ئه‌ڤرۆ نيوز:

فەرماندێ فەرماندەیا شنگال یا پێشمەرگێ کوردستانێ دیارکر،ب ‏مەرەما زڤڕاندنا عەرەبان بۆ دەڤەرا گر شەبەک، حکومەتا ‏عیراقێ گڤاشتنان ل سەر ئێزدیێن ل قەزا شنگال بتایبەتی ژی ل ‏دەڤەرا حەردان دکەت.‏
‏

قاسم شەشۆ، فەرماندێ فەرماندەیا شنگال یا پێشمەرگێ ‏کوردستانێ بۆ ئەڤرۆ راگەھاند، شاندەکێ بەغدا قەستا چیایی ‏شنگال کرن بۆ وی چەندی ئێزدیان رازی بکەن رێ بھێـتە دان ئەو ‏عەرەب ل نێزیک گۆند و دەڤەرێن ئێزدیان ڤەگەرنە دەڤەری ئەڤە ‏دەمەکێ دایە ھیشتا پتریا خەلکێ شنگال ئاوارە ل دھۆکێ دژین ‏بەغدا کار بۆ زڤڕینا ئێزدیان ناکەت یا کار بۆ زڤڕینا عەرەبان ‏دکەت، پشتی شاندەکی بەغدا گەھشتیە چیایی شنگال دان وستاندن ‏دگەل مە کرن ئەم رازی بن عەرەب ڤەگەرن لێ مە گۆتە وێ شاندی ‏بەغدا ئەم نوونەراتیا ئێزدیان ناکەن نەشێن رازی بن چونکو ئەو ‏کەسی ئێزدی یێ خێزانا وێ ھاتیە گرتن ورەڤاندن و کوشتن دی ‏چەوا رازی بیت ل گەل عەرەبان بژیت ب تایبەتی ئەو عەرەبێن ‏خیانەت ل شنگال کری.‏

شەشۆ ئەوژی دیارکر کو ب ئاشکرایی مە گۆتە شاندی بەغدا ‏ئێزدی ب ھیچ شیوەیەکێ قبوول ناکەن ل گەل عەرەبێن ‏خیانەتکاربن ھەتا نوکە سێ گۆرێن ب کۆم یێن خەلکێ شنگال ل ‏گۆندی گرشەبەک یێن عەرەبان ھەنە وھیشتا نەھاتینە ڤەکرن ب ‏دەستێن وان عەرەبێن خیانەتکار یێن ھاتینە کوشتن دی چەوا ئەو ‏عەرەب زڤڕنە وی گۆندێ خۆ یێن ھیشتا سێ گۆرێن بکۆم یێن ‏ئێزدیان تێدا ھاتینە دروستکرن ئەم تەماشەی وان بکەن.‏

زێدەتر گۆت: ئێزدی ژبەر نەبوونا ئارامیی ل دەڤەرا شنگال ‏نۆبەداریا مالێن خۆ دکەن بتایبەتی ژی ئەو گۆند وکومەلگەھیێن ‏کوردێن ئیزدی یێن ھەڤسنۆر ل گەل گۆند و دەڤەرێن عەرەبان ‏چونکو ئێزدیان باوەری ب ھەبوونا ھێزێن نوکە ل شنگال نینە، ‏لەورا خەلک نۆبەداریا مالێن خۆ دکەن، حکومەتا عێراقی رێ ‏خوش دکەت عەرەبان زڤرینت ئەڤە ژی بوویە جھی ترسی بۆ ‏ئێزدیان لەورا ئێزدی نۆبەداریا خێزان و مالێن خۆ دکەن ژبەر ‏مەترسیا عەرەبان .‏

سەعدون موراد قاسم، موختاری گۆندی حەردان ل قەزا شنگال ‏دیارکرکو دۆرێن (30) مالێن کوردێن ئێزدی یێن ڤەگەریاینە ‏دەڤەرا حەردان پتریا خەلک نوبەرداریا خۆ دکەن ژبەر مەترسیا ‏عەرەبان ئەم داخاز دکەی رێ نەھێتە دان عەرەبێن دەست ‏جینوسایدا شنگالێ دا ھەی ڤەگەرنە دەڤەری وداخوازن ھەموو ئەو ‏عەرەبێن خیانەت کرین بھێنە گرتن و دادگەە کرن بەردەوام ‏حکومەتا عێراقی کاردکەت بۆ زڤرینا عەرەبان بۆ گۆندی ‏گرشەبەک ل نیزێک حەردان ھەتا ئەڤرۆکە ژی بەغدا کارنەکریە ‏ھەموو خەلکێ ئێزدی ڤەگەرنە حەردان.‏

ئەو ژی ئاشکرا کر، کو دۆرین دوو ھزار کەس دناڤ 300 خانیان دا ‏ل گۆندی حەردان دژیان لێ تیرۆرستێن داعش ژیانا ل دەڤەرێ ‏تێکدان مەزنترین زیان گەھاندنا ئێزدیان ل گوندێ کوچۆ وگوندێ ‏حەردان ھەتا نوکە دۆرێن 30 مالان یێن زڤرینە حەردان یێن دیتر ‏ھیشتا ل ئاواری دژین ‏
زێدەتر گۆت ل جینوسایدا شنگال دۆرین 400 کەسێن خەلکێ ‏گۆندی حەردان ژ ھەردوو رەگەزان ھاتنە گرتن و رەڤاندن وبی ‏سەروشینکرن وھەتا نوکە ژی چارەنڤیسی ھندەک وەلاتیێن دەڤەرا ‏حەردان دیارنینە ھیشتا ترس دلی خەلکی ئێزدی دا ھەیە لەورا ‏نۆبەداریا خێزان و مالێن خۆ دکەن .‏

ئه‌ڤرۆنيوز:

وه‌زاره‌تا خواندنا بلند وڤه‌كۆلينێن زانستى ل هه‌رێما كوردستانێ بريارا زێده‌كرنا پلانا وه‌رگرتنێ ل زانكۆ وپه‌يمانگه‌هان ده‌ركر، كو ل دووڤ وێ پلانا زێده‌كرنێ وئه‌و كورسيێن ب به‌تال مابوون، 16هزار كورسيێن خواندنێ بۆ وان قوتابيێن كو ل چو جهه‌كى نه‌هاتينه‌ وه‌رگرتن دێ هێنه‌ ته‌رخانكرن.

عه‌باس ئه‌كره‌م، په‌يڤدارێ وه‌زاره‌تا خواندنا بلند راگه‌هاند”ئه‌نجامێن وه‌رگرتنا قوتابيان ل زانكۆ وپه‌يمانگه‌هێن حكومى ل هه‌رێما كوردستانێ پرۆسه‌كا تمام ته‌كنيكى يه‌، كو ل دووڤ رێنمايێن وه‌زاره‌تا خواندنا بلند وب شێوه‌كێ تمام پرۆفيشنالانه‌ وزانستيانه‌ هاتيه‌‌ بجهئينان”.

گۆت ژى”هه‌ر جۆره‌ شرۆڤه‌كرنه‌كا نه‌ رۆهن ونه‌زانستيانه‌ بۆ ڤێ پرۆسێ بهێته‌ كرن، دێ زێده‌تر قوتابيان تووشى دلته‌نگيێ كه‌ت وب چو شێوه‌كى خزمه‌تا پرۆسێ ناكه‌ت، له‌وما ئه‌م دلته‌نگ دبين ده‌مێ دبينين نێگه‌رانيێن قوتابيان بهێنه‌ ئيستيغلالكرن بۆ مه‌ره‌مێن سياسى وحزبى، كو ئه‌وژى كاره‌كێ نه‌هه‌ژى ونه‌ساخله‌مه‌، له‌وما وه‌كو وه‌زاره‌ت ل به‌رچاڤێ مه‌ يا رۆهنه‌ ومه‌ پلان يا هه‌ى بۆ چاره‌سه‌ركرنا هه‌موو گرفتان”.

عه‌باس ئه‌كره‌م دياركر” پشتى راگه‌هاندنا ناڤێن ده‌رچوويان ل زانكۆ وپه‌يمانگه‌هان، نوكه‌ 12 هزار و20 كورسى ل پلانا وه‌رگرتنا ئه‌ڤ ساله‌ ب به‌تالى ماينه‌، ئه‌ڤه‌ ژى ژئه‌نجامێ وێ چه‌ندێ كو ده‌رچوويان ب خوه‌ كێمتر داخوازى بۆ پشكان پێشكێشكريه‌، ژبه‌ر ڤێ چه‌ندێ ب به‌تالى ماينه‌”.

په‌يڤدارێ وه‌زاره‌تا خواندنا بلند راگه‌هاند ژى” بۆ په‌يداكرنا ده‌ليڤێێن زێده‌تر بۆ ده‌رچوويێن 12 ئاماده‌يى، وه‌زاره‌تێ بريار دا ب زێده‌كرنا پلانا وه‌رگرتنێ ل زانكۆ وپه‌يمانگه‌هێن حكومى ب رێژا 10% بۆ پشكێن ئه‌ندازيارى و20% بۆ پشكێن دى”.

ل دووڤ پلانا وه‌زاره‌تا خواندنا بلند، پشتى بجهئينانا ڤان بريارێن وه‌زاره‌تێ، هژمارا كورسيێن به‌رده‌ست بۆ وان قوتابيێن كو ل چو جهه‌كى نه‌هاتينه‌ وه‌رگرتن دگه‌هيته‌ 16 هزار كورسيێن خواندنێ”.

عه‌باس ئه‌كره‌م زێده‌تر گۆت” ئه‌و كورسيێن ژ ئه‌نجامێ زێده‌كرنا پلانێ ل به‌رده‌ستن، ب رێيا هه‌مان سيسته‌مێ ئه‌لكترۆنى دێ هێته‌ به‌رچاڤكرن بۆ وان قوتابيێن كو ل چو جهه‌كى نه‌هاتينه‌ وه‌رگرتن، ب ڤێ چه‌ندێ ژى دێ گرفتا قوتابيێن نه‌هاتينه‌ وه‌رگرتن هێته‌ چاره‌سه‌ركرن ود دو رۆژێن داهاتى دا ب رێيا به‌رنامێن ته‌له‌ڤزيۆنى وچاڤپێكه‌فتنان هه‌موو هووربينيان بۆ ده‌رچوويێن 12 ئاماده‌يى رۆهن كه‌ين”.

ئه‌ڤرۆ نیۆز،عه‌زیز هه‌ورامی

ل رۆژا 16 ئوكتۆبه‌را 2017 گرۆپه‌كا دناڤ ئيكه‌تى نيشتيمانى كوردستان ل گه‌ل ئيرانێ وعيراقێ رێككه‌فت وباژێرێ كه‌ركووكێ ته‌سليم كر وژ پشت ڤه‌ خه‌نجه‌ر ل هێزا پێشمه‌رگه‌ى دا.

ئازاد جونديانى، چاڤدێرێ سياسى راگه‌هاند” چه‌ند كه‌سێن دناڤ ئێكه‌تيێ دا خيانه‌تا 16 ئوكتۆبه‌رێ ل كه‌ركووكێ ئه‌نجامدا وباژێرێ كه‌ركووكێ ودوزخوورماتۆ ته‌سليمى دوژمنان كرن”.

ئازاد جونديانى گۆت ژى” ئێكه‌تى نيشتيمانى دڤێت خيانه‌تا 16 ئوكتۆبه‌رێ كو خيانه‌ته‌كا نيشتيمانى بوو، ڤه‌شێريت”.

گۆت ژى” بزاڤێن ئێكه‌تيێ دخرابن بۆ دانانا پارێزگه‌ره‌كى بۆ كه‌ركووكێ ژ ده‌رڤه‌ى كوده‌نگيا كوردى، كو ب ڤێ ده‌ستهه‌لاتا له‌شكرى ل كه‌ركووكێ هه‌ى، پارێزگه‌ر نه‌شێت چو بكه‌ت”.

ل دۆر ب هێزكرنا به‌ره‌يێ سه‌ربه‌خوه‌ خوازان، گۆت” هندى به‌ره‌يێ سه‌ربه‌خوه‌ خوازان يێ بهێز بيت، دێ زێده‌تر نێزيكى ئارمانجا سه‌ربخوه‌يێ بين”.