زاخۆ، عەلی حاجی:
ب ھەلکەفتا روژا جیھانی یا شانویێ ب ئامادەبوونا ژمارەیەکا باش یا جەماوەری تیپا زاخۆ یا شانویێ دناڤ پارکا شەھیدان ل ناڤا سەنتەرێ زاخۆ دا دوو شانوگەری بناڤێ یاریا پوبجی و ماددەێن بێ ھوشکەر پێشکێش کرن.
نووترين نووچه
- سەرۆك بارزانی: عەبدولرەحیم عسمەت وانلی ژیێ خوە بۆ خەباتێ ژ پێخەمەت دۆزا رەوا یا گەلێ كوردستانێ تەرخانكربوو
- مەسرور بارزانی سەرەخوەشیێ ل كەسوكارێن قوربانیێن ئاگرێ دارستانێن كۆریایا باشوور دكەت
- ب سەرپەرشتییا سەرۆك بارزانی كوردێن سووریێ گەهشتنە رێككەفتنەكا دیرۆكی
- پەیاما سەرۆك بارزانی پشتەڤانییەكا ب هێز بوو بۆ گەلێ كورد
- سیپان شێروانی: 100 پەرلەمانتارێن ئیراقی بندیوارن
- هەرێما كوردستانێ و دەولەتا قەتەرێ دوپاتیێ ل سەر ب هێزكرنا پەیوەندییان د وارێ وزێ دا دكەن
- ل هاڤینا ئەڤسالە قونسلخانەیا مەزن یا ئەمریكا ل هەولێرێ دێ هێتە ڤەكرن
- رێكا گەشەپێدانێ د دهۆكێ را دەرباز دبیت
- مەحما خەلیل: مەترسییا دوبارە پێكدادانێ د ناڤبەرا یەپەشێ و لەشكرێ ئیراقێ دا ل شنگالێ یا هەی
- کوردێن رۆژئاڤایێ کوردستانێ بەرهەڤیان بۆ قۆناغەکا دیرۆکی دکەن
سهرهكى Facebook
ب ڤیدیو .. ڤەکرنا پێشانگەھا سالانە یا قوتابیان
ئەڤرۆ نیوز، عەلی حاجی:
پشکا چالاکیێن قوتابخانەیان ل زاخۆ ل ژێر دروشمێ ھونەر ناسناما گەلانە و چاڤدێریا ھەرێمداریا زاخۆ بوتان محسن پێشانگەھا شێوەکاری یا سالانە بۆ زێدەتری ١٧ قوتابخانەێن ئامادەیی یێ سەر ب رێڤەبەریا زاخۆ ڤەکر، دوێ پێشانگەھا شێوەکاری دا زێدەتری ٦٠٠ وێنەێن شێوەکاری و کارێ دەستیێ قوتابیان ھاتە نیشان دان.
ژ ئەگەرێ رێتنا نەفتا خام ل سەر رێیەکێ ٥ کەس بریندار بوون
ئەڤرۆ نیوز،بارزان مزووری:
ئازاد تاھا،بەرپرسێ پەیوەندی و راگەھاندنا رێڤەبەریا پولیسێن ھاتن و چوونا پارێزگەھا دھوک بۆ ئەڤرۆ نیوز دیارکر ئەڤرۆ دەمژمێر ١٠:٠٠ سپێدێ رێکەفتی ٢٨ی ئادارێ ٢٠١٩ی ل سەر رێکا شێخان بۆ ئەترۆش نێزیک زالگەھا ئەترۆش ترومبێلەک ژ جوریَِ “BMW” تایبەت وەرگەریا د ئەنجام دا ٥ کەس ب سەختی بریندار بوون ھاتن رەوانەکرن بۆ نەخوشخانا شێخان یا گشتی.
ناڤھاتی ل دور ئەگەرێن روودانێ نەفتا”خام” ژ ترومبێلێن ڤەگوھاستنێ رژیایە سەر رێکێ شوفێرێ ترومبێلێ نەشیایە کونترولێ ل سەر ترومبێلا خوە بکەت د وەرگەرێت چەندین مەترا دویری رێێ دکەڤیت بەر لێڤێن روباری دمینیت.
کوردەک دبیتە ئەندام د لیژنا فیستەڤالا نەھج دا
ئەڤرۆ نیوز ، زنار تۆڤی:
بۆ ئێکەمین جار د پێنجەمین فلمە فیستیڤالا نێڤدەولەتی یا سینەمایی یا نەھج دا، کو دێ ل باژێرێ کەربەلا ھێتە سازکرن، کوردەک دبیتە ئەندام د لیژنا ھەلبژارتنا فلمان دا د وێ فیستیڤالێ دا، ھەروەسا ئێکەم جارە دو فلمێن کوردی یێن ل سەر پێشمەرگێ کوردستانێ ژی پشکداریێ د وێ فیستیڤالێ دا کەن.
نڤیسەر رەخنەگرێ سینەمایی یێ کورد پشتیوان عەبدوللا، کو بوویە ئەندام د لیژنا ھەلبژارتنا فلمان دا د فلمە فیستەڤالا نەھج دا، د دیدارەکێ دا بۆ ئەڤرۆ نیوز دبێژیت: ئەڤ سالە ھەردو فلمێن کوردی روو ب روو بوونا مرنێ ب کەتەری یێ دەرھێنەرێ کورد سەروەر عەبدوللای و فلمێ یاسر یێ دەرھێنەرێ کورد ئەیاد جەباری پشکداری د ڤی فیستەڤالێ دا کریە، کو ئەڤە ئێکەمجارە د ڤێ فیستیڤالێ دا، دو فلم ل سەر پێشمەرگێ کوردستانێ دێ پشکداریێ د فلمە فیستەڤالا نەھج دا کەن.
ناڤھاتی زێدەتر گۆت: ژ بلی ڤان ھەردو فلمێن کوردی، سێ فلمێن دیتر یێن کوردی دێ پشکداریێ دڤێ فیستیڤالێ دا کەن، ھەروەسا دھێتە چاڤەرێ کرن، کو ئێک ژ وان ھەردو فلمێن ل سەر پێسمەرگەی دێ خەلاتێ مەزن یێ ڤێ فیستەڤالێ ب دەستڤە ئینن.
ھێشتا دبێژیت: خولا پێنجێ یا فلمە فیستەڤالا نەھج ل رۆژێن ٥_١٠ نیسانا ٢٠١٩ دێ یا بەردەوام بیت، ل باژێرێ کەربەلا ب پشکداریا فلمێن سینەمایی ژ ٨٠ وەلاتێن جیھانی، ھەروەسا وی فلمەکێ ئەنیمەیشن یێ درێژ بەرھەمئینایە، کو ل سەر قارەمانیا پێشمەرگەیە ل شەرێ داعش وتیرۆرێ، ب ناڤێ شکاندنا ئەفسانێ، کو ئەڤ فلمە ٧٠ خۆلەکان یێ درێژە، کو ژ نڤێسین و سەرپەرشتیا وی یە، ھەروەسا ئەڤە ماوێ ٣٥ سالانە ئەو د وارێ سینەمایێ دا کار دکەت.
پارتی دێ بەربژێرێ خوە بۆ جێگرێ ئێکێ پارێزگارێ نەینەوا دیارکەت
ئەڤرۆ نیوز،بارزان مزووری:
بەرپرسێ لقا ١٤ مووسل یا پارتی دیموکراتی کوردستان بۆ ئەڤرۆ نیوز دیارکر پشتی بریارا پەرلەمانێ عێراقێ دەرچووی ب لادانا پارێزگارێ مووسل دگەل ھەردوو جێگرێن وی کو یێ ئێکێ کوردبویە بناڤێ “عبدالقادر” کو بریارەکا سیاسی بویە.
زێدەتر عەلی خەلیل خویاکر ئەو پارێزگارێ نوو دھێتە دانان بۆ مووسل بەھرا کوتلێن عەرەبی یە لێ جێگرێ پارێزگاری یێ ئێکێ دگەل سەروکێ جڤاتێ دێ پارتی دیموکراتی وەرگریت ل ڤان نێزیکان دێ بزاڤێ کەین جێگرێ ئێکێ پارێزگەھا مووسل دیارکەین بۆ خەلکێ مووسل، لێ ئەو کەسێ کوتلێن عەرەبی دیار دکەن بۆ پارێزگارێ مووسل مە وەکو پارتی مەرجێن خو ھەنە حەتا ئەم پەسەند بکەین ژوان مەرجێن مە”کەسەکێ دەست پاک بیت مەلەفێ وی یێ پاقژ بیت، ژلایێ خزمەتگوزاری ڤە پرۆژێن خزمەتگوزاری بو خەلکێ مووسل دابین بکەت ژبەرکو مووسل یا وێرانە پێدڤی ب پرۆژێن خزمەتگوزاری یە، یێ ھاریکاربیت دگەل مە پرۆژێن خزمەتگوزاری بۆ دەڤەرێن مادێ ١٤٠ بگەھینیت ژبەرکو ھەتا نھا ١% پرۆژێن خزمەتگوزاری وان دەڤەرا نەھاتینە دروستکرن.
ناڤھاتی گۆت: ھەلویستێ جەنابێ سەرۆک بارزانی د دیارن کو د ھەموو دەما دەستێ ھاریکاریێ بۆ پارێزگەھا مووسل درێژکریە تایبەت دەمێ ھاتنا داعش و دەرگەھێن ھەموو قوتابخانا و نەخوشخانا و ئاڤاھیێن خەلکی ھاتن ڤەکرن بۆ ئاوارێن وی باژێری کو ئەڤ خەلکە بھێت پاراستن وێ ھزرێ بکەن کو د مالێن خونە ئاوارە نەبووینە ئەڤە ئێک ژ ھەلویستێن جەنابێ سەروک بارزانی بوویە، ئەو رویدانا نەچاڤەرێکری ل مووسل دروست بوی جەنابێ سەروک بارزانی یێ بێ ھەلویست نەبویە ئێکسەر ھەموو دامو دەزگەە ئاگەھدارکرینە کۆ د ھەوارا وان بچن تایبەت کەرتێ تەندروستی.
پارتی و گۆران ب کومکرنا ٦٨ ئیمزایان پرۆژێ قانوونا سەروکاتیا ھەرێمێ پێشکێش کر
ئەڤرۆ نیوز:
پارتی و گۆران دگەل چەند لایەنێن دی ب کومکرنا ٦٨ ئیمزایێن پەرلەمانتاران پرۆژێ راستڤەکرنا قانوونا سەروکاتیا ھەرێما کوردستانێ ئەڤرۆ پێشکێشی سەروکاتیا پەرلەمانی کر.
د کونگرەکێ رۆژنامەڤانی دا ئەمێد خوشناو سەروکێ فراکسیونا پارتی دیارکر ئەڤرۆ د چارچوڤێ رێککەفتنا دناڤبەرا پارتی و گۆران و ھەڤپەیمانێن وێ دا پرۆژێ راستڤەکرنا قانوونا ھەلبژارتنا سەروکێ ھەرێمێ ب کومکرنا ٦٨ ئیمزایێن پەرلەمانتاران ھاتە پێشکێش کرن بۆ سەروکاتیا پەرلەمانی.
ل دووڤ ڤی پرۆژە قانووتێ د ڤێ خولێ دا سەروکێ ھەرێمێ دێ د ناڤ پەرلەمانێ کوردستانێ دا ھێتە ھەلبژارتن و پاش دێ د دستورێ کوردستانێ دا شێوازێ ھەلبژارتنا سەروکێ ھەرێمێ ھێتە دیارکرن.
كۆنفرانسێ دویێ یێ نوشداریا ده‌ڤ و ددانا هاته ئه‌نجامدان
ئەڤرۆ نیوز:
ل ژێر دوریشمێ ((نوشداریا ددانا دناڤبه‌را داهێنان وپێشڤه‌چونێ دا)) ئه‌ڤرو سپێدێ 28-3-2019ل هولا كونگره‌یان ل باژێرێ دهوكێ وب ئاماده‌بونا فه‌رهاد ئه‌مین ئه‌تروشى پارێزگه‌رێ دهوكێ وسه‌روكێن چه‌ند زانكویا ل پارێزگه‌هێ و به‌رپرسێن حزبى وحكومى وببه‌رهه‌ڤبونا نێزیكى(600) نوشدارێن ددانا ژوه‌لاتێن ئه‌مریكا هوله‌ندا وهندستان وتركیا ومسر وئیمارات وئیراق وهه‌رێما كوردستانێ دووه‌مین كونفرانسێ نیڤ ده‌وله‌تى یێ نوشدارایا ده‌ڤ وددانا هاته ئه‌نجامدان.
لبه‌راهیێ دكتوره بهار جعفر په‌یڤا بخێر هاتنێ خاند وئاماژه دا گرنگیا كونفرانسى وگوت شه‌ش سه‌د نوشدار ژوه‌لاتێن جودا جودا دێ پشكداربن و 45ڤه‌كولین وچه‌ندین وركشوب وچالاكیێن دن دێ هێنه پێشكێشكرن وگه‌نگه‌شێن تێر وته‌سه‌ل دێ ژلایێ به‌رهه‌ڤبویانڤه ل سه‌ر زانستێ ده‌ڤ وددانا هێنه كرن.
پاش په‌یڤا سه‌ندیكا نوشدارێن ددانا ل پارێزگه‌هێ هاته خاندن وبه‌رنامێ كونفرانسى به‌رچاڤكر.
پاش پارێزگه‌رێ دهوكێ په‌یڤه‌ك پێشكێشكر وبناڤێ كارگێریا پارێزگه‌هێ بخێر هاتنا میهڤانان كر وده‌ست خوشى ل وان هه‌موو لایه‌نان كر یێن كونفرانس رێكخستى وسه‌ركه‌فتن بو كونفرانسى خواست.
پارێزگه‌رێ دهوكێ ته‌كه‌زى ل سه‌ر وێ چه‌ندێ كر كو ساخله‌مى ئێك ژبابه‌تێن گرنگه ل سه‌ر ئاستێ هه‌ر وه‌لاته‌كى وهه‌رجڤاكه‌كى هه‌روه‌سا ل سه‌ر ئاستێ تاكه كه‌سى تایبه‌تى پاراستنا ددانا زور یا گرنگه دناڤا جڤاكیدا وزور یا فه‌ره ئه‌ڤ جوره كونفرانسێن زانستى ل دور ساخله‌میا ده‌ڤ وددانا بهێنه ئه‌نجامدان بو پێشئێخستنا ڤى كه‌رتێ گرنگ.
پارێزگه‌رێ دهوكێ ئاماژه‌دا وێ گرنگیا حكومه‌تا هه‌رێما كوردستانێ دده‌ته كه‌رتێ ته‌ندورستى وگوت گه‌له‌ك پشته‌ڤانى بو ڤى كه‌رتى هاتیه كرن لێ هێشتا نه ل سه‌ر ئاستێ پێدڤى یه یێ كو ئه‌م حه‌زدكه‌ین وخواست پتر پشته‌ڤانى بهێته كرن تایبه‌تى ئاڤاكرن وتوماكرنا وان پێنچ نه‌خوشخانێن گشتى ل پارێزگه‌هێ كو ژبه‌ر برینا بودجێ هاتینه راگرتن.
هه‌روه‌سا خواست كو سازیێن ته‌ندورستى پتر دویڤ چون وچاڤدێریا كه‌رتێ ساخله‌میێ بكه‌ن چ یێ گشتى بیت یان یێ تایبه‌ت بو وێ یه‌كێ باشتر خزمه‌تا خه‌لكێ پارێزگه‌هێ بهێته كرن.
پاش جودا په‌یڤێن سه‌روكاتیا زانكویا دهوك ورێڤه‌به‌ریا گشتى یا ساخله‌میێ ل پارێزگه‌هێ وسه‌ندیكا نوشدارێن ددانا ل هه‌رێمێ وپه‌یڤا سه‌ندیكا نوشدارێن ددانا ل ئیراقێ هاتنه خاندن وگرنگیا ڤان جوره كونفرانسان به‌رچاڤكرن.
پاش تابلویا فلكلورى یا پێكڤه ژیانێ ژلایێ تیپا دهوك یا هونه‌رى هاته نیشان دان.
هه‌ربڤێ هه‌لكه‌فتێ پێشانگه‌ها كه‌ل وپه‌لێن نوشداریا ده‌ڤ وددانا هاته ڤه‌كرن و30كومپانیا كه‌لو وپه‌لێن تایبه‌ت ب نوشداریا دداناڤه به‌رچاڤكربوون.
ئه‌ڤ كونفرانسه ژلایێ كولیژا نوشداریا ددانا وب هه‌ڤكاریا زانكویا دهوكێ ورێڤه‌به‌ریا گشتى یا ساخله‌میێ ل پارێزگه‌ها دهوكێ هاتیه رێكخستن ودێ دوو روژا ڤه‌كێشیت وچه‌ندین ڤه‌كولین ووركشوب وچالاكیێن زانستى دێ هێنه ئه‌نجامدان.
وەزارەتا پەروەردێ رۆهنكرنه‌كێ ل دۆر ئه‌زموونێن دووماهیا سالێ به‌لاڤ دكه‌ت
ئه‌ڤرۆ نیوز:
وه‌زاره‌تا په‌روه‌ردێ ل هه‌رێما كوردستانێ راگه‌هاند، ئه‌زموونێن دووماهیا سالێ د ده‌مێ خوه دا دێ هێنه ئه‌نجامدان وهه‌موو وان ده‌نگوباسان ره‌ت دكه‌ت كو به‌حسێ پاشخستنا ئه‌زموونان دكه‌ن.
سامان سیوەیلی، په‌یڤدارێ وه‌زاره‌تا په‌روه‌ردێ راگه‌هاند” ل دووڤ سالناما خواندنێ، ئه‌زموونێن دووماهیا سالێ د ده‌مێ خوه دا دێ هێنه ئه‌نجامدان”.
گۆت ژى” ئه‌و ده‌نگوباسێن دهێنه به‌لاڤكرن كو ژبه‌ر هه‌یڤا ره‌مه‌زانێ، ئه‌زموونێن دووماهیا سالێ هاتینه پێشخستن، به‌لكو ئه‌زموون چو قۆناغه‌كا خواندنێ نه‌هاتینه پێشخستن و د ده‌مێ خوه یێ ده‌ستنیشانكرى دا دێهێنه ئه‌نجامدان”.
عه‌بدولمه‌هدى:پێدڤيه هێزێن عيراقێ ئاسايشا شنگالێ بپارێزن
ئه‌ڤرۆ نيوز:
سه‌رۆك وه‌زيرێن عيراقێ عادل عه‌بدولمه‌هدى د كۆنگره‌كێ رۆژنامه‌ڤانى دا راگه‌هاند، ئه‌م هه‌موو د رێككه‌فتينه ل سه‌ر وێ چه‌ندێ كو پێدڤيه هێزێن عيراقى وله‌شكرێ عيراقێ ئاسايشا شنگالێ بپارێزن.
عه‌بدولمه‌هدى گۆت ژى” حوكمه‌تا عيراقێ هه‌موو بزاڤێن خوه دكه‌ت بۆ ديتنا ئێزديێن ره‌ڤاندى وزانينا چاره‌نڤيسێ وان”.
به‌غدا دووماهى مۆله‌ت دده‌ته په‌كه‌كێ
ئه‌ڤرۆ نيوز:
به‌رپرسه‌كێ پارتى ديموكراتى كوردستان راگه‌هاند، پێزانين يێن هه‌ين حوكمه‌تا عيراقێ ب رێيا هێزێن خوه يێن له‌شكرى هه‌تا دووماهيا ڤێ هه‌يڤێ مۆله‌ت ب مانا هێزێن پارتيا كاركه‌رێن كوردستانێ (په‌كه‌كه) ل شنگالێ دايه.
قادر قاچاخ، به‌رپرسێ لقێ 17 يێ شنگالێ يێ پارتى ديموكراتى كوردستان د داخۆيانيه‌كا رۆژنامه‌ڤانى دا گۆت” پێشتر حوكمه‌تا عيراقێ تنێ 72 ده‌مژمێر مۆله‌ت دابوو په‌كه‌كێ، به‌لێ مه پێزانين يێن هه‌ين كو نوكه مۆله‌ت هه‌تا دووماهيا ڤێ هه‌يڤێ هايته درێژكرن”.
قادر قاچاخ زێده‌تر بۆ باسنيوز گۆت” هه‌كه بابه‌تێ مان يان ڤه‌كێشانا په‌كه‌كێ ل شنگالێ نه‌هێته ئێكلاكرن، دوور نينه ره‌وش ئالۆزتر ببيت، ب تايبه‌ت ژى كو به‌غدا د مۆله‌تا خوه دا ئاماژه كريه هه‌كه بمينن، دێ به‌رپرسيار بن”.
گۆت ژى”هه‌كه ره‌وش ب ڤى شێوه‌ى بيت، چو جارا ره‌وشا شنگالێ باش نابيت،
دده‌مه‌كى دا پێدڤيه ئارامى بۆ شنگالێ بزڤريت”.
نيشاندان
WP Facebook Auto Publish Powered By : XYZScripts.com