ئه‌ڤرۆنيوز:
رێڤه‌به‌ريا گشتى يا هاتنوچوونێ ل هه‌رێما كوردستانێ ل دۆر تێچوويێ رسوماتێن تۆماركرنا ترومبێلان راگه‌هاند، تێچيوويێ تۆماركرنا ترومبێلانا تايبه‌ت يا چار پستن سالۆن مليۆنه‌ك و390 هزار دينارن.
رێڤه‌به‌ريا ناڤبرى، ل دووڤ كوردستان تى ڤى، دياركر كو سه‌رجه‌مێ خزمه‌تگزاريان ب ڤى شێوه‌يه:
- تۆماركرنا بۆ ترومبێلا سالۆن چار پستن مليۆنه‌ك و200 هزار دينارن.
- بكارئينانا جادێ بۆ ترومبێلا تايبه‌ت سالانه 10 هزار دينارن، سه‌رجه‌مێ گشتيێ پێنج سالان دبيته 50 هزار دينار.
- پيسكرنا ژينگه‌هێ بۆ ترومبێلێن تايبه‌ت سالانه گۆژمێ 10 هزار دينارانه، بۆ پێنج سالان 50 هزار دينارن.
- به‌ستنا تابلۆيا ئه‌لمانى 50 هزار دينار.
- ده‌ركرنا سه‌نه‌ويێ 40 هزار دينارن.
هه‌روه‌سا دياركريه كو برگا تۆماركرنا ترومبێلێ ل گه‌ل برگا ده‌ركرنا سه‌نه‌ويێ، گۆژمێ 5% دێ چيته سه‌ر بۆ تووشبوويێن نه‌خوه‌شيا په‌نجه‌شێرێ كو دبيته 62 هزار دينار، له‌وما وى ده‌مى سه‌رجه‌مێ گشتى دبيته مليۆنه‌ك و452 هزار دينار.
نيشاندان
