ئه‌ڤرۆ نيوز:
بزاڤان گۆڕان د ھەلبژاترنێن 30 ئەیلولێ پەرلەمانێ کوردستانێ نێڤا دەنگێن خوە ژ دەستداینە، ئەو ژی بوویە جھێ نەرازیبوونا کاردو ئەندامێن ناڤا بزاڤا گۆڕانێ.
ل دۆر پاشکەفتنا بزاڤا گۆڕانێ، ئەندامێ جڤاتا گشتیی یا بزاڤا ناڤبری، سەلام مەزن بۆ ۆژناما ئەڤرۆ تایبەت راگەھاند، پاشڤەکێشان و سەرکەفتنێ ھوکارێن خوە ھەنە، پڕانیا لیستێن پشکدار د ھەلبژارتنان دا پاشەڤەچووینە، ئەگەرێ سەرەکی ژی، کێمبوونا رێژا دەنگدەرایە، کو رێژا دەنگدەرێن چێ جارێ بشێوەکێ بەرچاڤ کێمبوویە، نەڕازیبوونا وەلاتیان زیان ب گۆڕانێ گەھاند، پشتی مالئاڤھیا کاک نەوشێروان موستەفای رێکخەرێ گشتیێ گۆڕان، زێدەباری دوورکەفتنا چەندین بەرپرسێن مەزنێن گۆڕان و خەمساریا مەکۆیان و دەنگدەران ل گەل بەرتەسکبوونا کرێ گۆڕان، ل چەندین دەڤەران، ھەموو ئەگەرێن سەرەکی بوون بۆ کێمبوونا دەنگێن گۆڕانێ.
ژبلی دەستبەرداری و دوورکەفتنا مەزنە بەرپرسێن گۆڕان، چەندین ئەندام پەرلەمان و وەزیران رێزێن فڕاکسیۆنا گۆڕان بجھێلان، سەلام مەزن دبێژیت، دەستبەرداریا مەزنە بەرپرسێن گۆڕان د حوکمەتێ و پەرلەمانی دا، ھەتا رادەکی یا ئاسایی یە بۆ بەرپرسێن حزبی و حوکمەتێ، بەلێ دڤێت لێپرسین ھەبیت کو ئایا بوچی بەرپرسێن پلە بلندێن بزاڤا گۆڕان ھەیە، و دەستبەردان بۆ دو مەرەمایە، یێ ئامادەیە بۆ ئیمتیازاتان دەستان ژ گۆڕان بەردەت، ھندەک ژی رەخنە ل کارێ گۆڕان ھەیە و بێھیڤی بوون ژ بزاڤا گۆڕان لەوما دوورخستنێ ژ گۆڕان د ھەلبژێریت.
سەبارەت دسەتھەلاتا گۆڕێن نەوشێروان ناڤا حزبا گۆڕانلێ دا، کو بوویە جھێ نەارزیبوونا ھندەک کەسان، ئەندامێ جڤاتا گشتیی یا گۆڕان گۆت: یا دیارە کوڕێن نەوشێروان وەکی ھەر ئەندامەکی گۆڕانخواز ل گۆڕ شیانێن خوە جھێ خوە دناڤا گۆرانێ دا ھەبیت و بەردەوامیێ دکار و چالاکیێن خوە بدەت، و کار بۆ ڕکابەریا دیموکراتی بکەن، و رێزا مەعنوی ل وان بھێتە گرتن، بەلێ، نابیت وەک سیمبول بھێنە دیتن.
سەبارەت ھەبوونا گەلەک ھڤڕکیان دناڤا گۆرشانێ دا، سەلام مەزن گۆت: سەرھەلدنا ھەر گرۆپەکێ دناڤا گۆڕانێ دا، دێ بیتە ئەگەرێ پاشکەفتنا گۆڕان، یا بچووک دێ بچووکتر بیت، دڤێا پێکڤە کار ل سەر بنامیێن دیموکراتی بھێنە ئەنجامدان، و دڤێت دسەتان ژ ھەر کارەکێ بەروەخت بھێتە بەردان، کو ل پاشەرۆژێ نابیتە ئەگەرێ پێچارنا برینیت شەکەستنێ و نابیتە رێیا چارەرکرنی گشتی و بنەکوکی، لەورا دڤێت ب لەز ھەلبژاترنێن ناڤخوەیا گۆڕانێ بھێنە کرن، و دەست ب چاکسازیان ل گۆپیتکێ ھەتا دھێتە خوارێ ھەبیت، ل گۆر پێدڤیان ئەو گوھۆڕین و نووبوون ھەموو ئاساتان بگریت.
گۆرانخواز سلام مەزن ھەروەسا دووپاتکر، بێ گۆمان وەسایە راوەستیان د رەوشەکێ دا رامانا وێ سستی یە، لەورا پێدڤیە بزاڤا گۆڕان ل سەر بنەمایێ چاکسازیێ و نووبوونێ گوھۆرینان یا بەردەوام ببیت، د رەوشەکا بێھۆشیێ دا نەمینت، وەلاتی ھەردەم ل گەل رەوشەکا ھەوا کارو چالاکیێن نوو و جودا دانە، پێدڤیە ب عەقلیتا نوو داھێنانێ ل سەرکرداتیێ بکەت، ژ بلی وێ دێ پتر مەترسی و پاشکەفتن گۆڕانێ ھەبیت.
سەبارەت نەارزیبوونا ل سەر رێکخەر و ئەندامێن خانا راپەرین یا گۆڕان، ئەندامێ جڤاتا گشتی گۆت: دڤێت کونگرێ گشتیێ گۆڕانێ بھێتە کرن، دەلیڤە بوو دەنگ و رەنگێن نوو بھێتە رێکخستن، کا چەوا کاک نەوشێروان داکوکی ل سەر وێ چەندێ کریە، و پەیڕوەێ ناڤخوەیا گۆڕانێ ژی دا ھاتیە، پێدڤیە ل سەر بنەمایێ گوھۆڕینا سەروسیمایان نەبیت، بەلکی ل سەر بنامێ ئێنانا خودان شیان و ھێزا و ژێھاتیان بیت، چونکە کێموکاسی ب تەمامیا ئاستێن بزاڤا گۆڕانێ دا ھەنە، پڕانیا رەخنان ل خانا ڕپەرین و رێکخەرێ گشتیێ گۆڕان ھەنە، بەلێ کێشە ئەو کەسێ ژ ھەژی ل جھێ ھەژی نینە.
نيشاندان
