ئهڤرۆ نيوز:
جێگرێ دويێ سهرۆكێ جڤاتا نوونهرێن عيراقێ راگههاند كو پارێزگهها دهۆكێ پێدڤى ب هاريكاريێن دارايى يێن زێدهتر ههيه.
نووترين نووچه
- سەرۆكێ هەرێما كوردستانێ و سەرۆكێ ئیتالیایێ پرسێن گرنگ یێن دەڤەرێ و بهێزكرنا پەیوەندییان گەنگەشەكرن
- ئەڤ سەرەدانە بۆ پاراستنا قەوارەیێ هەرێما كوردستانێ یە
- پەرلەمان نە یێ حزبانە بەلكو یێ دەنگێ خەلكی یە و كاراكرنا وی ئەركەكێ نشتیمانی یە
- دخوازین پارتی و یەكێتی پتر ل ئێكدو نێزیك ببن
- كاراكرنا پەرلەمانی پێدڤییەكا نشتیمانی یە
- ئێكگرتنا هێزێن پێشمەرگەی د قۆناغێن دووماهیێ دایە و هەتا 25ـێ ئیلۆنێ دێ بیتە ئێك هێزا نشتیمانی
- سەرۆك بارزانی و پارێزگەرێ نەجەف دوپاتیێ ل سەر بەرفرەهكرنا پەیوەندییان د بوارێن ئاڤەدانی و ژینگەهێ دا دكەن
- پێكڤەژیان ناسنامەیا رەسەن یا هەرێما كوردستانێ یە
- مەسرور بارزانی و سەلاحەدین بەهائەدین دوپاتیێ ل گرنگییا كاراكرنا پەرلەمانێ كوردستانێ دكەن
- سەرۆكێ حوكمەتا هەرێمێ: دەرگەهێ مە بۆ هەڤكاری و هەماهەنگییا ل گەل هەموو پارێزگەهێن ئیراقێ ڤەكرییە
سهرهكى نووترين نووچه
ل ههيڤا بۆرى كارهبا نشتيمانى ل دهۆكێ چهند دهمژمێران ههبوو؟
ئهڤرۆ نيوز، نيوار:
ئاخفتنكهرێ ب ناڤێ وهزارهتا كارهبا ههرێما كوردستانێ راگههاند كو ل ههيڤا بۆرى ل سهرانسهرى ههرێما كوردستانێ ئهو شياينه ب تێكرايێ 16 دهمژمێران كارهبا گشتى ب دهنه وهلاتيان.
محهمهد ئهمين ههورامى، ئاخفتنكهرێ ب ناڤێ وهزارهتا كارهبا ههرێما كوردستانێ د داخۆيانيهكێ دا بۆ ئهڤرۆ نيوز گۆت: “ئهڤه ماوهكێ درێژه وهزارهتا كارهبێ پشت بهستنێ ل سهر سيستهمێ غازێ دكهت و ئهڤێ چهندێ ژى بارسڤكى بۆ مه دروست كريه”.
زێدهتر گۆت: “ل ههيڤا بۆرى شياين 300 مێگاواتێن كارهبێ زێده كهين و ب ڤێ چهندێ ژى ل دهسپێكا ههيڤا بۆرى شيايين 18 دهمژمێرێن كارهبێ بدهينه وهلاتيان، بهلێ ژ بهر زێدهبوونا خواستنا ل سهر كارهبێ ژ لايێ وهلاتيان ڤه، كارتێكرن ل سهر ڤێ رێژێ كر و ل دووماهيا ههيڤێ ل كێميێ دا”.
ئاخفتنكهرێ ب ناڤێ وهزارهتا كارهبا ههرێما كوردستانێ ئاماژه ب وێ چهندێ ژى كر كو د درێژاهيا ههيڤا بۆرى دا ئهو شياين ب رهنگهكێ تێكرايى 16 دهمژمێرێن كارهبا نشتيمانى ل سهرانسهرى ههرێما كوردستانێ ب وهلاتيان بدهن.
ب وێنه: جێگرێ سهرۆكێ جڤاتا نوونهرێن عيراقێ گههشته دهۆكێ
ئهڤرۆ نيوز، نيوار محهمهد سهليم:
بهرى دهمهكێ كێم جێگرێ دويێ يێ سهرۆكێ جڤاتا نوونهرێن عيراقێ گههشته پارێزگهها دهۆكێ و بڕياره چهندين سهرهدان و كۆمبوونا ئهنجام بدهت.
ديار تهيب، ئهندامێ جڤاتا نوونهرێن عيراقێ كو ئێك ژ وان كهسان بوو يێن پێشوازى ل شاندێ جێگرێ دويێ يێ سهرۆكێ جڤاتا نوونهرێن عيراقێ كرى، د داخۆيانيهكێ دا بۆ ئهڤرۆ نيوز گۆت: “د. بهشير حهداد جێگرێ دويێ يێ سهرۆكێ جڤاتا نوونهرێن عيراقێ گههشته پارێزگهها دهۆكێ و د كارێ خوه يێ ئێكێ دا، ل نهخۆشخانا تهنگاڤيان سهرهدانا وان فهرمانبهرێن نڤيسينگهها دهۆك يێن جڤاتا نوونهرێن عيراقێ كر يێن تووشى روودانهكا ترۆمبێلێ بووين”.
زێدهتر گۆت: “پشتى وێ سهرهدانێ بڕياره بچيته نڤيسينگهها جڤاتا نوونهرێن عيراقێ ل دهۆكێ و روونشتنهكێ ل گهل نوونهرێن دهۆكێ ئهنجام بدهت ل سهر رهوشا پارێزگههێ”.
ئاشكهرا ژى كر كو پشتى ڤێ سهرهدانێ ژى دێ سهرهدانا كۆچكا پارێزگهها دهۆكێ كهت و ژ لايێ پارێزگارێ دهۆكێ ڤه، فهرهاد ئهمين هێته پێشوازى كرن، “دێ رهوشا تۆپبارانكرنا سنورێن ههرێما كوردستانێ و ئهو لههيێن ڤان رۆژان ل پارێزگهها دهۆكێ بهحس كهن و چاوانيا قهرهبووكرنا وان”.
ئهندامێ جڤاتا نوونهرێن عيراقێ خۆيا كر ژى كو پشتى سهرهدانا پارێزگارێ دهۆكێ دێ د. بهشير حهداد سهرهدانا زانكۆيا دهۆك كهت و ل گهل سهرۆكێ زانكۆيێ رهوشا قوتابيێن زانكۆيا دهۆك ئهوێن ل زانكۆيا مووسل گهنگهشه كهن.
نهڤهشارت ژى كو ههر د سهرهدانا خوه دا، بڕياره د. بهشير حهداد سهرهدانا ئێك ژ كهمپێن ئاواران بكهت و ژ نێزيك هايدارى رهوش و ژين و ژيارا وان ببيت.
30 رۆژ بۆ وهكههڤكرتا شایستێن شههیدان و زیندانیێن سیاسی دهێنه دیاركرن
ئهڤرۆ نیوز:
سكرتێرێ جڤاتا وهزیرێن ههرێما كوردستانێ راگههاند، جڤاتا وهزیرێن عیراقێ ب فهرمانا ژماره 98 ل 13/11/2018 ماوێ 30 رۆژان دهستنیشان كرن بۆ تهمامكرنا كارێن لیژنا ههڤپشكا ههرێم و بهغدا بۆ وهكههڤكرتا شایستێن دارایی و ئیمتیازاتێن كهسوكارێن سهربلندێن شههیدان و زیندانیێن سیاسی ل ههرێما كوردستانێ ل گهل وهكههڤێن وان ل حوكمهتا فیدرالی.
ئامانج رهحیم ل هژمارا خوه یا تایبهت ل تۆرا جڤاكی یا فهیسبووكی بهلاڤكریه:” دلسۆزان ل ههرێم و بهغدا بزاڤ بۆ بجه گههاندنا ڤی پرۆژهی د بهردهوامن و گهشبینم ل دووڤ مادێ 132 یێ دستووری و ب بڕیارا تهشریعی یا پهرلهمانی یا ژماره 26 یا سالا 2018، ههلویستێ ئهرێنی یێ فهرمی یێ جڤاتا وهزیرێن فیدرالی، ئهڤ پرۆژه بهێته بجهئینان”.
سكرتێرێ جڤاتا وهزیرێن ههرێمێ گۆت ژی:(حوكمهتا ههرێما كوردستانێ ل ناڤ داخوازیێن خوه بۆ لیژنا ههڤپشكا پێداچوونا بودجا 2019 د ناڤبهرا حوكمهتا عیراقێ و لیژنا دارایی یا پهرلهمانی دا، داخوازا تهرخانكرنا پارێ پێدڤی بۆ ڤی بابهتی كریه و د ههمان دهم دا زانیاریێن تهمامێن كهسوكارێن شههیدان و زیندانیێن سیاسی بۆ بهغدا هنارتینه).
پێلهكا دى يا بارانێ دێ ههرێما كوردستانێ ڤهگريت
ئهڤرۆنيوز:
شارهزايهكێ سهقاى يێ عيراقى ل رێڤهبهريا گشتى يا كهشناسيێ ل عيراقێ راگههاند، پێلهكا دى يا بارانێ دێ عيراقێ ڤهگريت كو دێ ل رۆژا سێشهمبى 4/12/2018 ژ پارێزگههێن ههرێما كوردستانێ دهستپێكهت ودٍێ ههموو پارێزگههێن عيراقێ ڤه گريت.
سادق عهتيه، شارهزايێ سهقاى يێ عيراقى، ل دووڤ مالپهرێ (ئهلمهعلومه) دياركر ژى كو ئهو پێلا بارانێ دێ ل رۆژا ئهينى 7/12/2018 ل پارێزگهها بهسرا ب دووماهى هێت”.
گۆت ژى” ل ههيڤا كانوونا ئيكێ دێ پێنج پێلێن بارانێ ب سهر عيراقێ هێن وههر پێلهك بۆ دهمێ دو ههتا سێ رۆژان بهردهوام بيت وئهڤ ههيڤه دێ يا پرى باران بيت ورێژێن بارانێ دێ گهلهك بلندتر بن ههمبهركرن ل گهل سالێن بۆرى”.
ب ڤیدیۆ..بهرپرسێ داعش يێ پلاندانهرێ كیمیابارانكرنا كهركووكێ هاته دهستهسهركرن
ئهڤرۆنيوز:
بهرپرسهكێ بلند يێ رێكخستيا داعش يا تيرۆرستى كو پلانا هێرشكرنێ ل سهر كهركووكێ ب غازا خهردهلى، ئهوا بهرى سێ سالان دارێشتى، هاته دهستهسهركرن، ههروهسا دانپێدان ژى كر كو پشكدارى دوێ هێرشا تێدا 17 پێشمهرگه ل حهويجه هاتينه ديلكرن كربوو.
ل دووڤ رۆهنكرنهكا ههوالگيريا عيراقى، تيرۆرست (جهمال خهليل زهناد ئهلمهشههدانى) كو ب ناڤێ ( پارێزگهرێ باكوورێ بهغدا وكهركووكێ) يێ رێكخراوا تيرۆرستى يا داعشێ بوو كو پشكدارى دچهندين چالاكيێن تيرۆرستى دا كريه، د ئۆپهراسيۆنهكێ دا بهغدا هاته دهستهسهركرن.
ئهلمهشههدانى كو ژيێ وى 45 سالن، دناڤ داعشێ دا ناسناڤێ (ئهبو سهيف) و (ئهبو حهمزه ئهلكوردى) بكارئيناينه، ژدايكبوويا سالا 1973 يه ل بهغدا ول سالا 1992 ئهكاديميا ئاسايشا نيشتمانى ب دووماهى ئينايه.
دپارچه ڤيديۆيا دانپێدانێن ئهمهشههدانى، بهحسێ وێ چهندێ دكهت ئهو وهكو پارێزگهرێ كهركووكێ ل رێزێن داعشێ دا دهست ب كارى كريه ول ههيڤا ئادارا 2016 ب مهرهما ژناڤبرنا مۆرالێن هێزێن ئهمنى يێن عيراقى، ل باژێرێ خورماتۆ دهێرشهكێ دا غازا خهردهل بكارئينابوو.
ههروهسا دانپێدان كر كو وى پشكدارى دهێرشا ب ديل گرتنا 17 پێشمهرگێن حهويجه ژى دا كربوو.
ريال مهدريد هاته رێزا پێنجێ
ئهڤرۆنيوز:
يانا ريال مهدريد سهركهفتنهكا گرنگ ل سهر مێهڤانا خوه يانا ڤالنسيا ب دو گۆلان بێ بهرامبهر تۆماركر وپێشڤه هاته رێزا پێنجێ درێزبهندا خۆلا ئيسپانى دا.
ههردو گۆلێن ريال مهدريد ژلايێ ياريكهران دانييل واس ( ب شاشى ڤه گۆل ل تيما خوه كر) ل خۆلهكا ههشتێ و لوكاس فاسكێز ل خۆلهكا 83.
ب ڤى ئهنجامى يانا ريال مهدريد پێشڤه هاته رێزا پێنجێ دخۆلا ئيسپانى دا ب 23 خالان كو يانا ئهشبيليا سهركێشيا خۆلێ دكهت ب 26 خالان وبهرشهلونا ل رێزا دويێ دهيت ب 25 خالان وئهتلهتيكۆ مهدريد ب 24 خالان ل رێزا سيێ دهێت.
ب وێنه – بلندبوونا ئاستێ ئاڤا رووبارى هاڤینگهها رێزان بن ئاڤ كر
ئەڤرۆ نیوز، نەوزاد هلۆری:
ژ ئەگەرێ بارینا باران و رابوونا لەهیان، ئاستێ ئاڤا رووبارێ رێزان بلند بوو و د ئهنجامدا نێزیکێ حەفت بازار و مارکێت و کافیتیریا و خارنگەهێن هاڤینگەها رێزان بن ئاڤبوون و رێیا هاتنوچوونا وان ژی هاتە برین.
کامیران رێزانەی، خودانێ خارنگەها رێزان ل دەڤەرا بارزان بۆ ئەڤرۆ نیوز گۆت: (ژ ئەگەرێ بارینا بارانێن زۆر و رابوونا لەهیان، نێزیکێ حەفت خارنگەهـ و کافیتیریا و بازار و مارکێتێن هاڤینگەها رێزان بن ئاڤبوینە، رێیا سەرەکی یا گەهشتنا هاڤینگەها رێزان و وان بازاران ژی هاتیە گرتن).
زێدەتر گۆت: (هەموو سالان ل وەرزێ پایزێ هەتا وەرزێ بهارێ هەموو بازارێن هاڤینگەها رێزان بن ئاڤ دبن، زیانێن زۆرێن مادی بەر وان بازاران دکەڤن، بەلێ ئههكه رێیەکا تایبەت بوۆ گەهشتنا هاڤینگەها رێزان بهێتە چێکرن، دێ زیانێن وێ کێمتر بن).
زیانێن هاڤینگەها رێزان پشتی چێکرنا بەنداڤا رێزان زێدەتر بووینە، چونکی بازارێن رێزان زۆر نێزیکێ رووباری هاتینە چێکرن.
پێشمەرگەیەك ب بریسیێ گیانێ خوه ژ دەست ددهت
ئەڤرۆ نیوز ،بارزان مزووری:
پیشمەرگەيهكێ فەرماندا بارزان ل سەنگەرێ مەخموور بو ئەڤرۆ نیوز ئاشكرا كر كو ئەڤرۆ دەمژمێر 7:00 شەڤ رێكەفتی 1 كانونا ئیكێ 2018 پێشمەرگەیەكێ وى سهنگهرى ب ناڤێ” حسێن شیڤی مزووری” خەلكێ ناحیا دیانا د سەنگەری دا دكەڤیتە بەر بریسیێ وگیانێ خوه ژ دەست دا وبۆ نەخوهشخانا تەنگاڤیان ل هەڤلێرێ هاته ڤهگوهاستن.
ناڤهاتی خویاكر كو حسێن پێشمەرگەبوو ب سەر فەرماندا بارزان ڤە ل سەنگەرێ مەخموور .
شهڤا بۆرى ئاڤێ رێيا گوندەكی داخستيه ونەهاتیە ڤەكرن
ئەڤرۆ نیوز ،بارزان مزووری:
رێيا گوندێ “ئاشكا ” يێ سەر ب ناحیا قەسرۆكێ ئەڤە ژ شهڤا بۆرى ژبەر هاتنا بارانێ هاتیە داخستن پێتڤی ب ڤەكرنا رێ نە ژبەركو رۆژانە پتری 25 قوتابی یێن گوندی ل كومەلگەها چرە دخوینن زێدەباری وێ چەندێ گەلەك ژ خەلكێ گوندی پێشمەرگەنە سپێدێ دێ چنە دەوامێ وههكه رێ نەهێت ڤەكرن نەشێن بچنە دەواما خوه.
فوئاد عومەر محەمەد ، وهلاتيهكێ وى گوندى يه بۆ ئەڤرۆ نیوز ئاشكرا كر كو ئەڤە شڤێدی درەنگ دەمێ هاتنا بارانێ رێيا گوندی هاتیە گرتن وهاتنوچوون بۆ دەرڤەی گوندی نەمایە وژیانا مە كەفتیە مەترسیێ دا هەر كەسەكێ نەخوهش بیت بتنێ فرۆكە دشێت وی دناڤ گوندی بۆ نەخوهشخانێ ڤەگوهێزیت ومە پەیوەندی ب جهێن شولەژێ ژی كریە حەتا نها دهەوارا مە نەهاتینە وب رێيا ئەڤرۆنيوز داخواز دكەین كوجهێن شولەژێ دهەوارا مە بهێن ورێيا گوندی ڤەكەن ،
ناڤهاتی خویاكر كو پتری 25 قوتابی ل دەرڤەی گوندی دخوینن وههكه رێ نەهێته ڤەكرن دێ ل مال مینن دیسان سوباهى هژمارەكا پێشمەرگەیان دێ چنە دەواما خوه ونەشێن بچن ژبەر گرتنا رێ.
نيشاندان
WP Facebook Auto Publish Powered By : XYZScripts.com