ئهڤرۆ نيوز:
سهرۆك وهزيرێن فرهنسا، بڕيارا راگرتنا زێدهكرنا باجێ ل سهر بهايێ سۆتهمهنيێ دا، ژ ئهنجامێ وان نهرازيبوونێن ل رۆژانێن دووماهيێ ل پاريس يا پايتهختێ فرهنسا روودايى.
فرهنسا بڕيارا بلندكرنا باجێ ل سهر سۆتهمهنيێ راگرت
نووترين نووچه
- ب ئارمانجا ئێكگرتنا بزاڤێن ئەمنی رێبەر ئەحمەد كۆمبوونێن گرنگ ل گەل سەركردەیێن ئەمنی یێن ئیراقێ ئەنجامدان
- زێباری و مالكی: پێدڤییە دیالۆگ بۆ بهێزكرنا پرۆسەیا سیاسی یا بەردەوام بیت
- مووچەیێ هەرێما كوردستانێ یێ گەرەنتی كریە
- ئابۆرێ ئیراقێ دێ پاشڤە زڤڕیت
- داخوازكرنا 120 ملیار دیناران ژ داهاتێ ناڤخۆ نەڕەوایە و چو بنەمایەكێ یاسایی نینە
- مەسرور بارزانی: دۆستینی و هەڤپەیمانییا مە ل گەل ئەمریكا یا ستراتیژییە و دێ ب هێزتر لێ هێت
- پارتی دیموكراتی كوردستان پیرۆزباهییا سالڤەگەڕا 250 سالیا سەربخۆیا ئەمریكا دكەت
- پاراستنا هەڤسەنگیێن نیشتمانی بۆ ئارامییا ئیراقێ گرنگە
- مە ل تەهرانێ دوپاتی ل سەر بێلایەنیا هەرێما كوردستانێ ل دۆر شەڕی كر
- ل هەر قووناغەكا دژاتییا پارتی پتر هاتبیتە كرن، دەنگێن پارتی بەر ب زێدەبوونێ چووینە
سهرهكى نووترين نووچه
جڤاتا نوونهران ئهڤرۆ دێ دهنگى ل سهر وهزيرێن مايێن يێن كابينا عهبدولمههدى دهت
ئهڤرۆ نيوز:
سهرۆكاتيا جڤاتا نوونهرێن عيراقێ راگههاند كو ئهڤرۆ رۆژا سێشهمبى و ل دانێ نيڤرۆ دێ دهنگدان ل سهر تهمامكرنا كابينا عادل عهبدولمههدى هێته دان.
ب گۆرهيى بهرنامێ كارێ جڤاتا نوونهران دێ بهرچاڤكرنا بابهتێ دانوستاندنێ بيت ل دۆر پێكئينانا لژنهكێ د دهربارێ بهرههڤكرنا لژنهكێ بۆ دووڤچوونا بهلاڤكرنا وزێ و دهنگدان ل سهر پێكئينانا حوكمهتێ.
روونشتنا جڤاتا نوونهران بڕياره ئهڤرۆ ل دهمژمێر 12:00ى نيڤرۆ بهێته ئهنجام دان.
هندرين لهزگين دۆسكى، ئهندامێ فراكسيۆنا پارتى ديموكراتى كوردستان ل جڤاتا نوونهرێن عيراقێ، د داخۆيانيهكێ دا بۆ ئهڤرۆ نيوز گۆت: “ناڤێن وهزيران يێن هاتينه پێشكێشكرن و ئهندامێن جڤاتا نوونهران ئهڤرۆ دێ دهنگى ل سهر وان بهربژاران دهن”.
زێدهتر گۆت: “ب تنێ ئێك وهزير ژ وان كورده و ئێك ژى كرستيانه، ژ بهر هندێ ژى هێشتا مه وهكو پارتى بڕياره ل سهر دهنگدان يان رهتكرن نهدايه”.
ئهندامێ فراكسيۆنا پارتى ديموكراتى كوردستان ل جڤاتا نوونهرێن عيراقێ ئاماژه ب وێ چهندێ ژى كرى كو دێ نها كۆمبوونهكێ ئهنجام دهن و تێدا بڕيارا دووماهى ل سهر دهنگدان يان دهنگ نهدان دهن.
بڕياره جڤاتا نوونهران دهنگدانێ ل سهر وهزارهتێن بهرهڤانى، ناڤخۆ، رهوشهنبيرى، پهروهرده، داد، پلاندانان، خواندنا بلند و كۆچبهران بدهت.
ب گۆرهيى ئهو پێزانينێن ل بهر دهست عهبدولمههدى دێ ههر ئێك ژ فالح فهياز وهكو وهزيرێ ناڤخۆ و فهيسهل فهنهر جهربا وهزيرێ بهرهڤانيێ و دادوهر دارا نورهدين وهزيرێ داد و سهبا تائى وهزارهتا پهروهردێ و قوسهى سههيل وهزيرێ خواندنا بلند و ڤهكۆلينێن زانستى و عهبدولئهمير حهمدانى وهزيرێ رهوشهنبيرى و نورى دلێمى وهزيرێ پلاندانانێ و ههنا كوركيس وهزيرا كوچ و كۆچبهران.
داعش كهساتيهكێ نهينهوا گولهبارانكر
ئهڤرۆ نيوز:
چهكدارێن داعش ئێك ژ كهساتيێن بهرنياسێن عهشيرهتان ل پارێزگهها نهينهوا گولهبارانكر.
ب گۆرهيى ژێدهرێن ئهمنى، چهكدارێن داعش جلكێن لهشكرى ل بهر خوه كربوون و شڤێدى چووينه گوندێ عهمرينێ ل ناحيا حهمام عهليل باشوورێ مووسل.
ئاماژه ب وێ چهندێ ژى كر كو چهكدار چووينه سهر مالا شێخ راغب عهبدولمههدى بهدرانى ئێك ژ كهساتيێن عهشيرهتا بوو بهدران، پاشان دايه بهر گولهيان ل ژ دهرڤهيى مال و د جهـ دا گيانێ خوه ژ دهست دايه.
پارێزگهرێ دهۆكێ سوپاسیا وهلاتێ ئهمریكا و رێكخراوێن نێڤدهولهتی دكهت
ئهڤرۆ نیوز:
فهرهاد ئهمین ئهتروشی ل رۆژا 3/12/2018 پێشوازیا ستیف ڤاگین قونسلێ ویلایهتێن ئێكگرتیێن ئهمریكا وشاندێ دگهلدا كر.
دههڤدیتنهكێدا بهحسێ پهیوهندیێن ئهمریكا دگهل ههرێما كوردستانێ ورهوشا ئاواره وپهنابهران ل سنورێ پارێزگهها دهوكێ وئهو هاریكاریێن حكومهتا ههرێما كوردستانێ ورێكخراوێن نیڤ دهولهتی پێشكێش دكهن هاته كرن.
دتهوهرهكێ دیدا بهحسێ هاریكاریێن ویلایهتێن ئێكگرتیێن ئهمریكا هاته كرن كو بو ئاواره وپهنابهران ل سنورێ پارێزگهها دهوكێ پێشكێش دكهت دوارێ دانا ئاهێن خارنێ وئاڤهدانیێ وئاڤ وئاڤ رویا وبو كهرتێن تهندورستی وپهروهردێ وپاقژكرنا مینا وچهندین سهكتهرێن دی یێن خزمهتكاری ، كو ئهڤه ههموو ب رێكا چهندین رێكخراوێن ئهمریكی ویێن نیڤ دهولهتی بو ئاوارێن قهزا شنگال و پهنابهرێن سوری ل سنورێ پارێزگهها دهوكێ دهێنه پێشكێش كرن.
پارێزگهرێ دهوكێ خوشحالیا خو ب سهرهدانێ دیاركر و سوپاسیا وهلاتێ ئهمریكا ورێكخراوێن نیڤ دهولهتی كر كو هاریكاریا ئاواره وپهنابهران ل سنورێ پارێزگههێ دكهن وخواست كو ئاستێ وان هاریكاریا بهێته زێدهكرن نهخاسمه وهرزێ زڤستانێ دهست پێكریه وئاواره وپهنابهران پێدڤیهكا زور ب ئالاڤێن زڤستانێ ههیه .
عهبدولمههدى ناڤێ بهربژێرێن ههشت وهزارهتێن خوه رادهستى پهرلهمانى كر
ئهڤرۆ نيوز:
عادل عهبدولمههدى سهرۆك وهزيرێن عيراقێ، د نڤيسارهكێ دا ، ناڤێ بهربژێرێن ههشت وهزارهتێن خوه رادهستى پهرلهمانى كر كو برياره رۆژا سێ شهمبى ، پهرلهمان كۆم ببيت و دهنگدانێ ل سهر ناڤێن وان بكهت كو پێكدهێن ژ:
– فالح فەهد فەیسەل فەیاز، وەزیرێ ناڤخو
– فەیسەل جەربا، وەزیرێ بەرگری.
– قوسەی عەبدولوەهاب سوهێل، وەزیرێ خوێندنی باڵا.
– د. سەبا خەیرەدین تائی، وەزیرێ پەروەردە.
– د. عەبدولئەمیر حەمدانی، وەزیرێ رۆشنبیری.
– هەناء عەمانوئێل گۆرگیس، وەزیرا کۆچ وکۆچبەران.
– د. نوری ناتق دلێمی، وەزیرێ پلاندانان.
– دادوەر دارا نوردەین، وەزیرێ داد.
ب وێنە.. كونسولا ئیتالی كونسێرتەكا مۆزیكێ بۆ زارۆیێن ئاوارە ساز دكەت
ئەڤرۆ نیۆز، ئەمیر ئەترووشی:
كونسولا وەلاتێ ئیتالیا ل هەرێما كوردستانێ خانم سیرینا مۆرۆنی سەرەدانا كەمپا خانكێ یا ئاواران كر ب ئارمانجا ژ نێزیك دیتنا رەوشا كەمپێ و ئاواران و ئامادەبوون دكۆنسێرتەكا ستران گۆتنێ ل ناڤ كەمپێ دا، ژلایێ خۆڤە هاریكارێ پارێزگارێ دهۆكێ ب گەرمی پێشوازیا كونسولا ئیتالی كر و سۆپاسیا پشتەڤانیا وەلاتێ وان كر بۆ هەرێما كوردستانێ كر.
سالم سەعید، بەرپرسێ راگەهاندنا بۆردێ كارۆبارێن مرۆڤایەتی بۆ ئەڤرۆ نیۆز دیار كر كو د ڤێ سەرەدانێ دا كونسولا وەلاتێ ئیتالیا ل پێش كۆنسێرتەكا ستران گۆتنێ كو ژلایێ رێكخراوا upp یا ئیتالی ڤە هاتبوو بەرهەڤكرن، و چەندین ستران و برگێن موزیكێ هاتن پێشكێشكرن، هەروەسا ژمارەكا مەزن یا ئاواران و ب تایبەت تەخا زارۆیان ل پێش كۆنسێرتێ ئامادەبوون، ئارمانحا سەرەدانا كۆنسولا ئیتالی و ئەنجام دانا كۆنسێرتێ پشتەڤانیكرنا ئاوارانە و ب تایبەت د بوارێ سایكولۆجی دا و بەلاڤكرنا كەیفخۆشیێ ل ناڤ تەخا زارۆیان.
یاریێن ئاگری د پشککێشانا نەتەوەیێن ئوروپی روودا
ئەڤرۆ نیوز:
بەری دەمەکێ کێم ل پایتەختێ ئێرلەندا دبلن پشککێشانا قوناغا چارێک دووماھیا قارەمانیا نەتەوەیێن ئوروپی دا روودا پشتی ئنگلتەرا کەفتیە بەر ھولەندا.
د ڤێ پشکێشانێ دا پرتوگال دێ گەل ھەلبژارتیێ سویسرا کەت دێ ب شێوێ کوم ل وەلاتێ پرتوگال ئەڤ یاریە دێ ھێنە ئەنجام دان پشتی ھەرچار ھەلبژارتیێن سەرکەفتیێن ئێکێ دەربازی ڤێ قوناغێ بووین و ئەڤ یاریە دێ ل پێنجی خزیرانا سالا بھێت ھێنە ئەنجام دان.
فرۆکەیێن تورکیا دەوروبەرێن ناحیا دێرەلۆک بوردومان كر
ئەڤرۆ نیوز، مەحمود نھێلی:
بەری دەمەکێ کێم فرۆکەیێن تورکیا چیایێ ھنداڤی گوھەرزێ یێ سەر ب ناحیا دێرەلۆک ڤە بوردومانکرن.
ژێدەرەکێ ژ گوندێ گوھەرزێ بۆ ئەڤرۆ نیوز دیار کر کو ئەڤ شەڤ ٣\١٢\٢٠١٨ ل دەمژمێر پێنج و چل خولەک فروکەیێن تورکیا چیایێ ھنداڤا گوندێ وان بوردومانکرن و گۆت : ئەڤ بوردومانە گەلەک یا نێزیکی گوندی بوویە و پەنجەرێن خانیان ل دێرەلۆکی و گوندێن دەوروبەران ھەژیانە و بوویە ئەگەرێ ترسێ ل جەم ھاولاتیان تایبەتی ئاکنجیێن گوندێن دەوروبەران. تا نوکە زیانێن ڤێ بوردومانێ نەھاتینە زانین.
سەعدی پیرە: پوستێ جێگرێ سەروکێ حوکمەتێ دێ بۆ مە بیت
ئەڤرۆ نیوز:
پەیڤدارێ ئێکەتیا نشتیمانی د کونگرەکێ رۆژنامەڤانی دا ل ھەولێرێ دیارکر کو ئەو رێزی ل بریارا پارتی دیموکراتی کوردستان دگرن ل دۆر دیارکرنا بەربژێرێن خوە دیسان پوستێ جێگرێ سەروکێ حوکمەتێ دێ بۆ وان بیت.
زێدەتر سەعدی پیرە د ڤی کونگرەی دا دیارکر ئەوان ب رێکا پەیڤدارێ پارتی زانیە کو وان بەربژێرێ وان بۆ پوستێ سەروک وەزیرێن ھەرێما کوردستانێ مەسرور بارزانی یە، و وان ھەڤپەیمانی دگەل پارتی ھەیە و دیارکرنا بەربژێرێ وان بۆ پوستێ سەروک وەزیران بریارا تایبەتە ب پارتی ڤە و رێز ل وێ بریارێ دگرین.
دیسان ناڤھاتی ئەو چەندە ژی دیارکر کو ئەو د ئازادن ھەر کەسەکی بۆ پوستێ جێگرێ سەروک وەزیران دەستنیشان بکەن ل ماوێ بھێت ژی ئێکەتی دێ ھەموو زانیاریان ل دۆر کابینەیا نوو یا حوکمەتا نوو وەرگرن داکو بشێن بەربژێرێن خوە ژی بۆ پوستان دیاربکەن بەری ب گەھیتە سالا نوو.
پەرلەمانێ عیراقێ دێ فشارا ئاوارەیان ل سەر دھۆکێ کێم کەت
ئەڤرۆ نیۆز، ئەمیر ئەترووشی:
پەرلەمانێ عیراقێ بریار دایە کۆژمەکێ مەزن یێ پارەی ژ بۆدجەیا سالا ٢٠١٩ بوو ئاوارەیێن ل پارێزگەھا دھۆکێ دژین دەستنیشان بکەن و ب ڤێ چەندێ فشارا ئاوارەیان ل سەر دھۆکێ کێمتر لێ بھێت.
بەشیر حەداد، جێگرێ سەرۆکێ پەرلەمانێ عیراقێ د سەرەدانا خوە دا بۆ پارێزگارێ دھۆکێ دیار کر، ئەم ب رژدی یێ کاردکەین بۆ ھندێ ھاریکاریێن دارایی پێشکێشی وان ئاوارەیێن ل سنوورێ پارێزگەھا دھۆکێ دا دژین تەرخان بکەین و بۆدجەیا سالا ٢٠١٩ مە بزاڤ کریە بەشەکێ پارەی بۆ ڤێ یەکێ تەرخان بکەین و ئەڤ یەکە ژی دێ فشارا ئاوارەیان ل سەر دھۆکێ کێمتر لێ کەت.
ئاشکرا ژی کریە کو ل نێزیکی دێ ڤی پرۆژەی ل گەل وەزارەتا کۆچ و کۆچبەرێن عیراقێ گەنگەشەکەین و ب رژدی کارکەین بۆ بجھئینانا ڤێ بریارێ.
نيشاندان
WP Facebook Auto Publish Powered By : XYZScripts.com