ئه‌ڤرۆنيوز:

به‌شێ هاتنوچوونا قه‌زا دهۆكێ بۆ ئه‌ڤرۆنيوز دياركر كو دده‌مێ دو ده‌مژمێرێن بۆرى دا سێ روودانێن هاتنوچوونێ ل سه‌ر رێيا بێسرێ – زاويته‌ په‌يدابووينه‌ وبريندار ژى يێن هه‌ين.

سالح جه‌ميل ژ راگه‌هاندنا به‌شێ هاتنوچوونا قه‌زا دهۆكێ بۆ ئه‌ڤرۆنيوز گۆت” ژئه‌گه‌رێ بارينا به‌فرێ و په‌يدابوونا جه‌مه‌دێ ل سه‌ر جادا بێسرێ – زاويته‌، ئه‌ڤه‌ ژ ده‌مژمێر 9:30 ئه‌ڤ شه‌ڤه‌ هه‌تا نوكه‌ ده‌مژمێر 11 شه‌ڤ سێ روودانێن هاتنوچوونێ ل سه‌ر وێ رێ يێن رووداين”.

گۆت ژى” ژ ئه‌نجامێ وان روودانان 4 كه‌س يێن بريندار بووين وزيان يێن ب ترومبێلان وستوونێن كاره‌بێ كه‌فتين”.

ئەڤرۆ نیوز:

ھەر نووکە ل جادا سولاڤ ل تاخێ شێلێ ل سەنتەرێ قەزا دھۆکێ روودانەک پەیدابوو ، و دیکێلەکا مەزن بلند بوویە و دبیت روودانەکا ئاگربەربوونێ بیت.

ل ماوێ بھێت دێ زیدەتر زانیاریان بەلاڤ کەین.

ئەڤرۆ نیوز، قەیس وەیس:

رێڤەبەرێ رێڤەبەریا رێکخستنا پلێتێن ئاھێن خارنێ دیارکر ئەڤرۆ روژا چارشەمبى ل باژێرێ بەغدا پشکداری د پروژێ کارتا ئەلکترونی یا ئەرزاقی دا كر و حەفتیا بھێت دێ دەست ب سیستەمێ نوو ھێتەکرن کو دێ ژ پارێزگەھا دھوکێ دەستپێکەت.

زێدەتر حسێن سەبری دداخویانیەکا تایبەت دا بۆ ئەڤرو نیوز گۆت: حەفتیا بھێت دێ دەست ب سیستەمێ نوو یێ پلێتا ئەلکترونی یا ئەرزاقی ھێتەکرن کو دێ ژ پارێزگەھا دھوکێ دەستپێکەت ژبەر رێک و پێکیا کارێ رێڤەبەریا مە و شارازای دگەل کارێ ئاوارەیان دا کو ئەف سیستەمە ھاتیە جێبەجێکرن، کار دێ ژلایێ رێکخراوا WFP ھێتەکرن ب سەرپەرشتیا وەزارەتا بازرگانیا عیراقێ ژبو پتر ئاسانکاری بۆ ھاولاتیان ھێتە کرن درێڤەبرنا ماملێن خوە دا دیسان و دەستکاری و سەختەکرنا وێ ناھێتە کرن.

ل دووماھیێ حسێنی بەحسی شێوازێ کارکرنا ڤی سیستەمی کر و گوت: ھەر کەسێ ئەمرێ خودێ کر وەزارەتا تەندروستی مافێ ھەی لدەف خوە ناڤێ وی د سیستەمی دا رەش بکەن دیسان زاروکێن نوی ژ لایێ وانڤە دێ ھێنە زێدەکرن ب شێوەکێ ئەلکترونی دیسان ھەر بریکارەکی دێ ئامیرەکێ تایبەت ھەبیت د شێت مامەلێن خەلکی برێڤە ببەت بێی بشێت دەستکاریێ تێدا بکەن دیسان خالێن سنوری ھەر کەسێ چو ژ دەرڤەی وەلاتی و بۆ ماوێ دو ھەیڤا نە زڤری ئوتوماتیکی دێ ناڤێ وی ھێتە رەش کرن.