێزێن مە یێن ل سەر سنوری وەکو گەفەکێ بۆ خوە ببینیت).
ئه‌ڤرۆ نيوز:
فراكسيۆنا ئێكه‌تيێ گه‌فێن پشكدارينه‌كرنێ د روونشتنا سوبه‌هى يا په‌رله‌مانى دكه‌ت، هه‌كه د لژنا قانوونى دا ئه‌و چه‌ند نه‌هێته جێگيركرن، “سه‌رۆكێ هه‌رێما كوردستانێ دو جێگير هه‌بن”.
ئێكه‌تى پێداگريێ ل پێشنيازا خوه دكه‌ت ده‌رباره‌ى وێ چه‌ندێ كو دڤێت سه‌رۆكێ هه‌رێما كوردستانێ دو جێگرهه‌بن، ژ به‌ر هندێ نها هه‌ردو مه‌كته‌بێن سياسى يێن ئێكه‌تى و پارتى ل سه‌ر هێلن دا كو ئه‌وێ پرسێ چاره بكه‌ن.
لوقمان وه‌ردى، ژ فراكسيۆنا ئێكه‌تى نشتيمانى كوردستان بۆ رووداو گۆت: “پێشتر ئه‌وان وه‌كو فراكسيۆن پێشنياز كربوو كو سه‌رۆكى دو جێگر هه‌بن، ئه‌ڤه ژى د لژنا قانوونى دا هاتيه چه‌سپاندن، به‌لێ سه‌رۆك فراكسيۆنێ پارتى د داخۆيانيه‌كێ دا گۆتيه كو د قانوونێ دا ئاماژه ب وێ چه‌ندێ نه‌كريه دێ سه‌رۆكى چه‌ند جێگر هه‌بن، به‌لێ ب تنێ گۆتيه سه‌رۆكى دێ جێگر هه‌بيت”.
گۆتژى: “ئه‌وان لارى ل سه‌ر وێ چه‌ندێ نينه كو سه‌رۆك ده‌سته‌لاتێن جێگران ديار بكه‌ت كو ب گۆره‌ى په‌يره‌وێ سه‌رۆكى پشتى 15 رۆژا ژ سووند خوارنێ ناڤونيشان و ده‌سته‌لاتێن جێگران بهێنه دياركرن”.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 8ى گۆلانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.000 دينار |
| 100 يۆرۆيێ ئه‌ورۆپى | 134.500 دينار |
| 100 ليرێ توركى | 20.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا چارشه‌مبى رێکەفتی 8ى گۆلانا 2019ێ دهێته پێشبينكرن ئه‌سمان دێ ساهى و ئه‌و بيت و هنده‌ك جاران ئه‌و ئه‌ور زێده‌تر لێ هێت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ساهى و ئه‌و بيت و هنده‌ك جاران ئه‌و ئه‌ور زێده‌تر لێ هێت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 9 بۆ 10کم دا بیت، پلێن گەرمێ ژی دێ د ناڤبەرا 18 بۆ 29 پلان دا بن.
ئه‌ڤرۆ نيوز:
كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ راگه‌هاند كو سوبه‌هى رۆژا چارشه‌مبى 7ى گۆلانا 2019ێ دێ پاداشتێ كارمه‌ندێن سه‌رسندوقێن كۆمسيۆنێ هێته به‌لاڤكرن.
د كۆنگره‌كێ رۆژنامه‌ڤانى دا كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كورستانێ راگه‌هاند پاداشتێ كارمه‌ندێن سه‌رسندوقێن كۆمسيۆنێ بۆ هه‌لبژارتنێن په‌رله‌مانێ كوردستانێ سوبه‌هى رۆژا چارشه‌مبى 7ى گۆلانا 2019ێ ب گۆره‌ى به‌نكێن ده‌ستنيشانكرى بيت.
ئه‌ڤرۆ نيوز:
مەھا رەمەزانێ دەلیڤەیەکا زێرینە بۆ ڤەگەراندنا بەژنا زراڤ و کێمکرنا سەنگێ، د ڤێ مەھێ دا مرۆڤ دشێت گۆنترۆلێ ل سەر دانێن خوارنێ بکەت و دەلیڤە بۆ چالاکیێن ساخلەم پتر ھەیە، وەکو راھێنانێن وەرزشی یێن سڤک وەکو پیاسێ، ھندەک رێنما و شیرەت ھەنە بۆ وێ وەرزشا سڤک دا ب شێوەیەکێ ساخلەم بکەی.
مفایێن پیاسێ بەری فتارا رەمەزانێ:
ئەو تەراتی و خوویێن لەشی ژ دەست داین قەرەبۆ دکەت و ناھێلیت مرۆڤ تووشی ئاریشێن ساخلەمی بیت.
سۆتنا بەزی زێدە دکەت و دبیتە ئەگەرێ کێمبوونا سەنگێ، ژبەرکو لەشی ئەو شەکر نینە یا وزێ دلڤینیت ژبەر رۆژیێ، پیاسێ ژی وزەیەکا تایبەت دڤێت، لەورا ژ روون و بەزێ لەشی دخۆت.
لەشی ژ ژھەراویبوونێ پاقژ دکەت.
بۆ نەخۆشێن شەکرێ ب مفایە، پیاسە ل سەر عیرکێ ڤالا یا ھاریکارە لەش گلۆکۆزی بمێژیت و ئەو یەک دبیتە ئەگەر کۆنترۆل ل سەر ئەنسۆلینی بھێت کرن.
پیاسە یا ھاریکارە بۆ پێگیریکرنێ ب رەفتارێن ساخلەم.
شیرەت بۆ پیاسێ ل مەھا رەمەزانێ:
پشتی فتارێ ئێکسەر پیاسێ نەکە، ژبەرکو زڤرینا خوینێ ھەموو بەر ب کوئەندامێ ھەسەرەسکرنێ دچیتن.
یا باش ئەوە فتارێ ب شێوەیەکێ ناڤنجی بخۆی دا سەنگێ تە زێدە نەبیت و دا بشێی پشتی ھینگێ پیاسێ بکەی.
بلا پیاسا تە ژی ب شێوەیەکێ ناڤنجی بیت، ھەروەسا تو دشێی ل شوونا سواری پایسکلێ بی و رۆژانە ئێک سەعەت و پێنج رۆژان د حەفتیێ دا.
وەرزشێ ل جھێن پاقژ بکە و بلا پلا گەرمێ و رێژا ژەھێ یا ناڤنجی بیت.
بەری فتارێ 30 – 60 دەقیقان پیاسێ بکە.
ئەو کەسێن ب درێژاھیا رۆژێ کار دکەن و دەلیڤا بێھنڤەدانێ نەبیت و خوە ل بەر تێھنێ نەگرن بلا پیاسێ نەکەن، یا باش ئەوە پشتی فتارێ ب چەندین سەعەتان راھێنانان بکەن.
ئەڤرۆ نیوز، نەوزاد ھلۆری:
زانایێن بوارێ تەکنولوژیایێ دنووترین داھێنان و ڤەکولین دا گەھشتنە ئەنجامەکێ کو کارەبێ ژ بەفرێ بەرھەمبینن، ھەروەکو وێ بەرھەمئینانا کارەبێ یە ئەوا ژ ھێزا ھەوای و ئاڤ و تیشکا رۆژێ دھێتە بەرھەمئینان.
شارەزایێن زانکویا کایفورنیا ل “ویلایەتا لوس ئەنجولوس ل ئەمریکا” بو ئێکەمین جار د جیھانێ رابون ب تاقیکرنا ھێزا کارەبێ ل بەفرێ، ئەو ژی ب رێیا دروستکرنا ئامیرەکێ مالیدێ کو دبێژنێ “مالیدا ھێزا نانوی) یا تاقیکری لسەر بەفرێ” کو ب زمانێ ئینگلیزی دبیژنێ Snow TENG، ئەڤ ئامیرە پشت ب کارلێککرنا کێمیایی گرێدەت، بڤی رەنگی ھێزا کارەبێ لسەر بەفرێ گەرم دکەت و ھێزا کارەبێ لێ دھێتە بەرھەمئینان).
ریچارد کانیر، بسپوور و ئەندامێ پەیمانگەھا نانو ل زانکویا ناڤبری دڤی واریدا گۆت: (بەرھەمئینانا کارەبێ ل بەفرێ ژ ئەگەرێ کارلێککرنا بەفرێ ل وی دەمی یە دەما کو بەفر دباریت کو ئەو ژی بارگەیا موجەب دروست دکەت، ئەگەر بکەڤیتە ھەر جھەکێ سەرگرتی دێ ب سلیکوونێ بارگا سالب ژێ ھێتە دروستکرن، بڤی رەنگی کارێککرن دناڤبەرا وان دا دروست دبیت و کارەبا دھێتە بەرھەمئینان).
ب گورەی پێزانینێن ڤەکولەرێن دڤی بواری دا، دشیاندایە کو ئەو ئامیرێن بو تیشکا رۆژێ دھێنە پیڤان و بکارئینان، وەکو چەوا رۆژ ل دەرڤە بیت کارەبێ ل ھێزا رۆژێ وەربگریت، ب ھەمان رەنگ ل بەفرێ ژی بھێتە وەرگرتن دەما کو دباریت، بڤی رەنگی کارەبا بھێتە بەرھەمئینان.
ئه‌ڤرۆ نيوز، نيوار محه‌مه‌د سه‌ليم:
پشتى هاتنا هه‌يڤا ره‌مه‌زانێ ده‌مژمێرێن رۆژيگرتنێ ل جيهانێ هاتنه دياركرن كو ب ره‌نگه‌كى وه‌لاتێن ئه‌سكه‌نده‌ناڤى دێ پترترين ده‌مژمێرێن رۆژيگرتنێ هه‌بن و ل وه‌لاتێن ئه‌مريكا لاتينى ژى كێمترين ده‌مژمێرێن رۆژيگرتنێ و ل وه‌لاتێن ئيسلامى ژى د ناڤبه‌را 15 هه‌تا 16 ده‌مژمێران دابن.
ئەڤرۆ نيوز:
رێڤەبەرێ ئەوقافا دھۆکێ ل دۆر بەرھەڤیێن رێڤەبەریا ئەوقافێ بۆ ھەیڤا رەمەزانا پیرۆز بۆ رۆژناما ئەڤرۆ دیار کر، لژنەک ل سەر ئاستێ رێڤەبەریا ئەوقافێ ل پارێزگەھا دھۆکێ ھاتیە پێکئینان بۆ دروستکرنا دەمژمێرێن ھەموو مزگەفتان کو ل دەمێ بانگێ مەغرەب و سپێدێ ھەموو پێکڤە د ئێک دەم دا بانگ بدەن و دبێژیت: ئێدی ئەو شاشی دوبارە نابن کو پێشتر ل تاخەکی بانگ د دا و ل تاخەکێ دی ھێشتا بانگ نەدابیت.
مەلا رێبەر نێروەیی، رێڤەبەرێ ئەوقافا دھۆکێ ئاشکرا ژی کر، نابیت بانگ ھەلدێر ل دووڤ دەمژمێرا خوە دەمێ بانگی دیار بکەت، بەلکو دێ دەمژمێرێن ھەموو مزگەفتا وەکو ئێک ھێنە دروستکرن و گۆت: “دڤێت ھەموو بانگ ھەلدێر پێگریێ ب رێنمایێن رێڤەبەریا ئەوقافێ ل پارێزگەھا دھۆکێ بکەن”.
ناڤبری ئەو ژی گۆت: “ل قەزا دھۆکێ 170 مزگەفت ھەنە سەر ب ئەوقافێ ڤەنە، 89 مزگەفت ل سەنتەری نە و ئەڤێن دی ل دەردۆرێن قەزا دھۆکێ نە، ژ سەرجەمێ 89 مزگەفتێن سەنتەری ل 12 مزگەفتان گۆتارا ئەینیێ تێدا ناھێتە خواندن”.
رێڤەبەرێ ئەوقافا دھۆکێ دیار کر کو د ھەیڤا رەمەزانا پیرۆز دا دەمژمێرەکێ بەری بانگێ نیڤرۆ دێ دەرگەھێن مزگەفتان ھێنە ڤەکرن، چنکو خەلکێ ھەی دێ زوو قەستا مزگەفتێ کەت بۆ خواندنا قورئانێ و کرنا تاعەتی.
مەلا رێبەر نێروەیی خویا کر، ل ھەیڤا رەمەزانا پیرۆز ل دانێ فتارێ نابیت کەسەک بێی رازیبوون و ئاگەھداربوونا ئەوقافێ خوارنێن بەرفرەە بدانیت و دڤێت ئەوقاف و مزگەفت ل سەر بابەتی بھێنە ئاگەھدارکرن، ئەو دروستە خێزانەک قازانەکا خوارنێ یان نیسکێ ببەتە مزگەفتێ لێ کەسەک بۆ گەلەکا بدانیت دڤێت رازیبوون بھێتە وەرگرتن، چنکو ل دووڤ رێنما دڤێت ئەو خوارنا پاقژ بیت و دڤێت پاقژیا مزگەفتێ بھێتە راگرتن.
نيشاندان