ئه‌ڤرۆ نیوز:
ئه‌حمه‌د سه‌فار ئه‌ندامێ لژنا دارایى ل په‌رله‌مانێ عیراقێ بۆ ئه‌ڤرۆ نیوز دیاركر وان ده‌نگێن پێدڤى بۆ ده‌ربازكرنا مادێ 10 ژ پرۆژه قانوونا بودجه‌ى كو گرێدایه ب مووچێن فه‌رمانبه‌ران و پێشمه‌رگه‌ى ڤه خرڤه‌كرینه و دێ بودجه د به‌رژه‌وه‌ندا خه‌لكێ كوردستانێ دا ده‌رباز بیت و گۆت: شڤێدى هنده‌ك نه‌رازیبوون ل سه‌ر ڤێ برگێ هه‌بوو، به‌لێ تا ده‌مژمێر 3 ى شه‌ڤ ئه‌م ددانوستاندنان دابووین و ئه‌م شیاین ره‌وتا حكمه و ده‌وله‌تا قانوون ژى رازى كه‌ن كو ده‌نگى بده‌نه ڤێ ماده‌ى.
مادێ 10 ژ پرۆژه بودجێ عیراقێ به‌حسێ وێ یه‌كێ دكه‌ت كو حوكمه‌تا عیراقێ مووچێ فه‌رمانبه‌ران ب پرسێن سیاسى ڤه گرێنه‌ده‌ت و هه‌رێم مولزم نه‌كه‌ت ب هنارتنا 250 هزار به‌رمیلێن رۆژانه.
ئه‌حمه‌د سه‌فار دیاركر ژى ئه‌گه‌ر خوه ئه‌ڤ ماده ده‌نگان ژى نه‌ئینیت، ل دووڤ نه‌سێ حوكومى كو بودجێ بۆ هه‌رێمێ هاتیه دیاركرن و بهایێ 250 هزار به‌رمیلێن رۆژانه ژبه‌ر هه‌رێمێ ببرن ل سه‌ر 56 دولاران،دێ هه‌ر د به‌رژه‌وه‌ندا مووچه‌خورێن هه‌رێما كوردستانێ دا بیت و دشیاندابیت ل گه‌ل هه‌رێمێ مووچه پێ بهێنه دابینكرن.
نووترين نووچه
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
- ئەوێن تاوان دژی ئێزدییان كرین لێبۆرینا گشتی ژێ ناگریت
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
سه‌ره‌كى نووترين نووچه
قونسلێ کوێتێ: خەلکێ کوردستانێ یێ ژ ھەژی ژیانەکا بەختەوەرە
ئەڤرۆ نیوز:
فه‌رهاد ئه‌مین ئه‌تروشى پارێزگه‌رێ دهۆكێ ئەڤرۆ پێشوازیا دكتۆر عومه‌ر ئه‌لكه‌نده‌رى قونسلێ ده‌وله‌تا كوێتێ ل هه‌رێما كوردستانێ كر.
د هه‌ڤدیتنه‌كێ دا ب ئاماده‌بوونا ئیسماعیل محه‌مه‌د هاریكارێ پارێزگه‌رێ دهوكێ بو كاروبارێن مروڤایه‌تى و رێڤه‌به‌رێ ده‌زگایێ خیرخازى یێ بارزانى، ل به‌راهیێ قونسلێ كوێتێ خوشحالیا خۆ ب سه‌ره‌دانا پارێزگه‌ها دهۆكێ دیار و گۆت ملله‌تێ كورد و خه‌لكێ كوردستانێ ژ هه‌ژى هه‌مى رێزگرتن و په‌سنایه، ژبه‌ر كو وان بۆ جیهانێ هه‌میێ سه‌لماند ملله‌ته‌ك مه‌ردن و خۆ ل هه‌مى ته‌نگاڤیێن ئاواران كره خودان و ئه‌ز بباوه‌رم هندێ ملله‌تێ كورد نه‌خوشى و ئاواره‌یى یا دیتى له‌وما تاما نه‌خوشیا ئاواره‌بوونێ دزانن و ب هه‌مى شیانا هاریكاریا ئاواره و په‌نابه‌ران دكه‌ن و خه‌لكێ كوردستانێ ژ هه‌ژى ژیانه‌كا به‌خته‌وه‌رن.
ژلایێ خوڤه پارێزگه‌رێ دهۆكێ سوپاسیا وه‌لاتێ كوێتێ ب خه‌لك و حكومه‌ت ڤه كر بو پشته‌ڤانى و هاریكاریا وان یا به‌رده‌وام بو به‌رنامێن حكومه‌تا هه‌رێمێ یێن خێرخازێ و پشته‌ڤانى كرنا ئاواره و په‌نابه‌ران كر.
هه‌روه‌سا پارێزگه‌رێ دهۆكێ گۆت كریزا ئابورى یا هه‌رێمێ بو ئاسته‌نگ كو ل ئاستێ پێدڤى هاریكاریال ئاوارا نه‌هاته كرن و هاتنا ڤان ئاوارا ب رێژا مه‌زن كارتێكرن ل سه‌ر خزمه‌تكرنا حكومه‌تێ كر بو هاولاتیان و گه‌له‌ك سه‌كته‌رێن ژیانێ ئاسته‌نگ بۆ چێبوون .
هه‌ژى گوتنێ یه ب رێیا ده‌زگایێ بارزانى یێ خێر خازى ده‌وله‌تا كویتێ هژماره‌كا زور یا سه‌لكێن خارنێ ل سه‌ر ئاواره و ده‌ست كورتێن باژێرێ دهوكێ به‌لاف كرن.
قوناغا سیێ دەسپێکر، بزانە کەنگی ئوڤەرپاسا زاخۆ دێ خلاس بیت
ئەڤرۆ نیوز ، عەلی حاجی :
پشتی قوناغا دوێ یا چێکرنا ئوڤەر پاسا زاخۆ ب دووماھی ھاتی و قوناغا سیێ گیروبوی ژ ئەگەرێ نەقەرەبووکرنا خودانێن ئاڤاھیێن وان کەفتینە بەر ئوڤەرپاسێ ، نوکە ئەڤ قوناغە ژی دەسپێکر ل سەر چێکرنا وێ پشکا مای یا و ل ماوەکێ نێزیک ئەڤ کارە دێ ب دووماھی ھێت.
ل دور ڤی بابەتی بژار مونیب سەروکێ باژێرڤانیا زاخۆ بۆ ئەڤرۆ نیوز گۆت: پشتی قوناغا دوێ یا ئوڤەرپاسا زاخۆ ب دووماھی ھاتی و تنێ جاددەیەک مابو نەھات بوو دروست کرن ژ ئەگەرێ نەقەرەبونا کرنا خودانێن ئاڤاھیێن وان کەفتینە بەر پروژەی پشتی بورینا ٦ ھەیڤان ل سەر راوەستاندنا وێ پشکا مای نوکە کار ل سەر چێکرنا وێ دھێتە کرن پشتی مە دەست پێشخەری کری کو ھندەک گرێبەست ب بریارا ژمارە ٧ یا سەروکێ ھەرێمێ ھات بون ھەلوەشاندن و رازی بون ل سەر دەست پێشخەریا مە ھاتیە کرن ئەو پارچە زەڤی ھاتینە پارڤەکرن و فروتن ب وی داھاتی خودانێن وان ئاڤاھیان ھاتنە قەرەبووکرن چونکی مافێ وان بوو.
ناڤبری زێدەتر گوت : ئەگەر چو بارانێن بھێز نەبن و کەش و ھەوا یێ ھاریکار بیت ئەم پێشبینی دکەین ھەتا دوو ھەیڤێن دی ب دروستی ئەو جادا مای ژئوڤەر پاسێ ب دوماھی بھێت و بکەڤیتە خزمەتا ھاولاتیان دا.
ب وێنە.. جوتیاران رێیا دھوک بۆ ھەولێر داخست
ئەڤرۆ نیوز، بارزان مزووری:
ئەڤرۆ دەمژمێر ٢ پشتی نیڤرۆ ٢٣ کانونا دووێ ٢٠١٩ رێیا د ناڤبەرا دھوک بۆ ھەولێر دناڤا کومەلگەھا چرە یا سەر ب قەزا شێخان ڤە ژلایێ جوتیارێن وێ دەڤەرێ ڤە ھاتە داخستن.
مەھران لوقمان، رێڤەبەرێ ناحیا قەسرۆک بۆ ئەڤرۆ نیوز گۆت: ژبەر ئاریشا چاندنێ دناڤبەرا جوتیارێن کومەلگەھا چرە خوپیشاندانەک ھاتە کرن و رێیا سەرەکی یا دھوک بۆ ھەولێر دناڤ کومەلگا چرە داخستیە ئەم د ھەولان داینە دگەل وان خوپیشاندەران کو ب شێوەیەکێ ئارام
وان بگەھینە چارەسەریەکێ کو ئەڤ بریارە نە ب مەڤە گرێدایە ئەو عەردێ ئاریشە ل سەر دێ بو جوتیارا بیت یان مەلاکا لێ یا دیارە وان پارێزەرەک ھەیە جھێ گلەیێ یە بومە ژی ھەردەم وان جوتیارا پالدەت کو بچنە سەر وی عەردێ ئاریشە ل سەر وی ھەی.
رێبوار ته‌له‌بانى: پۆستێ پارێزگارێ كه‌ركووك مافێ پارتى يه
ئه‌ڤرۆ نيوز:
سه‌رۆكێ جڤاتا پارێزگه‌ها كه‌ركووك راگه‌هاند كو پۆستێ پارێزگارێ كه‌ركووك به‌ركه‌فتێ ليستا برايه‌تى يا كه‌ركووكێ يه و ئه‌و ماف ژى ده‌ستكه‌فتێ پارتى ديموكراتى كوردستانه.
رێبوار ته‌له‌بانى، سه‌رۆكێ جڤاتا پارێزگه‌ها كه‌ركووكێ د داخۆيانيه‌كێ دا بۆ ده‌نگێ ئه‌مريكا راگه‌هاند كو پێدڤيه هه‌تا كاودانێن پارێزگه‌ها كه‌ركووك ئاسايى نه‌بن، چو پارێزگاران بۆ كه‌ركووك نه‌دانن، چونكو هه‌كه ب دانن ژى چو ده‌سته‌لات نابيت، “نابيت پارێزگاره‌ك بهێته دانان ل ژێر پۆستالا له‌شكرى كار بكه‌ت”.
رێبوار ته‌له‌بانى گۆت: “كۆمبوونا جڤاتا پارێزگه‌هێ بێ سه‌رۆكێ جڤاتێ ناهێته كرن، به‌لێ ژ به‌ر كو نها ره‌وش نه‌يا ئاسايى يه و مه‌ترسى ل سه‌ر ژيانا من هه‌يه، نه‌شێم ڤه‌گه‌رمه كه‌ركووك هه‌تا لايه‌نه‌ك گه‌ره‌نتيا ژيانا من نه‌كه‌ت، به‌لێ هه‌كه لايه‌نێن سياسى گه‌هشتنه رێكه‌فتنێ، دشيان دايه ب گۆره‌ى په‌يره‌وى روونشتنێن جڤاتێ ژ ده‌رڤه‌ى كه‌ركووك ژى بهێنه ئه‌نجام دان و يێ ئاماده‌مه وێ روونشتنێ ب رێڤه ببه‌م”.
ده‌رباره‌ى پۆستێ پارێزگارێ كه‌ركووك ژى گۆت: “هه‌كه ب گۆره‌ى ده‌ستكه‌فتێ هه‌لبژارتنان بيت ئه‌و پۆست به‌هرا ليستا برايه‌تى يه و د ناڤ ليستا برايه‌تى ژى دا پارتى پترينه و به‌ر ب وێ حزبێ دكه‌ڤيت، به‌لێ هه‌كه ب گۆره‌ى ده‌ستكه‌فتێ سياسى بيت، وێ چه‌ندێ رێكه‌فتن دڤێت”.
ته‌قينه‌ك ل عه‌فرينێ روودا
جڤاتا بلندا به‌رهنگاربوونا گه‌نده‌لیێ دێ هێته دانان
ئه‌ڤرۆ نیوز:
سه‌رۆك وه‌زیرێن عیراقێ راگه‌هاند، كو دانانا جڤاتا بلندا به‌رهنگاربوونا گه‌نده‌لیێ یا د قۆناغێن دووماهیێ دا و ئارمانج ژێ رووبرووبوونا گه‌نده‌لیێ و گه‌نده‌لكارانه د هه‌موو واران دا و گه‌نده‌لی و تیرۆر د وه‌كهه‌ڤن.
عادل عه‌بدولمه‌هدی ئاشكرا ژی كر كو رۆژا شه‌مبی یان ئێكشه‌مبیا بهێت دێ چاوانیا كاركرنا ڤێ جڤاتی راگه‌هینن، كو ب بۆچوونا مه دێ چاره‌سه‌ریا پتریا وارێن گه‌نده‌لیێ و رێكارێن ب له‌ز و پێدڤی كه‌ت و گۆت:(ئارمانجا جڤاتێ ئه‌وه، بشێت ڤێ دیاردێ ب ته‌مامی كۆنترۆل بكه‌ت، هه‌روه‌كو مه به‌ری نوكه ژی گۆتی گه‌نده‌لی وه‌كو تیرۆرێ یه، گه‌نده‌لی هه‌روه‌كو داعشه).
پارتى بۆ زامنكرنا مووچێ فه‌رمانبه‌ران سه‌ره‌دانا زێده‌ترى 30 حزب و فراكسيۆنا كريه
ئه‌ڤرۆ نيوز، نيوار محه‌مه‌د سه‌ليم:
سه‌رۆكا فراكسۆنا پارتى ديموكراتى كوردستان ل جڤاتا نوونه‌رێن عيراقێ راگه‌هاند كو گه‌له‌ك گڤاشتن ل سه‌ر بزاڤێن كوردان هه‌نه و بزاڤێ دكه‌ن مووچێ فه‌رمانبه‌ر و پێشمه‌رگه‌ى و خێزانێن شه‌هيد و زيندانيێن سياسى بێ مه‌رج بێخنه ناڤ بوودجێ و ل گه‌ل زێده‌تر ژ 30 لايه‌نێن سياسى ژى روونشتينه بۆ رازيكرنا وێ چه‌ندێ.
د. ڤيان سه‌برى، سه‌رۆكا فراكسۆنا پارتى ديموكراتى كوردستان ل جڤاتا نوونه‌رێن عيراقێ، د داخۆيانيه‌كێ دا بۆ ئه‌ڤرۆ نيوز گۆت: “گه‌له‌ك گڤاشتن يێ ل سه‌ر تێبينيێن مه هه‌ين، بزاڤێن مه ژى د رژدن، تێبينى ل ده‌سپێكێ ل سه‌ر رێژێ بوون، رێژه نه‌يا دروست بوو. نها به‌حس ل هوورده‌كاريێن بوودجێ دهێته كرن، ئه‌و بۆ هه‌رێما كوردستانێ گه‌له‌ك يا گرنگه، زانمكرنا مووچێن هه‌رێما كوردستانێ، مووچێ فه‌رمانبه‌ر و پێشمه‌رگێن كوردستانێ ب هه‌يڤانه و ره‌نگه‌كێ دروست بهێته به‌لاڤكرن، بێى گرێدانا وێ ب چو بابه‌تێن سياسى ڤه، دارشتنه‌كێ په‌يدا كه‌ن د ناڤ بوودجێ دا كو مووچێن فه‌رمانبه‌ر و پێشمه‌رگان و مووچێ خێزانێن شه‌هيدان و زيندانيێن سياسى ب دروستى بهێته دابينكرن”.
زێده‌تر گۆت: “كێمكرنا مه‌زاختيێن سيادى گه‌له‌ك يا گرنگه، زامنكرنا مه‌زاختيێن حاكم گه‌له‌ك يا گرنگه دروست و ب ده‌مێ خوه بهێت چونكو بۆ نموونه نها و پێشتر ژى 17% ژ رێژا ده‌مان بۆ هه‌رێما كوردستانێ دهاته دياركرن، به‌لێ د راستى دا 40%ێ ژ وێ رێژێ نه‌دگه‌هشت”.
نه‌ڤه‌شارت ژى كو خالا (ج) گه‌له‌ك تێبينى و دانوستاندن يێن ل سه‌ر هه‌ين كا دێ هه‌ر وه‌كو خوه د بوودجێ دا مينيت يان ژى دێ هێته راستڤه‌كرن و گۆت: “مه دڤێت هه‌رێم يا پابه‌ند نه‌بيت ب 250 به‌رميلێن په‌ترۆلێ و پێڤه‌گرێدانا وێ ب مووچێ فه‌رمانبه‌ر و پێشمه‌رگه و خێزانێن شه‌هيد و زيندانيێن سياسى”.
د. ڤيان سه‌برى خۆيا كر ژى كو دابينكرنا مه‌زاختيێن پێشمه‌رگه‌ى د چارچۆڤێ مه‌زاختيێن له‌شكرێ عيراقێ دا ژى ژ وان كارايه يێن ب رژدى كار ل سه‌ر دكه‌ن، “پێشمه‌رگه ژى پشكه‌كه ژ پێكهاتێ له‌شكرى يێ عيراقێ”.
سه‌رۆكا فراكسۆنا پارتى ديموكراتى كوردستان ل جڤاتا نوونه‌رێن عيراقێ گۆت: “ئه‌ڤه ماوه‌كه ئه‌م وه‌كو پارتى ديموكراتى كوردستان ل گه‌ل شانده‌كێ هه‌رێما كوردستانێ مه سه‌ره‌دانا لايه‌نێن سياسى و هه‌ڤپه‌يمانى و كه‌ساتيێن سياسى يا كرى دا كو ره‌وشا هه‌رێما كوردستانێ بۆ وان به‌حس بكه‌ين و رازى كه‌ن ل سه‌ر ڤێ چه‌ندێ كو مووچێ فه‌رمانبه‌ران و پێشمه‌رگه‌ى مافه‌كێ سرۆشتى يه”.
گۆتژى: “ل گه‌ل فراكسيۆنێن كوردستانى ژى كۆمبوونه‌كا به‌رفره‌هـ هاتيه كرن كو شه‌ش لايه‌نێن سياسى ژ بلى نه‌وه‌ى نوێ پشكدار ببوون و ئه‌ڤ هه‌موو بۆچوونه يێن هاتينه گه‌نگه‌شه كرن”.
توركيا دوورپێچا ل سه‌ر فرۆكخانا سلێمانيێ هه‌لگرت
پارتى: به‌ربژارێ وه‌زاره‌تا داد يێ بێ لايه‌ن نينه
ئه‌ڤرۆ نيوز، نيوار محه‌مه‌د سه‌ليم:
محه‌مه‌د حه‌لبوسى، سه‌رۆكێ جڤاتا نوونه‌رێن عيراقێ دوهى راگه‌هاند كو ئه‌ڤرۆ رۆژا چارشه‌مبى رێكه‌فتى 23ى كانوونا دويێ 2019 جڤاتا نوونه‌رێن عيراقێ ده‌نگدانێ ل سه‌ر هه‌ردو وه‌زيرێن په‌روه‌رده و داد بده‌ن و هنده‌ك ماددان ژى ژ قانوونا بودجێ په‌سه‌ند بكه‌ن.
عادل عه‌بدولمه‌هدى بۆ ته‌مامكرنا كابيا خوه، ئه‌ركان قادر بيبانى بۆ وه‌زاره‌تا داد و سه‌فانه حسێن بۆ وه‌زاره‌تا په‌روه‌ردێ ده‌ست نيشان كرينه، به‌لێ پارتى دده‌ته دياركرن كو ئه‌و كه‌سێ هاتيه به‌ربژاركرن يێ بێ لايه‌ن نينه و ده‌نگى پێ ناده‌ن. ئێكه‌تى ژى ئاماژه ب وێ چه‌ندێ دكه‌ت كو هه‌كه ب تنێ كه‌ركووكى بيت ئه‌و دێ ده‌نگى پێ ده‌ن و بۆ وان چو تشته‌كێ دى يێ گرنگ نينه.
ميران محه‌مه‌د، ئه‌ندامێ جڤاتا نوونه‌رێن عيراقێ ل سه‌ر فراكسيۆنا ئێكه‌تى نشتيمانى كوردستان راگه‌هاند كو ژ ده‌ستپێكى ئارمانجا وان ئه‌و بوو، وه‌زاره‌ته‌ك ب به‌ر كه‌ركووكێ بكه‌ڤيت، ئه‌ڤ كه‌سێ بۆ وه‌زاره‌تا داد ژى هاتيه هه‌لبژارتن كه‌ركووكيه. ژ به‌ر هندێ ژى ب پشت راستى ڤه دێ ده‌نگى پێ ده‌ين.
سه‌رۆكا فراكسيۆنا پارتى ديموكراتى كوردستان ل جڤاتا نوونه‌رێن عيراقێ راگه‌هاند كو هه‌لبژارتنا وه‌زيرێ داد هه‌ڤدژى رێنمايانه و كه‌سه‌كێ بێ لايه‌ن نينه و سيڤيێ وى ژى بۆ جڤاتا نوونه‌ران نه‌هاتيه ره‌وانه كرن.
د. ڤيان سه‌برى، سه‌رۆكا فراكسيۆنا پارتى ديموكراتى كوردستان ل جڤاتا نوونه‌رێن عيراقێ، بۆ ئه‌ڤرۆ نيوز گۆت: “ل ده‌مێ كابينا نوو هاتيه به‌رهه‌ڤكرن، به‌حس ل هندێ هاته كرن كو دڤێت وه‌زيرێ داد كه‌سه‌كێ سه‌ربه‌خۆ بيت و نها ئه‌و به‌ربژێرێ دێ ده‌نگدان ل سه‌ر هێته كرن، كه‌سه‌كێ سه‌ر ب لايه‌نه‌كێ سياسى يه و هه‌ڤدژى رێنمايانه”.
د. ڤيان دا دياركرن كو ئه‌وان تێبينى ل سه‌ر پۆستێ وه‌زاره‌تا په‌روه‌ردێ ژى هه‌نه، به‌لێ هه‌تا نها بڕيار نه‌دايه كا دێ ده‌نگى ب وێ به‌ربژارێ ده‌ن يان ژى نه.
نيشاندان
WP Facebook Auto Publish Powered By : XYZScripts.com