ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: لدووڤ بریارا وەزارەتا نافخۆ یا حوکمەتا هەرێما کوردستانێ، لێبۆرینا سزایێن تۆمار کرنا ترۆمبێلان و نووکرنا سالناما و دەستۆردانان ھاتە درێژکرن ھەتا ٢٠ ئیلۆنا 2020.
ئەڤرۆ نیوز:
ئەڤرۆ دوشەمبی (31/8/2020) رێڤەبەریا گشتی یا ساخلەمیا پارێزگەها دهۆکێ راگەهاند: 109 تووشبوویێن دی یێن ڤایرۆسێ کۆرۆنایێ، پشتی هەموو پشکنین بۆ هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانێ هاتنە دەرخستن و چوونە د ناڤا کەسوکارێن خوە دا.
هەروەسا گۆتیە: ب ڤێ چەندێ هژمارا چارەسەربوویان گەهشتە (1554) کەسان و نوکە (2534) کەس ماینە د نەخۆشخانێدا.
ئه‌ڤرۆ نیوز، مه‌حمود نهێلى:
رێڤه‌به‌رێ ناحیا دێره‌لۆكێ بۆ ئه‌ڤرۆ نیوز دیاركر، پشتى بۆ ماوێ 6 هه‌یڤان كار د چێكرنا پرۆژێ هایدروپاوه‌رێ دێره‌لۆك هاتیه راوه‌ستاندن جاره‌كى ده‌ست ب چێكرنا وێ هاته كرن.
سامى ئوشانه رێڤه‌به‌رێ ناحیا دێره‌لۆك دیار كر، ل ده‌سپێكا ده‌ركه‌فتنا كورونا ل وه‌لاتێ ئیرانێ ژ به‌ر كو پرانیا كاركه‌ر و ئه‌ندازیارێن پرۆژه‌ى ئیرانى بوون كار د چێكرنا پرۆژه‌ى دا هاته راوه‌ستاندن و گۆت: ( ژ به‌ركو ئه‌ڤ پرۆژه‌ى ژلایێ كۆمپانیه‌كا ئیرانى ڤه دهێته چێكرن پرانیا كاركه‌رێن ڤى پرۆژه‌ى ئیرانى نه و هه‌ر ل ده‌سپێكا ده‌ركه‌فتنا نه‌خوشیا كورونا ل وه‌لاتێ ئیرانى هه‌موو كاركه‌ر و ئه‌ندازیار و كارمه‌ندێن ئیرانى هاته ڤه‌گه‌راندن بو وه‌لاتێ ئیرانى ژ به‌ر قه‌دغه‌یا هاتن و چونێ ب تایبه‌ت د ناڤبه‌را مه و وه‌لاتێ ئیرانێ دا ئه‌ڤ كاركه‌ره نه‌شیانه ڤه‌گه‌رنه ڤه و كارێ چێكرنا ڤى پرۆژه‌ى نێزیكى شه‌ش هه‌یڤان هاته راوه‌ستاندن).
ناڤهاتى دیار ژى كر، نوكه دورێن 200 كارمه‌ندێن ڤى پرۆژه‌ى ڤه‌گه‌ریانه ڤه و ده‌ست ب كارى هاتیه كرن و رۆژ رو رۆژێ ڤه‌گه‌ریانا وانا یا به‌رده‌وامه و گۆت: ( هه‌ر ژ به‌ر ڤێ نه‌خوشیێ نوكه هه‌موو كارمه‌ندێن وێ هاتینه كه‌رنتینه‌كرن دناڤ كه‌مپا پرۆژه‌ى دا تا 15 رۆژ ل سه‌ر ڤه‌گه‌ریانا وان ب داوى دهێن لێ ده‌ست ب كارى هاتیه كرن.
و ئاشكرا كر، نوكه دورێن 70% كار دڤى پرۆژه‌ى دا ب داوى هاتیه و ژبه‌ر كو ئه‌ڤه دووه‌م جاره كار دڤى پرۆژه‌ى دا دهێته راوه‌ستاندن ، چێدبیت ماوێ كاركرنى تێدا بهێته درێژكرن ڤه.
پرۆژێ هایدروپاوه‌رێ دێره‌لۆك ئێك ژ پرۆژێن ستراتیژى یێ ده‌ڤه‌رێ یه و ل سه‌ر ده‌مێ كابینا به‌رێ یا حكومه‌تێ هه‌رێمێ ده‌ست پێ هاتیه كرن و دورێن 150 ملیون دولاران بو هاتینه ته‌رخانكرن و پشتى تمام بوونێ دێ شێت 38 میگاواتێن كارێ به‌رهه‌م ئینت كو دبیته سیێ یه‌م پرۆژێ كاره‌بێ پشتى ده‌ربه‌ه‌ندیخان و دوكان بشێت بێ مه‌زاختن كاره‌بێ به‌رهه‌م بینت.
ئەڤرۆ نیوز، عەلی حاجی:
لدووڤ ژێدەرەکێ ل ساخلەمیا زاخۆ، بۆ ئەڤرۆ نیوز دیار کر: ئەڤرۆ دوشەمبێ ل دانێ سپێدێ شۆفێرەکێ تورک دناڤ ترۆمبێلا خوە یا بارهەلگر دا ل گورەپانا بەتۆن ل زاخۆ وەغەر کریە.
هەر وی ژێدەری گۆت: پشتی تیمێن ساخلەمیا ل زاخۆ هاتینە ئاگەهدار کرن هەر ئێکسەر ل جهێ روودانێ ئامادە بوون، کو دیار بوو شوفێرەکێ تورک یێ ترۆمبێلێن بارهەلگر دا ل گورەپانا بەتۆن ل زاخۆ دناڤ ترومبێلا خوە دا وەغەر کریە، پشتی تەرمێ وی هاتیە رەوانە کرن بۆ نۆشداریا داد ل زاخۆ وەسا دیار بوو، کو ژ ئەگەرێ کۆرۆنایێ وی شوفێری وەغەر کریە و پشتی هینگێ ژی تەرمێ وی بۆ وەلاتێ تورکیا هاتە رەوانە کرن.
ئەڤرۆ نیوز:
ژ بۆ پركرنا پێدڤیاتیا عیراقێ و پلێتا ئاهێن خوارنێ، وەسا بریارە حوکمەتا عیراقێ پتر ژ ملیۆن تەنێن برنجی ژ ئەمریكا بكریت.
حوکمەتا عیراقێ ئاشكرا كریە: بۆ پركرنا پێدڤیا پلێتا ئاهێن خوارنێ، كو هەیڤانە ب رێیا بریكاران ل سەر وەلاتیان دهێتە دابەشكرن، عیراقێ پێدڤی ب ملیۆنەك و 250 هزار تەنێن برنجی هەیە، لەوما حوکمەتا عیراقێ گرێبەستەك ل گەل هژمارەكا كۆمپانیێن ئەمریكا ئیمزاكریە، زێدەباری دابینكرنا برنجی، ئەو كۆمپانیە دێ هەردو كەرەستێن شەكر و دوهنی ژی بۆ عیراقێ دابین كەن.
ئەڤرۆ نیوز:
چێدبیت د هندەک دەمان دا، کەسەک بۆ تە ب ئاخڤیت و تۆ یێ پشت راست نەبی ژ راستیا گوتنێن وى، لەوما خواندنا ئاماژە و لڤینێن لەشێ وى راستیا گۆتنێن وی کەسێ هەمبەری مرۆڤی دیار دکەت.
مالپەرێ برایتساید، د بابەتەکێ دا ئاماژە ب چەند خالان دایە بۆ دەرخستنا درەوێن کەسێ هەمبەری مرۆڤی، ئەو ژى ئەڤە نە:
. دەمێ د ئاخڤیت گوتنێن خۆ دئینیت و دبەت.
. تەماشەی هەستێن وى بکە، د دەمەکێ کورت دا دێ ئاخفتنێن ژ هەڤ جۆدا بێژیت، بۆ نموونە دێ بێژیت خوشحالبووم ب دیتنا تە، پشتى چەند چرکا ژ ڤێ ئاخفتنێ دێمێ ئاخفتنکەرى دهێتە گوهۆرین.
. ئاماژە زۆر ژ د دێمێ وی دیار دبن و چاڤێن وی زێدە د لڤن.
. هایداری دەستپێک و دووماهیا گوتنێن وی و دووبارەکرنا پەیڤێن وی بە.
. بەرسڤا پرسیارێن مرۆڤی ب رستێن کورت د دەت.
. گەلەک جاران دەمێ درەوێ دکەت، ب دەستێ خوە دەڤ و دێمێ خوە دگریت.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا دو کەس بریندار بوون.
ناڤهاتی زێدەتر گۆت: ئەڤرۆ دوشەمبی ۲۰۲۰/۸/۳۱ ل دەمژمێر ٤:۰۰ ئێڤاری ل سەر جادا سەرەکی یا ناحیا بجیل روودانەکا ترافیکێ روودایە د ئەنجامدا دو کەس بریندار بوون.
ئەڤرۆ نیوز:
وەزارەتا ساخلەمی و ژینگەها عیراقێ ئامارێن نوو یێن کۆرۆنایێ راگەهاندن و بەلاڤکریە: د 24 دەمژمێرێن بوری دا 83 تووشبوویێن دی ب کۆرۆنایێ وەغەرکریە، نوکە هژمارا وەغەرکرنێ ب ڤایرۆسێ کۆرۆنایێ گەهشتە حەفت هزار و 42 کەسان.
دیسان گۆتیە، د دەمێ شەڤەک و رۆژەکێ دا سێ هزار و 757 کەسێن دی تووشی کۆرۆنایێ بووینە، نوکە هژمارا تووشبوویێن کۆرۆنایێ ل عیراق و هەرێما کوردستانێ گەهشتیە 234 هزار و 934 تووشبوویان، هەروەسا هژمارا ئەو کەسێن باشبووین د 24 دەمژمێرێن بوری دا، سێ هزار و 722 کەس بووینە، سەرجەمێ گشتی یێ باشبوویان گەهشتیە 176 هزار و 602 کەسان.
ئەڤرۆ نیوز:
هەر دو وەزیرێن دەرڤە یێن وەلاتێن فرەنسا و ئەلمانیا د پرێس کۆنفرانسەکێ دا دیار کرن کو دڤێت تورکیا رێزێ ل سەروەریا یونانێ بگریت و زێدەگاڤیان ل رۆژهەلاتێ دەریا سپی نەکەت و هەر دو وەلاتان پشتەڤانیا خوە بۆ یونانێ دیار کرن و داخواز ژ تورکیا ژی کرن کو ب رێیا دانوستاندنان ئاریشێن هەی چارەسەر بکەت.
هایکۆ ماس و جان لودریان ئەو یەک ژی دیار کرن کو پرانیا وەلاتێن ئێکەتیا ئورۆپا پشتەڤانیێ ل یونانێ دکەن و وی وەلاتی ل هەمبەر گەفێن تورکیا ب تنێ ناهێلن.
نيشاندان