ئەڤرۆ نیوز:
ھەر نووکە ل جادا سولاڤ ل تاخێ شێلێ ل سەنتەرێ قەزا دھۆکێ روودانەک پەیدابوو ، و دیکێلەکا مەزن بلند بوویە و دبیت روودانەکا ئاگربەربوونێ بیت.
ل ماوێ بھێت دێ زیدەتر زانیاریان بەلاڤ کەین.
ھەر نووکە ل دھۆکێ ئەڤ روودانە پەیدابوو
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سه‌ره‌كى نووترين نووچه
حەفتیا بھێت ل دھوکێ دێ پلێتا ئەرزاقی بیتە ئەلکترونی
ئەڤرۆ نیوز، قەیس وەیس:
رێڤەبەرێ رێڤەبەریا رێکخستنا پلێتێن ئاھێن خارنێ دیارکر ئەڤرۆ روژا چارشەمبى ل باژێرێ بەغدا پشکداری د پروژێ کارتا ئەلکترونی یا ئەرزاقی دا كر و حەفتیا بھێت دێ دەست ب سیستەمێ نوو ھێتەکرن کو دێ ژ پارێزگەھا دھوکێ دەستپێکەت.
زێدەتر حسێن سەبری دداخویانیەکا تایبەت دا بۆ ئەڤرو نیوز گۆت: حەفتیا بھێت دێ دەست ب سیستەمێ نوو یێ پلێتا ئەلکترونی یا ئەرزاقی ھێتەکرن کو دێ ژ پارێزگەھا دھوکێ دەستپێکەت ژبەر رێک و پێکیا کارێ رێڤەبەریا مە و شارازای دگەل کارێ ئاوارەیان دا کو ئەف سیستەمە ھاتیە جێبەجێکرن، کار دێ ژلایێ رێکخراوا WFP ھێتەکرن ب سەرپەرشتیا وەزارەتا بازرگانیا عیراقێ ژبو پتر ئاسانکاری بۆ ھاولاتیان ھێتە کرن درێڤەبرنا ماملێن خوە دا دیسان و دەستکاری و سەختەکرنا وێ ناھێتە کرن.
ل دووماھیێ حسێنی بەحسی شێوازێ کارکرنا ڤی سیستەمی کر و گوت: ھەر کەسێ ئەمرێ خودێ کر وەزارەتا تەندروستی مافێ ھەی لدەف خوە ناڤێ وی د سیستەمی دا رەش بکەن دیسان زاروکێن نوی ژ لایێ وانڤە دێ ھێنە زێدەکرن ب شێوەکێ ئەلکترونی دیسان ھەر بریکارەکی دێ ئامیرەکێ تایبەت ھەبیت د شێت مامەلێن خەلکی برێڤە ببەت بێی بشێت دەستکاریێ تێدا بکەن دیسان خالێن سنوری ھەر کەسێ چو ژ دەرڤەی وەلاتی و بۆ ماوێ دو ھەیڤا نە زڤری ئوتوماتیکی دێ ناڤێ وی ھێتە رەش کرن.
خوەلێکدانا زاخۆ بێ پشتەڤانیا کارگێریا یانا زاخۆ دێ بەرەڤ بەغدا چیت
زاخۆ ٬ عەلی حاجی :
سێ یاریزانێن تیما خوەلێکدانا زاخۆ ل سەر ئاستێ پێشکەفتیان ب مەرەما پشکداریێ دهەڤرکیێن ب دەستڤەئینانا پلێتا دەربازبوونێ بۆ قارەمانیا ئاسیا، ئەڤ شەڤە دێ به‌ر ب باژێرێ بەغدا ب رێککەڤن.
رەمەزان حەسەن، راهێنەرێ تیما خوەلێکدانا زاخۆ بۆ ئەڤرۆ نیوز گوت : ب سێ یاریزانان ل سەر ئاستێ پێشکەفتیان دێ پشکداریێ دهەڤرکیێن ب دەستڤەئینانا پلێتا دەربازبوونێ بۆ قارەمانیا ئاسیا بناڤێ یانا زاخۆ کەین و ب ڤێ مەرەمێ ئەڤ شەڤە یاریزان یێن بەر ب بەغدا چووین و بریارە ل ۹/۱/۲۰۱۸ هەڤرکیێن وێ ل بەغدا دەست پێ بکەن ٬ هه‌ر سێ یاریزان شەهید حزنی ب کێشا ٦۱ کگم و وەلات محمد ب کێشا ٦۵ و محەمەد سەمیر ب کێشا ۷٤ دێ پشکدار بن .
گۆت ژى : جهێ مخابنیێ یە کارگێریا یانا زاخۆ چو هاریکاری دگەل مەدا نەکر و وەکو راهێنەر هەر ئێکێ ژلایێ خوەڤە پارە کومڤە کرینە وداینە یاریزانێن خوە دا به‌ر ب بەغدا بچن.
جڤاتا وه‌زیرێن هه‌رێمێ بریارا دامه‌زراندنا ده‌رچوویێن كولیژه‌كێ ده‌ردكه‌ت
ئه‌ڤرۆنیوز:
سه‌رۆكاتیا جڤاتا وه‌زیرێن هه‌رێما كوردستانێ بریارا دامه‌زراندنا ده‌رچوویێن كولیژێن نوشداری یێن سالا 2017 – 2018 ده‌ركر.
جڤاتا وه‌زیرێن هه‌رێمێ بریار دا 352 ده‌رچوویێن كولیژێن نوشداری ل هه‌رێما كوردستانێ بهێنه دامه‌زراندن كو ل دووڤ وێ بریارێ 137 ل هه‌ولێرێ و158 ل سلێمانیێ و57 ل دهۆكێ دێ هێنه دامه‌زراندن.
وێنێ جهه‌كێ گه‌شتوگوزاریێ دهۆكێ خه‌لاتێ دویێ ل كوردستانێ وه‌رگرت
ئه‌ڤرۆ نیوز، نه‌وزاد هلۆرى:
ئێڤاریا ئه‌ڤرۆ رێكخراوا كوردستان فوتو ب هه‌ڤكارى ل گه‌ل ده‌سته‌یا گه‌شتوگۆزار یا هه‌رێما كوردستانێ، به‌ریكانه‌كا باشترین فوتویێ سالێ بو ئێك ژ جهێن گه‌شتوگۆزار ل هه‌رێما كوردستانێ رێكخست و جهه‌كێ گه‌شتوگۆزاریێ پارێزگه‌ها دهۆكێ ژى خه‌لاتێ دوویێ وه‌رگرت.
شێرزاد ره‌سول، سه‌رۆكێ رێكخراوا كوردستان فوتو بۆ ئه‌ڤرۆ نیوز گۆت: (ئه‌ڤرۆ لژێر چاڤدێریا نه‌وروز مه‌ولود وه‌زیرا باژێرڤانیێ و گه‌شتوگۆزار یا هه‌رێما كوردستانێ، رێكخراوا كوردستان فوتو ب هه‌ڤكارى ل گه‌ل ده‌سته‌یا گه‌شتوگۆزار به‌ریكانه‌كا باشترین فوتو بو 22 فوتوگرافه‌رێن هه‌رێما كوردستانێ ئه‌نجام دا كو فوتو تایبه‌ت بوو لسه‌ر جهێن گه‌شتوگۆزارێن هه‌رێما كوردستانێ).
زێده‌تر گۆت: (دپێشانگه‌هێ دا سێ كه‌س وه‌كو باشترین فوتوگرافه‌ر هاتنه خه‌لاتكرن، ئێك ژ وان فوتویێن كو هاتیه خه‌لاتكرن وێنه‌یێ دار چنارا هاڤینگه‌ها خالانه بوو كو ب مه‌زنترین دار ل عیراق و هه‌رێما كوردستانێ دهێته هژمارتن و دكه‌ڤیته ئێك ژ خوشترین جهێن گه‌شتوگۆزارى ل هه‌رێما كوردستانێ).
ئه‌ركان وه‌لاتژێرى هه‌ڵگرێ خه‌لاتێ دوویێ یێ به‌ریكانا باترین بوتو بۆ ئه‌ڤرۆ نیوز گۆت: (فوتویێ من لسه‌ر دار چنارا هاڤینگه‌ها خالانه بوو كو مه‌زنترین داره ل عیراق و كوردستانێ و دكه‌ڤیته گوندێ هلورا ل سنوورێ ناحیا شێلادزێ یا سه‌ر ب قه‌زا ئامێدیێ، وێنه ل ده‌ما پایزێ هاتیه گرتن، دلخوشم كو ئه‌ڤرۆ ئه‌ز ب پلا دوویێ هاتیمه خه‌لاتكرن).
کەشناسی ھوشداریێ دەته خەلکێ کوردستانێ
ئەڤرۆ نیوز:
رێڤەبەریا گشتی یا کەشناسی و بیڤەلەرزیا ھەرێما کوردستانێ ئەڤرۆ رۆژا سێشەمبی ٨-١-٢٠١٩ ئاگەھداریەک بەلاڤ کریە و تێدا ھوشداری دایە خەلکێ کوردستانێ ژبەر کەش و ھەوایێ سوبەھی رۆژا چارشەمبی.
د ڤێ ئاگەھداریی دا ھاتیە سوبەھی رۆژا چارشەمبی دێ پێلەکا سەرمایێ دگەل بەفر و بارانێ ھەرێما کوردستانێ ڤەگریت و دھێتە پێشبینی کرن ھەموو دەڤەرێن چیایی و سەنتەرێن قەزا و ناحیان ژی ھەرێما کوردستانێ بەفر بباریت دیسان دھێـتە پێشبینی کرن ژی ل سەنتەرێ پارێزگەھا دھۆکێ ژی بەفر بباریت، پلەیێن گەرماتیێ ھەتا رادەیەکێ بەرچاڤ نزم ببن و دێ بیتە ئەگەرێ درووستبوونا جەمەدێ تایبەت ل د دەمێ شەڤ و سپێدەیان و مەترسیا کەفتنێ ژ ئەگەرێ خلیسانێ و روودانان ھەیە تایبەت ل رۆژێن پێنج شەمب و ئەینی.
چەند ترومبێلێن کاتی د گومرکا ئیبراھیم خەلیل را ھاتینە کوردستانێ
ئەڤرۆ نیوز ، عەلی حاجی :
ل گورەی ئامارەکا پشکا ئابوری یا رێڤەبەریا ئاسایشا کولمەلگەھا ئیبراھیم خەلیل ل سالا ٢٠١٨ دا ٢٢ ھزار و ٧٠٠ ترومبێلێن کاتی ب رێکا گومرکا کومەلگەھا ئیبراھیم خەلیل ھاتینە ناف ئاخا ھەرێما کوردستانێ دا.
ژێدەرەکی تایبەت بۆ ئەڤرۆ نیوز دیار کر ل سالا ٢٠١٨ دا ٢٢ ھزار و ٧٠٠ ترومبێلێن ژمارە کاتی پشتی ژلایێ بازرگانان ڤە کارێن یاسایی ب دووماھی ئیناین و ئەو ترومبێل دەربازی ھەرێما کوردستانێ ھاتینەکرن .
وی ژێدەری دیار کر ل سالا ٢٠١٨ دا ٨٧ ترومبێلێن بارھەلگر ب کەل و پەلێن جورا و جور ڤە ژلایێ رێڤەبەریا ئاسیشا کومەلگەھا ئیبراھیم خەلیل ڤە ھاتنە دەستە سەرکرن پێرابونێن یاسایی ژی دەرھەقێ وان ھاتنە وەرگرتن ژ بەرکو نە ل گورەی سەرپێچی د رێنمایێن وان دا کربوو .
كچه‌ك ژ به‌ر خێزانا خوه د ڕه‌ڤیت
ئه‌ڤرۆ نیوز:
ره‌هاف محه‌مه‌د ئه‌لقونون كچه‌كا سعودی یا 18 سالی یه و ل رۆژا ئێكشه‌مبی 2019/1/6 ده‌مێ خێزانا وێ ب گه‌شته‌كێ چووینه كوێت، ل وێرێ ئه‌و تكێتا فرۆكێ بۆ وه‌لاتێ ئوسترالیا بڕی، لێ ژ لایێ به‌رپرسێن سعودی ره‌هاف ل وه‌لاتێ تایله‌ند هاته راوه‌ستاندن.
ره‌هافێ ژی د په‌یامه‌كا ڤیدیۆیی دا، داخوازا هاریكاریێ كر و دیار كر هه‌كه بۆ وه‌لاتێ وێ بهێته ڤه‌گه‌ڕاندن ژ لایێ خێزانا وێ دێ هێته كوشتن، لێ ره‌نگڤه‌دانه‌كا جیهانی ل سه‌ر پرسا ڤێ كچا سعودی دروست بوو و پاشی رێگری ل هنارتنا وێ هاته كرن و نه‌ته‌وێن ئێكگرتی ل دووڤ گازیا وێ هاتن و باده‌كا وێ ب ستویێ خوه ڤه گرت و دوهی حوكمه‌تا تایله‌ند ره‌تكر كو ره‌هافێ بۆ وه‌لاتێ وێ بێی حه‌زا وێ ڤه‌گه‌ڕینن.
ره‌هاف دبێژیت ئه‌ز به‌رده‌وام ژ لایێ خێزانا من ڤه دهاتمه ئه‌شكه‌نجه‌دانا جه‌سته‌یی و ده‌روونی، له‌ورا من ژی هزرا ڕه‌ڤینێ كر.
ل دووڤ قانوونێن وه‌لاتێ سعودی نابی تچو ئافره‌ته‌ك بێی زه‌لامه‌كێ خێزانا خوه گه‌شتێ بكه‌ت، ژ به‌ر هندێ هه‌كه ره‌هاف ڤه‌گه‌ڕیته ڤه دبیت بهێته زیندانكرن یان ژی بهێته كوشتن.
يانه‌كا كه‌نداڤى بزاڤا ئينانا رونالدۆى ب مووچه‌كێ زه‌به‌لاح دكه‌ت
ئه‌ڤرۆنيوز:
رۆژنامه‌كا ئيسپانى ئاشكراكر كو هه‌ڤبه‌سته‌كا دراڤى يا مه‌زن ژلايێ يانه‌كا ئيماراتى بۆ ياريكه‌رێ هه‌لبژارتيێ پورتۆگال ويانا يوڤه‌نتوس يا ئيتالى كريستيانۆ رونالدۆ هاتيه پێشكێشكرن.
رۆژناما ( ئينترلينيس) يا ئيسپانى به‌لاڤكر كول ده‌مێ هاتنا رونالدۆى بۆ دوبه‌ى بۆ بێهنڤه‌دانا سه‌رێ سالێ، وه‌به‌رهێنه‌ره‌كێ ئيماراتى ل گه‌ل ئاخڤتيه كو كاروانێ خوه يێ ته‌پا پێ ل گه‌ل يانه‌كا ئيماراتى ب دووماهى بينيت”.
وێ رۆژنامێ دياركر كو وى وه‌به‌رهێنه‌رێ دانا مووچه‌كێ سالانه يێ زه‌به‌لاح كو دگه‌هيته 60 مليۆن يورۆيان پێشكێشى رونالدۆى كريه كو دبيته دو جاران مووچێ وى يێ سالانه ل يوڤه‌نتوس كو 30 مليۆن يورۆنه.
دياركر ژى كو رۆنالدۆ ئاسته‌كێ گه‌له‌ك باش ل گه‌ل يوڤه‌نتوس پێشكێش دكه‌ت ول سه‌رێ ليستا گولكه‌رێن خۆلا ئيتالى دهێت ب 14 گۆلان ب هه‌ڤپشكى ل گه‌ل ياريكه‌رێ پوله‌ندى يێ يانا جه‌نه‌وا كو وى ژى 14 گۆل توماركرينه.
رۆنالدۆ ل هاڤينا بۆرى ژ ريال مه‌دريد هاته يوڤه‌نتوس به‌رامبه‌ر 112 مليۆن يورۆيان ب هه‌ڤبه‌سته‌كا سێ سالى.
وێ رۆژنامێ دياركر كو دبيت رونالدۆ رازى بيت ب وێ گرێبه‌ستێ ل گه‌ل يانا ئيماراتى ( كو ناڤێ وێ ئاشكرا نه‌كر) ب تايبه‌تى كو نوكه ئه‌و دژيێ 33 ساليێ دايه.
مانشسته‌ر يونايتد دخوازيت ڤى ياريكه‌رێ به‌رشه‌لونا بينيته دناڤ رێزێن خوه دا
ئه‌ڤرۆنيوز:
رۆژناما “Manchester Evening News” يا ئينگليزى به‌لاڤكر كو يانا مانشسته‌ر يونايتد بزاڤێن گرێدانا هه‌ڤبه‌سته‌كێ ل گه‌ل ياريكه‌رێ به‌رشه‌لونا يێ به‌رازيلى فيليب كوتينيۆ دڤێ هه‌يڤێ دا گرێ ده‌ت.
وێ رۆژنامێ دياركر كو نه‌پشكداريا كوتينيۆى ب شێوه‌كێ به‌رده‌وام دياريێن به‌رشه‌لونا دا بوويه جهێ نه‌رازيبوونا وى وده‌ليڤێن چونا وى ژ به‌رشه‌لونا زێده‌تر لێ دكه‌ت.
نيشاندان
WP Facebook Auto Publish Powered By : XYZScripts.com