ئه‌ڤرۆنيوز:
پشتى دانوستاندنێن يانا ريال مه‌دريد ل گه‌ل راهێنه‌رێ ئيتالى ئه‌نتونيۆ كۆنتى نه‌گه‌هشتينه چو ئه‌نجامان بۆ وه‌رگرتنا ئه‌ركێ راهێنه‌ريا يانا ريال مه‌دريد، ده‌نگوباسێن رۆژنامه‌ڤانى ژ ئيسپانيا ناڤێ راهێنه‌رێ نوو يێ ريال مه‌دريد ئاشكراكر.
راديۆيا (ئوندا سيرۆ) يا ئيسپانى به‌لاڤكر”راهێنه‌رێ يانا ئه‌لكاستيا يا ئيسپانى، سانتياگۆ سولارى دێ بيته راهێنه‌رێ به‌روه‌خت يێ ريال مه‌دريد پشتى لوبيتيجى دهێته دوورخستن”.
دياركر ژى” سولارى دێ ئه‌ركێ راهينه‌ريا ريال مه‌دريد بۆ هژماره‌كا ياريێن بهێت دا وه‌رگريت وه‌كو ياريا ل گه‌ل يانا مليليه دچارچۆڤێ قاره‌مانيا جاما شاهێ ئيسپانيا ل رۆژا چارشه‌مبيا داهاتى 31/10/2018 وياريا ل گه‌ل يانا به‌له‌دئه‌لوه‌ليد دخۆلا ئيسپانى دا وياريا ل گه‌ل يانا فكتۆريا بلزان يا چيكى دچارچۆڤێ گه‌را چارێ ژ قۆناغا كۆمان ژ خۆلا قاره‌مانێن ئورۆپا.
خوياكر ژى كو بريارا دوورخستنا لوبيتيجى ژ راهێنه‌ريا ريال مه‌دريد دێ دده‌مێ چه‌ند ده‌مژمێرێن داهاتى دا هێته ده‌ركرن ودبيت ل هه‌يڤا داهاتى رێككه‌فتنه‌ك ل گه‌ل راهينه‌ره‌كى بهێته كرن بۆ وه‌رگرتنا ئه‌ركێ راهێنه‌ريا يانا ريال مه‌دريد.
نيشاندان